Lehkha thiam thei, chhiarkawp leh science thiam niin entrance test-ah in inziak tling a. Mipui sumin India rama damdawi zirna thaah MBBS in han zir a. In zir zawh hmaa chawlh hmanga in lo haw pawhin in kawng kal ke pen dan thlengin rawlthar rualin an entawn che u a. Tleirawl zingah mitngo rang hmuh ngam che u an awm lo a. Nula senior leh nuthlawi meuh pawhin an melh no thin che u a sin… In va awhawm tak em!
In zir zawhah hna zawn buai ngai hauh lovin hna zahawm Doctor hna thawkin mipui rawng in han bawl a. Hming bula Dr. nen itawm tham in hlawh a hnu hmanah sorkar hnathawk dang ban phak ve loh mipui sum atangin sorkarin non practicing allowance a pe che u a. Vanneihna dabawl hmu chu nangni hi in lo ni e!
NPA la chunga private clinic in hawn te hi mipui tan malsawmna a ni a. In private clinic-a hna in thawh avanga office in tlai pawhin mipui rawngbawl vanga tlai in nih avangin sel a hnekin kan infak siak chiam chiam che u a sin!
Hna in ngah em avangin, kan rawn inentir che u tuma kan natna kan sawi zawh hma hmaa damdawi lei tur ziak zo vek a, “Ni … chhunga i dampui loh chuan i lo kal leh dawn nia,” tia tawngkam thaa min thlah a, in dawr chuam min kawhhmuha kan lawm thin dan zia hi hrethiam thei tak ang che u maw!
Dawr in hawn lahin a baa dil che u chu sawi loh, neih thinglung khawngin kan dawr che u a. Pawisa nawi kir aia kan mamawh bak Vitamin C min kir pawhin lawm takin fate tan kan hawn tawk tawk a. Police in an man te an ruih leh ruih loh certify theitu awm chhun in ni a. Corruption case avanga man hlau te damlo anga ziak theitu in ni a. Medical reimbursement kan bill theih nana in hming sign pawimawh zia te hi kan theihnghilh tawh lo ang a. Ropui takin kan hre reng ang che u.
Kan tan te, mipui tan te, kan fa te tan tea in thiamna in hman hi a ropui a. Engtinnge kan rulh let theih ang che u?
Aw… Doctor te u, he Zoram-ah hian in eng a va thawl tak em!
Similar Posts:
- Doctor-ten min rawk em?
- Doctor rawn man hi a to lo e!
- MHIP Sub-Hqrs. in Doctor Chetdan Duh Loh Vangin Thuchhuah Siam
- Zan dawr hawn leh Mizo te
- Ration Card leh hming
(Y)
November 17th, 2010 at 11:55 am
#Wonderboy.#saberek_a te chu tang na hle mai..
Damdawi siam tur hian a physical property,Chemical property(Medicinal chemistry), Pharmacology, a siamna khawl thawhdan Parm.Engg, Pharmaceutics, Thlai lam damdawi bikah Pharmacognocy,adt..thiam nal em em a ngai a..Thin enteric coating,controlled released drugs a phei chuan chhawng tamtak a zira siam a ngai tin,microencapsulation phei chu buaithlak tak a ni..MBBS ten 2nd year ah damdawi siam a ngai i ti a ,dik pawh a dik ang, ka MBBS thiante atang pawh hian chu chu ka hria e.mahse khan kha chu B.Pharm 1st yr te tih thin a nia..
Tin Lab tech. te hian nasa takin a khawl chungchang an zir bawk ang a P.cology,Microbiology,Biochemistry,adt hi Midical profession reng reng hian chiang tak a an zir a ngai vek a..Health profession ah hian tumah pawimawh fal an awm lo..Doctor te pawhin damdawi chawhtur an neihloh chuan chuti der,tin mi an zai thui vel a an hmanrua e.g. catgut hrui han sawngbawl dan te leh engkim kha profession dangin an li zirchian a ngai..sterilized condition,adt uluk takin an lo enkawl angai..Doctor te zir tel loh Biological pharmacy lam zirin an lo buaipui a ngai bawk..Chutiangin MBBS te tello chuan midang ho khan awmzia an neilo ve bawk ,natna ho deuhah chuan an tangkai viau maithei na in, tih tak takah MBBS tho a ni pawimawh chu..
aaaaaa sawitur chu a tam mai. tupawh hi kan in mamawh tawn e Health Profession ah hian tih mai te hi, inchhuang fal leh pawimawh ta bik riauva inngaih hi a thralo e..
Report this comment
November 17th, 2010 at 12:03 pm
a chung a comment ah khian sipeling chhut sual ka nei nual minlo hrethiam hram teh u..
