Ziaktu: K.L.Biakchungnunga
“Tun Congress sorkar-ah chuan miretheite hi kan VIP an ni ang,” tih thu ropui tak kan Chief Minister Pu Lal Thanhâwla’n a sawi hi Bible zirtirna dik tak a ni.
Pathian thû hi kan kê atana khawnvâr, kan kawng atana êng a ni a, Bible zirtirna nena inmil thlap, thu ropui tak, kan Chief Minister-in a rawn sawi chhuak hi a lawmawm khawp mai. Tuna kan Sorkar hian tute nge VIP tih a hmuh chian a, a hriat chian phawt chuan Mizoram hi kan dingchhuak ang tih ka ring.
Lung chhanga chantir tûrin Setanan Lal Isua a thlêm tih Bible-ah kan hmu. Ni 40 leh zan 40 zet chaw nghei tawh Lal Isua kha a ril a tâm tih Setana hian a hria a, riltâm laia a mamawh ber chu chaw (chhang) a ni tih hriain, a mamawhna zâwnah chiah advice a rawn pe a ni. Mamawhna hi thil hlutna siamtu a nih avângin, riltâm lai chuan chaw a hlu ber, kan mamawh tlat avângin. Mahse, Lal Isua hian chaw aiin Pathian thû a pawimawh hmasa zâwk tih a hria a, “Mihring hi chhang chauhin an nung lo vang a, Pathian kâa thu tin chhuakin an nung zâwk ang”(Math 4:4) tiin Setana chu a hnial fithla dêr tih kan hmu.
Riltâm laia kan mamawh ber chu chaw a ni. Chaw kan mamawh e tih avânga Setana thurâwn anga dâwt hmanga sum siam te, dik mang lova ei leh bâr hâi chhuah te erawh a pawi thui thei hle tih Lal Isua hian a hria a ni. Pathian kâa thu tin chhuak zâi ngâi chunga ei leh bâr thawh chhuah hi kan nunna tûr, kan dinchhuahna tûr a ni zâwk tih Lal Isua hian min zirtir a tum a ni. “Pathian kâa thu tin chhuakin an nung zâwk ang” tih hian, Pathian thû hian tlai leh puarna a thlen tihna a ni ngawt lo. Ram siamthat tuma hmâ kan lâknaah te, taksa mamawh leina tûr sum leh pâi kan dehchhuahna kawngah hian, Pathian thû angin, Pathian duhdân angin thil kan ti tûr a ni tihna a ni.
Mizoramin lei kan bat nasatzia hi Sorkar thar apiangin hahîpin an sawi thin. A dik pawh a dik ang. Kan pûk nasat ang he hùin, miretheite’n kan changkân phah lo tih erawh vântlâng hriat a ni. Kan pawisa pûk hmang hian kan hnam tana sum hâi luhna tûr project kan nei thin lo tihna a ni phawt mai. Pawisa siam chhuak thei tûr zâwnga hmalâkna, ‘investment’ tha awm si lova pawisa pûk chiam chiam hi thluak hmang lo kalphung a ni.
“Miretheite hi kan VIP an ni” tih hian fûn tel pawimawh tak tak a nei a, pakhat chauh i lo en teh ang. Bible-in heti hian min hrilh – “Mi rethei khawngaih chuan LALPA a pûktîr a ni a, a thiltih that chu a rûl ang.” (Thufingte 19:17). Kan sorkar hian mi retheite VIP anga a en tak tak a nih chuan, Pathian zâwk khian kan sorkar lei a ba dâwn a, ba ral mai lovin a rûl leh dawn tihna a ni. Pathianin a rulh leh dân tûr pawh Bible-ah kan hmu nghâl: “Thahnemngâi taka teh a, beng muk a, sawi muk a, liam zawih zawihin, in mal chungah an pe ang che u. In tehna ngâi bawkin an tehsak leh dawn si che u a..” (Luka 6:38).
Pathian meuhin Mizoram Sorkar lei a bat hun hi a nghahhlelhawm khawp mai. A rulh lehna tûr lah a theuneu lo viau dawn lehnghâl. Vân tukverhte hawng meuhin tisâ leh thlarau malsâwmna hi a sûrin a sûr lo vang tih pawh a sawi theih loh. Eng ti zâwngin nge Pathian hian mal min sâwm dawn kan hre lo. Hrisêlna te, ropuina te, hmuingîlna te, vânneihna te, hmingthanna te, leilung hausakna zawng zawngte hi Pathian tâ a ni a, a duhdân anga kan kal phawt chuan kawng hrang hrangin a malsâwmna hi kan dawng thei a, kan dawng dâwn bawk. Amahin min tiam tlat alawm.
