A khuhhawnna
Tunhma leh tunlai kan ram awmdan en hian lungawi har inti ve em? Kei mi nikhualo hian kan hmalam hun ka thlir hian hetiang renga kan kal chho a nih chuan kan hmaah chhum dum chhak tak kan thlen hun a la awm dawnin ka hre tlat a. Chu hun chu thleng lo hram se ka ti thin. Mahse kei misual leh nikhualo tak hian tih theih ka nei si lo. Ka thil tihsual ka hmuchhuaka, he ram hi min siamthat pui turin ka duh che u a ni..
Misual mai ka ni..
He khawvelah hian keichu thangkhat lian vel erhawrh chauh ka la cham a. He ram tan hian eng thiltha mah ka la ti lo. He ram hi thilpek aiin lak sak ka nei nasa zawk a, siamthat aiin tihchhiat ka sam zawk bawk.
Ka tan chuan he ram hi hmelma ang maiin a lang a. Vantlang ram zim te pawh chil putin ka thlir dauh dauh a. Ram hmasawnna tura thil hrang hrang lo kal chu ka angchhunga khung ka pawi ti hek lo. Thenawmte nek ranin ka khawsaa, thenawmten ka thli dawngsawng mah se engah mah ka ngai lo. Veng lehlam mi rethei chanai ka iptea ka khung atang khan sawm a pakhat ka pe a. Kha ka thilpek vang khan khawvela hna thianghlim ber Pathian rawngbawl hna min thawh tir a. Keichuan tuichhunchhuah ruaka tui in tir tumin beram ka hruai thin.
Thlaler ram chu..
Chutianga kan ram ka sawisak avang chuan kan ram chu thlalerah ka siam mek tih ka hrechhuak a. Mahse kan ram hmasawnna chungah chuan ka la chuang lui tho si. Thlaler hmun ro ni tura ram ka siam hi ka inthiamlo a, mahse nawmsak ka thlahlel zawk tlat bawk si.
He kan ram heti khawpa ka sawisak chung pawh hian kan ram chuan min la au tawk tawk a. Thlaler hmun ro chang mai tur kan ram rum ri vawng vawng leh au ri chuan kaiharh che u sela ka va ti em? Chu ri chu hriattum ve teh u..chu inhria em?
Raltiang ram kai chak kan ram..
Kan ram au ri chu in hria em? Chhawrpial Run, khawvela ram nuam ber nih chaka au ri chu? Hmasawn chaka tuihal dang chara tuifim dâwn chak thawm te chu? Chu ri chu ramdang thawm neih a ni lo. Kan ram thawm ri a nih chu!
Kan ram hian zotuithiang tha tak a mamawh a sin. Khawvela ram nuam ber ni thei tur thlaler hmuna siam mek ram, chhawrpial run ni thei tur lungngaihna chhirhdup a ni mai dawn ta..harh teh ang u?
Thlaler au rawl chu..
Chu thlalera chang mai tur manganga vak vel, hliam leh na tam tak nei. Harsatnain a bawm vel ram, rum ngawih ngawih chu eng ram nge? Tu thiamloh nge ni ta ang le? Tunge siamtha ta ang?
Hliam leh pan vel tidama tuam saktu tur zawnga vak vel chuan kei misual chu min rawn hmu a. A hliam leh na vel enkawl dam turin min rawn au a, min rawn pan tlat mai le. Kei misual, amah hliamtu ngei chuan enkawl zuam lovin midang pan tur ka kawhhmuh a..
Ka harh chhuak ta…
Ka va harh chhuak chiang em! Khatia midang ka kawhhmuha, ‘ani saw..’ tia ka kawh khan ka kawhna kut kha ka han enchianga ka kawhna kut zungtang lo zawng zinga pathum khan min lo kawk ve reng chu niin! Kha hliam leh na vel kha keimah lo chu enkawl sak thei tu an awm bik lo. Ni e, pakhatin ka kawk a, pathumin min kawk let tlat!
Han inen teh. ‘ani hian ram rawn siam rawh se’ tiin mi i kawk tiraw? I kawhna kut kha en la a zungtang pathumin an kawk let che tih i hmu ang. Midang kuta i hlan dawn khan nangmah atanga tan a ngai a sin. Midangin hliam an tuam sak hmain i tih hliam ho kha tuamsak phawt rawh. Chutilo chu midangin an tih hliam tuam dam sak mah se i tih hliam lai kha tuam lohvin a awm reng dawn tihna a nia, a pun anga.. hliam dang tha lo a siam belh mai mai dawn a ni.
Khai le, kan tih hliam hi kan tuam phawt dawn lo’m ni?
October 26th, 2010 at 1:02 pm
Va tha ve..
[Report abuse]
October 26th, 2010 at 1:07 pm
Tha thruai2 khawp mai
[Report abuse]
October 26th, 2010 at 1:08 pm
Vawi 3 ngawt i tuam ang aw, heih..heih…heih…. pheikhai rualin…hairehai,… ( D-key a sak tur)
[Report abuse]
October 26th, 2010 at 1:19 pm
Bei thra thei ee..KT chu..kuddos..