Kan sawi belh leh lawk Doctor-te tel lo chuan midang kan han sawi takte kha engmah an ni chuanglo bawk. Natna satliah leh First aid pekah chuan an tangkai ve mahna, mahse thil serious tak takah MBBS doctor te tho a ni ngai ni… :lol:
Report this comment
November 17th, 2010 at 12:29 pm
Comment a va tam tawh ve. Doctor tangkai zia chu han damlo chiah ila a hriat mai alawm. Mahse doctor zingah hian induh tawk tak, tlawmngaihna reng reng nei lo leh biak hrehawm fal bik tak chu an awm chiang a ni.
Report this comment
November 17th, 2010 at 1:07 pm
In comment nasa luai luai tawh bawk a, comment han pek leh poh a inthlahrunawm dawn alawm le. A hmasa berin a post tupa hian doctor te hi hmusit takin a fak nge a deuhsawh tih pawh hriat thiam a har ang reng.Doctor tam tak mipui beisei phalo an awm anga, tam tak mipui ten an fak an awm bawk ang.Chutih rual chuan doctor te poh hi mihring ve tho, rilru hah ve thei,natna nei ve thei, harsatna tawk ve thei an nih hi kan hriatpui a tha in ka hria. Tin bakah engatinge doctor hna hi rawngbawlna ani tih kan hriat chian sak viau lai hian hnadang thawkho rawngbawlna hi kan sawi ve ngai loh tih te ka ngaihtuah mai mai. Entir nan Politicians te MCS, Engg te leh hna dangdang thawkte poh hian Pathian rawngbawlna ah kan hna theuh hi ngai ta ila, zoram chuan a va hlawkpui in mipui chuan kan va tangkaipui dawn em.
Tin NPA chungchangah ah hian han thik vak tur awmin ka hre lo.Doctor te hi 24 hours duty ang tluk an nia. A biki thingtlangah.. chhunah ka duty ka zo tawh alom tiin zanah damlo hospital a lo kal a hnar ngawt thei lo, a en tho tho angai.Hetianga extra duty an tih avang hian extra pay dang sorkar ah an hmu lo. Ka hriat sual loh chuan police te hi chuan kumkhatah 13 months pay an la. Tin khawpui ah poh specialist te poh an ni tho, junior zawkin zanah damlo enkawl chungchangah problem a neih chuan zan dar 12 poh ni se an ko mai ani. Hetiang a chhun a duty hnu a zanlam a koh theih hi sorkar hnadang an awm ve em aw?
Tin a kan Civil hospital Canteen ah khian kan specialist rual tam tak khian damlo rethei thingtlang lam atanga rawn thleng hlawl, damdawi leina tur poh nei tawh lo te tan babu an nei nual an ti. ka hriat ve ngei pakhat poh dr pakhat chuan tumkhat chu a hlawh atangin rs 3000 chiah a chang. a bak chu damlo retheite tana a ba rulh nan a hmang vek.
Tin mipui te hian health sector a sum hman kan ui viau lai hian thildangah kan ui lem in ka hre lo. Cell phone ni se a hum thei na zawngin kan hum a, top up man tur poh la thok chhuak lo thlengin kan hum fir fer a. Cigarette, kuhva hmawmsawm , incheina thlengin a to ber ber kan thohchhuah phu loh a kan duh lai hian kan hriselna hi lam kan ngaihthah leh em em si. Helamah te hian mipui te poh hi thanharh a hun.
A tawp berah chuan thil reng reng hi one side atang chauh hian thlir lo ila, tin famkimlohna khawvel a cheng kan nih angin tumah hi kan famkim lo ani tih in hriatsak tawn ila.Chutih rual chuan doctor te poh mipui rawngbawltu, damlo ni khua a mipuiten pathian tih loh ah chuan an in nghahna an nih avangin tun ai hian tran la leh zual se. Chutiang bawkin mipui pawhin kan doctor ten hamthatna an dawn ve theih turah te support ila, an vawikhat chet sual a teh mai lovin an sevice chhungin mi engzat nge a enkawl dam tawh tih te chhut pui ila, ti chuan kan zavaiin kan eng a lo thawl zawk angem tiin inthlahrung chung chung in kan rawn comment ve e
Report this comment
November 17th, 2010 at 1:11 pm
#56
I doubt…
Report this comment
November 17th, 2010 at 1:21 pm
@doc_lib, dik chiah. Chubak ah..
doc_lib Says: Hetiang a chhun a duty hnu a zanlam a koh theih hi sorkar hnadang an awm ve em aw?
Awm e, awm tehreng mai. Kei ngei pawh hi ka ni e.
Report this comment
November 17th, 2010 at 1:56 pm
Dr. ten kan hna hi rawngbawlnaah kan ngai an tih sek hi chuan ka nui ru tut tut thin.
Dr. pakhat Thla 6 chhung hlawk lak theihnghilh ka hria keipawh. A chhan kher chu sawi vek a ngai kher lova.
Kan thenawm Engineer pa pawhin a thlakhat hlawh mi rethei tanpui nan a hmang vek. tralalala
Nilenga duty a zana koh theih tih hi a ni chiah em? ni ta se on call a awm hi kava hrethiam talo ve?
