Ram a changkang telh telh a, mizote pawn kan dai zau tial tial bawk a. Tun tum chu khawnge, hman hman atang tawha ka puitlin hleihtheih loh, kan fate zirna lam atana inkaihhruaina lam hi i han chhuizau dawn teh reng ang. A bik takin nu leh pa, fate tana zirna tha leh chhenfakawm zawk ngaihtuaha rilru seng mekte tan liau liau he thuziak hi ka hlan e.
Mizorama sikul kan neihte hi Mizoram Board of School Education (MBSE) emaw Central Board of School Education (CBSE) emaw hnuaia awm an ni hlawm a. Heng board pahnihte hi chu kan hrechiang viau hlawm tawhin a lang a, chuvang chuan heng kan hriatsa piahlam ram, IGCSE kan tih mai leh IB kan tih maite hi i han thlurbing dawn teh ang.
International School kan tihte hi a hming chu kan hre zauh zauh hlawm tawhin ka ring a. Heng International School kan tihah te hian khawvel ram hrang hrangin a pawm, syllabus an zawm hlawm a. Naupangte kaihhruai dan leh zirtir dan a danglam bik em em a, hetiang syllabus zirchhuak fel tha ngat hi chu pawl zat inang rau rauvah, kan state board leh CBSE te nen phei chuan khaikhin chi rual an ni hauh lovang.
IGCSE chu eng nge ?
International General Certificate of Secondary Education(IGCSE) hi Cambridge Certificate of International Examination (CIE) hnuaia awm a ni a. Khawvela University tha ber pawla kan neih Cambridge University hnuaia awm a ni. IGCSE bik hi naupang kum 14-16 inkar tana ruahman a ni a. Pawl kua leh pawl sawm kan tih nen hian a inang vel a. Kum hnih course a ni. Sikul thenkhatah chuan pawl riat atangin an tan bawk. Subject areas nga a awm a, heng areas nga atang hian subject pakhat tal thlan a ngai a. Areas hrang hranga subject awm zawng zawngte belhkhawm hi 90 chuang lai a ni a. Duhthlan tur a tam hle a ni. Naupangin anmahni duhzawng leh tui zawng subject an thlang thei a, tin, sikul thenkhatah chuan, sikul lamin subject combination hi an siam sa bawk.
IGCSE syllabus hi a duh duh sikulin an zawm ve ngawt thei lova. Hemi syllabus zawm thei tur hian, sikul chu CIE-in an syllabus zirtir thei sikula an ngaih a nih a ngai a. Hemi tling phak tur hian sikul building mai bakah basketball court, football pitch, swimming pool, library, computer lab, dinning hall etc etc changtlung tawk tak neih a ngai a. Sikul naran tan a pawng a taka zawm ve ngawt hleihtheih a ni meuh lo. Zoram lamah phei chuan zawm theih tik ni kan nei ngut lo mai thei a ni.
IGCSE zirtirtu ni thei tur hian Cambridge International Examinations hnuaia Teachers’ Training chhuak ngei nih a ngai a. CBSE emaw State Board emaw, ICSE emaw-a zirtirtu lo ni reng tawh thin tan pawh zirtir ve ngawt theih a ni lo a ni.
IGCSE Certificate : IGCSE Final exam zawhna hi Cambridge, London atangin set vek a ni a. Tin, Answer papers zawng zawng chu sealed thlapin, Cambridge-ah thawn thlak a ni leh a. Cambridge-ah engkim endik vek a nih hnuin, result chu tarlan a ni ta a. Certifcate hi Cambridge atang vekin naupangte hian an dawng leh ta a ni.
IGCSE kum hnih an zir hnu hian naupangte hian duhthlan tur an nei ta a. IGCSE AS Level emaw A Level emaw zawm a nih loh vek pawhin IB (International Baccalaureate) zawm a ni a. Hei hi pawl sawm pakhat leh sawm pahnih kan tih ang chi hi a ni. Kum 16-18 tana buatsaih course an ni a. Kum hnih course a ni.
