Kum zabi 15-na hunlai daih tawhah khan German khawpui pakhat Nuremberg an tih daifema thingtlang khaw te takte pakhatah hian chhungkaw lian tak pakhat hi an awm a. Naupang ringawt pawh 18 lai an ni. An khawsak a harsa em em mai a. An pa ber, rangkachak khur laia inhlawhfa ţhin chuan hah taka chhun zan zawma a thawh pawhin chhungkua a chawm zo chang chang ani.
Chu chhungkaw harsa taka a fapa upa lam pahnih te chuan an kutziak thiamna te chherbelh tura Nuremberg khawpuia kal chu an thil tum ber ani a. Mahse an chhungkaw khawsak harsatzia te chu an hai bik si lo. An pahniha rei ngial an ngaihtuah hnu chuan a tawpah rem an ruat ta a.
An remruatna chu-
‘Thum an vawr anga, a chak zawk chu Nuremberg-ah kalin a thil duh chu a zir ang a, a chaklo zawk chuan a chak zawk zir hun chhung zawng (kum li) amah chawmnan rangkachak khurah alo inhlawhfa tur ani. Tin, kum li a vei hnua a chak zawk hi thiamna neia a rawn haw hunah a chaklo zawk hi Nuremberg-ah a kal ve thung anga, thiamna rawn zirchhuak ta zawka hian a chawm ve thung tur ani’ tih hi.
Tichuan Chawlhni tlai chuan ţhum chu an vawr dun ta a. Albrecht Durer chu a chak zawkah a ţang ta ani. A unaupa Albert Durer-a chu phunnawi miahlovin Albrecht-a chawmnan chuan a inhlawhfa ta ngar ngar a. Albrecht-a pawhin a zirnaah thahnem a ngai a. Ama tana a unaupa inpekna chu a theihnghilh ngailo. Kum li alo vei meuh chuan a thiltih naa theihpatawk chhuah ţhintu, Albrecht Durer chu mi ropui alo ni ta! Amah zirtirtute ai mah pawh chuan a themthiam ta zawk a. A hlawhtling em em a, sum leh pai tam tak a hui lut ta ruih ruih mai ani.
An khuaa alo kir leh ţum chuan amah lawmna ruai te an lo buatsaihsak a. Zanriah an kil ho dawnlai chuan Albrecht-a chu a rawn dingchhuak a. Uaiin no lek kan pah chuan a unaupa, Albert-a hnenah chuan lawmthu a sawi ta a. A thusawi tawpah chuan, ”Tunah chuan ka unaupa duhtak, ka puih ve hun che a thleng ta e. Nuremberg ah chuan i thil zir chak ber chu i zir ve thei dawn ta e” a ti a.
Dawhkan kil tawpa Alberta thu chu an en ţhap a.
Ani chuan hmai dang bai leh hmaia mittui luang ngiai ngiai hian a lu a lo thing nghat nghata, ”Ka theilo, ka thei ve tawhlo. Ka tan chuan a tlai lu ta.” alo ti sap sap a. A mittui chu dan zawh rual lohvin a far fap fap a. A rawn dingchhuak a. A hmangaih em em, a unaupa Albrecht-a chu en pahin, ”Ka unaupa duhtak, ka thei ve tawh lo. Ka kut te hi en teh. Zungţang tliaklo pawh a awm tawh lova, a vun te hi a pilh chhe zo tawh si. Lemziakna pen hum thei ka ni ve tawhlo.” a rawn ti a.
Nikhat chu Albrecht-a chuan a unaupain a tana a inpumpekna leh hmangaihna chu chhanlet ve nan a tawngtailai kut lem chu a ziak ta a. Kut chhe vek tawh lem, kutphah pahnih inbelhbawma vanlam kawk chho lai lem chu a ziak ta ani.Khang hunlai atang khan kum 450 chuang zet alo liam leh ta der mai. Mi ropui Albrecht Durer-a hnuhma, lemziak, thil ker leh adang tam takte chu khawvel Museum lian ber ber mawitute anni a. Mite ngaihsan leh mak tih a hlawh em em thin.
Mahse chung a kuthnu ropui tak takte zinga ropui ber leh hmingthang ber, nang ngei pawhin vawi tamtak ilo hmuh ve fo tawh thin chu a unaupa kut lem a ziah te mai kha ani. Tlawm takin a lemziak hmingah khan ‘kut’ tih chauh hmang mahsela Khawvelin kha lemziak phena inpumpekna ropui kha a hai lo. A hming pawh ‘Tawngtaina kut’ tiin an thlaksak ta a. He lemziak hi nidangah pawh banga intar kan hmu leh anih chuan keimahni min tiharh thartu atan hmang ţhin ila. Mahni chauhvin Khawvelah hian engmah a tih puitlin theih ngailohva, midangte puihna kan mamawh em em vek ani.
