Pu Khumchikthei hi a induh deuh nge mitin mamawh natna enkawl dan chungchang hi a rawn vawrh chhuak uai uai lo tlat a, ka thiam ang angin ka han thawh ve teh ang. Tuemaw tan a lo tangkai mial chuan chu chu ka lawmmanah ka ngai e. Zirna ka neih ve loh avangin Homeopathy leh Allopathy lam chu a thiam khawihah ka khek mai ang a, inchhungkhur atanga kan inenkawl mai theihna a nih avangin Kitchen-pathy ka vuah ve tawp:smile:
Kan choka hmang tangkaia kan inenkawl ve theihna kawng tawite ka han chhawp chhuak anga, phur tak leh part-I awm lovin Part -II ah kan kai mai a niang chu.
HRITLANG : Thlasik a thaw tan ta a, hritlan a hlauhawm lehzual ta hle mai. Tuna hritlang phei chuan kumthar thleng a awh duh e an ti leh nghal. Chuvangin heti zawng pawh hian inenkawl dawn ta ila.
1. Purun var : Purun var hi natural antiseptic a ni ve a, virus beih letna tha ve tak a ni. Purun var zung khat kha i leiah dahin a rim kha hip lut la, i chuap thleng dawt khawpin aw. A lo nem deuh hnuah seh sawma lem tawh mai tur. Heti lo pawh hian capsule-ah dahin a dawlh mai theih bawk. A rimchhia ti tan chuan a tha phian
2. Hair dryer : Sam chhem rona hair/blow dryer kha i hnar atanga 18inches vela hla-ah kengin a lum ( a sa nilo) turah dah la, ham tinung vet vet teh. Kha boruak lum kha tumkhatah minute 4/5 vel i hnar ropui tak khan han hip la i zia ve hawk ang.
3. Tui hu : Tui chhuan so hu han hip vang vang pawh hi a tha ve viau. A hmanrua neih lem loh pawhin tuiso kha bowl-ah emaw thli chhuakin towel inkhuh chungin a hu kha hip veng veng mai tur a ni. Amaherhawhchu, hnai deuhva zuk bih loh tur, hmai vunin a tuar thei. Duhthusam-ah chuan eucalyptus oil tlemte far tel ila a tha lehzual. Tin, eucalyptus oil hi tissue paper-ah emaw han far zeuh ila, len chhuahna hmunah pawh a ken zel theih a, hnar a rawn pin tan deuh chuan hip leh veng veng mai tur.
4. Sawthing thingpui : Thingpui thing tihrimtuina atan mai lo pawh thingpuia sawhthing thlak hi a tha ve tlat. Hei hian a bikin hritlang awmna khuh bur bur a tizia a, ‘gingerols’ an tih mai hi khuh tineptu pawimawh tak a ni ve tlat.
Hritlang laka inven nan hian kut sil ngunte, thli thawa pawn chhuah tam lohte, chawlh hahdamte a tha tih kan hriat rual hian zirmi thenkhatten invenna tha tak pakhat an tih hi mak ve mai mai khawp mai. Kar khatah vawikhat tal sex hman hian hritlang lakah min veng an tih leh tlat pek chu. Sex lama han active deuh hian kan immune system molecules – immunoglobulin A level a tisang a, chu chuan kan taksa tuihnang (hnap ilo a ni ber ang chu..) mucus membrane kha hmelma lakah sex lama inhmang lote aiin a veng bik e an tih tlat chu. Mahse nupui/pasal neite tan chauh tih chi 
KHUH : A bengchheng, a tuartu tan ninawm bawk si! Han khuh khul khul mai hi chu a hnawk viau phei chuan a zia lo ve hrim hrim. Heti hian tiziaawm deuh ta ila.
1. Nimbu leh Khawizu : Nimbu (lemon) tui sawr leh Khawizu chawhpawlh hian hrawk za a tireh ve thei tlat. Choka lama cayenne pepper a awm phei chuan tlemte, kutzungtang pahnih hmer lek han telh ila, a thawk tha lehzual. Tin, Nimbu tui fiante 2 leh Khawizu fiante 1 hi han chhuang lum deuh pilh pelh ila, in tawh mai tur, a tichak lehzualtu a tan duh chuan purunsen telh leh keuh mai nise.
