Pan lai hun nuamte’n mual an liam zo tawh a, vânglai hun hlimawm meuh pawh a chuai ta ruai ruai mai. Chhuihthangvâla’n zuapa ka chang a, hrailêng chawiin puak, pawm leh kaih ka fawmkem ta! Chhangchhe pa nunchan zirin, ‘Ch Ch pa’ tiin lenrualte’n ka hming an sêl ta!
Het chheiraw!! Chhuihthangvâl nun ka chen chhung khan tûn hun hi ka dâwn pha lo va, ka beisei ngai hek lo. ‘Tiam tlat e’ ti-a zungbun kual tle tak inbuntîrna piah lamah hian hlimna chauh ka lo beisei ṭhin a, famkimna tualah lêngin Vân rim nam rum rum khawpa hun nuamah ka lêng reng dâwn emaw ka lo ti. Hnai lo mai!! Vân rim chu sawi loh, zun hîng rim ka nam reng zâwk ta si! Nupa nun ka zirlawkna-ah he’ng hi a tel lova, ka inbuatsaihna a ni bawk hek lo.
Inbuatsaih loh Topic-ah Exam ka bei mêk a, pass zo tak ang i maw? Chhân thiam a har a, vâl hian ziah tur ka vai a nih hi! Pen hmawr seha hawikual hruk hruk reng hi ka pass phahna a ni dâwn lo tihah ka chiang a, theihtawp chhuah a ngai a ni. Zir miah lo pawhin he exam hi pass ka duh tlat mai si le… Khawi nge.. vâl hi…
Ka sakhming hi zalêng zawng te’n sêlin, phuahchawp hming mak tinrêngin chawi mah se la, hringnun lamtluang ka chhuina kawnga ka nih tûr rêng ni mai ka lo ni. Ka harhchhuak ta! Tu ka dem lo’ng, zahah ka la hek lovang. Ka hraite avâng hian koki insanhleih bûr khawpa ka lo awm a, hîng hem hem rim nam reng ka lo nih palh pawhin, ka thai thinlai a dam chhûng chuan; engah ka hlim loh lem ang?
Chatuana hun ka hman dân tûr pawh ni hlei lo; a ṭul leh nau êk ka su eng puat anga, naute nu pawnfên thleng pawhin ka hmâ tel mai ta lawng… Tih tak êmah chuan a pawnfên ka sûk tûr zûna uai hian a ni lawm ni tlângrêl dâwn lêk lova ka lo lên ṭhin? Tunah engah tlângsêl chu ka hlauh viau lem ang? Amah avâng vêk hian a ni lâwm ni vawi tam khuang ruahpui sûr ka do va, thim hnuaia an rûn ka pan ṭhin? Sawi tak zêlah chuan, he nu vâng tho hian a ni lawm ni vâl dang tâwna hmaisen ka put a, kuttum hial ka lo lek tawh?
Engpawh huama ka thlan, ka hmangaih hi chhawmdâwl a ngaih lai hian ka phatsan ang maw? ‘Pâ lo’ tih leh ‘Thaibawih’ tih hming satliah tak put hlauh vâng ngawt hian a duh anga che chhuak thei lovin ka chhungril hmangaihna hi ka up bet ang maw? Teuh lo mai, a teuh lo mai. Lum hlumah pawh ka hlawh duh ṭhinna thinlûng kha, pawnfên nêm nuai satliah mai mai hian ka lanchhuahtir thei lovang maw? Chuti a nih ngat chuan kei hian lum hlum ka ngam tak tak hauh lo tihna a ni ngei ang le!
Kâ maia hmangaihna lantir mi ka ni tûr a ni lo, thiltih hmang ngeiin ka thinlûng hmangaihna hi pârchhuak rawh se. Exam ka beih tawh a zawnga exam nuam ka tih berah a chang ta! Ka inbuatsaih loh zawhna chhang si hi, ziah tâwp dân pawh thiam lo khawpin vawi tam paper ka dil belh ta! Haleluiah! Fail rêng ka hlau ta lo, thiam loh chantîr lah ka hlau na hek lo. Khawvêl hi ka tân a pâr a, chu a pâr chu tudang ni lo, kei ngei hian ka tlân ṭan ta mêk a nih hi. Mi vannei ka va ni teh lul em!
