Matric i fail pawhin beidawng suh
Joseph L. Ralte, Mizoram Entrepreneurship Network
Tunhma deuh te kha chuan matric hi mi tam tak tanna a ni thin. Tunlaiah chuan nursery atanga zirna in pangngaia zir chhova, bahlahna leh vanduaina nasa tawk lem lote tan chuan matric te chu fail mai theihah ngaih a ni ta mang lo. Hmasawnna tha lam tak chu a ni e. Mahse, chutin ti mai suh. India ram chu sawi loh Zoram zimte-ah pawh mihring dinhmun hi alo in-ang lo thei em mai. Retheihna kan tawrh dan te, vanduaina hrang hrang kan tawh dante hi alo inthlau khawp mai a. Zirna in theuh theuh pawh a standard alo inthlau thei em mai. Kan thalaite zingah matric zuan khum thei hlawl lo an tam mai.
Kawng thar a inhawng hlauh mai. Matric exam ve ngei si, hlawhchham ta hlauh te tan chanchin tha a ni. I tan kawng a inhawng e. Matric fail tawh i ni em? Beidawng mai suh. Sorkar laipuiin hetiang mite chhanchhuahna kawng duang thar leh ta hlauh mai. Ministry of MSME hnuaia technical institute changtlung leh tha zet mai Indo-German Tool Room, Indore, Madhya Pradesh chuan Matric exam si, pass ve zo lote tan kum 2 course Certificate Course in Machine Tool Operation a duang chhuak ta hlauh mai le.
He Institute hotupa P.K. Sharma chuan, Matric exam ve si, hlawhtling ve ta lo te tan kawng kan hawnsak ta. Anni ho tan hian khawvel a tawp a ni ringawt mai a. Zirna sang zawk zir zel turin an tan kawng a ping si, sorkar leh private company lama hna zawng turin an certificate neihin kawngro a su bawk si lo. Suahsual rawngbawl leh hel duhna rilru put mai loh chu hmabak an nei lo fo. India sorkarin an tan kawng hawnsak a duh a, a hranpa liau liauvin he course hi kan duang a ni, a ti.
He course-ah hian tunlai technology mil tur khawl chi hrang hrang Milling machine, Tuning machine, Cutting and Grinding machine te mai bakah CNC Technology, CAD leh CAM thlengin an zirtir dawn a ni. Kum 2 course a ni a, thla 18 chhung theory leh practical an zir hnu-ah thla 6 chhung private company-ah hlawh neiin an thawk nghal ang a, an course an zawh ve leh IIT leh IIM ang chiahin campus recruitment te tih ve an tum hial a nih chu. Vai rama hna thawk duh nghal tan chuan placement an tihsak vek dawn a ni. Matric fail tan pawh kawng a va eng ta em!!
Indo-German Tool Room (IGTR) hian Indore industrial estate area-ah campus lian leh changtlung, hostel tha tak tak nen an nei nghal vek a. Kum 2 course zir tur hian Rs. 1,00,000/- lai sen a ngai. Mahse, sorkar laipuia Ministry of DoNER chuan India hmarchhak mite tan he course fee zawng zawng hi a tumsak dawn hlauh thung a nih chu. Kumin session atan seat 50 chiah an duang a. NE state ten seat 6 theuh kan nei. Mizo thalai matric fail tan seat 6 a awm tihna a nih chu. A vanneihthlak lehzelna chu Aizawl atanga sumo-a Guwahati panna, Guwahati atanga Indore thlenga rail chuan man zawng zawng pawh IGTR hian a re-imburse vek ang a, training an zawh hnu-a an in leh lo an thlen lehna tur senso zawng zawng tumsak vek an la tum cheu bawk.
Le, tichuan, i matric fail-na certificate, Tribal certificate, Passport size thlalak 2 leh Voter ID card han keng la, August ni 2, 2010 hma ngeiin Mizoram Entrepreneurship Network (MEN) office, Thangtinkhuma Building, Upper Khatla, Aizawl-ah rawn kal rawh le. Kan lo pui ang che. Matric ilo fail palh a nih pawhin beidawng mai suh, kawng ala awm e. Hei hi sumdawnna a ni lo. Govt of India programme a ni a, IGTR hotute min ngenna angin MEN-in midangte kawng kan kawhhmuh mai a ni.