Midangte tana malsawmna nih ve ngei i tum ţheuh ang u.
Similar Posts:
- VALRIANGA kan chan ta!
- My Father is a Hero (Father’s Day pualin)
- A na asin…..
- Lung a leng a ni !!! Mahse…
- Family planning leh Mizote
August 25th, 2010 at 7:56 am
“tichuan chi ropui takah ka siam ang chia, mal pawh ka sawm ang chia, i hming ka tiropui bawk ang; tin, nang malsawmna ni ang che:” (Genesis 12:2).
Ka ngenna ngai pawimawha minlo edit sak avangin Admin te chungah ka lawm em em e.
Note: He thu hi internet ami ka lehlin deuh roh ania. Nikum lam khan Virthlileng chanchinbu ah ka chhuah tawh a. Ka lakna source kha ka hre ta lo. Minlo hrethiam dawn nia.
[Report abuse]
August 29th, 2010 at 8:12 am
Post tha tak a nih ka ring ringawt!..hahhaa
Ni e, mi 1 tal hnenah malsawmna thlentu nih i tum theuh ang u..
[Report abuse]
August 29th, 2010 at 8:14 am
A ngaihnawm e…. i hiii Zephenath an khalh ta zeuh zeuh mai mak lutuks hairehai
NOI
[Report abuse]
August 29th, 2010 at 8:16 am
Hemi kut hian he thawnthu hi a lo keng reng a lo ni maw? Ka hriat vawi khatna…
Hetiang chanchin hian ka rilru hi a ti nghilh duk thin…
[Report abuse]
August 29th, 2010 at 8:17 am
@HV: Min khalh pawh ka lo ti vak hlei nem… a post tu pa comment sa te chu…. hahahhaa. Aug 29 ah post a chhuak a, 1st comment chu August 25th ah a ni dah mai….
khalh chu har khawp mai.. 
[Report abuse]
August 29th, 2010 at 8:20 am
deмэиtOя эиigмa???? Ka chhiar thiam lo tlat. I article erawh chhiar a nuam e.
[Report abuse]
August 29th, 2010 at 8:24 am
A ropui hle mai, he kut lem hi ka hmu fo tawh a, a thawnthu hi ava lo ropui em em ve le…..
[Report abuse]
August 29th, 2010 at 9:00 am
Midangte tana malsawmna thlentu te chanchin hi a ngaihnawm thin.
@deмэиtOя эиigмa, a ropui, i post tha e.
[Report abuse]
August 29th, 2010 at 9:02 am
Lalpa i fak ang u
[Report abuse]
August 29th, 2010 at 9:05 am
Mother Teresa khan,”Tawngtaina hmui ai chuan tanpuina kut a hlu zawk.” a ti em ni kha?
[Report abuse]
August 29th, 2010 at 9:20 am
ni e. Midangte tan taksa, rilru leh thlarauvah malsawmna nih theuh i tum ang u.
Thawnthu chu ngaihnawm ropui hle mai.
[Report abuse]
August 29th, 2010 at 9:44 am
He tawngtaina kut hi a ropui reng ani. Vawiin hian mitthi kan neia, henu pawh hi Pathian theihnghilh ngailo tu, engkima Pathian ring tlat thintu ani a, MZP President ka nih tirh khan keipawh min tawngtaisak nghe nghe. Tunah chuan Engkimtitheian a KUTPHAH ROPUIin alo chawimu ta anih hi…
[Report abuse]
August 29th, 2010 at 10:04 am
Rilru a khawih hle mai.
[Report abuse]
August 29th, 2010 at 10:12 am
hnuk a ti ulh alawm le..
[Report abuse]
August 29th, 2010 at 10:33 am
Hetiang ang inpekna hi thil vang tak a ni awm e, chu tak chuan a hlutna a tizual.
He kut hnathawktu hi chu a la vannei zawka, a chhan chu a unaupa hian a hmangaih letin a ngaihsak zui hle a nih hmela. Hranghlui deuh zinga officer pakhat ka hriat chu a pa leh a unauten lehkha an zirtira, an nin kuthna rim takin an thawk thunga. Chupa chu a zirnaah a hlawhtling thawkhat viaua, officer a lo ni ta ngeia, Aizawl pa awmthei fanu nupuiah a neia, a chhungte chu a ngaihsak der tawh lo. A unaupa fanu vui vaina atanga ka hriat a ni e.