VIP (Very Important Person) tih tawngkam hi Royal Air Force-in 1940 leh 1945 inkâr vêla an chher chhuah a ni âwm e. Wikipedia, the free Encyclopadea-ah chuan, “A Very Important Person, or VIP is a person who is accorded special privileges due to his or her status or importance” (Very Important Person or VIP chu a pawimawhna leh a dinhmun avânga abîka duhsakna pêk \hinte hi an ni) tiin hrilhfiah a ni nghê nghê. Entirna a târlanah chuan – Celebrities, Heads of State, Major Employers, High rollers, Politicians, High-level Corporate Officers, Wealthy individuals – tih te an lang a, mi rethei an lang ve lo. Mahse, mi retheite hi Bible-ah chuan VIP an ni tlat si.
Pathian thinlung lailum ber luahtu chu keini mihringte hi kan ni. Thu sâwm pêk (Thupêk sâwm tih tûr ni zâwk âwm tak) kan en chuan, pakhatna atanga palina thleng hian Pathian nena kan inkâr sawina a ni. Pangana atanga sâwmna thlengin, a vaiin thupêk paruk zet, chu chu 60% tihna a ni, mihring leh mihring inkâr chungchânga thupêk a ni. Pathian ngaihtuahna zâa sawmruk zet hi mihringin kan luah tihna a nih chu. Hemi avâng hian alawm, “Mihring chunga rawngbâwlna hi Pathian chunga rawngbâwlna a ni” (Service to man is service to God) an lo tih hial reng ni. “Ka unau tê ber zinga pakhat chunga in tih chu, ka chunga ti in ni” amah Lal Isua ngeiin a ti (Math 25:40). “Ka chunga ti ang in ni” a ti lova, “Ka chunga ti in ni” a ti hmiah a nih hi.
Vawikhat chu kan sikul naupang pakhatin a pa Car (Swift car) sikul kal nân a rawn hmang a. Kan sikul bul Bûng thing hnuaia a dah chu tute’n emaw lungin an lo thâi rân sak vak mai a. In a thlena a pa’n a hmuh chuan a thinrim hle a ni. An lei thar hlim deuh hlawt a ni bawk a, neih thinglung khâwnga a lei ve takmeuh a nih avângin, zânah pawh a mu meuh lo tih min hrilh. Chêng nuai 4 chuang sênga a lei a ni a, a hlu êm a ni. A neitupa rilru natzia leh thinrimzia ka hmuh khân, a Car nên khân an inzawm ril hle tih ka hmuchhuak a, Car khân a thinlung lailum ber a luah niin ka hria. Car thâi râng tute khan, Car an tihmêlhem a ni mai lo; a neitupa thinlung ril ber an hliam a ni. Car leh a neitupa mah chuti taka an inzawm chuan, ama thisen leh nunna sêng meuha min tlantu Isua Krista leh keini mihringte kan inzawmna hi a va thûk dâwn êm!
Pathian thinlung lailum luahtu mihring rau rauah pawh – mi rethei, hmeithâi, fahrah leh chanhai te hian a lailum lehzual an luah niin ka hria. Mosia pawh saltâng chhuah tura Pharoa hmaa a han inlan meuh kha chuan Pathian thiltihtheihnain a zui mai a nih kha. Kan Chief Minister leh Minister hote pawh hi, retheihna sala tângte chhanchhuak tura Central Sorkar hmaa an din hunah Pathian thiltihtheihnain a awmpui ang tih ka ring tlat. Mi retheite hmangaihna leh an hmâ sial duhna thinlung nena Central Sorkar hi an dâwr a nih phawt chuan, Prime Minister leh President hmaah an mal din dâwn lo. Pathianin a dinpui dâwn a ni. Hemi avang chauh pawh hian tun kan Sorkar hi chuan mi retheite hi VIP angin ngaihsakin enkawl mawlh teh se.