IB (International Baccalaureate) : He course hi khawvel ram hrang hrang 150 chuang teh meuhvin an zawm a. Pawl sawm pakhat leh sawm pahnih course-ah chuan khawvel pumpuiah a lar ber a, a tha bera ngaih a ni mek bawk a ni. A chunga kan tarlan tak ang hian kum hnih course a ni a. Pawl sawm pakhat leh sawm pahnih ang hi a ni. IB-ah hian Core Subject pathum a awm a. Heng core subject te hi naupangin an zir tel ngei ngei a ngai a. Chungte chu, Extended Essay, Theory of Knowledge leh CAS( Community Action Service) te an ni. Heng core subject bakah hian subject dangte chu chi nga (five areas)-ah then an ni a. Heng subject then nga atang hian subject khat tal naupangin a thlan ngei a ngai a ni.
Engvanga IGCSE leh IB te hi tha bik nge ?
A that bikna sawi vek dawn ila, kan thuziak hi a thui diah duah lutuk ang. Heng course te hian CBSE leh MBSE te ang lo takin, naupangte chu an ngaihtuahna seng thei turin a buatsaih a. Byheart system kan tih maia kal theih a ni lova, zirtirtu tan notes inpek theih lah a ni hek lo. Naupangte’n an ngaihtuahna an sen tak zet a ngai a. In byheart-tir vak vak a, exam hall-a luakchhuah leh ringawt ang kha thil theih pawh a ni lo a ni. Naupangte puitlina leh thiamna tak tak neih theih nan, tunah rih chuan heng course-te tluka tha hi khawvelah a awm kherin ka ring lo.
Tin, IB Course leh IGCSE Course te hi khawvela University tha ber ber Cambridge, Oxford, Yale, Harvard te mai bakah khawvela University zawng zawng deuh thaw hian an pawm avangin, direct-in heng university-te hi naupangin an zawm nghal thei a ni. CBSE, MBSE leh ICSE kan tih atang te-a heng University zawm tum ve ngawt hi chu mau tlawn hmanga van lawn tum ang deuhva khirh a ni tih kan hre theuhvin ka ring a. Kan fate hian University tha ber berah zir thei se kan ti takzet a nih chuan IGCSE leh IB Course te hi kan zirtir ngei a tha ngawtin ka hria.
IB zir zote tan hian University za chuang teh meuhvin scholarship an pe chhuak a. Naupangin IB-a point a hmuh san leh san loh azirin scholarship hi an pechhuak thin a. A thiam thei tan phei chuan University tha ber berah mahni sum leh pai sen ngai mang lovin a zawm theih a ni. IGCSE leh IB course zir man erawh hi a to deuh a. A to em em nachhan pawh, exam fee te, lehkhabu man te, registration man te a san mai bakah zirtirtute hlawh chena a san bik vang a ni.
Kan fate sikul kalna hian nakin hnu zelah an nunkhua a rel thui thei hle a ni tih hriain,kan fate sikul kaina mai bakah, an course lak tur thleng hian uluk takin i han thlang hlawm teh ang u. A hrechiang leh zual duh tan chuan heng websites kan tarlante hi tlawh ni ta sela : IGCSE leh IB
(Note : Rual awh a na si a, Mizoram lama chhuah atana ka ziah a ni a. Zozam Weekly-ah an chhuah tawh chuan ka hria..)
Similar Posts:
- Hna ruak
- Class XII Science Optional subject ah Agriculture
- Pawl hniam lam zirlai fail tir thin hi
- Sikul tha tehna kan mamawh
- High penalty for cheating in University Sports
:D
ka pw te...
November 13th, 2010 at 12:55 am
E khai a, hei chu; dawntisei hmathlir thui tak rilru pu a chhiar chi a nih hi. A tha, kan ramah hian education policy, curriculum, assessment etc etc hi mumal tak kan neih angai. Keini hun lai a, AKBAR was …., this is John, hei hi zawna a ni, tih ang vel deuh mai mai khan kan la kal tlat a ni.
GOOD.
[Report abuse]
November 13th, 2010 at 1:08 am
@2STATES, 2 ve mai la
[Report abuse]
November 13th, 2010 at 1:15 am
@ Rulchawmpa, post tha tak a ni e, saitual pa hian a fa te engtin tak luh tir ve ang mo,
Hemi tling phak tur hian sikul building mai bakah basketball court, football pitch, swimming pool, library, computer lab, dinning hall etc etc changtlung tawk tak neih a ngai a. Sikul naran tan a pawng a taka zawm ve ngawt hleihtheih a ni meuh lo. Zoram lamah phei chuan zawm theih tik ni kan nei ngut lo mai thei a ni.
