Aw Zoram, i chhungah hian dikna leh felna, rinawmna leh thatna, thianghlimna leh ngilhneihna, mi dang tana nun insensona hi a va vang tak em? Kâa mi retheite hmangaih a, vehtlem a, awp bet a, an mahni avanga thil tih theihna nei ta, mi retheite avanga dinhmun sanga ding thei ta mai, dinhmun thaa siamtute ngaihsak chu sawi loh hawi pawh hawi duh lo, hmuhsita endawngtute hian zonun mawi an hmusit a ni.
Mipui rilru an pian sual tir a, hnam ro hlu an ti chuai zo ta. Hengho hi khawtlangah an chal langin, din hmun thaah an thu vung mai si, an neih sum leh paiin thil a ti thei tawh bawk si a. Aw, ka hmangaih Mizoram, i chhunga cheng thenkhatte hian an run che a, an ei chhe mek che a, an hralh mek che a ni hi! Mi sualte vanneihzia hi, ei ru thei, sum hmuhna a nih phawt chuan dawt pawh sawi thei i chhungah hian an va tam ta em!
An chapo va, an duh duh an lei a, an eiin an in a, mi rethei leh chanhai te an hnuaichhiah a, an neih sumin nuam an chen a ni. Aw, a chhunga cheng mek naupang leh thalaite u, i ram hi i hmangaih ve em? A tluchhe mek a ni. Aw, tlangval, aw nula, remhria leh fing, tho la, kan khawlohna leh sualna hmu turin i mit meng rawh. Sualna leh khawlohna zawng zawng tibo turin i thiamna leh i finna hmang turin pen chhuak rawh le. Ram a tlukchhiat loh nana dikna leh rinawmna tungding turin tu nge pen chhuak ta ang le?
August 16th, 2010 at 7:57 am
I rawn kalna va hlat hmel ve
Ziak tha khawp mai… Phak tawkah kan pawimawh vek a, hmasawn zel i tum ang u.
[Report abuse]
August 16th, 2010 at 8:12 am
Nia, ziak tha khawp mai
[Report abuse]
August 16th, 2010 at 8:15 am
Eiru thei dinhmuna ka awm hunah pawh eiru lova ka awm theih hi ka ring tlat…Let’s see.
[Report abuse]
August 16th, 2010 at 8:23 am
ni e,mahni theuh i infiah leh ang u hmiang!
[Report abuse]
August 16th, 2010 at 8:23 am
Sarep riruk hi a nuam ka tih zawng tak a ni. A tûl ung dum hi sarep lak chhuahna zawn chiah hi a lo var thin pek a, chu chu uluk taka meihawla tihdum leh vek tur a ni.
Tum khat, zan rei tawha sarep ka ei ruk mek lai chu ka thawm ka lo dim thiam vak lo a niang, kan awmpuinu chuan mi lo melh ru reng a. Ring mangkheng hian, “Hei ZAWH …” mi rawn ti thut mai a. Ka phu nasa hle a ni.
Eiruk hi fimkhur a ngai a, sulhnu lang lo tur bera chet a ngai a. Eiruk hi a nuam hle. Mite chan ai chu a hek then chiang thin ngawt mai!
Mahse, fimkhur sen hi a ni lo a niang, “ZAWH, tlan rawh …” tia min phawktu hi an awm ve mawlh thin a … kan awmpui-nu khan mi rawn phawk nain, chuti em emin ka zahpah chuang hran lem lo.
Miten kan thil eiruk hi min rawn phawk chiang viau mah se, mena thlak chin, tuang tihchhah dan hi kan lo thiam ve leh zel bawk thin!
Eiruk-ah chuan chawhmeh tem ruk, sarep ei ruk hi ka hnehsawh ve chiang khawp mai! Ka la eiru fo dawn, sarep neite rawn in-report chiang hlawm teh u.
[Report abuse]
August 16th, 2010 at 8:37 am
Kan tleirawl chhuah khan kan thenawm zu zuar, zu min leitir(pe) ve duh lo te zu kan ruk sak.An in hnuai a an dah dekchi khat ruk kan tum ! Ka thianpa khan ruk tho2 a vai khan khai ang a tia,litre 20 vel kan khai chhuak, kan sem ham2.A neitu pa in min ringhlel deuh si a,inkut man chiah a awm bawk si lo a,rum deuh2 in min melh ta ngawt a.. kha kha chu eiruk a ni lo,inruk a ni zawk mah ang …
[Report abuse]
August 16th, 2010 at 8:44 am
@5…hahaha Patling khumparh ve theitak si..
