Ruahmanna leh inbuatsaihnaa tel hauh lovin Doctor-in “Emergency-in i rilphir zai a ngai a nih hi, insiam la, zai nghal ang…” a han ti thut mai a, keia zan khat pumna satliah, injection pawh duh lem lova tuar ral mai mai tura inngai chu ka pumnatna zàwn a sirhe deuh tàk avanga a hminga zing kara mahni-a inentir ve ka ni chauh si a, ka peih lovin phur lo hmel ka pe chhe hle. Duhthlan tur dang nei ta lo chu, kan inbuatsaih chuk chuk a, kan inzai ta teh poh a. A puakkeh hman ṭep an ti a, an sawi ṭhin aiin a na ka ti zek lehnghal.
A hminga zai han nih ve takah chuan he khapna ramah hian ei leh in min khap nghal hmak a, direct-in drip connection ka la nghal char char a. Taksa chak ṭha pangngai ta chu min duhsak nge ni, ka zun min siaksak lovin mahni-a zung thei tura ngaih ka ni bawk nen, nidanga ka zun ṭhin aiin zun a chhuak zing ta daih mai a, mu zangthal chunga zei zaih maia zun bura han zun hiau hiau ka han tum a; ka thei ta hauh lo mai!! Chhei, ka buai ru ta!!
Zunchhuak chuan inthlahrung miah lovin phing a rawn nawr puar a, ka phing awmna zawn lah chu Damdawi In mangai plaster hian a phuar mar ṭoh mai bawk si, mathei lova zun ve ngei chu a ngai si. Ma’ni lo maha UT hunlai aṭanga ding chunga lo zung ve ngar ngar ṭhin, inti mipa ve tak mai chu, tunlai change changchawia mu chunga han zun teh ngawt chu ka tithei ngang lo; chhungte’n min han tungtho dawn a, an mi zaina zawn chu a na ṭêk nghal chhuai chhuai mai, zunchhuak a tinêp hauh lo mai lehnghal.
Beidawng duh lova han tum tâk tlatah chuan engtin tin emaw khûp sai dar dar chungin ka han dingchhuak a, mahni induhtawk ve-na reh raih khawpin ka pum an ṭhuina na lah chuan min phih kun bawk a. Val hi – ka zun aiin ka thlanin ka taksa a chhuahsan hmasa zawk.
Chutia han dinchhuah tâk vëkah chuan ka han inphawrh ang a, lungmuangin ka zung hiau hiau mai ang chu tih nak alaiin a lo la ni ta mai awzawng lo cheu; keima lama ka zunchhuak ka chian tehlul nen, ka zung thei ta chuang reng reng lo mai a, a na chuan zun min hmehphinsak tlat mai hi a lo ni roh a. Ka mang a ang ta, rei tak ka ding thei dawn lo tih ka inhria; chhungte ka tirbo ve kawkalh tawh si, Damdawi In khum bulah mahniin ka mualpho mai dawn niin ka inhria, he mihring hian tih theih ka nei ta lo; ka la tih ngai miah loh – Zung turin Chunglam ṭanpuina auh a ngai – ka au ta… Chawplehchilhin ka zung ta huau huau mai reng a. Tuilèt hnu-a ka zun tawh azawngah ka la lawmin hlu ka la ti ber awm e.
Kan ni tin nuna engmah lova kan ngaih thil ho leh nep tê tê hi, harsatna kiangah chuan A ropuina lanchhuahtirtu hmanraw pawimawh a lo chang zel thei a ni tih hi kei misual hian kha natna khum bul aṭang khan chiang lehzualin a takin ka zir thar leh a, harsatna leh natna te pawh hi nun kawnga zirlai bung thar min kaitirtu an lo ni zawk si. A thiltihtheihna hi ka analgin hman zing em zawk mai pawh a…
Siamtu ropuizia leh thilphalzia hre thar zel chung leh A hnena lawmthu sawi chungin mi(sual) rual hi thlamuang takin i zung teh ang u.
Similar Posts:
- Thlá
- Hnahthial district a piang ta
- Kan zu in dan hi
- I pasal duhzawng i hriat sak em? (Hmeichhe pual)
- Min lo pui ve teh u
November 21st, 2010 at 2:08 pm
Kan zung nghal teh ag…..
[Report abuse]
November 21st, 2010 at 2:10 pm
Nia… Zung sup sup ang u.
A hmelmawi min hmuhtirtu hla kha ka lo thlansak ang che…
[Report abuse]
November 21st, 2010 at 2:16 pm
Hei hi https://www.youtube.com/watch?v=GgSFAzNIvss
[Report abuse]
November 21st, 2010 at 2:18 pm
A tha hle mai a.. Tinge ngawi renga i lo damloh reng ni aw..? Lo dam vat vat teh.
