Post ziah dan

Misual.com a thil post tur chuan account neih phawt a ngai a.

Login a ngai..
Account i siam zawhah a hnuaia link hi click la, login na tur a lo lang ang.

main page

I username leh password chhu la, login tih kha click rawh le
login

Login hnu chuan..
I username leh password a dik chuan hemi page hi a lo lang leh ang a

edit

Posts button kha click leh roh le

Hetah hian post awm zawng zawng, post chhuah tawh te, publish mai tura peih tawh (scheduled) te, admin ten endik nghak mek (pending review) te leh endik tura a ziaktuten an la dah loh (draft) te a lo lang ang a.

Post thar add tur i ni bawk a Add new kha click leh rawh le.
new post

A ziah theih ta..
I thu post duh chu a thupui (title) leh a chhung thu i type thei tawh ang. Heta button pawimawh em em mai chu ‘more’ tih hi a ni a, hei hi i post a in publish hunah ‘read more’ tih hma zawnga lang tur kha i thlanna hmun a ni a. A tlangpui thu in paragraph 2 hnu velah read more hi dah ila a tawk vel thin.

more

Eng lampang nge i ziah?
Post chi hrang hrang a awm avangin category ah dah thin a ni a, i thuchhuah tur pawh chu eng category ah nge a awm tih uluk taka ngaihtuah chungin a awmna awm category i thlang dawn nia.

category

A la chhuah theih loh deuh..
Engemaw vanga i post chu ziak zo lova kalsan i duh a nih chuan save draft kha click la, tichuan i post kha admin te review tura thawn hrih lovin a in save hrih dawn a ni.
draft

Posts list i en leh chuan i thuziah kha drafts zingah a lo awm ve tawh ang:
submit

A chhuah theih ta..
I post chu i duhthusama i ziak tawh a, publish mai theih a nih tawh chuan submit for review kha click la, admin ten a remchang hmasa berah publish theih turin an lo buatsaih thin dawn a ni.

review

Posts list i en chuan i thuziah kha pending review zingah a lo awm ve tawh ang:
pending

Hriattur pawimawh
Engemaw vangin i post chu publish rem hrih lovin a awm thei a (a tawi lutuk vang te, midangin i post tum ang an lo post tawh vang te etc). Admin ten an endik hnu ah chutiang a awm a nih chuan a title ah [check admin note] tih an belh thin a. i post ah chutiang a awm a nih chuan edit clik in hawng la, chutah chuan admin ten enge siamthat ngai an lo ziak ang a, chu mi chu i siamthat hnu ah review turin i thehlut leh dawn nia.

mi(sual).com a thuziah kan submit hian khawngaihin tawngkam leh punctuation hi uluk ang u. Points tlemte lo tarlang ila:
1. SMS language hmang lo hram ang u. Entirnan: kn thriante nen cuan kan in komgeih ltk
2.. “Tr” hi hmang lo hram ang u. Entirnan: “Tranpui ngai te tranpui hi thil thra tak a ni” tih aiah “Tanpui ngai te tanpui hi thil tha tak a ni” ti ila a dik zawk a chhiar pawh a nuam zawk.
3. Punctuation mark (comma, fullstop, semicolon etc) zawh chiahah hian space dah zel ang u.
4. Paragraph fel tak in siam ila, chuan category uluk takin thlang bawk ang u.
5. Mi thuziak kan la chhawng a nih chuan a theih hram chuan a source emaw a ziaktu hming/lehkhabu i tarlang ang u. Hei hian website dang atanga lak pawh a huam vek.