He Bible chang hian a hmâwr kan bâwk ang e: “Unaupa emaw, unaunu emaw, saruaka awmin an ni tin chaw tlachham sela, tin, in zinga tuin emaw an hnênah, ‘Thlamuang takin kal ula, lum tak leh puar takin awm rawh u,’ ti ula, taksa tana thil châkkhâi chu in pêk si loh chuan engnge sâwt ang? Chutiang bawkin rinna chu thiltih nei lovin amah chauhvin a awm chuan thi a ni.” (Jakoba 2:15-17).
Similar Posts:
- Chhung Inkhawm Bu atangin!
- Isua hi Pathian a ni
- Thinlung thianghlim, Isua zirtir dan
- I thinlung hawng la
- Thiam Chantirtu LAL (Jn. 8:10-11)
April 11th, 2009 at 7:05 am
Kei chu ka hriatna a tlem deuh va………. VIP leh Bible ka tehkhin thiam em em hran lova….. mahse, kan Pu Lal Thanhawla (CM) hian “Tun Congress ah chuan Mirethei hi kan VIP an ni ang” a tih chuan., Kei a lo ngaih ve dan mai mai chuan an fail tan der tawh ka ti mai. A chhan chu VIP awmzia i lo hrilhfiah tawh bawk a, sawi nawn tawh kher lo ila. Mirethei ho VIP an nih tir dawn chuan……. thingtlang a Current awm tha ngai ta reng reng lo te. Tui harsatna na men lova lo awm leh ta thut mai te hi….. ka hre thiam phak tawh bik lo! Kan VIP lo khawp ani mai ang chu ka ti mai. MNF Ministry ka sawi fak lam ni lovin…. Pu Zoramthanga (Ex CM) term chung khan Current leh Tui kan hniang hnar deih zawk!!! Ni e, Congress chu an term an in tan deuh chauh alawm kan ti mai thei….. dik na lai chen a awm! Mahse, an au hla ah chuan ……. Lalthuttleng … an thut ni atangin a lang tan ang tih ani leh lawi bawk si a. Lalthuttleng ah chuan an thu ta ngei a……. a lang em em leh lawi si lova. Mirethei tan hriathiam a har lu lai deuh chu ani e.
Keia lo ngaih ve dan mai mai chuan…….. khitiang thu tha lutuk te khi chu Political “SLOGANS” ni mai ah ngai.
[Report abuse]
April 11th, 2009 at 7:35 am
Bible pawh kan chhiar tha peih lo a, hetiang lam ARTICLE hi chu ka chhiar ngai lem lo a ni.
Politician hovin “Pathian leh Mipui zarah” an tih thin pawh nin tawh nak alaiin… Miretheite hi VIP kan nih leh nih loh chu hun rei lo te ah a rawn lang uarh mai ang. Hman ni lawk a Parliamentary Secretary rawn zin ve te kha aaaaaa
[Report abuse]
April 11th, 2009 at 9:08 am
Ngatinge Congress an sorkar velah hian Aizawlah hian current hian awm loh a ching em em a? Mombati sorkar an lo ti thin a an term hmasa khan, an la mombati reng tihna chu anih phawt dawn hi.
[Report abuse]
April 11th, 2009 at 9:42 am
Thlathum emaw awrh chauh an la sawrkar a, chumi hun tawitea judgement lo siam zung zung hi a fuh ber lovang. Congress hi ka support hran lova, a party ang chuan han tan bik em em ka neih ka hre lo.
Lo thlir phawt ila, hmachhawp tam tak an nei a. An hmachhawp ho hi an tihlawhtling thei angem tih vel erawh hi chu a peih deuh hovin lo inrinsiak vel mai mai sela, awmzia tehchiam a neih phah bawk hek lovanga..
Kan mize zinga tha lo pakhat chu..mi kan judge zung zung zel hi niin ka hria.
[Report abuse]
April 11th, 2009 at 9:49 am
By the way..is this Mr. Biakchungnunga, Politician ? If yes, since when did the Politicians become preachers ?? Politics leh Bible kaihpawlh ziah hlawm mai.
[Report abuse]
April 11th, 2009 at 10:25 am
lunglei lam nilom ni! ?? hoping to the be next president of hamaradesh!???
noi
[Report abuse]
April 11th, 2009 at 11:08 am
Mr. KL.Biakchungnunga is not known as Politician, he’s a preacher and a good writer. For further detail, ask Muantea..
[Report abuse]
April 11th, 2009 at 12:02 pm
lolz@ coolsoul – I comment #4 leh #5 chu a va in su chiang ve lolzz!!