Oi ka nu khovel tak hi chu o, ka fate lah hian engkim ti thei tur leh huai berah min ngai si…..hnuk a ulh,
[Report abuse]
November 13th, 2010 at 1:24 am
Curriculum te hi india rama zir zui duh leh entrance for professional courses pe duh tan tlemin kan ram nen a inmil lo deuh em aw ka ti. Zirna an kalpui dan erawh a tha khawp tih ka hria.
Tunah hi chuan mizoram hian ICSE curriculum ang zawk te hi pawlhniam lam atang hian tan ve ta sela, tun atanga kum sawm velah chuan a ziaawm ve deuh ngei ang. Amaherawh chu sorkar sikulah a har ang. State thenkhat a an tih ang hian state board hi neih tel mai te pawh a tha ang.
Tunah rih hi chuan kum hnih khat lekah syllabus an thlak kual a, a lerah an thuai hmawk hmawk a, foundation hi a that si loh chuan a tuartu chu zirlai bawk, zirtirtu te lahin syllabus pawh kan chiang lo te an ti vel mai mai bawk si.
Kan tu te ho hi chu Pathian zarah education standard thaah kan hlangkai ve tawh ang chu lo tih mek lai in kan ram kalphung hi zawng in khuarei duhaisam ah mai min chan leh si thin.
[Report abuse]
November 13th, 2010 at 1:49 am
A va bengvarthlak tehlul em! Post-tupa, i fate i luhtir mek em le?
[Report abuse]
November 13th, 2010 at 2:12 am
E..khai beng ava t var ve le…India ah hian hetiang std zirna hi om my thei a, mhse cambdg nena inthlun zomna tak2 eroh ala hla deu hml..hmanni paper k ciar atang cuan Yale Univ. ang chi top univ th v theih ho chi hi chuan kn ram zirna nena inthlunzom an inhawng v hle ni tur a ni.k lo hriat v dan cuan..rual awh a na khp my
[Report abuse]
November 13th, 2010 at 2:24 am
A beng var thlak hle mai. I thawhrimna ka fak e. Ka fate hi kal ve thei tak ng maw?
[Report abuse]
November 13th, 2010 at 2:52 am
Han chhiar zau chu ka tuma mase i site rawn dah ah hian ka lut thei lo tlat, ka chhiar zau hma in zawhna:
“Zoram lamah phei chuan zawm theih tik ni kan nei ngut lo mai thei a ni.”
(1) Mizoram mai niloin India ram state dang ah hian zawm an awm tawh em (IGCSE in India tih kha ka hre ve zuaih chauh a ni)
An awm chuan khawi state ah nge a awm 
“IGCSE leh IB course zir man erawh hi a to deuh a. A to em em nachhan pawh, exam fee te, lehkhabu man te, registration man te a san mai bakah zirtirtute hlawh chena a san bik vang a ni.”
(2) A zir man a to chuan zoram mipui hi rethei tamzawk kan nia kan va cho phak awm chuanglo ve! High school level atanga loan kan lak mai loh chuan. A luh dan leh senso te han sawi chiang la a thalo maw
[Report abuse]
November 13th, 2010 at 4:17 am
International school IB (cl-1 to cl-X) ah hian kum khat (2007-2008)assistant in ka thawk a. Kan awmna ramah hian pawisa hmuh nan/eizawn nan hrim hrim a school din hi phalh loh tawp a nih avangin kan khaw thenawmah hian mi thahnem ngai thenkhat in International school neih ve nan Kommune (local council) an nawrna zarah private ang lo vin local council hnuaiah school dang ang bawk a din a ni.Senso zawng zawng leh zirtirtu hlawh pawh local council tum vek a nih avangin zirtirtute pawhin school dang zirtirtute aiin an hlawh a sang chuang lo.
