Archive for the ‘Christmas’ Category

‘mas 2011 leh kum thar 2012 hlimthla thenkhat.

Wednesday, January 4th, 2012

Kum 2011 chu liam in kum 2012 chu kan lo chuang kai leh ta der mai. He hunpui 2 te hi Mizo kristian te chuan kan hman dan a in ang deuh put in a rinawm a. He hunpui chung chang a post atang te in kan hman dan tlangpui chu kan hre thei awm e. Ka camera kawl in a tawn ve chin ka han pho kual ve leh mai mai ang e.

Pic 1. 2009 krismas atang khan, misualdotcommer chuan Aizawlah Charity bawm hung in, mi haihchham leh tanpui ngai, tawn theih chin ang ang tanpui hna a lo tan tawh a. Kum 2011 pawh hian Charity bawm chu hung leh in, December ni 22 khan a bawm hi hawn ani. Bawm hawnna leh a semnaah hian, misualdotcommer, Aizawl a awm remchang chang te kan in tawiawm tlang a.

P
ic 2. Sum hi TB Hospital (Zemabawk), Civil Hospital (Aizawl), Damna In (Zuangtui), Cancer Treatment Centre (Zemabawk) leh damlo/harsa dang hnenah, thawhlawm hi pek chhuah a ni.

(more…)

Kan khuaa krismas

Tuesday, January 3rd, 2012

Tun tum krismas chu kan khaw lamah ka hmang a, kan kohhran kan hlim a, a nuam khawp mai.

Ni 25-ah khan thingpui leh chhang ruai kan theh a, ni 26-ah tisa lam ruai. Mi inphalte’n sum leh pai leh ran an thawh hmangin ni 27 leh 28-ah kan nawn sak a. Zan hnih chu kan lengkhawm tlaivar a, Pathian hnathawh a ropui khawp mai.

Tichuan, kumhlui thlah zanah kum dang angin inkhawm leh lengkhawm a awm a. Kumthar ni hi thingpui leh chhang ruai nen kan hmang a. Ni 2-ah tisa lam ruai kan theh ho leh a. Hemi ni hian zingkar atanga ruah a sur avangin ruahsur hnuaiah ruai kan theh a. Tichuan, kumthar lawmna programme chu kan hmang zo ta a ni.

Krismas leh kumthar kan hman chhung hian Pathian thlarau thianghlim hnathawh a nasa em em a; inkhawmah pawh lamtual leng lovin kan lâm mup mup a. Nu leh pa, thalai leh naupang chenin Pathian fakin ban an phar a. Nupaa lâm láwp lâwp te, nu leh a monu lâm ho han hmuh meuh chuan hnuk a ulh duh hle.

Hei hi ka rawn report mai theih ni se. Mahni awmna hmun theuhva kan krismas leh kumthar hman dan i sawi tlâng ang u hmiang.

Mumbai Mizo Krismas hman dan

Thursday, December 29th, 2011

Tunlai hi post a rawn lut hnem vaklo bawka, Mumbai Mizo Association in Krismas kan hman dan ka rawn update ve mai mai teh ang. Helam Mumbai ho chu Mizoram angin chawlh kan nei hnem ve lova, December 26 ah hna kan thawh leh vek a ngaih avangin Krismas ni vek khan Inkhawm leh ruaitheh chu kan ti kawp ta mai a.

A hmun: YMCA, Colaba.
A hun: Dec 25, 12:30 atangin zan 9:00 thleng

Thlalak source leh Pu HT Sangliana thlalakpui vanga intithei: beethugs

Krismas hmanpui tur rawn zawnga hlawhchham ta: Asteric

Krismas hmanpui tur nei sa: Sandman

Heng bakah misualdotcommer 10 vel kan inhmukhawma, nuam tak chu a ni.

(more…)

‘mas vuakvet thlalak thenkhat

Wednesday, December 28th, 2011

Kumin krismas liam mek thlah nan, a thlir peih peih thlirah han vawmkhawm leh mai mai teh ang. Kristmas essay leh sermon ka phuah thiam ve dan in :D

Pic 1. Krismas hi chhungkaw programme pawimawh tak pakhat chu a ni ve ani.

(more…)

Krismas Ruaitheh (Pic album)

Tuesday, December 27th, 2011

Mizoram a kristian te hunpui, krismas chu a programme hman chhoh mek a ni a. Krismas in a ken tel, ‘mas ruaitheh’ thlalak, kan veng bik ami thenkhat ka han vawm khawm ve mai mai ang e.

