Hringnun hi zirchian hman lohin a liam vut vut mai a, hriatchian hman loh khawpin nundan a danglam chak a, vawiin hi nimin a lo ni a, nimin hi hmanni a lo ni a, hmanni hi hmanlai a chang zung zung mai zawng a nih hi mawle!
He hringnunah hian zir tur hi a va tam em? Zirtawpni thleng hman loin Thawhlehna beiseiin thlan khurah kan invui liam mek zel bawk a!He hringnun chhukchho, buaina leh harsatna ten a bawm khahah hian hringnuna pawimawh nia ka hriat hi tuma’n an hre ve lo ang chu ka ti ngam lo!
Anmahni ni ve ta ila : Mi reng reng kan sawisel hma hian anmahni ni ve ta ila tih hi ngaihtuah hmasa phawt thin ila. I tan chuan zuin loh hi a har lo mai thei, i hmaah eng anga tam pawh inchhawp se i chil a ti put lo mai thei. Mahse, YMA, KTP hruaitu thenkhat tan pawh do har tak a ni ve thei tho! Mi tuin emaw ruk a ru a, tual a that a, mi a pawngsual a, a eiru a…. i dem em em, i haw ngawih ngawih, mihring pangai i ni, i rulru puthmang kha a dik chiah. Mahse, heti zawng hian aw… Anmahni ni ve ta la, engtin nge i tih ang? Engvangin nge i ruk, Engvangin nge tual i thah, engvanginnge i eiruk. A chhan leh vang ngaihtuah rawh? I ngaihdan hmasa kha i thlak daih mai thei a nia!
A small leak will sink a great ship : “Thil pawp tereuhte hian lawng ropui tak pawh a ti pil thei” tih hi theihnghilh ngai suh. Thil tereuhte i tih hian i nun pumpui a ti chhe thei tih hi hre reng la, i thil tih leh sawi reng rengah ngaihtuah chiang hmasa lo chuan engmah ti ngai suh ang che. Inlak pa nan emaw inlak changkan nana zu no khat i lem ve puat hian zu ngawlveiah a chhuah thei che tih hi theihnghilh ngai suh ang che. Engtin emawa i awm lai phone camera-a i thla i lak zeuh hian i nun zawng zawnga tichhe thei!
Mihring ve tho an ni : Famkimlo Mihring kan nih avangin kan mihringpuite tlinlohnaah ngaihdam kan inpeih reng tur a ni. Sunday School zirtirtu zuin i hria, Kohhran hruaitu vantlang ram nek pawh i hria. I sawisel hmain heihi ngaihtuah phawt teh. Mihring ve tho an ni a, tisual ve thei tho an ni tih hi ngaihtuah phawt thin ang che. I u leh nau, i nu leh pa, i thawhpui, i ngaihzawngte pawh mihring ve tho an nih avangin hringnuna an tlinlohna lai lo lang awm thinah hian ‘mihring ve tho an ni’ tih hi theihnghilh ngai suh ang che.
Vawikhat chiah piang dawn : Mitthi tholeh emaw Hindu sakhua betute kan nih ngawt loh chuan vawikhat chiah kan piang ang a, vawi khat chiah kan thi ang. Khawvel hian engtin nge min hre reng se kan duh? A tha lam zawngin nge a chhe lam zawngin? Chu chhanna chu i thu thu a ni e. Chhehvel hnehtu nge i nih dawn chhel velin a hneh?
Living well is the best revenge : Hmeithai fa i ni mai thei, khawsak harsa tak leh chhungkaw ropui lo tak atanga rawn piangchhuak pawh niin, Mi hmuhsitna leh tawngkam dengkhawng tak takte pawh i lo dawng tawh pawh ni teh se. Tin, duhsakna leh vanneihnate pawh hi i tan vana rah ang te pawh a ni mahna! Chung zawng zawng hmaa hnehna hlado i chham theihna chu “Living well is the best revenge” hi a ni.
Mihring zah rawh : Khawvel mihring hei zat zingah hian inang hi tumah zuk han awm miah loa, mak ve tak chu a ni. Ama anpuia siamte kha kan ni miau alawm! Chuti khawpa pawimawh leh hlu i mihringpuite hi zahna chang hria ang che. Mihring reng reng hi a reithei emaw a zir sang lo emaw a fel emaw a sual emaw pawh nise Pathian-in a duhtaka a siam mihring a nih miau avangin “ZAHNA” kan pe tur a ni. Rannung leh ransa mai mai kan ni lo. Mihring pakhat avangin ram a dingchhuak thei a, a tluchhe thei asin!