Ka thawhna school hi kommune hnuaiah awm mahse IB hming pu tur chuan IB dan strick tak hi zawm a ngai tho si a, a buaithlak khawp mai. IB headquarter kha Geneva-ah a awm ta em? Tlawhtu/school endiktu te kha Geneva atang a lo kal an ni ngei mai a.. Engpawhnise school hi eng ang a tê pawh ni se IB school hming pu tur chuan tawng chi hrang hrang zirtirtu, music zirtirtu etc, darkar engzatnge karkhatah sport lam a tan a hman tur..etc..etc a tam khawp a, kommune tan pawh pawisa senna lian tak a nih phah a, politician thenkhat phei chuan khar an duh reng a, mahse lehlam in theih tawp chhuah in an nawr a, tunah chuan school lian zawk neiin an dingnghet ta hram.
Naupangte hi an ngaihdan leh an hmuh dan kan sawi tir a, an tui zawng ang chi hrang hrang te homework ang a pe in presentation kan neih tir a, presentation tha tak nei tur chuan an thil sawi tur kha an hriat hneh a ngai a, zir nasa tur in hrilh lo mah ila anmahniin information chi hrang hrang an dap chhuak a, an mawhphurhah a tlak tawh avangin an tui a, an tui avangin thil an zir teuh teuh zel.
Ka fate kal tir ve ka rilruk tehreng nen kan veng kommune in hmun hran kommune-ah naupang kal tir a phal tlat lo mai si a, a pawi khawp mai
Welfare state diktak ramah hi chuan mi lian leh mite hi an danglam lo khawp a, mi reng reng hian thiambik, thiltithei bik, hausa bik nih te hi tumna leh chakna an nei lo tlangpui a, naupang nun hlim tak leh zalen tak a an awm kha a pawimawh hmasa ber a, mi tam zawk hian local school tha pangngai awm reng a International school a fate kal tir vel kha a tulna an hre tlat lo. Hetiang a school tha, sum sen ngai bawk si lo (Kommune in a pe ka tih kha) a thawn theihna chance te hi chu India, USA, England etc angah te hian awm ve se mi in an han bawh nasat dawn luaih luaih nen 
Tunah hian refugee in emaw, engvang pawh in he khuaah hian lo pem ta la, he khua kommune chhung a i awm chhung chuan he school tha takah hian i duh phawt chuan man chawi miah lo vin i fate i kal tir thei tihna a nih chu. Man chawi lo tih vang hian zirna a hniam turah ngai lo la, zirtirtu te hi english, americans etc. khawvel hmun hrang hrang a IB school a lo thawk nual tawh an ni vek a, zirtirtu namai lo tak an ni. Cl-V1 zirtirtu Cambridge chhuak pa phei chu naupang a zirtir dan leh a che vel reng reng hi hmuhnawm a tling. He school a reilote ka va thawh atang hian zirtirtu thiam tak tak lo ropui zia hi ka hmu chiang khawp mai.
[Report abuse]
November 13th, 2010 at 4:23 am
“Hetiang a school tha, sum sen ngai bawk si lo (Kommune in a pe ka tih kha) a thawn theihna chance te hi chu India, USA, England etc angah te hian awm ve se mi in an han bawh nasat dawn luaih luaih nen”
Helam sikul nen i sawi hmangah khi chuan danglamna tur ka hre lemlo mange!!
[Report abuse]
November 13th, 2010 at 4:29 am
International School-ah hian ka fanu te pahnih kum thum zet an kal ve ta a, nu leh pa te min involve nasa bawk a tlem a zawng ka hre ve. Fees a to a,sawrkar/employers te’n min tum sak loh chuan kei ni ang duang tan fa te dah rual a ni lo. Naupang an enkawl dan a danglam hle, ti mai ang. An project ( Extended Essay or TOK) te chu nu leh pa te tan pawh lu haina tham fe a ni zel.
IB link khi chu hetah zawk hian
https://www.ibo.org/general/who.cfm
[Report abuse]
November 13th, 2010 at 5:12 am
@HV! “Helam sikul nen i sawi hmangah khi chuan danglamna tur ka hre lemlo mange!!”
Khalam school nen (IB a nih loh chuan) a danglamna tur i hre lem lo a nih chuan hengte hi lo ngaihtuah mai mai la.