[Report abuse]
October 26th, 2010 at 1:19 pm
@D_au,a soprano kan nei dawn nage..
[Report abuse]
October 26th, 2010 at 1:24 pm
I tahpui ang hi mi tam takin kan tahpui a, i rumpui ang chiah hian mi tam takin kan rumpui a sin. Ni e, a na a ni! He kan ram, kan mamawh tinreng min petu kan sawisak dan hi a na tawpkhawk a, mahse tuamdam tum kan awm ngang si lo.
Hawh u, kan ram tan hian ke i pen ang u. Millionaire niin kan duh duh ramah zinkual mah ila, kan ram hi a changkan loh chuan nuihsawh bak kan hlawh dawn lo a. Thawmhnaw tep hrip hrep nen khawlai leng mah ila kan ram a changkan miau chuan khawvelin min ngaisang tho tho ang tih hre reng ang u.
Burma sumdawng hausa i hmuha i nuihzat thin zia leh, sap vakvai satliah pawh kan ngaihsan thin dan hi chhut thiam i la, kan ram tan hian kan hun leh tha, thiamna leh finna te hmang mawlh mawlh tak ang u.
Keimahni chauh hi kan ram tana thawk tur awmchhun kan ni si a!
[Report abuse]
October 26th, 2010 at 1:42 pm
Hei pawh ram tana mithahnemngai bawk maw. Heng mithahnemngai tak tak te hian tuam dam kan ngaihna lai hi han tlangau pui zel teh se.
[Report abuse]
October 26th, 2010 at 1:45 pm
A tha thei dap dap khawp mai. Keimah Thingtlangpa leh Kawlhawk hi mi ropui tak in ni. Tutenge in nih tih leh in eizawnna pawh ka hre lova, Mahse in talent dawn hi a hmana tur diktakah hmang ulang chuan Shakespeare a te ai a in nepna a awm chuang dawn e maw nile. In thluak a tha, in fing. Thu ngaihnawm mai nilovin bihchian dawl tak min chhawpchhuah sak fo avangin ka lawm e.
[Report abuse]
October 26th, 2010 at 1:47 pm
Leh lawk. In thuziak hian mi a khawng ve fek fek lova(hei hi ka ngaihsanna chhan che u) rilru tuihal leh chawlhna hmulo a chhawk zangkhai thin.
[Report abuse]
October 26th, 2010 at 1:51 pm
“Hnam huaisen Mizo kan ni,
Heite hi kan ram neihchhun,
Tunah chhantu ngaiin a rum vawng vawng,
Dawihlumtu lianchhung fangrual thuneihna puansen sinin,
Bumna hnamchem nen ral ang lo lian e”
Hawhteh u, i thawkchhuak teh tak ang u hmiang.
[Report abuse]
October 26th, 2010 at 1:59 pm
Keimah Thingtlangpa leh, Hei zet zawng John F. Kennedy Inaugural Address aiin a nep chuang love. Thumbs UP!!!!!!!!!
“ask not what your country can do for you- ask what you can do for your country. “
[Report abuse]
October 26th, 2010 at 2:09 pm
Chief minister a tan ka hual che
[Report abuse]
October 26th, 2010 at 2:26 pm
Kei a PA ah ka tang ang.
Thlawhfuh ngei mai.I sawi dik lutuk.Misual ho zawng hi tangrual ila chuan tih theih a awm ngei ang.
[Report abuse]
October 26th, 2010 at 2:39 pm
@9 universaldonor, keipawh i sawi hi ka rilrem zawng ani. Khawnge kawngkhat lek talin vawiin atang hian hmasawn kan tum teh ang.
[Report abuse]
October 26th, 2010 at 2:40 pm
A va ropui m? Ka thlawp eeeee
[Report abuse]
October 26th, 2010 at 3:45 pm
a post tupa chanchin hi ka hre nuala vawi khat chua a chanchin hi rawn post ila a tha ang.Zozial zuk pawh a chakawm lawm le…
[Report abuse]
October 26th, 2010 at 3:50 pm
Zodin, nangpawh aw..
[Report abuse]
October 26th, 2010 at 4:16 pm
#16 Inpuanna tur post siam ila han inpaung mai ila(h) nuam ngawt ang.
[Report abuse]
October 26th, 2010 at 4:40 pm
Va tha dap dap ve:)
[Report abuse]
October 26th, 2010 at 6:43 pm
Tha leh fu ni. Kan ram hian keimahni hi min mamawh.
[Report abuse]
October 26th, 2010 at 7:55 pm
tha kher mai a…
[Report abuse]
October 26th, 2010 at 8:45 pm
Kan ram riang te hian BAND AID a va mamawh hnem awm reuh! DETTOL lipui a mamawh bawkin ka hria!
[Report abuse]
October 27th, 2010 at 12:19 am
Aw!
[Report abuse]