[Report abuse]
August 29th, 2010 at 10:45 am
#15 i mi sawi chu a va han ten awm vel male. A chhungte chu Lalpa in malsawm rawh se.
[Report abuse]
August 29th, 2010 at 10:59 am
#hiho. He pa ang diak diak ni lo mahse an ni ang deuh hi an tam ka ring. Chuvangin fate equal opportunity peh hi tum hram hram a tha ka ti. A ni hi a zir thei deuh tih vanga mal khalh deuh neihte hi tha ka tih zawng a ni lo. Nupui pasal an nei anga hausakna leh changkanna a intawm leh theih tak tak si loh. A talented lo apiang hi enkawl leh vil ngun an ngai zawk ka ti.
[Report abuse]
August 29th, 2010 at 11:11 am
inkhawm ban a chhiar atan chuan ava ngaihnawm vele, mi5ual ho hian kan hlawkpui leh pek dawn anih hi..
[Report abuse]
August 29th, 2010 at 11:49 am
ka ngaihdan chuan kan nupui/pasal te hi hmangaih tur chu nimahse nupa inkar hmangaihna hi chu Hrui lian tak, min phuar na tak ni mahse zankhat thil thu a chat maithei a ni ka ti a, chhungte nen kan in hmangaihna hi chu hrui te tak te, feih tak, chat ve mai mai lo a ni ka ti ve tlats.
[Report abuse]
August 29th, 2010 at 11:54 am
Enig engemawni: I rawn ziak tha hle mai. Nia Mi{5ual} zawng zawng hi mahni phak tawkah theuh midangte tan malsawmna nih i tum theuh ang u. Lalpan malsawm rawh se.
Ka lawm e.
…khrum
[Report abuse]
August 29th, 2010 at 12:01 pm
#19 Dik lutuk. Chhungte thlauhthlak hmang hi ka hua… Mamawhna tak takah chuan thisen zawmpuite nge nge kan ti leh tho tho thrin si a.
[Report abuse]
August 29th, 2010 at 12:11 pm
#17 Patriot leh #19 hiho in comment a ngaihnawm hle mai. Chhungkaw inhmangaihna dik tak hi chu a lo hlu a ni.
[Report abuse]
August 29th, 2010 at 12:13 pm
khumchikthei pawh hi sermon a nei kuh trun ang mawle, a insum mai mai niin ka hria.
[Report abuse]
August 29th, 2010 at 12:22 pm
A ngaihnawmin a ropui khawp mai. Lung a kuai raih mai, zirtir nei tha tak a ni.
[Report abuse]
August 29th, 2010 at 12:25 pm
#12 CyberThug, ka tawrhpui takzet a che u. He khawvel hi zawng inthenna ram a nih hi. Tumah kan indangbet zo si lo. Pathian tih mi an boral hi chuan Vanah angelten hnehna hla an sa thin. Hlim takin an lo lawm thin. Vawiin tlai dar 3:00pm ah ka post chhuak tur min lo chhiarsak leh ngei ngei dawn nia.
#6 Zer0, #8 sisen #20 khumchikthei, ka nick hi chu ‘deмэиtOя эиigмa’ dementor-enigma a ni mai.
Midangte tana Malsawmna nih hi a hlu. Chawlhni hmasa khan heta ka awm naah hian vai thingpui ka in laiin putar pakhat hi a rawn kal ve a. Chhang rs2 man kha a man a zawt te te a. Cheng 2 alo neih daih hlauh avangin a lei ta a. Tuisik intur a dil a, tichuan tuisik leh chhang khawro chenghnih man chu a hmeh taa. Ka khawngaih lutuka thingpui leh chhang ka leisak ta ringawt a. (Pathian ropui nan.) A lawm khawp mai. Mahse Khami trum khan amah ai khan ka hlimna kha a nasa zawk hial ang ka ring.
Vawiinah pawh misual.commers te, Midangte tan kawng khat talin malsawmna nih i tum theuh ang u aw!
[Report abuse]
August 29th, 2010 at 1:09 pm
A tawi naa a ngaihnawm hle mai, a va han bengvar thlak thrin ve aw. Mi dangte tan malsawmna nih hi a har thrin mange, rilrua tumna neih erawh chuan remchang tak te hi a lo awm ve leh thrin.
[Report abuse]
August 29th, 2010 at 1:23 pm
Dementor Enigma: hetiang story hian ka thinlung a khawih thin, ngaihtuah zui tur a ti tama, zirlai min zirtir nasa thin. He thu ka hria chu ka lawm hle mai, thank you mi5ual.com
[Report abuse]
August 29th, 2010 at 1:51 pm
Dementor, i ziak tha, a ngaihnawm ka ti hle mai! hetiang anga unaute lehkha an zir theih nana inpe mizo zingah poh hian an awm nual ang! Midang tana malsawmna nih hi Pathian pawhin a malsawm thin ani!