1.Engvanginnge IB school hming put a har em em? 2.Engvanginnge IB school kal man to chung chung a miin an fa te an kal tir?
3Engvanginnge IB school chhuak ten khawvel university tha ber ber te direct a an zawm nghal theih?
IB zirtirna kalphung hrim hrim hi in veng school emaw, kan veng school nen pawh a in zulzui khawp chuan ka ring, naupang enkawl dan, inzirtirna kal phung etc. Mahse kalphung in ang theuh theuhah a in an lohna chu zirtirna QUALITY lam a ni zawk.
@ Lemonvale! I van vannei bik
[Report abuse]
November 13th, 2010 at 5:23 am
Obs! Kan veng IB school homepage ka lut a…India-ah chuan IB international school a lo awm ve ngei e..in fate kal tir duh tan
“…..Sharma is our new MYP Coordinator who also teaches MYP Humanities, Language A and Study Skills. In her 12 years of teaching experience, she has taught in pre-school, middle school, high school and college levels. She has a bachelor’s degree in Psychology from the University of the Philippines, a master’s degree in teaching, masters units in Educational Psychology and Psychology as well as a professional teaching license. She came to us from an IB international school in South India where she was the MYP Coordinator and an MYP and DP teacher as well.
She currently lives with her Indian husband and daughter in ….
He letter dawng thei tur hian an thawk rim ve khawp mai…
The wonderful news came this morning in a form of a letter accompanied by a certificate that authorizes ….to offer PYP. The letter, signed by the IB Director General, Jeffrey R. Beard, among others states:
“I am pleased to inform you that your school has been authorized to teach the International Baccalaureate Primary Years Programme starting with immediate effect. May I take this opportunity to congratulate you on this significant accomplishment and welcome you to our growing IB community.”
“We look forward to working with you in the future and, again, warmly welcome you to the IB community”
[Report abuse]
November 13th, 2010 at 6:03 am
A va tha em em ve le aw….
[Report abuse]
November 13th, 2010 at 6:53 am
va bengvarthlak teh rawih ve aw…
[Report abuse]
November 13th, 2010 at 7:48 am
MBSE hi ka hre chiang vak lo, a awm hmaa Matriculation ti hman kan nih vang emaw ni? Zirtirtu nih lem loh vang pawh a ni mah na, CBSE erawh hi chu kan rawlthar chhoh lai atanga kan zawh-chhoh a ni a; mahse, han sawi-rawtui tur khawpin helam hi ka hrut thuk vak lo! Hul leh phuk mai teh ang!
[Report abuse]
November 13th, 2010 at 8:15 am
Hetiang sikula kal thin ka hriat te inzir puitling an vang rapthlak. Vaiho zingah pawh sumdawng neinung chin leh an zir zawh a mahni sumdawnna enkawl nghal thei anni tlangpui zel.
[Report abuse]
November 13th, 2010 at 8:32 am
MBSE hi Meghalaya Board of School Education abbrv. ah an hmang ve tho. Mahse Shillongah a awm lo a, Tura ah a awm daih.
“IB Course leh IGCSE Course te hi khawvela University tha ber ber Cambridge, Oxford, Yale, Harvard te mai bakah khawvela University zawng zawng deuh thaw hian an pawm….” tih hi. TOEFL leh GRE test a tul tawh lo tihna em ni?
[Report abuse]
November 13th, 2010 at 8:46 am
elcee: Sikul hi ka la chiang lemlo, ka fanu te luh phakve na chin leh ka kal mek na bak hi mahse heng te hi an nih hmel kan awmna state ah chuan:
https://www.ibmidatlantic.org/MD.html
[Report abuse]
November 13th, 2010 at 8:49 am
Tukin chu kan tho tlai leh raih mai. Meeting attend a ngai bawk nen, nakinah muang marin in zawhnate hi kan chhang dawn nia. @Zero, Meghalaya ho chuan MBOSE an nei emaw ka lo tia..Shillong kan awm lai khan MBOSE an tiin ka van hre em? Ka hriatsual em ni aw..?
[Report abuse]
November 13th, 2010 at 9:23 am
A va bengvar thlak thin ve le.