Midangte tan : He hringnun zirlaia pawimawh tak pakhat chu “Midangte tana tangkaina” neih ve hi a ni. Chhehvela awmte tana hnawksak nge kan nih thlamuanpuiawm tih kan inngaihtuah fo pawh hi a fuh hle ang! Hringnun hian mahni tana tangkai thei ang bera hun hmang turin min ti a, chutih lai mek chuan ‘midangte tana tangkaina‘ neih ve theih hi a va hlu lawi si em!
Similar Posts:
- Saizahawla thufing pasarih
- I nun atan tun hun
- Hringnun
- Lalpa I hmangaih ang chiah khan Lalpa’n hmangaih ta che se la!
- A sawt tawh thin silo!
February 8th, 2010 at 3:49 pm
First ti ziah suh u
[Report abuse]
February 8th, 2010 at 3:54 pm
First tih ringawt hi comment thin tawh suh u, admin ten kan delete zel dawn.
admin te ka rawn sawi khalh keuh anih hi
lianchiara: midang tana nun a rawn sawi bawka, i tana nungin i first ai kalo first zawk ang chu
second.. pieauh
[Report abuse]
February 8th, 2010 at 3:55 pm
A tha ngei mai. Hringnun zirlai hi zir zawh tih a awm thei dawn lo. Ziah zawh famkim pawh a theih loh. I ziak tha, i ziak thiam. A tawp erawh a pial mah mah em aw?
Tute emaw chuan, an source ziak lang lovin an chhuah chhawng leh duh maithei a ni!
[Report abuse]
February 8th, 2010 at 3:58 pm
He post chu tha leh pek ve, ka tan a poimoh hle mai, kohhrana a kula tataia inhmang, inti fekfon thlarau bo leh mirethei te veilo tan chiar chi tak aniag
[Report abuse]
February 8th, 2010 at 4:16 pm
First an phal tawh loh kha, ngati nge inla first ziah a
[Report abuse]
February 8th, 2010 at 4:20 pm
Mahni in en fiahna darthlalang ni teh se. Mi dangte chhiar ah it lo in aw…?!
[Report abuse]
February 8th, 2010 at 4:43 pm
@Mickey Hlondo, i va ziak tha teh lul em! I point zawng zawng zinga pakhat mai pawh khi nunpui tham a ni! Khingte khi hrerengin nunpui thei hlawm ila chuan hringnun khawvel hi a va nuam dawn em!
Thanks for the post!
[Report abuse]
February 8th, 2010 at 4:54 pm
Hringnun hi chhiar thiam a lo har tak zet tih han upat ve telh2 hi chuan a chiang zual zel in ka hria.Zirtur tamzia te, mahni tawk te2 a han hriat belh ve zel leh midang an lo ropui zia han hriat leh hmuh te hian,ka te vawng2 hian ka hre thrin!Tlawmna nun an tih fo te hi har ka va ti ngai em!Mahni thiamna ni ngei a in hriat a,tlawmna nun han neih ngat mai ngai te hi!A hun tak ah hian har ka ti leh zual thrin.Thinrim reh deuh hnu leh in ngaihtuah fim deuh hnu hi chuan a tih2 dan pawh a awm deuh!Tun a ka trawngtrai ve na ber thrin chu midang te tan a malsawmna nih hi a ni,thiam,neih leh theihna nei tlem hle mah ila.
[Report abuse]
February 8th, 2010 at 4:56 pm
amen..!
[Report abuse]
February 8th, 2010 at 5:10 pm
A va tha hlawm tak em. Point No 1 leh 6 khi practise ve ka lo tum hram hram thin ani (har thin khawp mai). Mahni tana sengluh chu a tha ber mai, mahse a tawp point pahnih khi chu kan hnathawhna a kan Pu pakhatin chhiar ve hlauh se insiamthatnan han hmang hram se ka va ti e.