Eiruk chingtak te hi chuan,an sual rah engkawng berah emaw an seng tho tho ang..athen an kua apuar anga..lol
[Report abuse]
August 16th, 2010 at 8:57 am
Hman deuhva “Revolution” a awm thut thei tih thawm awm kha a reh leh ta vang vang a ni maw…
[Report abuse]
August 16th, 2010 at 9:17 am
Tluchhe turin engtik laiin nge tun dinhmun ai a kan ropui viau le aw….? A AW B kan neihna pawh kum 100 chuang awrh chauh ala ni; kan A AW B tur min siamsak lai khan India ram State dang ah chuan University changtlung tak tak anlo nei daih tawh a;kan hmasawn dan leh kan thandan en hi chuan maktak ani zawk.
Beidawng lovang u; Rorelna dik leh felfai nei tur hian erawh tan la ila, kan puanven te sawichhingin kan ram leh hnam hmansawn nan hian theihtawp i chhuah tlang zawk ang u.
Mi diklo leh pamham lutuk mipui hmai eng pawh zahlo a mahni in hai vur tute hi chu Bible in “Hlobet angin ahthlukin an awm thuai anga, hnim hring angin anla vuaidawn si a” ati. Chu chu ka rin zawng tak ani.
Kan hmabak hi a engzawng a kan thir thiam a; thangthar te chawktho zawng a kan in fuih zel angai tawh ani.
Beidawng a in dawm kun ringawt tur kan nilove.
[Report abuse]
August 16th, 2010 at 9:42 am
Hmuh hrehawm ka tih chu thingtlang vela han zin nikhuaa nutling/patling mahni chhungkaw chawm nan ni sen sa hnuaiah lo an nei a, sum chuangliam engmah nei lo deuhthawin an khawsa thin hi a ni. NREGS ringawt te paw’n an nun a tih danglam theih zia ka hre chiang.
Zoram hmasawn nana kan mamawh nia ka ngaih te:
1. Corruption tih bo.
2. Sum sem (eg: MUP, NLUP) aia mahni chhungkaw chawm theihna tur kawng siam sak/dap sak. Eg: Eizawnna tlak thiamthil inzirtir, awlsam zawka loneitu te’n an thlai thar te an hralh theih nana kawng dap sak, etc.
3. Mitinin sawrkar ringawt ring lova mahni kut-ke ngeia dinchhuah tum.
[Report abuse]
August 16th, 2010 at 11:24 am
Kohhran hruaitu pakhat, J.E. nupui chuan an paten kawng siamthatna bang cheng nuai khat vel theuhva an insem thu inthlahrung map lovin kei mi tak tak hnenah hian an sawi nia! Kawngkha tha takin pawisa bang lo tura siam tur a nia. EIRUK hi thil narana ngai, Pathian malsawmna emaw ti hial kan awm hi a pawi a ni.
[Report abuse]
August 16th, 2010 at 11:56 am
Hawh u,i harh chhuak tawh teh ang u..
[Report abuse]
August 16th, 2010 at 12:02 pm
@Keimah Thingtlangpa, thalaite chu kan harhchhuak tawh a, thil tih a la awm lo mai mai. Sorkar hi a la harhchhuak tak tak lo zawk niin ka hria.
[Report abuse]
August 16th, 2010 at 12:38 pm
Ka helh ve deuh pakhat, tamtak tawngkam leh thuziakah hian keini pawh eiru thei dinhmunah ding ila kan eiru ve tho lo maw, i sawisel vakvak lo ang u tih ang thuartham hi a awm ve leh zauh thin, hetianga tawngkam kan cheh thin hian a tihhuangtau ka hlau thin, mahni inthiamna rilru an neih phah hlauh ange..Eiruk hi ka tum lo bur..2g
[Report abuse]
August 16th, 2010 at 5:17 pm
Hawh teh u… ah harh chhuak tawh ho hian underground (Hel nilo) i din teh ang u… Eiru leh Mizoram tana tha lo thil titu a piang chu…….@#$%&+ hmak hmak zel nise..; Eiruk leh thil thalo tih chu a rem vat mai ang.
[Report abuse]
August 17th, 2010 at 7:50 am
Enge maw beiseina chu ka neih phah ta deuh…Zu tran tute hian a n eiruk duh ka ring…
[Report abuse]