[Report abuse]
November 13th, 2010 at 9:28 am
No.18 (ZerO). IB programem zo tan chuan TOEFL leh GRE tih vel a ngai lo. India ramah hian IB programem nei school tam ber hi Pune/Mumbai leh South India lamah ani a.Delhi ah chuan 2 chauh. Eastern India (Kolkata tiamin) lamah a awm ve lo niin a lang.
[Report abuse]
November 13th, 2010 at 9:31 am
kei pawh ka lo hriat dan mai mai chuan Bakthak ho chuan MBOSE an ti in ka hria.
…khrum
[Report abuse]
November 13th, 2010 at 9:33 am
India ramah a la awm tam loh chuan, considering all possibilities and probabilities in kan ram tan a la tha tawk lovin a la tul tawk lo a ni ngei ang.
…khrum
[Report abuse]
November 13th, 2010 at 9:38 am
Information tam tak khi misleading in ka hria. A bikin America ram University a lut turin SAT emaw ACT emaw an test an ngai hrim hrim , eng anga result tha IB / Cmabridge etc a nei pawh ni se.
IB leh Mizoram Board hnuaia HSSLC kha a level a in ang reng, a danglamna erawh chu a Quality, breadth and depth ani mai. Harvard/Yale ah lut dawn se IB pass emaw HSSLC pass emaw khan undergraduate a tan SAT 1 leh SAT 2 (or ACT) an pass angai hrim hrim.
SAT test result in ang rau rau ah IB hnuaia pass chu HSSLC ai chuan an thlang zawk ang, mahse SAT test a score that fe zawk chuan IB nei ai chuan HSSLC lehkha them chhete nei kha an thlang zawk ang.
[Report abuse]
November 13th, 2010 at 10:10 am
Post bengvarthlak a ni e. MBSE ngawt ai chuan CBSE pawh kha (k)an indahsang ve deuh ngei a lawm..
Tin, All india ah pawh hian State board ngawt ai chuan CBSE board atanga Cl-XII zirchhuak hi chu an ngaisang deuh. Tin, CBSE-a 85% chin kha chu thiam pawh an lo thiam khawp mai…classmate hluite atang pawhin a hriat khawp mai.
CBSE ka tih chu a syllabus ringawt zir ve ni lo, exam leh mark checking kengkawh tel…..
[Report abuse]
November 13th, 2010 at 10:23 am
Thu bengvarthlak tak a va ni em! Amaherawhchu, fee a to em em na hian keini ang duang tan chuan vana rah ang mai a ni. Mizoram mipui tam berin kan phak chinah hian engti hawi zawngin nge zirna hi kalpui ila tha ang?tih kan ngaihtuah a pawimawh. IGCSE, IB te hi sel rual lohva tha chungchuang a ni. A tlin kan awm a nih chuan bawhzui ngei chi a ni.
Hetih lai hian IB, IGCSE anih loh avang hian kan fate zirna hi kan hnualsuat tur a ni chuang lo. Tunah phei chuan zirtirtu tam zawkte hian anmahni-ah inelna rilru puin theihtawpin an thawk hlawm a, curriculum chu thu hran nise zirna ngawr ngawr piah lama naupang develop na turin nasa takin hma pawh kan sawn a ni.
Kan ban phak maiah chuan ICSE hi a tha ka ti a, foreign lama zir zawmtir hlei thei lo turte tan phei chu Hamaradesh kalphunga NO.1 a ni hial lo’ng maw. CCE an hman avang hian naupang chu kawng hrangin teh an ni a, exam-naa tih that tawk ni lovin Continous Comprehensive Evaluation hman anih avangin naupang an inthlahdah thei lova, nitin hmasawnna neih a tulzia hria-in thahnem an nai thei hle. Rote learning-in hetah hi chuan hmun a chang lo khawp mai.
[Report abuse]
November 13th, 2010 at 10:24 am
Meghalaya chuan MBOSE..a O lai ZerO khan a rawn hmaih palh a niang. Tunah hian International Schoola zir pahnih ka kawl, hautak lutuk tih piah lam. India hi zirna lamah a that zia ka hmu tulh2..
Mizoram pawh hi a chhia ka ti lemlo, kan ram dinhmunin a zirlo a, facilities etc, kan nei thalo tih mai a ni e.
