SYNOD OFFICE THAR HLANNAA
SYNOD MODERATOR REV. C. CHAWNGLIANA THUSAWI
(Sam 126:3; Sam 29:1-2; Sam 115:1)
Hlanna : He Synod Office Building thar hi Kohhranhote hmasawnna tura hnathawhna hmunpui ni turte, Pathian ram zauna tur leh Kohhran insawhnghehna atana rawngbawlna hmun ni turte, ringtu nun ze dik tak lantirna hmun leh, kohhranho Rorelna hmun ni turin Pathian hnenah kan hlan e.
THUCHAH:Synod Office ropui tak mai kohhranhoin kan lo hawng thei ta hi kan kohhran chanchinah hriatreng tur leh chhinchhiah tur pawimawh tak a ni dawn a. He hun hlu tak hmang theia kan awm hi kan vannei hle a ni tih i hria ang u. Moderator-te zinga mi chak lo berin Synod Office ropui tak ka hawng hi mimal ang pawhin vannei ka inti a, ka lawm takzet a, kohhranho duhsakna avang leh Pathian khawngaihna avang chauha he hun pawimawh tak hi hmang thei ka ni tih ka inhria a, kohhran leh Pathian chungah lawmthu ka sawi mawlh mawlh a ni.
Synod Office sak that tur Synod Executive Committee-a ngaihtuah a nih lai khan Architect buatsaih a drawing kha kan en a, tunlaia building design hrang hrangte atanga tehin mawi tawk lo deuh dawnin Committee member-te khan an hre deuh niin ka hria a. Mahse lungrual takin pawm a ni ta a.
Engemaw chen sak a nih hnuah pawh khan mi tam takin an la hmu mawi thiam loin ka hria. Mahse sak zawh a han nih takah hian a building zahawmzia leh Kohhran Office atana a inhmehzia a lo lang chiang ta hle mai a. Hei hian mit a titlai mai nilovin thinlung a tihlim ru em em a. Hetiang tak duang chhuak thei Architect kan nei hi a lawmawm a, kohhran kan vannei hle a ni.
Vawiinah hian fel fai taka engkim sak zawh hman kan duh em em a. Mahse Pathianin kan chapo theih loh nana min ruahman sak a ni mai thei e. Ground floor atanga a chhawng rukna thlenga lift-a inkhai chhohna tur peih hman a ni ta lova. A hmanrua a thleng hma hle a, pawisa pawh a awm a, a thawktute an remchang thei tlat lo mai a ni. Rilru lo ruahmannaah chuan vawiina lo kalte hi a chhuk zawng leh a chho zawngin kan tawlh sup sup anga, a hlimawm dawn mange kan ti a, mahse a remchang ta lo a ni. Tin, Office kawt, tuna kan awmna lai hi Black top hman vek tum a ni a, pawisa pawh a awm a, kan control theih loh ruahtui a tla rei a, World Bank lam leh PWD lam pawhin an thawk hman ta ngang lo a ni. Mahse a neitu vek kan ni a, hrethiam turin kan beisei che u a ni. Khawvelah kan la awm a, famkim lo lai a la awm thei a ni e.
Vawiina Synod Office hawn programme rawn hmangtute zawng zawng leh Zoram chhung leh pawna Presbyterian kohhran zawng zawngte hnenah thu pakhat chah duh ka nei a, ka ngen nghal bawk che u a ni.
He Synod Office lam hawi hian a tam thei ang ber i tawngtai ang u. A chhunga thawktu zawng zawngten Pathian rawngbawlhna thianghlim an thawk a ni tih an inhriat reng a, an hna zawng zawngah Pathian ropuina tur chauha an thawh vek theihna turin. A Building ropuina aia Pathian ropuina a thlirtu apiangten an hmuh theih nan. Presbyterian Kohhran mai ni lova, Mizorama Kohhran dang zawng zawngte pawhin malsawmna an lo dawn phah hialna turin he building leh a chhunga thawktute tan i tawngtai fan fan ang u.
SYNOD OFFICE THAR HLANNAA SENIOR EXECUTIVE SECRETARY REV. VANLALZUATA THUSAWI
Pathian ropuina chauh vawiinah hian lang sela. Synod hi a ropui mange aw! ti lovin, kan Lalpa Pathian hi a va ropui em!, tih thu hi hawn tum ila. World Trade Centre leh Pentagon Buildings sut chhiat a nih tum khan September 14, 2003 khan a sunna ni an hmang a. Kha mi tum khan Billy Graham-a chuan, “America hi kan lo ropui tawh lutuk a niang, kan lo chapo tawh a ni lo maw? Thupha chawiin Pathian hmaah bawkkhupin i inhlan ang u, he kan Centre lian tak mai hi lo chim mah sela, kan Foundation, kan innghahna Pathian thu erawh a la chim lo”, a ti a.