Ka ziah zawm peih tawh lo, a nih nih nih tîr ula, in duh angin chhunzawm mai teh u.. Hei erawh min hriatpui thung ula, ‘ka tesimony a ni kher lo’ tih hi.. 
Similar Posts:
- Exam turte hriat tur
- Hei hi enfiah vat a ngai!
- Mizoram School Examination Policy
- Mipa leh Hmeichhia
- Ka Nu
@Shylo: Nia an...
September 15th, 2010 at 10:01 pm
First phal loh! Testical+money????? Testimony hi chu Mimi tel lo chuan a fuh lo!
[Report abuse]
September 15th, 2010 at 10:07 pm
Lolzzz..
I ziah dan kalhmangah hian nangma chanchin anih ka ring tlat mai le!
Thu i thiam zek. inthupthei hle mai.
[Report abuse]
September 15th, 2010 at 10:11 pm
Ka ni teuh lo mai. Text book leh Model Q&A pawh lei tur a awm alawm, OM ah.
Mid-life crisis pawh an tih fo kha…
Nia, lehkhabu ami i copy paste anih ka ring.lol.
[Report abuse]
September 15th, 2010 at 10:23 pm
Admin ho chu! In va tilawmawm ve, Para ka lo ṭhen mumal lo tih ka inhrechhuak chiah. Chhiar a nuam zaih alawm. In zarah ka mawi e.
[Report abuse]
September 15th, 2010 at 10:27 pm
A tawp dan chu dawi aw ve.
[Report abuse]
September 15th, 2010 at 10:27 pm
Kawnga i thlawhfuh khawp mai, HV-a chu i sawichhan em lovang chu ti raw..(Phiamthu).
[Report abuse]
September 15th, 2010 at 10:32 pm
writer hlawhtling tak tur chuan i la in zir angai dawn anih hi, Hindi zir daih la hlawh pawh a tha zawk ang ka ring…. NOI
[Report abuse]
September 15th, 2010 at 10:36 pm
Ka hrechiang alawm hè mi- kawnga hi! En ta che u… a thu khi. Khi lo liàm khi a awm dawn chúang em ni?! Mi thiam inthup, mi ril inzêp chu hei ngei hi! Khaw nge, kan nu hriat a’n ka’n chhir hial teh ang…
[Report abuse]
September 15th, 2010 at 10:38 pm
A conclusion-ah khian “Chhungkaw tangrual kan ni zawk” tiin tawp ta la …
Pa-hmeipa, in hrang chang ve tawh si, fate’n eizo vek an tih theih lai hian lo vah a lo ngai a, buh tuh, hlo thlawh, buh seng ! aw… ava han buai thlak thin ve!
[Report abuse]
September 15th, 2010 at 10:44 pm
Hehe, a thupui chauh hi ‘manage’ atang khan ka lo hmu a. Rinthiam ngaihna ka hre lo tak tak a ni. I ziak ngaihnawm hle mai, infuihna rawngkai a nih deuh vang hian a thu hi a ti hlu lehzual in ka hria. Rawn ziak zel teh.
[Report abuse]
September 15th, 2010 at 10:44 pm
Thra dap dap e, kawnga nge nge
[Report abuse]
September 15th, 2010 at 10:45 pm
A va ngaihnawm ve. Hetiang creative writing lama sang deuh ho hi rin aiin an duap ru duh zek asin mah se! A tha hle mai.
[Report abuse]
September 15th, 2010 at 10:45 pm
Tunah hian fanu kum 7 mi leh fapa pathum, kum 4, kum 2, leh thla 4 mi ka nei mek! Kan nu hi ka fak thlawt thin. Ka nitin hna nen nitin kan hmang liam ve hram hram zel….mahse kan hun hmandan ka ziak ve thiam lo.
[Report abuse]
September 15th, 2010 at 10:48 pm
HEI HI KEIMA U KAWNGA POST A NIH HI! Ka intithei e…
[Report abuse]
September 15th, 2010 at 10:49 pm
Kawnga titi kotlang ah kan dak ka leh ho mai. Kawnga bulah hi chuan nuih chur chur a awl asin. Rin loh karin min lo bawl hman a, hriat chhuah hma in min kar full tir lek lek fo mai. A kianga han awm hi chuan pa ropui tak emaw intih ve mai te hi a awl a nia.
Fa nei theilo nupa tuak ka hmuh chang hian chhangchhe pa ka ni hi ka lawm thin. Ni e, chhangchhe pa nih hi a lo nuam ber mai.