#25 Aryan sawi khi a dikna chen a awm.
[Report abuse]
November 13th, 2010 at 10:49 am
ICSE leh CBSE ah hian a khawi hi nge fa te zirna atan tha zawk ang le? A hria chuan khawngaihtakin han sawi zau deuh teh u.
[Report abuse]
November 13th, 2010 at 10:59 am
A ho.
[Report abuse]
November 13th, 2010 at 11:09 am
Bengvarthalak hle mai…amaherawhchu a hautak hmel lutuk a mizote chuan kan tlin vak ka ring lem lo…
Information tha tak ani tih bak sawi zui tur ka hre lo….
[Report abuse]
November 13th, 2010 at 11:11 am
Hetiang sikul hi em ni in sawi chu?
https://www.kis.in/index.html
Ka hriat sual loh chuan nikum khan KIS ah hian Mizo zirlai 3 an awm. Tunah an la awm leh awm loh chu ka hrelo.
[Report abuse]
November 13th, 2010 at 12:25 pm
Asteric hi chhang phawt ang:
IGCSE school hi chu a tam tawh khawp mai. Khawpui lian deuh hovah hi chuan a awm fur tawh a. North Eastern Sates-ah erawh a la awm lo a ni.
A luh man hi a to khawp mai. A tlawm pawlah pawl hniam ber atanga lian ber thleng pawhin 3.5 lakhs per year vel a ni.
Tuna ka thawhna-ah hian 3.75 vel a ni a. Ka thawhna hmasa Canadian International School, Bangalore-ah khan 7 lakhs vel a ni thin. A sang leh hret tawhin ka ring.
[Report abuse]
November 13th, 2010 at 12:37 pm
Aryan, IB zirchhuak tan hian SAT, TOEFL etc exam chu a ngai teh meuh mai. Mahse, IB chhuak hetianga tling lo ka la hre lo. Keichu zirtirtu naupangte mai ka la nia, International School-ah kum li chuang awrh chauh ka la thawk a, ka hre tlem deuh pawh a ni mai thei. Mahse, IB emaw IGCSE A&AS Level zo tan eng entrance SAT, TOEFL etc te chu ‘te lek lek’ a ni mai. SAT vel i ngaih turu hmel riau mai.
Tin, MBSE atanga XII zo leh IB Graduate an inang reng i ti a. Eng nge i tan chhan le? MBSE atangin 12 ka zova, hei tunah International School-ah zirtirtu ka ni chho ta a..a inthlauhzia chu ka hrechiang ve hlein ka hria.
[Report abuse]
November 13th, 2010 at 12:40 pm
zawhna lawks
Kan nau pakhat hi nakum ah pawl 8 a zir ve tawh dawna, St.Paul’s a test tir ve ka duh deuha, form lak hun vel te in hre mial lo maw? pawl 8 hi middle ah an beh tir dawn tih emaw thawm tekha a awm deuhin ka hria a.!! chung techuan a khawih buai thei angem??
[Report abuse]
November 13th, 2010 at 12:44 pm
@caribou, CBSE leh ICSE chungchangah hian a tha zawk han tih fak tur a vang hlein ka hria.
CBSE-a kan buaina ber hi chu Syllabus CBSE Board-in a siam hi, Lehkhabu pakhat inzirtir tluk tluk lamah kan kalpui hmak zel a. Kan lehkhabute lah, mi pahnih khat ziah mai a lo nih ve thin si avangin, saptawngah ngat phei chuan duhai a sam lo thin hle. Zirlaite hi Computer ang maiin ka treat a, knowledge tak tak zirtir lovin information kan pe teuh teuh ni maiah ka ngai. Sawitur a tam khawp mai.
Eng course pawh naupang zirtir ila, zirtir dan phung (teaching strategy & Philosophy) a zirin course tha tak leh chhenfakawm a ni thei. Zirtirtute-ah a innghat lian hlein ka hria.
[Report abuse]
November 13th, 2010 at 1:32 pm
coolsoul09: MBSE (higher chin ah) leh CBSE techuan NCERT lehkhabu an hmang ani lawmi? NCERT lehkhabu hi a nep vaklo ania, an chairperson/chairman te leh chief advisor te pheichu India rama professor tha anni vek hlawm.