Chutiang deuh chuan kan Synod hi pawn lamah ropui takin, building tha takte kan nei hi kan lawmna ber a ni lo va,. Pathianin chutiang ti thei tura hruaitute, mipuite tawngtaina, tlaivar thak thak khawpa inpete min pek vang a ni. Hla phuahtuin “Ropuia a lan hun apiangah keini kan lang ve a ni” a tih ang khan kan hmaah Isua ropuiin a lo lang tawh a, chu chu Synod hian kan zui mai a ni tih kha hria ila. Tun hma 1899, June thlaah Khuma leh Kharan baptisma an chang a. An pahnih chauhin an inkhawm a. Khuman thu a sawi a, Kharan a en reng a. Khuma kha a zak ta deuh ani ang, “Khara thusawitu an en reng ngai lo”, a ti e, an ti a.Khatianga bul tan khan vawiinah chuan a sang tel kan kal khawm ta a.
Tin, kan chanchin hluiah chuan, Office leh Pastor-te hlawh tur kha Upa Rosema, Mission Veng-in a kawl thin a, a inah khan an la mai thin a ni awm e. Tah chuan Pastor Vanchhunga a hel ta a, “Kan hlawh lakna hi ka duh tawh lo, Pu Rosema sumhmunah kan tla hawlh thawih thawih mai a, hetiang chuan a tha lo”, a ti a. Pu Zosaphluia kha an kawltir ta a,. tih vel te kha a ni a . Chung chu ngaihtuah letin vawiinah hian heti tak maia Lalpan kan ram leh kan Synod mal min sawm avang hian rilruin, alangin tawngtai mawlh mawlh ila. Kohhranhote pawhin zing tawngtaiah te hemi avang hian lawmthu i sawi ang u.
Similar Posts:
- Synod Building Thar hi…
- Synod Office Building thiah a ni
- Synod-in CYMA nuai khat pe
- Buhfai Tham Centenary
- Mizorama Chanchin Tha thlenna Ni..Dt.15.Mar.1891?
November 16th, 2010 at 6:21 pm
an hong ta a ni maw!
[Report abuse]
November 16th, 2010 at 6:21 pm
Dawt sawi miah lo chuan a building design hi mawi ka ti lo.
[Report abuse]
November 16th, 2010 at 6:28 pm
Kan synod office an sa zo thei ta hi a bul ber chu LALPA kan Pathian a ni Lalpa Ropui ber rawh se
[Report abuse]
November 16th, 2010 at 6:29 pm
Hmmm…a to ngawt mai.Thlaraubo zawn hmuhna tur building a nih ka beisei.
[Report abuse]
November 16th, 2010 at 6:41 pm
Moderator hi a tha zek a,Rev.Zosangliana hi ka hriat chian a ni bawk :intithei:
[Report abuse]
November 16th, 2010 at 6:46 pm
Synod tih leh kohhran tih hi duh duh hunah a hman thlakthleng theih a mi? Ka va hrethiam lo ve…
[Report abuse]
November 16th, 2010 at 6:54 pm
@Tetea, Kohhran tih hi chu denomination zawng zawng (The Salvation Army tiam lovin) sawi nan a hman theih a, kohhran an ni vek. Synod hi chu Mizoram Presbyterian Kohhran inkhawmpui lian ber hming a ni a, inkhawmpui hming hian kohhran hi kan sawi fo thrin a, kan hrethiam tho a nih hi.
[Report abuse]
November 16th, 2010 at 7:23 pm
Thiante u…. In lo dam maw?????????
Ka BB a chhiat avangin ka rawn leng lut thei lova, tunah pawh a la chhe thova, thenawmte BB atangin ka rawn lut zuai a ni.
Post tupa min lo ngaidam lawk rawh ka khua a har em a ni e. Chuvangin ka lo OT a nih pawhin ngaidam lawks…… Ka Mizual thiante ka ngai hlawn em che u a ni e……..
Tunah pawh ka BB ala tha chuang lova,,
Tin, SIHAL kha i awm chuan chanchin rawn hrilh che ka duh lutuk…..
[Report abuse]
November 16th, 2010 at 7:37 pm
@As_Khiangte, ka hrethiam e. Ni e, Presbyterian Kohhran sawi nan hian Synod hi kan ti ta fova, synod tih te chu Roman Catholic te, Baptist te paw’n an nei ve thin tho sia ka’n ti deuh mawle…
[Report abuse]
November 16th, 2010 at 7:38 pm
A building hi pawn lama a lan dan maiah chuan mawi chu ka ti em2 lo na a, a ropui khawp mai. Mahse a building pawh peihfel a nih hma a hawn kher hian tu te emaw sawrkar tih dan min hriat chhuah tir deuh. Thla hnih khat lek han nghak leh sela, engkim peih fel diam a luah mai awm ka ti deuh.