Pic 1. Krismas ruaiah hian vawk hi ran talh zingah chuan a lar ber awm e. Kumin hian vawk 4, kan kohhran bikah talh a ni.

(more…)

Merry Christmas was over

Tuesday, December 27th, 2011

Mizoram lamah chuan ni 26 hi Ruaitheh ni a ni leh chauh ang a, Kumthar pel rawkin khuangte leh Khuangpui ri hriat tur a awm leh ang a. Hmun thenkhatah chuan Thalai pualin Keyboard te nen hlim takin in zai leh awm si a. Keini lam ah thung chuan zan 5/6 vel Carol hnuah ni 23 leh 24 chhun lamah outdoor games te khelin zan lamah Cultural Program te hman anih hnuin Krismas ni a Inkhawm banah Ruaitheh nghal vek ani a, Ruaitheh zawh Chawhnu dar 2 velah chuan Krismas boruak chu a zo chiangkuang leh hle tawh a ni.

So this is Christmas. What have you done? tiin he hla ngaithla pah hian i inzawt theuh teh ang. He hla hi a sa lar tu tak chu John Lennon kha niin ka hria a, Mahse hei The Corrs ho zai Video hi ka neihna a rei fu tawh a, en an nuam ve mai mai a nia. han en ve hlawm teh u le.

https://www.youtube.com/watch?v=y0ZrQT5d8G8&feature=youtu.be

He hla hmang hian Misual.commers zawng zawngte Christmas leh Kumthar Chibai ka buk vek a che u.

A lo nuam ber mai e

Monday, December 26th, 2011

Mizo te tan Krismas hi, kan ni hlimawm ber, leh ropui ber a ni a tih loh theih loh. Tunhmaa kan lo hman thin dan te phei kha chu, December ni 20 vel atangin, khawtlangin thing kan han phur khawm tan a. December ni 23/24 ah hnah la turin nula tlangval an han thawkchhuak leh, ruai buatsaihna tur hi a vum thur tawh mai a.

December ni 24 zan tlaivar pawh, tlaivar lo pawh zingah mahni neih an gang hriamhrei rawn hum chhuakin, Vawk, Bawng talhna hmunah an rawn fuankhawm a, nula ho lahin, hmarcha rawt tur, purun, hmarcha, sawhthing, tomato, bahkhawr etc. an lo kheh a an rawt mur mur bawk a. Krismas ni zing lo chuak no sut, vawt raih karah, kan phe mur mur a, kar lo-ah, Bawng 2, Vawk 4, Ar 10, Sangha kg 20 – sa te kha chu, kut a rual tha bawk a, kan chan zo zung zung thin a nih kha. Naupang ho lahin, saphing an lo ham puar a, anlo pet bawk.

Tlailam ruai the halo hun a, khelmual neih zauh ber, a khuk lutuk lohnan, fatu ten tui an han theh huh thet thet a, chutah chang-el hnah an han phah kawkalh nak nak mai a. Fatu ten, chaw an han bun a, sa rawn chhun leh na tur, kut-in, a lai an han hai awl nawk nawk a, chaw an dah kual chhung ah chuan sa leh sihneh buhchiar, mawm eng hlui mai an han bun a, Vawksa, a kawchhung nena chhum pawlh, antam kuang phek satui a chhum zawr hnup an rawn bun khat hnur mai a. Bawngsa chhum anla rawn bun zui leh nghal a. Bawngsa chhum tuihang no-vin an rawm sem zui bawk.
(more…)

Kan sawi ve mai mai

Monday, December 26th, 2011

Kumtin a kan nghahhlelh em em krismas chu kan thlengin kan hmang zo chu a ni leh á¹­an ta der mai a, he hun hi á¹­henkhat tan hun hlimawm leh lawmni a nih laiin á¹­henkhat tan chuan fam ta te ngaih zual hun, luaithli kan nul leh hun a ni fo…. Tunlaiah hi chuan Krismas kan hman dan te hi a danglam deuh ta niin a lang.

Krismas kan hman chhan Isua Krista, khawvel chhandam tura he khawvela a lo pian ni champha a nih pawh hre mang lo khawpa khawvel hlimhlawpna lam a tlan kan tam tak dan te hi han ngaihtuah chian chuan lunglai hi chu a na á¹­hin deuh chu a ni.