Ni e, i zung huau huau mai ang u. Kei chu tunah chuan ka êk a chhuak a..!!
Ka’n e nghek te’ng.
[Report abuse]
November 21st, 2010 at 2:22 pm
A ngaihnawm ka ti lutuk. Kan zung lawk :uanglo:
[Report abuse]
November 21st, 2010 at 2:24 pm
Keini’n vanduainaa kan ruat hi A hmangaihna lantirtu a ni fo reng ani. A lawmawm hle mai, Facebook lama rilphir thlalak lar tak hmang khan i nunah Siamtu in a tharin thu a sawi tih ka hriat hian i dam thuai nan ka duhsak rual che in, ka lawmpui hle mai che.
Thlamuang deuhin lawmthu sawi chungin ka’n zung ve ange
[Report abuse]
November 21st, 2010 at 2:37 pm
Sawi chhuak thiam bik thin mang e. A man hla duh ngawt ang chu…
Zun insum sawi ta zawk ila. Zunna tur hmun remchang awm ta mai lo pawh kha, a sazu hmawr kha khawlla in a tawn ngawt a ni awm pek a, a fuh awm lo hle a sin. Min hrilhtu in a sawi zawm zel duh si lo a, han ngaihruat ve mai mai teh u…
[Report abuse]
November 21st, 2010 at 2:41 pm
Pu Shai, #7
Hmanah kumhlui-thlah tlaivar zanah kan thianpa muthlu kha a sazu hmawr khawlla-in an tawnsak tawh bawk alawm. Zinglamah a harh a, lungmuang taka pawnlera a va phawrh chu – a zung puar ta pap mai, uluk mangkhenga blade thara zaichahsak a ngai. 
[Report abuse]
November 21st, 2010 at 2:46 pm
zung thei te, e thei te, inbual thei te, ei leh in thei te, vawih thei te, dinga kal mai thei te, thu thei te, mu thei te, tho nghal thei mai te, khuh leh hahchhiau thei mai te, menga maimitchhing leh mai thei te, keyboard ah thil kan type zung2 thei te, kan tawnga, kan zai thei te, kan hmu thei te, ri kan hre thei te,etc. etc… A khaikhawm nan kan nung, kan che, kan awm ringawt mai te hi a lawmawmin a va han hlu tehlul em! “Amah avangin kan nung, kan che, kan awm ani si a. Chuvangin Ama tan i nungin, i che in, i awm ve ang u.”
Lalpa ropui ber rawh se.
[Report abuse]
November 21st, 2010 at 3:05 pm
zun leh ek chhuah tawp a han RELEASE hi chu ….ui ka sawi thei lo
[Report abuse]
November 21st, 2010 at 3:13 pm
Dik khawp mai, dam that hi chuan Pathian malsawmna kan dawn nasatzia hi kan lo manghilh ve fo thin a, lawmthu sawina chang pawh hre loivn ‘tur rengah’ kan ngai thin. Mahse natna khuma han awm meuh hi chuan lawmthusawina tur hi a lo tam thin reng ani. “Mihring siamthat nan khawdur a ngai a ni” tih anih kha.Thilte ber leh ho tak anga lang pawh hi a lo va ropui si em!!!
Pathian hnena lawmthu sawi chungin i zung hiau2 mai ang u.
[Report abuse]
November 21st, 2010 at 3:37 pm
Ziak ngaihnawm leh hle pek mai. Kan taksa bung hrang hrang, a nilo tur anga an han awm chiah hian, dam hriselna min pek te hi malsawmna alo nih zia tilang chiangtu ani fo thin. I zung tha thei tawh turah ngai ila…zun nuam le!!
[Report abuse]
November 21st, 2010 at 3:45 pm
Harsatna kan tawh chiah hian dam hlutzia hi kan hre thin. Tun khat chu keipawh ka ham (yawn) thei lovin ka hria a, ka rilru a kap reng a, chhuak taka han ham bai bai hlutzia ka hrechhuak chiang khawp mai.
Zung zel mai teh le Ku Muang!
[Report abuse]
November 21st, 2010 at 4:03 pm
@ku muanga, ziak ngaihnawm thiam e. I rilphir pic hi ka upload dawn nge i upload zawk dawn!
[Report abuse]
November 21st, 2010 at 4:07 pm
@14 : Ku Muanga rilphir pic chu han upload teh a, hmuh a chakom ve hranpa riau….