[Report abuse]
November 16th, 2010 at 7:40 pm
A lawmawm e. A ropui khawp mai. A chhawng chung lam phei chu kan chhoh en vah mai alawm le..!
[Report abuse]
November 16th, 2010 at 7:48 pm
Luka 12:15
tin, an hnenah, fimkhur ula, awhna reng reng lakah chuan inveng rawh u, sum ngah hi mihring dam chhan a ni lo ve , a ti a.
[Report abuse]
November 16th, 2010 at 7:50 pm
Moderator leh Sr.Executive Secretary te thusawi khi a ropui ka ti takzet. Pathian ropuina chu he Building ropui tak hian pho chhuak zel mawlh rawh se.
[Report abuse]
November 16th, 2010 at 7:50 pm
Tluangtaka sak zawh theih a ni hi a lawmawm ngawt mai
[Report abuse]
November 16th, 2010 at 8:00 pm
Tluangtakin, engmah sawisel na awm lo in an sa puitlin thei a, a lawmawm ngawt mai.
[Report abuse]
November 16th, 2010 at 8:12 pm
an sum sen kha a tlem lem lo khawp mai..a lo va hausa ve aw..
[Report abuse]
November 16th, 2010 at 11:01 pm
Ka va han hul tak em.
[Report abuse]
November 16th, 2010 at 11:40 pm
Kan moderator thusawi dan kalhmang chu leh!!!!!!!!!!!!!
Pu Vanlalzuata thusawi erawh chuan ka lung a dum e.
[Report abuse]
November 16th, 2010 at 11:50 pm
world bank leh PWD in a kawt an black top hman lo..hehe!
Mecca style deuh a a lam hawi a tawngtai..hehe..
Pui vet vet..
[Report abuse]
November 17th, 2010 at 2:34 am
moderator chuan ’sum a awm’ tih chu a va sawi zing ve
Rev. Vanlalzuata hi ka mi ngaihsan a ni.
[Report abuse]
November 17th, 2010 at 2:57 am
evergreen: Kan synod hruaitute hi Rev.Vanlalzuata ang vek hi nita sela sawisel natur ka hrelo ang. Isua pawh kha tunlai khawvelah hian rawn piang ta sela Rev.Vanlalzuata ang hian ka appreciate angem aw…!!!(Isua ani tih ka hre lawk awm silova…)
Heti chung hian thiante nen Synod chungchang debate kan neih chuan Synod tranlo lam zawngah ka trang ziah, “tenawmna” hi an nei ve a…! hehehe
Ka compare na lam nilovin tunlai khawvelah mi dik leh fel hi appreciate an har zia leh an diklohna hmuh a awl zia ka sawi tumna ah minlo ngaih sak ula. Isua meuh pawh kha a hunlai khan mipui tam zawkin an millo a, tunlai khawvelah ngat pheichuan millo tu a ngah hle in a rinawm. (Isua ani tih hre dawn heklo.) Rev.Vanlalzuata erawh hi chu sawisel natur a tlem khawpmai, a aw hi tlemin a no (english a lam no lutuk emaw ni dawn ni. hehehe) tih mai loh chu.
Tirhkoh Paula ang deuh thaw alawm le, amah a fing in a in chhiar zau bawka… hehehe
[Report abuse]
November 17th, 2010 at 3:14 am
Amaherawhchu, Rev.Vanlalzuata te leh mi tha dangte avang hian Synod hi a thianghlim chuang hauhlo.
[Report abuse]
November 17th, 2010 at 8:15 am
Kan Pathian hi a ropui em mai a, Kohhran Office pawh ropui tak a sak hi a awm ve tho in ka hria.
Moderator leh Sr.Excutive Secretary thusawi chu a tawi fel tha dun khawp mai.Pathian rawngbawltute hi chu Thlarau hian a thuam em mai a, mihring chaklo ve tak mah nise an mualpho bik lo ve!!
[Report abuse]
November 17th, 2010 at 4:10 pm
“He Synod Office Building thar hi Kohhranhote hmasawnna….”
Kohhranhote kan tih hian mupui kan kawh tir ta ber in a lang, Isuan kohhran a tihnen khan chuan a danglam deuh awm e. Rev. Zairema a ziak sunde sikul(Puitling) a zir thinah khan chuan kohhran chu 1 ang a zir thin kha a ni si a. Kohhran mipuite tiin hmang thin ila a that zawk ka van ring e, kei misual hian
[Report abuse]
November 17th, 2010 at 5:47 pm
nagaihnawm khop mai a ziaktu ph hmel tha
a fel bok si
[Report abuse]