[Report abuse]
August 29th, 2010 at 4:19 pm
A ngaihnawm hle mai. Chhungkaw hmangaihna hi chu a lo thuk khawp mai.
[Report abuse]
August 29th, 2010 at 4:31 pm
Zirtir nei thu tha tak a nih rualin, milem ka hmuh fo tawh phena thawnthu ropui tak awm min hrilhna thu hi a hlu ka ti a, bengvarthlak ka ti hle mai.
[Report abuse]
August 29th, 2010 at 4:49 pm
A ngaihnawmin a thuchah ken a ropui kher mai. Ruai ropui tak min hluitu enigma, ka lawm e. He thawnthu tawi hian ‘Suangtuahna vak vel’ min siam…
[Report abuse]
August 29th, 2010 at 6:16 pm
A story hi ka hriat vawikhatna, a ropui hle mai. @25,Dementor Enigma, keipawh i ngaihdan hi ka tawm khawp mai. Mi puihletna beisei miah lova mi ka puih hian ka thinlungah hian hlimna/lungawina ropui tak hi alo thleng ngei ngei thin. Midangte tlemte tala pui ve thei thin tur dinhmuna min dintirtu Lalpa hnenah lawmthu ka sawi e.
[Report abuse]
August 29th, 2010 at 6:28 pm
Tunlai Kristian ten kan tawngtai lai a kan kut dah kawp dan hi tun hmaa Hindu tih dan an copy niin sawi a tam khawp mai.
[Report abuse]
August 29th, 2010 at 6:37 pm
Hetiang story ang deuh hi Mizo chhungkua ah hian a tam ka ring… mahse 1 zawk hlawhtlin hnu-ah khitiang em ema inhmangaih let leh hi chu an tam vak a rinawm loh (mizo zingah hian..)
Hman deuh te kha chuan Chhungkua-a unau upa lam deuhte kha chu an naute zawk sikul kal chhunzawm theih nan, an mahni khan sikul bangin kut hna an thawk tlangpui..
[Report abuse]
August 29th, 2010 at 6:54 pm
Tiang vang hi lawm Mipa hi duapzula nih ngawt loh tur,Nupuite nawr vang ngawt a chhungte thlauhthla hi,a ruktak chuan an nupuite ngeipawn anhmusitru thrin, nupuite titau bar2 khawp pawh a chhungte a trulna a ngaihsak a puibawm tlat Mipa hi an nupui titau reng pawh khan a ruk tak chuan anngaisangru tlat a sin
[Report abuse]
August 29th, 2010 at 7:09 pm
#35 hi nupui neih ve hunah hriat reng tur anih hi.
[Report abuse]
August 29th, 2010 at 7:46 pm
Hetiang zirtir nei tha, ngaihnawm bawk si, kristian bawk si ang chi hi a hlu ka ti. Kan hringnun khawro hi a lo hring mawi leh thin zu nia. Hetiang chi nei chuan utawk tur vawn mai lovin rawn thehchhuak zel teh u.
[Report abuse]
August 29th, 2010 at 11:53 pm
Hmanah ka chhiar tawh. Ka chhiar chhuak ta kher lo mai.
[Report abuse]
August 30th, 2010 at 12:21 am
Ka chhiar ta lem lo mai. Ka hriatna a rei tawh a. Tawngtai tam hi a pawimawh. Tin, midangte tana inpumpekna hi neih mai mai a har. A neite hi ka fak thlawt.
[Report abuse]
August 30th, 2010 at 5:50 pm
ka chiar to nang a, a la ngaihnawm tho
[Report abuse]
August 30th, 2010 at 5:55 pm
jewel nakinah min hrilh ve rawh aw
[Report abuse]
August 31st, 2010 at 7:20 pm
I seek strength, not to be greater than my brother,but to fight my greatest enemy – myself. Make me always ready to come to you with clean hands and straight eyes.So when life fades, as the fading sunset,my Spirit may come to you without shame. Native American prayer translated by Lakota Sioux Chief Yellow Lark in 1887.
Chakna ka dil a che, ka chipui/unaute aia chakna lam nilo, mahse ka hmelma lianber keimah ka hneh theihnan. Hlemhletna lakah min vengin i lam chauh min hawi tir la. Chuti chuan, ka khawvel nun a chuai hnuin ka thlarauin lawm takin ilam a rawn pan dawn nia. letlingtu, H.Vangchhia, September 31st 2010
[Report abuse]