2. Lawngpar leh Khawizu : Khawizu thingpui inna no khat-ah khan Lawngpar (cloves) panga paruk vel, a inmil tawk tur awm telhin refrigerator ah zan khat han dah la, a tukah Lawngpar ho kha paihin mamawh tawk lek lekin fiante a ei mai tawh tur a ni. Lawngpar hian hrawk thip hler hlur tur kha a tiziaawm ve a khawizu lahin hrawk za ter ter kha a zuk kherawlai ve bawk si.
Ekhai! a va sei duh ve, a dang chu phur dan aizirin la sawi lehah khek mai teh ang.
Similar Posts:
- Kitchen-Pathy Part – II
- Tui hmanga inenkawl dan
- Tips to stay away from Swine flu
- In kiss hi sual a ni thei em?
- Thlaithar Thawhlawm
November 22nd, 2010 at 9:38 pm
Ka first kitchen, chicken!
[Report abuse]
November 22nd, 2010 at 9:42 pm
Ka first duh lo a! midang ka kian! ….
[Report abuse]
November 22nd, 2010 at 9:45 pm
muantea chu dr ah ka puang top dawn che maw’ chu le
Kan chawh ve tho te’ng
hritlan chuan -
Rest hmaks tur, mahni hna kalsanin bedroom luah lum keuh tur. mi(sual) miah loh tur chawlhhahdam a theih loh online reng chuan
A hming atan Restopathy ka ti mai
[Report abuse]
November 22nd, 2010 at 9:45 pm
Zu lum pawh hi rui hnep maiin han in vak mai ila angeih tan chuan atha ve khawp mai..
[Report abuse]
November 22nd, 2010 at 9:46 pm
Thiamna nei uk lovin hriselna lam thu a sawi ka ti. Ama’n a test-a, a thilo tih ka hriat hma chuan ka hlau.
[Report abuse]
November 22nd, 2010 at 9:48 pm
Pu Muante, i va ziak tha ve, bengvarthlak hle mai. Han ti zel teh aw, thaibawih association tan a tha dawn khawp mai. Chhinchhiah kar tur a nih hi.
[Report abuse]
November 22nd, 2010 at 9:48 pm
Tui-ah nasa tak maiin hnaptui zawih zawi khawpin han cheng ila a tha phian bawk..
[Report abuse]
November 22nd, 2010 at 9:48 pm
@mzvision, Dr. Muantea ka inti ve tawp mai dawn
Mahse ka thil chawh hi a dangdai e..hehhe. Hlawkpui an lo awm mial takin tih thilthu-ah ka han thawh ve ngawt a nih hi, thawh belh a thiang e.
[Report abuse]
November 22nd, 2010 at 9:53 pm
Thawh belhna..zingah exer thlan tla hnapin la thin ila, chuan hahdam hnuah inbual ngei bawk ila..
[Report abuse]
November 22nd, 2010 at 9:55 pm
An apple a day keeps the doctor away.
A raw garlic a day keeps everyone away…..
chuan,post tha tak a ni e!
chuan,’huaisen’-nick leh ‘ngeiawm’-nick kha mi thuhmun an nih ka ring bon top!
[Report abuse]
November 22nd, 2010 at 10:00 pm
A bengvarthlak khawp mai.
Saitawk pawh December thla aṭang chuan a hritlang khat deuh tawh ang
NOI
[Report abuse]
November 22nd, 2010 at 10:09 pm
Damdawi ai mahin, hmawm-sawm atan in recipe hi ka thlang zawk e. Roasted-Beef te hi ka hmawmsawm ngainat a ni tlat!
[Report abuse]
November 22nd, 2010 at 10:09 pm
Bengvar thlak hle mai. Kan ti ve nghal ange. LPS Profight an live mek a. En duh si, hritlan bawk si chu buaithlak thin emai.