[Report abuse]
September 15th, 2010 at 10:51 pm
Ka post tumtak ilo post anih hi
[Report abuse]
September 15th, 2010 at 10:51 pm
I tawng kam hman hi ka tan lutuk tiang a thiam a han bekang puah chuah phawng ka va chak ve tak em. Rawn post jel rawh adang pawh ka chhiar ning lo e.
[Report abuse]
September 15th, 2010 at 10:52 pm
Van ziak thra ve, thianpa. Nang ang pa neih hi nu ho zawng² dream a ni e….may your tribe multiply
[Report abuse]
September 15th, 2010 at 10:54 pm
Napuan lai in chhangchhe tawkin kan ri laih laih unau 8 kan ni. Kan han leikang deuh kan u te fa nen chhangchhiat kan zir. Mahni’n kan han kawi ve duah hnu naupang in zun an han cheh huh dup maite leh, an han dam loh deuha kan buai zia te.
Kan hulhar kan khawhar tan tih-ah tu te kan han neih leh phei chuan, mahni fate aimah hian kan buaipui emaw tihtur a lo ni.
Keini Zofate ang Joint Family ah hi chuan chhangchhiat hian min kiansan loh hian malsawmna zuk lo ni daih a mawle.
Chhangchhe nu pasal etc demanding si te hi an han paltlang hi chuan fakawm jokes daih chhchpa ai chuan chhchnu hi
[Report abuse]
September 15th, 2010 at 10:54 pm
@blackmagicwoman, nang ang pasal neih hi nuho zawng zawng dream ani e tih i tum zawk a ang ka ti..
Hawrawp tihdum bik dan khi minlo hrilh ve teh u. Ka thiamve duh ania.
[Report abuse]
September 15th, 2010 at 10:55 pm
ziak thiam hle mai a,chhiar a nuam thin e.
[Report abuse]
September 15th, 2010 at 10:58 pm
I dinhmun ang hi nghakhlel takin ka thlir reng a; chumi ram pan tur chuan theihtawp ka chhuah ve bawk a nia.CH CH pa nih hi.
[Report abuse]
September 15th, 2010 at 10:58 pm
the kop, yes….thanks. ka lo ziak sual a nih khi youtube ah drama en pahin ka chhiar/comment vel a, buaichuar zo!
[Report abuse]
September 15th, 2010 at 11:02 pm
@bmw: Nang ang nupuia neih hi pa ho zawng zawng dream a ni e. A neitu che hi pa vannei tawpkhawk ani e.
[Report abuse]
September 15th, 2010 at 11:02 pm
Post hi ka vil reng e. In comment a pung chak khawp mai. Nau zun thli-a ka thawh zawk bak chu, ka lo chhiar nghal zel a nia.
[Report abuse]
September 15th, 2010 at 11:03 pm
@Kawnga, #19, Pu Mz-a sawi ang deuh khian, fate hi chu kan la vaw phal a, tute erawh hi chu keh thei dawm tak hian kan dawm e an tih chu!
Mahse, Aryan-a te khua-ah chuan an tute an awm man hi ‘HLAWH’ an dil thin an tih chu!
[Report abuse]
September 15th, 2010 at 11:05 pm
Thu i thiam e.
[Report abuse]
September 15th, 2010 at 11:06 pm
Kawnga chu helaiah hian kan ziak nawn leh ange! I ziak thiam ka ti thlawt! ziakmi te hi chuan hetiang hi ziak ziak teh u! A hlimawm, a ngaihnawm, i testimony a nih ngei pawh a rinawm e!
[Report abuse]
September 15th, 2010 at 11:09 pm
caribou ve ngei hi!! lol min bawl te i tum ve elo?
Kawnga, nuthlawi-an-ti-si-che-maw-i khan a lo thik ang tih ka hlau deuh
[Report abuse]
September 15th, 2010 at 11:17 pm
Pu Kawnga chu hlaphuah i thiam hmel hle mai. Thuziak lam chu sawi ngai loa hriat sa.
Thaibawih inti tam zawk hi chu an thaibawih hauh lo. A tak tak ho hi chuan a hming pawh an lam ri ngamlo an ti a sin!
heatera naupang thawmhnaw hemlum pahin maw i post i vil,
han ti mai i la.:smile: NOI
…khrum
[Report abuse]
September 15th, 2010 at 11:17 pm
@BMW,
Lo chhuizawn phêt tum suh. Kha’ng te chu thu hlui a ni leh tawh alawm.. 