[Report abuse]
April 11th, 2009 at 1:06 pm
Politician thu sawi chu awih loh phawt tur,an tihlawhtling anih tak leh lawm viau tur.Lo rin ve pan pan a,an tih leh siloh hian a thinrimthlak mai mai.Mi rethei vip tih pawh hi tun thleng hi chuan a dikna ka la hmu lo,han nghak leh deuh ang hmiang,vaihawl trang rawh..
[Report abuse]
April 11th, 2009 at 2:35 pm
K.L.Biakchungnunga hi Rev.K.L.Vanngaia fapa, Serkawn, Lunglei mi a ni. Baptist Higher Secondary School ah Principal a ni thin a, ka hriatna a sual loh chuan tunah hian Delhi ah PhD a ti mek. Thuhril thin a nih bakah kohhran upa a ni. Kan hotupa thin a nih vangin ka hriatchian mi deuh a ni a, dikna ngaina mi Tribal Scholarship pawh dik taka la tura zirlaite fuih thin tu a ni. Bible thu fiah tak tak leh ngaihnawm tak taka ziak leh sawi thiam mi tak a ni.
[Report abuse]
April 11th, 2009 at 3:22 pm
* be the
@ mat402 i hre dik e!
[Report abuse]
April 11th, 2009 at 3:54 pm
A va han sei e aw….tih bak chu sawi lo mai ang, hei chuan pu chawnghilh a khum tlatin ka hria ziah sei lama
[Report abuse]
April 11th, 2009 at 3:59 pm
coolsoul09 says @ comment 4 : ” Kan mize zinga tha lo pakhat chu..mi kan judge zung zung zel hi niin ka hria. ”
—-VRS—–
coolsoul09 says comment 5 : By the way..is this Mr. Biakchungnunga, Politician ? If yes, since when did the Politicians become preachers ?? Politics leh Bible kaihpawlh ziah hlawm mai.
Ka lawm e !
No offence !
[Report abuse]
April 11th, 2009 at 4:04 pm
Lal_Viking
ka lawm e keipawh
No offence
[Report abuse]
April 11th, 2009 at 4:27 pm
Everyone is entitled to their own opinion. It’s just that yours is stupid.
No Offence
[Report abuse]
April 11th, 2009 at 4:52 pm
Religion + Politics = Corruption
nothinelse … just watch and see
[Report abuse]
April 11th, 2009 at 5:00 pm
Religious + politics = ??????
no offence
[Report abuse]
April 11th, 2009 at 5:16 pm
fatjo … look at MIZORAM!!
[Report abuse]
April 11th, 2009 at 6:21 pm
engtin nge coment hi i modi theih bik aa???? a hma mi kha k ho lem chuanglo na in…
[Report abuse]
April 12th, 2009 at 12:14 am
Chawhpawlh nun hi ka ning,he article ka chhiara ka rilrua rawn lang chu chawhpawlh nun zu han ni daih a,a ziaktupa ka selna a ni lo ania..tin,ram hruaitu kristian thra tak tih vel ai mahin kan mamawh leh a duty a chiang kan mamawh,minister kohhran upa te pawh kan nei thrin a ni lawm ni?rah thra enge an chhuah,koh upa an nih vang chuan?
[Report abuse]
April 12th, 2009 at 2:04 pm
@coolsoul09 : Kl.Biakchungnunga chu tu emaw i hmelhriat tha tak te chhung hnai tak an chipui a ni e
[Report abuse]
April 13th, 2009 at 4:24 am
@triple : K. L. Biakchungnunga hian ZIAK SEI ZAWK hauh turin comment a la rawn nei ngai hlei nem! Ka nau duh tak KL-a hi ka chhuang reuh asin! Kan nui dun hnem teh thin asin! Doctorate thuai thuai teh se. Duhsakna ka hlan e.
[Report abuse]
April 13th, 2009 at 5:41 am
KL Biakchungnunga in tih hi ka hre chiang ltk, a ni pon min hre chiang ltk
misual.com a regu ve tak Epistemology nen poh an in hre hnaivai khop ang…… soi vek lo mai ang
chawnghilh hi min hriat loh pon ka lo hre ker che ang em aw te han ti ve ringot ila
KL-a, lunglei khaw pa hi ka chhuang teh a nia tih kan belh hram teh ang
[Report abuse]