Post-tupa comment: Mizote hi lehkha kan zir vak vaka mahse mahni kutke hmanga themthiamna lam ah hian kan zir thuk lo hle. Khawvela hna tam ber chu hetiang kut-themthiamna lam hi ani si a. Hemi lamah hian nasa leh zuala kan kal theih nan kan infuih/finchhuah/kawhhmuh a trul hle mai. Tuna Pu Joseph-a rawn pho chhuah ho ringawt pawh hi bawhzui tlak leh eizawnna ngelnghet neih theina kawng ni ngeiin a lang.
Similar Posts:
- Selection test hi ka hua
- Mizoram School Examination Policy
- Bye Bye Matric Exam?
- Pawl hniam lam zirlai fail tir thin hi
- Exam turte hriat tur
July 26th, 2010 at 5:37 am
Han sawi liam puat hi chuan thra vek mai a….a tak tak ram hi chu a hla leh duai thrin….
[Report abuse]
July 26th, 2010 at 5:56 am
A van lawmawm tehlul em mahni a in haiveng zo lo tan chuan.keipawh matric chu ka la pass ta chuanglo a mahse ka hma a tihtur awm reng reng theihtawp in ka ti zel a ka hnathawhnate chuan ka ban an hlau khawp mai mizoram pawh ka rawn haw hleithei meuh ko a ni
[Report abuse]
July 26th, 2010 at 6:22 am
Fail loh paw’n, a tha vek tho! Ei-hmuh mai bakah mi dang tana hlawk ve thil dapchhuah hi a tha hrim hrim!
[Report abuse]
July 26th, 2010 at 6:29 am
A tihchi dawn em mawni le.. Mizo chuan kut hnathawh chiah kan ngaisang, a thawktute kan ngaisang tel silova, tuman an thawk duhlo alawm
[Report abuse]
July 26th, 2010 at 6:35 am
Thiltha tak tur anih hi;tuilo chung a lehkha inzirtir a huntha tamtak paih ai chuan miin a tuina zawng atih vat hi a tha ani.
[Report abuse]
July 26th, 2010 at 7:23 am
a tha khawp ang. Matric failed kher a ngai tihna ni maw? Matric failed na certifcate neilo tan luh theihloh a nih hmel sia.
[Report abuse]
July 26th, 2010 at 7:33 am
Misual hi .com (dot com) a nih angin a hming a pu dik tan chho mekin ka hria… te ka tia
[Report abuse]
July 26th, 2010 at 7:34 am
A that khawp hi.. matric fail ten han zir chur chur teh u le.
Misual hi .com (dot com) a nih angin a hming a pu dik tan chho mekin ka hria… te ka tia
[Report abuse]
July 26th, 2010 at 8:09 am
Ka kut a themthiam lo a,kut themthiam hi ka ngaisang tawp.
Post tha tak a ni e.
[Report abuse]
July 26th, 2010 at 8:17 am
Seat a tlem bawka (6) uluk tak khan screening lo nei teh u. Kum laklawha rawn haw leh tur ang chi te kha chu thlan tel reng2 loh tur.
Gud morning ka lawm e
[Report abuse]
July 26th, 2010 at 8:42 am
CNC te hi zir tlak tak a sin kei pawh helam ah tar a lamah ka zir ve thuak tawh tawng lam harsatna a vangin duh ang tawkin ka zir lo mai pawha.
Khalam ah chuan english in an zir ngei ang a kum 2 ah chuan thiam hman loh tur thu awm hek lo.Keini tawng zir chawpin thla 5 kan zir.
mathematic tlem matric bawr a kan zir ho kha kan zir leh nual.
zpratical pawh a harlo zir chhuak tan hna tha tak hmuh theihna ani hahdam si. Zir sup teh u.Mizoram tan seat a tam thei ang ber neihtheihnise.
Athawh erawh Mizoram pawn bak a la awm rihloh ang tih hriat a tha.Khawl nei an la awm loh a vangin.Ram pawnah pawh thawh na tur a awm nual ang.