[Report abuse]
September 15th, 2010 at 11:20 pm
Chhangchhiat a vanga lenrual ten i hming an sel ringawt chu va zia lo ve aw!!! te ka lo ti mai mai a
[Report abuse]
September 15th, 2010 at 11:45 pm
A ziaktu chuan thuziak a va’n thiam ngai ve le!
[Report abuse]
September 15th, 2010 at 11:48 pm
Sandman rawn tihdan vel kha, post rawn chhuak leh tur hi RESULT a nih duh tawh hmel
…khrum
[Report abuse]
September 15th, 2010 at 11:53 pm
Khawlaiah naupua in nupui fenfual feng nen kan han chhuak ve a, tleithar tir, a feng chhing chi mal mum kan han hmu mai thin hi chu.. naute dah rawka tlangval that leh mai hi a chakawm thut thut thin. Kan nupui te hi an beng thal tawp ni ber a hriat thin chu a ni e.
[Report abuse]
September 16th, 2010 at 12:08 am
Ka ziah zawm peih tawh lo, a nih nih nih tîr ula, in duh angin chhunzawm mai teh u.. Hei erawh min hriatpui thung ula, ‘ka tesimony a ni kher lo’ tih hi..
A ni deuh a ni lo maw………..
[Report abuse]
September 16th, 2010 at 12:16 am
Kawngtea nge nge poetical words hmanga prose ziak thiamah ka puang che. Mahni nihna ai chuan nih lohna sawi hi a awlin a nuam zawk mah fo a nia.
@Bmw hian KFC II din leh mai a tum dawnin ka hria
[Report abuse]
September 16th, 2010 at 12:40 am
Hmeichhe ho chu an lawm ang chu..he2 @kawnga, thu i thiam khawp mai, a rukin minlo nuih ang tih ka ringhlel love
. Hmanni a i rawn post pakhat ‘THIH HNU AWMDAN MAWI’ tih kha, kan college blog a dah atan ka lo dil tawp che, rem i tih chuan ka lawm ngawt ang.
[Report abuse]
September 16th, 2010 at 1:05 am
@Atom c : In College blog Address min lo pe teh. ‘Thih hnu awm dan mawi’ kha ka ziah a ni lova, ka û ziah a nia. Ka lo dil sak dawn che nia. A phal khawp chuan ka ring.
[Report abuse]
September 16th, 2010 at 1:38 am
@kawnga, hei hi ka email mahmuaka@gmail.com. Blog chu, tirunellimizo.blog.com. Kan tran-na a la reilo a, a lun laih laih khawp mai
[Report abuse]
September 16th, 2010 at 1:48 am
# 19 khi ka thlawp. Fate tet deuh laia nu buai denchhena, ‘ kha nau hi lo la lawk teh,’ an tih chuan, lawmtakin laka, puak nal2 tur. Engati maw? E le. An tet lai bak hian kan paw theilo. An lo len deuh hnu chuan kan fate hi puak han chak viau mah ila, puak an duh tawh manglo, chutih hunah chuan, ‘pa’ hi kan khua a har vawng2 tawh mai a nia aw!
[Report abuse]
September 16th, 2010 at 1:49 am
@kawnga, ka e-mail ah min be pawp mai teh khawngaihin, blog address khi a diklo, a ni lo zawk. ka edit thei tawh si lo. :buai:
[Report abuse]
September 16th, 2010 at 3:00 am
Nu i, ka e kham, ka mawng han sil tehhhhhhhhh!
[Report abuse]
September 16th, 2010 at 9:58 am
#43 Saia-tawka mai mai chu! ….va rawn bei tawih lo ve! :khí-sûng:
[Report abuse]
September 16th, 2010 at 10:54 am
@kawnga, thanks so much, ka reply tawh che kha..
[Report abuse]
September 16th, 2010 at 11:57 am
Kan lo va chhangchhe ve, helamah chuan.
Kawnga hi… a duh duh a ziak a, a ngaihnawm viau zel lehnghal a…
Testimony chin hi chu bold a va tha ve aw…
[Report abuse]
September 16th, 2010 at 12:03 pm
Ha..ha..ha
[Report abuse]