Ka lo hriat ve danin hmannia rulngan thattu,intithei taka thlalakpui tu chu an hrem a ni awm a. Ni e,dan hnuaia awm kan ni a,thil diklo titu chu hrem a phu reng a ni. An hrem pawh kha awm ka ti khawp mai,dan phalloh thil pawi a ti a,ngaihdam dil mah se dan a zawm tur a ni a,a phu tawk a hmu pawh ti ila min pawmpuitu an awm ve nual tho mai thei!
Amaherawhchu ti zawng hian inngaihtuah teh ang. Rulngan hi rul hlauhawm tak,mahni in zo vah mai. Mizoram sorkar thiltih ang mai mai lova rang tak a ni. Mihring pawh a chuk nasa reng a ni. Kha a thattu khan that kher lo se,rulngan hian a bei mai lovang maw? Bei ta se, a chuk thei mai awm si a. A hmu a that mai kha mahni sahimna atana ti a ni mai ka ti. Nunna hi a hlu em a,ama sahimna tur atana ti tlukah ka ngai a, mahse a thah avang khan hremna erawh a pumpelh chuang lo..mahni sahimna tur pawh ni se dan a awm tlat.
Ka sawiduh tak zawk erawh chu,rulngan hi khuaah pawh a lut ve thin tho a,mi inah te pawh bu a nei thu te pawh ka hre tawh. Mahse,in tha tak tak mahni hlawh phu lova in neitha inah hian ‘bu a nei’tih thu ka hre ngai tlat lo. Ni e,nitina dawhkana eizawng,kawlawm nena hnathawk thin,ramhnuaia chhuak ngailo tan chuan rulngan thah tur a vâng anga,rulngan thah vanga hrem chu an tan a hlauhawm loh ang.
Ka ngaituah mai mai a,kha rulngan thattu kha ramchhuak thin a nih ka ring a. A ramchhuahna hmunah a va that niin ka hria(?). Ramchhuak thin a nih chuan nitina kawlawm nena eizawng a ni lo ngei anga,pa lar a ni lo ngei ang. Hmelhriat neitha,Aizawl khaw pa lar,mi hausa duh duh nei thei ni ta se an hrem angem le? Ngaituah zui ngai tak a ni.
Dan hi mi zawng zawng chungah a awm kan ti a,a dik a ni. Ram changkang a piangah dan a lal mai thin. Mahse keini ramah erawh zawng hmelhriat neitha apiang chungah dan a awm lo a ni a tih theih deuh tlat. Dan hian thliar chin a neih ka hre lova,a hrem thei tute hian thliar chin an nei thung si. Mi hausa leh rethei kar a zau lo kan ti tak naa,a zauh zia erawh kan nitin nunah kan hmu chu a nih ber mai hi. Inenfiah deuh zawng kan ngai a ni e.
Ni e,dawhkana kawlawm nena hnathawk thin tan chuan rulngan thah avanga hrem a hlauhawm loh. Mahse,kha rulngan thattu tan pawha hrem hlauhawmloh mizoram chan tur an lo eiruk thin avang hian kan hrem ve em le? Hrem ve e..in ti maithei,mahse hlep awmin an hrem thin tlat. Kha rul thattu kha chuan a chân a sin!
Kha rul thattu an hrem kha awmlo ka ti lo,dan phalloh thil a tih vangin an hrem mai a ni. Mahse,kha rul thattu aia pawikhawih nasa zawk..ram pumin kan chhiat phah theina tur,rethei te rah beh a min awmtir zel thin tu-mi thiltithei tak tak sualna hrem loh a awm thin erawh tha ka ti lo bur!
Similar Posts:
- Mizoramah hi chuan Rulngan kan mamawh lo
- Mizo mipuite thah chimih tumna a ni
- Rulngan note… (hisssssss…)
- Ramhlun Veng pitar thattu a tupa inpuang
- All Mizoram Medical Students Union.
August 16th, 2010 at 5:13 pm
Ka tlai viau na a ka tel tho ka tih kha,,,
1.Rul hrim2 ka hlau.
2. mahni in venna, self defence te hi chu hmanlai COWBOY dik duh ho pawh in an ngaithiam a sin mawl e….
3. Mizo rilru ah rul hi chu thah tur a ni ringawt mai…
4. Ka hmuh chuan ka that zel ang….. Ka hlau tlat.
5. Ramsa humhalh tute hian mi huan thlai an tihchhiat(Buh leh thlai dang seng tur awm lova an tih chhiatsak te hi) an componsate ngai em le?
[Report abuse]
August 16th, 2010 at 5:48 pm
Mi dik lo, dan hnuai atanga teh pawha tlinna nei lo anga mitinin kan ngaih pawh hian dikna leh chanvo humhim sak tur an nei a ni, mahse a pawikhawih dan a zirin hremna chu a phu ve reng a ni lawm ni?.
Heti hian i sawi teh ang; mi pakhat chuan tual a that a, a mi thah chhung ten court-ah an thlenpui a, court-a an din dawn avangin tualthattu chuan ukil a rawih ve ngei a ngai a ni, tual thattu ukil chuan tualthattu dikna leh chanvo chu humhim sak hram hram chu a tih tur a ni.
Chutichuan…. danah chuan tual thattu a ni, hrem ngei tur pawh a ni. mahse he tualthattu hian mihing a nih angin dikna leh chanvo a nei ve tho, hei hi hmuh hmaih sak tur a ni hauh lo. mahse a pawikhawihna avang erawh hi chuan hrem ngei tur chu a ni dawn lawm ni?.
Heti hian sawi leh ta ila : tual thattu zawk ukil hi mi thiam tak lo ni ta sa, mak tak mai court-ah hnehna han chang ta thut mai se, (tualthattu chu thiam chan tir se) mak kan ti viau long maw? Court rorelna chu a dik lo kan ti ngei in ka ring tlat.
[Report abuse]
August 17th, 2010 at 3:37 am
Rulngan thah vanga Hrem… A letling thawk in ka hria a nih hi,chawngkawr leh rulngan that in cheng 500 an hlawh thei an ti maw ka tia sin…A let a ling vut tui thlawr bel zuk ni reng a..!!
Kum14 vel ka nih khan engrul nge ka hrelo, ka hlam aia sei hret hi khup sai hlawk hlawk khawp a hlau khur.. Lungphu /thinphu dawt dawt chungin ka vuak hlum kha..!! Hmanni lawk pawh khan chawngkawr note ka englo …daih..!!Cheng 500 hlawh duh ve lai lai a… Furlai hian Rultuha hi an pung ve emaw ni..Fimkhur a thra…An truan a muang a. Invennan chuk-ing(noi) lam ah a truan thunga, a tur hi, a chak thra ve phian awm e.Tlangval Kezungpui éng rin tawp chi vakloh..
Trawngthuchhe lovah kan inah Rulngan rawn lut ta se..Thah remchang leh thahna hmanraw remchang awm mai se la…Mi a chuk hmain…Tunge a rulngan thattu hremtu chu aw…Eng deptt nge..
[Report abuse]
August 19th, 2010 at 8:44 am
edit
[Report abuse]