[Report abuse]
November 21st, 2010 at 4:12 pm
@shylo, fuihpawrh lah hi ka awl bawk si!
https://img502.imageshack.us/im.....ilphir.jpg
[Report abuse]
November 21st, 2010 at 4:17 pm
89 kum khan kei pawh aizawl civil hospitalah ka rilphir an zai tawh a, i sawi ang hian hah thaw hlawp2 khawpin ka zung tawh, i thil sawi hi ka hre thiam, ka nui suk mai :nuisuk:
[Report abuse]
November 21st, 2010 at 4:23 pm
1991 kum khan ka piles th alo ka zaitir a, OP roomah khan inphelh roh le an tia..ka inphelh a, min ngaihsak nghal mai si loa, saruaka din reng chu tiin ka ka ’sazu’ kha ka hup a…an hmaituamna phen atangin an nui char2 mai ! Piles zai pawh hian kan zung thei thin lo….
[Report abuse]
November 21st, 2010 at 4:34 pm
Tha hle mai. Zung tur tur mai ang aw….
[Report abuse]
November 21st, 2010 at 4:39 pm
Duh hun huna harsatna awm miah lova kan eia kan in thei a, kan zung thei a, kan e thei a, kan vawih thei te hian kan la hrisel tha ani tih a lantir thin.
[Report abuse]
November 21st, 2010 at 4:45 pm
Ka zun a chhuak ta hle mai.
[Report abuse]
November 21st, 2010 at 4:56 pm
@saitawk, Ku Muanga rilphir kha lo dah tha la, Misual charity sawi hot-na ah Ui thi leh bahkhawr ilo chawhpawlhin a battery atan a siam theih mai ang
[Report abuse]
November 21st, 2010 at 4:58 pm
@Mr. TSA, he post chhuah hnu hian vawi 4 ka zung tawh
[Report abuse]
November 21st, 2010 at 5:23 pm
@muante,ku muanga ril phiar pawh kan siam ang!
@kawnga, i zun zin chhan rin ka nei! he Post vang hi a ni meuh maw!
[Report abuse]
November 21st, 2010 at 5:51 pm
Ziak ngaihnawm hle mai, Ku Muanga nge2
[Report abuse]
November 21st, 2010 at 6:01 pm
vawiin chu ka in buka kg 5 laiin ka weight ka loss chule.
Ka zung ve treuh mai dawn e
[Report abuse]
November 21st, 2010 at 6:05 pm
Keipawh ka pum an zai tawh a, minsiak sak thunga hre manglo in, aaa ka zug hiau hiau zel nuam tak a ni.
[Report abuse]
November 21st, 2010 at 6:18 pm
Hetiang major operation hlima zunsiak loa i zung mai thei chu a lawmawm e, phing puar lung pawha zungchhuak thei lo a awm theih asin, pum a ti na vak thei bawk. Rilphir hi chhaklam unaute chuan Rilpeng an tia, Zunthlum hi Thithlum an ti. A inhmeh zawk phianin ka hria.
[Report abuse]
November 21st, 2010 at 6:18 pm
Kan Kohhran Upa pakhat hian a sawi ve ziah thin… E thei leh zung theia kan awm ringawt pawh hi Pathian hnena lawmthu sawi mawlh mawlhna tur a ni a ti thin a. Chu pa chu a hmingah ‘Upa Etheia’ an ti zui….. Nang pawh Zungtheia tih tawh tur che i nih hi…
[Report abuse]
November 21st, 2010 at 6:44 pm
@Theuleu, ‘misual Zungtheia’ ti ve thung ila, tiraw?
[Report abuse]
November 21st, 2010 at 6:53 pm
Kawnga chu i sun sek chuan.. ehmmm
Sunday zan te a ni bawk sia awm ve tho a lawm ti raw 
[Report abuse]
November 21st, 2010 at 6:59 pm
@triplestar, ka va zung leh lawk ange aw…
[Report abuse]
November 21st, 2010 at 7:05 pm
@kawnga: kei pawh ka zung ka zung he he
[Report abuse]
November 21st, 2010 at 7:24 pm
a dik ngei ka ring i thil sawi khi.kei pawh ka zun i ti chhuak nghal
[Report abuse]
November 21st, 2010 at 7:29 pm
Zun ve sek tawh (theih) ka va’n chak em ve le aw…
[Report abuse]
November 21st, 2010 at 7:37 pm
A post tupa in ti khawngaih thlak e mai, zun rik hawr hawr chungchang in sawi in sawi a…:evil:
Naupan deuh laiin, mumangah hian zun hi a lo chhuak em em mai a, chutah, khamko hmun remchang, thawveng tak mai ah kan lo ding a, khamko atang chuan kan han zung ta ngei mai a. Pajama huh hian min kaitho leh nge nge thin…
Zun chhuak sawi chuan ‘The Party’ film a Peter Sellers zun chhuak ip tum vel kha ka mitthlaah a lo lang leh thin…:evil:
Kan thianpa pakhat pawh hi a inpuan a. Tap atanga tui herh haw ri her her ka hriat hian ka zun a chhuak ngei ngei a ti…:evil:
[Report abuse]
November 21st, 2010 at 7:47 pm
Ku Muang, i van ziak ngaihnawm thiam em em ve! engtiklai maha kan hmuh loh tur i rilphir te chu kan hmu ta ania! I zung thei nawm dan tur ka suangtuah a, ka lawmpui kher mai che! Pathianin mihring min siam dan ropuizia hi! A nilo tura thil a awm a, a hreawmzia atang hian kan vanneihzia leh Pathian themthiamzia a lang chiang ngawtin ka hria!