[Report abuse]
July 26th, 2010 at 8:51 am
A hmasain Good morning vek phawt ule,in ngaihawm hlawm liam liam khawp mai,ual kap kha alo tawp hman em ni inva sawi ta lo vee,heh
Post thra tak a nih hi,kan chhungte/thriante matric fail an awm chuan hrilh threuh ang u aw.ting ting ti ting.
[Report abuse]
July 26th, 2010 at 9:06 am
Matric Fail in duh chuan MBSE in syllabus a lehkhabu hman tur reference a pek kha hmanglo in, lehkhabu dang hmang ula, eng ang pawhin ziak dik mah ula, in fail a ni mai a lawm
Hemi chungchang hi niminah kan haichhuak nawlh mai nia
[Report abuse]
July 26th, 2010 at 9:48 am
A va han tha ve le. Mahse a lut tur tan a qualification chu, ‘matric fail’ a ni tlat mai a…
Rinhlelhna a khat tan chuan, ‘an rintlak ang em?’ Tih zawhna a la awm leh ta fan mai…
[Report abuse]
July 26th, 2010 at 10:19 am
A tui mi..An talent zawngte a nih chuan … Under metrc vangin ka ringlo ngawt hleinem.. ku shailendra.. Keiphei chu Under metric fail male…!! Mak thei e…
[Report abuse]
July 26th, 2010 at 11:51 am
He thu hi a dika a, a rinrlak nih chuan ava tha teh lul em, A bik in mechanical engg kaihnawih lam anih hmel a,Lathe,Drilling,Milling,Planer,shaper, Pantograph,Metallurgy,Metrology..etc.. te pawh an telh ve vek tur ah ngai ila a har lemlo mahni kan tui chuan…CNC Cad/Cam hi chu Matric zo lo(hmuhsitlam nilo se) tan chuan a basic tak chuan a har maithei thung,programing vel te kha..a Operate te chu har chuang lo,instructor tam tak te hi saptawng in an tawng thei bik chuang lo,an tih dan uluk taka en a,a pawi lo china risk huai te poh angai…mi tumruh leh taima tan chuan tih ngei chi…A bik in tlema man(pa) deuh hlek tih chi khawl lam hi chu…..Engg te nau ani ringawt lawm tha lutuk tlat….
[Report abuse]
July 26th, 2010 at 1:39 pm
An va fel diam diam em. Ka vak khawp mai, hetiang encouraging post.
[Report abuse]
July 26th, 2010 at 1:53 pm
A post tupa hian engtiklai khan nge Pu tih title hi alo neih a..
[Report abuse]
July 26th, 2010 at 1:58 pm
#13 shabito
[Report abuse]
July 26th, 2010 at 2:01 pm
Tuning machine khi enge a? Guitar tune na hi ami?
Turing machine te alo ni zawk daih lo maw aw…
[Report abuse]
July 26th, 2010 at 2:04 pm
ka comment #18 khi sorry, Joseph a rawn post amaw kalo tia.
[Report abuse]
July 26th, 2010 at 2:17 pm
@funny turning tihna tur anih ka ring a..abik in LATHE MACHINE a sawina ah k ngai..thil dang Rolling operation te poh a huam thei tho a…
[Report abuse]
July 26th, 2010 at 2:42 pm
Hmmm! Thil tha hi hre teuh mah ila, a titu lam a ni. Hlawhtling tak2 tur chuan tuina, tuina satliah nilo, a zawng2 za-a za tuina neih a ngai. Miten tha an tih leh hlawk dawn riaua an sawi te hi bawh ve ngawt tur a ni lo. A tawpah beidawnna bak an rawn paw haw tak2 lo. Tuna ka hna angte hi tuina nei miah loin rawn thawk ve ngawt sela, an va hlawhchham dawn rua e!
[Report abuse]
July 26th, 2010 at 3:34 pm
thil tha tak a ni
[Report abuse]
July 27th, 2010 at 1:34 pm
Dangdai hle mai. Matrict fail-na certificate a’n ngaih tak chuh.
Matrict pass ve si, cl 11 or 12 a tan leh ai chuan a that zawk hmel hi.
[Report abuse]