A mah chibai buk a Pathian tih lawm ai chuan mahni hlimna uma khawvel taka hun hman kan thlahlelh ta ni berin a lang. Ka á¹­hianpa pakhat zu duh ve tak pakhat chuan ti hian a sawi á¹­hin, “Zu hi duh in rui rui á¹­hin mah ila, Krismas ni hi chuan ka nghei hram á¹­hin’tiin.

(more…)

Hlau suh (Sunday & Krismas pual)

Sunday, December 25th, 2011

Hlau Suh (Sunday & Krismas Pual)
Mihring nihphung pangai bak a thil thleng a lo awm hian, Mihringte hi kan sahawk a, kan hlau a, ka beng kan tun hru hru thin anih hi. Eden huana Setana(Diabola) bumna avang a Pathian Thianghlim leh Mihringte inkara inzawmna lo chat ta, rawn suihzawm leh tur a Pathian Fapa Isua Krista he khawvela mihringa alo chan dawn hian thil pangailo tak tak a thlen a ngai nual mai a. A lo dawngsawngtu Mihring thisen lum tan phei chuan hlau a phut hlum theihna hial tur khawpte anni hlawm awm e. Nimahsela, bawhchhiatna avanga Mihringten Pathian hmel kan lo zah leh kan lo hlauh tak tlatna atang hian Pathian chu kan hnenah lo cheng lehin, “Hlau suh”(Do not be afraid) tih hi Krismas in a ken tel thuchah pawimawh tak a lo ni ta a ni. Chungte chu I han tarlang dawn teh ang.

1. Thuthlunghlui lam a Lal Isua lo pian tur hrilhlawktu ber Zawlnei Isaia khan Isaia bung 9 a kan hmuh ang khan, “Thlaphanga awm tawh tan chuan nguina reng reng a awm tawh lo vang” a lo ti daih tawh a.

2. Lal Isua tana kawng lo buatsaihtu tur Baptistu Johana lo pian dawn khan a Pa Puithiam Zakaria hnenah khan Vantirhkoh a rawn inlar phut mai a (Luka 1:10-17). Zakaria kha a mangang a, hlauh pawh a hlau a ni(Luka 1:12). Nimahsela, Vantirhkoh khan, “Zakari, hlau suh” tiin thlamuanna thu a rawn thlen a.
(more…)

Krismas Pawl (Blue Christmas)

Sunday, December 25th, 2011

Kum tam tak a lo liam ve ta reng mai, mahse chung hun lai han ngaituah let chuan mitthlaah erawh a la chiang hle thung a ni. Sikul lama ka result-ah chuan a vannei pawlah ka tang ve mial a. Ka pa in ka pass lawm nan a Ramthar (Ringthar khua) ah Krismas hmang ila a ti pawh chu chak em em lem mah ila ka aw ve mai bawk a. Khang hun lai khan tleirawl tuaitir te rilrua a lo lan ve reng lai a nia, mahse amah vanga thulh leh mai erawh a chi bik tawh silo. Chu mi hma kum te chuan Krismas hnaih hian Rangvamual kan tlawh fo thin a. Mahse, an siktui thiang dawn tur nilovin kawng dung a, hnim hnah tur vawk chaw, Japan hlo par kan zut thin a. Thlasik sikul chawlh a kan hna ber kha ni a, hrehawm kan ti lutuk hran bik lo.

Chu mi tuma Ramthar zin a kal pawh chu kan thahnem phian a, kan kohran upa chhuanvawrin min hova, thla a muangin nuam kan ti tlang khawp mai. Kan zinna khua kan thlen tuk chuan kohhran hnatlang in kawng laia inhlawhnaah kan kal vek a. Tlai lamah kan cham chhunga kan rin tur vawk kan talh a. Kan vawk talh lah chu a nu ah mah chuan a no pai lai a a ni kher a. Kan Leader chu an va rawn a, a ni lah chuan ‘ar pawh a tui lai te chu a tui hlei hlei a, a pawi lo’ a lo tih avangin kan talh kha a ni a. A note zawng chu kan phum a, kan vawk talh thawnthu chu hmeichhe ho kan hrilh lem lova. Anni pawh chuan tui ti tak chuan an ei ve mai a.
(more…)