[Report abuse]
February 8th, 2010 at 5:14 pm
A thu hi a tam in a thui bawk a trhat ngei ka beisei ka la chhiar hman lo ka buai rap nakin ah hunthawl ka neih hlauh chuan ka chhiar chhuak DAP ang.
[Report abuse]
February 8th, 2010 at 5:14 pm
Pathian hian keimahni theuh hi a bik tak a a siam,an pui chiah chiah dang reng awm thei tawh lo tur ka nih si chuan engtin nge ni ang le?.
*Ka thawk lo a nih chuan chatuan in thawh loh vin a awm ang a,
*ka sawi lo a nih chuan chatuan in sawi loh a ni mai ang a,
*ka pe lo a nih chuan chatuanin pek lohvin a awm mai bawk ang.
Keimahni theuh ang hi leilungah siam an ni leh tawh dawn si lova. He thu a ka ziah pawh hi tuna ka ziah loh chuan chatuana ziah a ni dawn lo.
*Mi dang tan vek thil tha ti ni a ka inhriat hi…
*Mahni tan vek a tha a lo ni thin… a tawpah chuan!
[Report abuse]
February 8th, 2010 at 5:42 pm
a va han tha dap dap ve le.
Ni e. Hringnun hi a kal vut vut a, a liam zung zung a. Hmanni lawk a kan MI Charity lai te kha a la rei lo hle a hriat laiin february chawhnu kan thleng leh tep ta mai, masi laia kan thil tih tha lo avang a tuna thil vei veng veng te kan nei em le?
Mitin kan in ang lo a, kan rilru puh hmang leh hnathawh leh duhzawng te pawh. Hei vang hian, midang tana hnawksak ni lo tur a rilru zau put hram hram hi keini mi(sual) te hian i tum hram hram teh ang u
[Report abuse]
February 8th, 2010 at 5:53 pm
Kumthum/li(?) vel kalta a boral ,ka thrianpa ngaih em2 mai a thih thu ka hre ve chauh pek a,hostel kan awm lai kan in ngainat theih zia te kha!Ka lung a va leng tak em!Smokie-hla kan play thrin,tun mai ah pawh khan ka play nawn leh ngat!Mexican girl,alice e.t.c tih te.Vairam a lehkha kan zirlai in kan hostel kan in picnic!smokie hla ngar2 kan play!Vai ho pawh khan an duh chawp ve mai niin kan ngai!A ni kha Lawngtlai lam chhuak a nia!Misual ah hian lawngtlai lam in awm mai thei!Ka thrian pa hming chu Vantea!
[Report abuse]
February 8th, 2010 at 6:01 pm
Midangte tan kan trangkai theilo anih pohin hnawksak lo tal ila, Nun Uluk hi a poimoh hle, tlai luat a neilo tih hria a nun thlak ngama huaisen leh tumruh hi a poimoh hle bawk.
[Report abuse]
February 8th, 2010 at 6:14 pm
Misual post ka chhiar ah chuan ka la duh ber mai
[Report abuse]
February 8th, 2010 at 6:18 pm
Hmana ka thil tih, ***(darkar 1 nawmna) avangin ka khua a sik er er tawh chuan ka ngaih a tha thei lo. Thisen test ka ngam bwk si lo… :roll: Siam that/ edit theih tawh loh, re-cover theih tawh loh hringnun zamual liam mek, tun hun ngei hi hman that a va pawimawh em! Nang, ka thian, i nun uluk rawh!
[Report abuse]
February 8th, 2010 at 6:26 pm
Nu leh pa leh kan mi ngaihsan zawng takte weakness hi kan strength ni turin tran la ila.
Tin, mipa hian relationship reng rengah ‘Respect’ an duh ber e an ti tlat, a dik leh dik loh phei chu ka hre hlei law
[Report abuse]
February 8th, 2010 at 7:41 pm
[Report abuse]
February 8th, 2010 at 8:48 pm
Anih leh kan nupuite uire ta se, “a…mihring ve tho, famkimlo ve tho an nia lom”, kan ti liam zel dawn tihna mi? NOI.