Zirtirtu in a zirtir dan hi a pawimawh khawpmai.
[Report abuse]
November 13th, 2010 at 1:55 pm
#37 funny..”Zirtirtu in a zirtir dan hi a pawimawh khawp mai”
-dik lutuk.
[Report abuse]
November 13th, 2010 at 2:54 pm
@Funny, Professor pachal ai chuan School Teacher ngei hian lehkhabu hi ziak hlawm se a tha zawk fein ka ring. College leh University-a an zirtirdan leh sikula kan zirtir dan hi a dang em mai..Naupang (children) mamawh tawk leh a enkawl dan hi chu school teacher hian an thiam zawkah ka ngai.
[Report abuse]
November 13th, 2010 at 3:23 pm
the only problem with all these IB, IGCSE, even ISC is that they are way too far away from our social realities(Mizo, Indian).Brilliant as they may be and approved by the great universities of the world, i think it’s important to choose for your children according to where you’d want him/her later on in life. IB schools are great if you want to send them abroad, but if they are going to continue in Indian Universities, i feel CBSE is the best really. I did ISC which is quite closer to Indian reality than IGCSE and IB,but i feel that it is still stuck in the times of British Raj and the curricula is quite removed from modern Indian experience as compared to CBSE.Then, part of you think that maybe it will be useful if you continue your studies in Britain, well not so much, except that ISCs are approved as A levels in the UK and other commonwealth nations, hence bridging courses aren’t required.I think it’s worth remembering that we choose wisely so that our children will be well equipped for the future, be it IB, IGCSE,ISC,CBSE,MBSE. Too far removed a curricula from lived experience can never be healthy for the development of a child.Thanks
[Report abuse]
November 13th, 2010 at 5:51 pm
International School-ah chuan Tribal quota kan va nei thei awm love, ST reservation tih vel te?
Bengvar thlak hle mai, a thei fa tan chuan state dangah zuk zawm te pawh a that dawn khi le, Mizoramah erawh a sang em a, kan phak lo ani kan la tih rih mai a ngaih hmel e. 
[Report abuse]
November 13th, 2010 at 6:44 pm
FYI : IGCSE leh IB course te hi India ram pawna zir tum lem lo tan chuan a tul lo. Sum a hautak thlawn a ni. Ka tarlan hmaih a ni hei hi. Mahse, ram pawna zirzawm tum tan chuan ngaihven a tha khawp mai.
[Report abuse]
November 13th, 2010 at 7:44 pm
Kan fate chu eng school ah pawh kal se la a pawimawh ber chu in lam lo enkawltu nu leh pate, an hun tam zawk hmanpuitute hi an ni mai dawn lawm ni? ka lo ti ve mai mai a.
ka fa upaber chuan tunah hian KVS Central school ah class II a zir ve mek.
[Report abuse]
November 13th, 2010 at 8:36 pm
coolsoul09: chutiangin professor pachal chuan school zirlaibu chu ziak truk truk love… Anlo endik hnu a advice anlo pek ringawt pawh hi a tangkai hle zawk ani.
Hetiang nilo se IAS inbuatsaih zawng zawng tih theih hian NCERT lehkhabu hi an chhiar lovang. A rin tlak hle tih a lang reng. 
[Report abuse]
November 14th, 2010 at 11:55 am
National Curriculum Framework 2005 te, Mizoram Education Reforms Commission Report te hi chhiar ila kan rama zirna kalpui dan tur tha chu a lang tha khawp mai. A pawimawh zawk erawh chu zirtirtu, zirlai leh nu leh pa ten zirna hmasawnna tura tan kan lak tak tak hi a ngai a ni. Sawi dawn chuan a tam khawp mai, tih tur kan la ngah lehzual. Heng international school leh zirna tha an kalpui ho ah hian constructivism an uar hle a, chu chu NCF 2005 leh ERCM te pawhin an tum pakhat niin a lang, chuta tanga kan hriat leh zawm atana tha pakhat chu, specialist in teaching/subject matter ni ringawt tawh lovin specialist in human beings/pupils zirtirtu kan neih a kan nih a ngai
[Report abuse]