[Report abuse]
November 21st, 2010 at 8:05 pm
Ku Muang i tawn ang hi ka la tawng miah lo na in i thuziak hian atak tak angin min hruai lut.
Kei chu ek theih loh ka ching chunglam ka au fo – i tihdan takah hawh u misual ho te hi a E ang u ka ti ve mai dawn em ni
[Report abuse]
November 21st, 2010 at 8:49 pm
Ku Muanga hi han dam tha ver vawr se misual charity sawi hot-na Pre misual charity Intawhkhawm (PMCI) kan nei ngei dawn e Leitlang lam chuan.
[Report abuse]
November 21st, 2010 at 10:02 pm
Ku Muanga chu hmel en aiin sawifiah thiam daih mai.. dam that lai hi chuan engkim mai hi a tur rengah kan ngai a, lawmthu sawi nachang hi kan hre lo fo thin.
Pa pakhat pum lam tha lo pawh a Diary-ah chuan Vawiin ka e thei lo, Vawiin tlem ka ê, ka lawm hle… tih te a ni nawk asin
[Report abuse]
November 21st, 2010 at 10:15 pm
Zun in ringawt pawh hi tawrh tham fe a ni asin! Bula water tap herh haw ri ker ker mila psychological taka chet a ngaih changte hi a awm zauh zauh FO!
R. Buchhawna pawh kha —a thih dawn tepa a chhungte lawmna em em chu, vawi khat mah daikal (e) tawh lo kha, tin-ther tia lek, khal ruh em em hi a e chhuak ve a. Chu chu saidawium chhungah a chhungten an khung tha a, “Hei hi ka pu ek,” tiin lawm takin inlengte an hmuh kual zar zar thin.
A la function that laia eng he hua kan ngaih loh hi, harsatna kan han tawh meuh chuan, narana kan ngaih thil ni thin kha a lo namai lohzia kan hmuchhuak ve chauh thin.
Pathian hi a va tha ngai em!
[Report abuse]
November 21st, 2010 at 10:19 pm
damlo zung tlem hi chu kidney a lo fail tan ani duh chuvangin zun out put hi an en ngun duh viau zel. Kan zung tur tur thei hi malsawmna a lo ni reng
[Report abuse]
November 21st, 2010 at 10:57 pm
He post chu kan va hmulo teuh ve. (lo puak keh hman seng chuan…)
Kumin World Cup final half time lai kha a ruala khawvela mihring kan zun tam ber tum a nih ka ring tlat.
[Report abuse]
November 22nd, 2010 at 1:19 am
Chhungte leh Nurse-ho tangkawpin uluk tak maia keia zun hnaisailo an teh-a an han record koh koh mai thin kha chu, kei misual hi, inenfiah ka ngai a ni ang e.
chhana #43 mai mai chu a…
[Report abuse]
November 22nd, 2010 at 2:12 am
A va nuam duh awm suai suai ve. Zun theih loh a hrehawm viau. Tunlai chu zanlamah ka chhawl a hal zing deuh nge ni, tui ka in hnem lutuk a, ka zung zing lutuk hian min ti muhil thei lo thung.
[Report abuse]
November 22nd, 2010 at 2:37 am
Zanin chu thla eng hnuai pawnlerah Kawnga leh Saitawka zunna hnu-ah ka zung, an rai ang em aw??
[Report abuse]
November 22nd, 2010 at 2:50 am
Kan zung ve lawk teh ang brb
[Report abuse]
November 22nd, 2010 at 6:35 am
Ke pawh dam lo pahin kan zung ve phawt ang nge.
Tha tak zung theia min siamtu Lalpa chu fakin awm rawh se.
[Report abuse]