[Report abuse]
November 22nd, 2010 at 10:14 pm
Muantea post bengvar thlak tak a ni e. Ni e, thlasik ah hi chuan boruak a ro em thin avangin ka fate room ah hian tuihu khawl kan tinung zantin. Boruak roah hian hritlang hrik te an nun duh avang hian hritlan hmain tuihu hi kan hmang nasa, a zia khawpin ka hria.
Perhpawng rawh ei hian hritlang a ti zia ve thei tlats.
Zufir/whiskey chhuanlum pip pep hi hritlang tan a tha khups mai, mi thenkhat chuan artui hel te an mix tel thin bawk.
[Report abuse]
November 22nd, 2010 at 10:16 pm
huaisen, ka zir i hre der si lova..ale ale!
[Report abuse]
November 22nd, 2010 at 10:25 pm
Awi…awi …awi…ka tlai leh ta.
A tangkai hmel tlat chhiar zung zung ila, ….. hman nghal theih takin, tunlai hritlang a tam riau lehnghal a…..
[Report abuse]
November 22nd, 2010 at 10:26 pm
Hetiang health tips simple tete anga lang, mahse, practicable deuh deuh hi rawn post fo teh u, a tangkai khawp a nia. Home remedies hian pawimawh hun an nei ngei ngei. He post pawh hi chhinchhiah tlak tak a ni e. :Amen:
[Report abuse]
November 22nd, 2010 at 10:37 pm
Hriat ve mai2 atan avan tha ve…
[Report abuse]
November 22nd, 2010 at 10:46 pm
ehe..ka duh zawng tak a ni
Deksi a tuihu a inur hi a tha, menthol damdawi dawrah lei tur a awm mum hnih vel telh keuh phei chuan tha tak a ni. Chuap tan a that mai bakah hmai vun tan..hihi. Mahse inur tih lenah khan pawngpaw inur ai chuan tui hu kha ka-a theihtawpa rei hip luh a,hnara muang changa thawk chhuahin a effective zual.
Limbu-tha bawn tawp. A tam thei ang ber ei tur, vitamin c leh minerals a tam avanginrg. Mahse thei ei reng rwngin hmarcha leh eng ilo pawlh hi thil tha ber a ni lo. Eng thei pawh a season a zirin tlem tal ei tum tur a ni, thei hian taksa immune system a tih chak bawk.
A pawimawh ber pawl faina inzirtir uar zel ila,theih chen chenah,phaktawk zelin a fai thei ang berin aw
[Report abuse]
November 22nd, 2010 at 10:47 pm
khawnge, min fak liam liam a part 2 ka han buatsaih nghal teh ang.
[Report abuse]
November 22nd, 2010 at 10:48 pm
@ 5 huaisen leh..
Dr.Muantea & friends..oh ka tihsual..van tha reuh ve a..mahse hair dryer khi chu hnar a vang duh awm hek hek eemm mai,steam zawk mai ang.
Mahni a practise mai theih,tha si, simple deuh hriat hi a hlawkthlak a sin aww.
Mahni/mimal/private/individual pathy ka ti ve tawp mai dawn.
[Report abuse]
November 22nd, 2010 at 10:52 pm
@11- Chhawnbur__ A la tlem mah mah nih chu maw le….. DAmdawi lam anih tawh hi chuan han uar hle mai ila tha mai.
[Report abuse]
November 22nd, 2010 at 10:59 pm
Tha khawp mai,hmanah kan class mate hritlang dam theilo lutuk pawh kan professor-in lemon tea,khawizu leh purun var leh vodka tlem a chawh.
Dr.Muantea chu zai mai bakah helam pawh i lo hre hle mai,very good post. 
[Report abuse]
November 22nd, 2010 at 11:06 pm
@22___chhiar chiang loin ka comment ngawta, ka comment a buai zo vek…. hahhaha… Comment pek hnuah ka chhiar chiang leh roh sia, chiloh rupssss.