[Report abuse]
February 8th, 2010 at 9:07 pm
@ ^-||RaLtE||-^ hringnunah hian thil ngaihtuah ngai deuh hi chu a awm. nupui kher lo pawh, pasal pawh lo chesual ta se la, i thlir dan khi a lehlam thlir dan tur tho a ni. Hringnun complex tak hi chu a nawm viau laiin, a hahthlakna lai hi a awm ve tho a nih hi maw… Hei tak hi ‘Hringnun nawmna a ni’ kan ti daih teh ang…
[Report abuse]
February 8th, 2010 at 9:32 pm
@Mickey Hlondo : thu ziak i thiam nge i ngaihtuahna a ril pawh ka hre thiam ta lo!?
@kawlhawk #17-na “thisen san thut” vang mai mai a lawm
Hringnun hi zawng chhiar thiam zik-tluak thei tumah an awm ngai lo, ngaupang “Zir tirh bu” zir ang chuah kan ni zel a nia!?
[Report abuse]
February 8th, 2010 at 9:39 pm
Mihring ve tho an nia, ti a kan in enliam thin hian sual vulh len nan hun tha min pe chawk thin.
* Kohhran upa a nih chuan entawn tlakin nun tum rawh se.
* Mi tupawhin famkimlo a nihna inhre reng chungin hmasawn zai rel rawh se.
* Mite zirtirtu kan nih chuan mite zir chian tlakin nun kan hmang tur a ni.
* Sawiselna leh sual huatna hi khawvel tithianghlimtu a ni.
Tlawmna leh ngaihdamna kan changchawi ta mah mah hian, sual pawh inthlahrunglo takin kan tapchhak zawlah a thut tir ta vuah mai ni berin ka hria.
[Report abuse]
February 8th, 2010 at 11:21 pm
@shai, ka soi tum omze diktak chu @pimpom soi hi a ni e. Tra lalala…
Tin, post thar awm leh hmasa ber tur 1st ka hauh e. OT.
[Report abuse]
February 9th, 2010 at 1:22 am
Ziak tha khawp mai.
Miin mipui hruai ngam khawpa hruaitu a nih ngam chuan entawn tlakin nung se rawh se; a ngam lo anih chuan hnialthla mai rawh se.
[Report abuse]
February 9th, 2010 at 8:54 am
@PimPom #23…thlirna tlang dang atangin a dik leh fu mai! Hruaitu leh mipawimawh dinhmuna dingte hian entawntlak nun an neih hi zawng a pawimawh thlawt mai. Amaherawhchu, a tawpkhawkah chuan tumah hi famkim kan awm lo va, mi tha tak nia kan hriatte pawh hi mi thenkhat chuan an that lohna tam tak an lo hre ve tho thin a. Chung ang hunah chuan a nia, ‘mihring ve mai bawk a ni e’ tia hriatthiamna nena en an tul thin chu! Chumi hriatthiamna chuan KEIMAHNI zawkah khan rah tha a chhuah daih thung. Entirnan, ka mi ngaihsan em em khan thil lo tisual se la, mihring ve mai a nihzia ka ngaihtuah loh chuan keimah zawkah khan beidawnna min pein, tih sual ve mai pawi tih lohna hial min pe thei.
Mi dangte an ‘mihrinna’ avanga kan ngaihhnathiam lai khan an thiltih sual erawh chu a tha e tia pawmpui kan ni lo tih erawh chian a tha bawk. Thil tha duh avanga insawiselna leh sual huat hian thianghlimna kawngah hma min sawntir tih hi chu a chiang khawp mai. Chutih rual chuan midangte kan tehnaah hian mahni kan intehna aia khirh leh sang chu hmang lo hram ngam thung ang u…tih vel hi ka han sawi ve leh ta duah a ni e!
[Report abuse]
February 9th, 2010 at 9:17 am
Mickey i thu ziak hlu tak hi ka lo save ang a, ka nun min khalh ngiltuah chang teh se. Irre #18 1st para pawh hi hriatreng tlak ani
[Report abuse]
February 9th, 2010 at 1:38 pm
ka thu ziah te min lo ngaihhlut sak thin avangin thinlung takin lawmthu ka sawi e. Kum lamah pawh naupang chhia mai kan la nih avangin in comment-na hlu tak2 hi ka hlawkpuiin, thuziah leh zelna ah pawh min pui tu a ni e.. Thnk Q guys.. mse, ka 1st tih my2 ang chi te, article comment na ani em? tih pawh hriat theih loh hi a tam mah mah thin ka ti deuh:-)
[Report abuse]