Report this comment
November 17th, 2010 at 2:03 pm
Home page atangin a out teuh tawh emai, Dr. te hnuaiah leh rualin hna thawk tamtak an awm a, an hnathawh te tel lovin Dr. te an awm theihloh rualin Dr. te pawh heng an hnuai ami te tel lo hian an awm thei bik lo. Mahse Dr. te hi heng hna dang zawng zawng khaikhawm a, mihring-a apply tu in nih bik avang hian an lar a, an hnathawh a langsar bik a, an hnuai ami te pawimawhna mihring a pholang tu an ni bik bik hi an vannei, an eng a thawl bik ani.
Report this comment
November 17th, 2010 at 3:48 pm
wonderboy #93: vawi khat chauh ve ve asin kalo thawn. I message center a thalo aniang. :mrgreen:
nula in min biak an tum nasa thei lutuka ka phone ka off deuh reng thin zawk. akekekekek
Report this comment
November 17th, 2010 at 4:24 pm
A tlipnan kan comment ve leh si teh ang:
1. Midang hlawhah kan buai avangin tul lo lo thleng kan sel vak thin tih lam rawng a kai lek lek em aw?
2. Profession, eng pawh a ni thei; hnathawh dan phung, hunbi, duty, hours of work, mawhphurhna, beneficiary mil a her rem a ngaih thin dan te hre lem lova, hrutrual hmawrh a ngaihdan sawi chiam hi kan chin chhung chuan siamthat tuma hmala mek te dawmkangtu ni lovin hnukthla zel tu kan ni thei a ni.
3. Posting chungchangah hian (midang comment etc), medical chauh ni lovin service dangah pawh sawnchhuah har leh, hmun kilkhawr dai hauh lo hi chu an awm zel. Khawvel kalphung a ni. Thingtlang leh khawpuia facilities a in ang lo, thingtlang a awm te chu an work set up ah hrim hrim an chan a chhia a, an khawngaihtlak tih i hai lovang u. Phunnawi mai lova, taima leh tihtak zet a mahni hna thawk, khawtlang pawhin “ISUA NAU” an tih te pawh an awm ve tho a sin.
4. A nih leh Govt. doctor te hian clinicah damlo en lo sela, sorkar bithliah angin hlawh la sela, OPD hours ah pawh chutin thu sela, a phun leh hmasa tur chu mipui kan ni mai lawng maw? An hours of duty a tihbuai lova, emergency calls a tihbuai bawk lova, mi thenkhat ten an taihmak vang a clinic a damlo an en hi kan helh viau a nih chuan proper channel in a chinfel theih mai lo em ni? Chu chu tuman kan ti duh bawk si lo va le.
5. Medical service chauh hi mipui rawngbawlna a ni lo tih hi i hai lovang u. Kan capacityah theuh mipui rawng kan bawl, an hna kalphung a zirin a lang lian in a lang pawimawh mai a ni. service thenkhatte kan sawisel reng lai hian mahni inenchian ve reng pawh hi a tha hle a ni.
Ka lawm e.
…khrum
Report this comment
November 17th, 2010 at 5:24 pm
in duhtawkin sel teh u,
1.khawvel hian he medical profession hi ala ngaisangin a dah pawimawh tulh tulh.khawvel changkanna in a kentel natna thar leh retheihna in a kentel natna te hi ram tin buaipui ani tlat.nunna hi a hlu ber.
2. Allied professionals ho kuhmumah dr te an par ve mai mai in ti maw, anni ho zawng awm hma BC ah khan medical practioner te hi an lo awm tawh a, anmahni mai pawha midangte tana tangkai an nihzia chu history chhiar ula.
Thi mai tur, engmah tih theih awm tawh loh hnuah pawh a bula dr a din chuan rilru hi a dam deuh asin.
3.tidamtu Pathianin tihdam nana hmanrua a hman tam ber chu health professionals an ni(dr chauh lo pawh). An eng a thawl ta lo anih pawhin mi hian dr hna hi chu an zir zel dawn. An eng hi thawl lo deuh se, rawngbawlna rilru pu a zir an tam phah zawk anga, tha daih zawk ang.
He profession hmusitna rilru pu a i ziak anih pawhin a tha tho, dr tam takin inenfiah nan an hman phah maithei asin.
Report this comment
September 8th, 2011 at 8:19 pm
hahaha….ka nuih a va za teuh em….misual.com ah hian pa rawntlak tak2 awmna hmun emo ka lo tia…kan thil ziah leh sawi te hian kan mizia a va phawk chiang em.
sarcastic deuh hlek a ziah ai chuan constructive critics lam hawi deuh a ziak thin ho thil post hi chu a ngaihnawm thin e.
doc_lib a sawi hi a dik ka ti ve teh meuh mai…ka senior a ni ve keuh mai a…khawi profession pawh hi a chhe zawng chuan sawi duh ila chu sawi tur kan nei threuh awm e…
Report this comment