[Report abuse]
November 22nd, 2010 at 11:11 pm
van damme, Dr. Muantea..hehehe… Zaithiam lo zawk doctor pawh ni lo ka ni zawk e. @saitawka hritlan hlau paw’n ka post hi a print chhuak thlap a ni awm e
[Report abuse]
November 22nd, 2010 at 11:14 pm
A post tupa chuan ZO NU tih leh RUNLUM magazine a chhiar thin chiang mai…
[Report abuse]
November 22nd, 2010 at 11:16 pm
Muantea ni maw, i van post tha ve ! khitiang ho khi tha lutuk asin..tin..kuhva kan ei nasa bawka, Eucalyptus hawl her dih, seventhDay unau hote’n an zorh thin hi ka ei thin a, pum lam atan chuan a tha khups mai….
[Report abuse]
November 22nd, 2010 at 11:31 pm
Saitawk chuan hritlang damdawi ‘last’ khi tha ti ber.Kum thar atang chuan hritlan a tum tawh lo :)) muantea, rin aiin i turu ru zek! Innu awm loh hian i post i vil tha ziah
[Report abuse]
November 22nd, 2010 at 11:44 pm
Turulo, nupuite awm loh lai tala kan turu lo ten! Mahni post hi chu refresh tluk tluk ila a ni mai
[Report abuse]
November 22nd, 2010 at 11:53 pm
Vitamin A Tablet hi thlatin regu takin pakhat ka ei a, hritlang chu a veng khawpin ka hria. Tu emawni-in kan nu a hrilh atanga ka hriat.
@Muante, Pawn-pathy lo ziak ve thung teh. Ka lenglam nasa mai si
[Report abuse]
November 23rd, 2010 at 12:12 am
@muantea… ka hria a lom Dr.Muantea i ni lo tih chu,mahse Dr.Muantea ah ka puang tawp che.
[Report abuse]
November 23rd, 2010 at 12:15 am
Vitamin C hi ei tam a tha khawp mai,a tablet ei tur a awm mai loh pawhin heng citrus fruit(ser lam chi) hi ei tam a tha khawp mai,taksa raldotu a ti chak,hritlang tan pawh a tha,cancer tur pawh a veng ve thei viau a nia.
[Report abuse]
November 23rd, 2010 at 12:46 am
Good post…
[Report abuse]
November 23rd, 2010 at 12:55 am
Va post tha e. Ka mamawh lai tak lehnghal, mut hma in a then hi chu ka’n test nghal ange
[Report abuse]
November 23rd, 2010 at 2:21 am
Rawn part 2 mawlh teh. A tangkai phian a nia hetiang post hi. Hritlang satliah ah damdawi ei nghek mai thin ai chuan Pu Mz-a sawi ang khian rest a tha. Steam hip luh te khian symptomatic relief a pe nasa ania.
Purunvar-pathy khi kan tetlaiin ka nu in min tih sak thin. Purun var hi a kang a, min ei tir thin. Chumi a kanna tel chuan kan awm a zut leh bawk a. A chang chuan khawlla ah a thil a, min awrhtir bawk thin.
[Report abuse]
November 23rd, 2010 at 6:24 am
Purun zung ho hi a nem a, rulhut chikhat, soil nematodes an tawm tam thei khawp mai. Seh sawm pawhin a a hang tha duh khawp ang.
[Report abuse]
November 23rd, 2010 at 6:56 am
hetiang “Doctor yourself” hi keipawh ka ngaihven zawng tak ani. Ka google nasa thei khawp mai.
good post dr. kitchen Oh! Dr. Muantea
[Report abuse]
November 23rd, 2010 at 7:19 am
Muante i thawh tha hle mai, ka chhawr tangkai ka ring, rawn chhunzawm zel rawh.
[Report abuse]
November 23rd, 2010 at 10:45 am
A va tha mai mai ve le, he post chu. Tualchher damdawi hi a tangkai, mahse a thawh dan hi a muang deuh thin nge ni, chemical medicine hi chu a thawk rang deuh chuan a hriat a. Zawng ho in a damdawi atana an hman thin hi eng ber hi nge ni ang le. Lungthi tih te hi commercialized dan te awm se la…
[Report abuse]
November 23rd, 2010 at 10:42 pm
ka hman lovin Muantea post hi ka lo la chhiar lova, a va bengvarthlak ve le! part – II chu ti leh vat teh!
[Report abuse]