NLUP chungchang hmasa comment ka lo chhiar a, a puitling hlawmin misual ho-vin min appreciate sak avangin ka lawm khawp mai. Sceptic engemawzat in awm bawk – chu chu ka appreciate tel. In comment atang khan ka post hmasa-ah khan ziah hmaih ka nei nual tih ka hria a. Chuvangin engkim a clear zawk theih nan ka han tuihnih leh a ni.
Plan sum chungchangah khan nikum Mizoram Plan Fund chu Rs 1250 crore a ni. A kum hmasa aiin 25 percent in a tam. Hei hi a chhan pawh sorkar hnathawk 6th Pay pek a ngaih dawn vanga hetia pung teuh hi a ni. Normal ang chuan 10 percent vel chauha pung tur a ni. 2009-10 Plan Fund hi “normal” a pung a nilo tih hriat phawt a ngai.
Chuvangin kumin 2010-2011 chhunga Plan Fund hi 10 percent-in lo pung dawn ta se, Rs 1250 crore atang hian a chhut theih loh. Rs 1100 crore vel atanga chhut a ngai, “normal increase” a nih chu. NLUP pawisa Rs 234.82 crore hi tel lo se chuan kumina kan plan fund hi Rs 1200/1300 crore vel tur chauh a ni. A nitty gritty zu hre ve lo tan chuan bo map chu awl tak a ni.
Convergence hi a thatna em em chu Centrally Sponsored Scheme atang hian sum bawlhhlawh siam a awl em em a. Hna inang, a hmun pawh inang chiah-ah te department pahnih pathumte’n CSS sum hmang hian an lo thawk thin a. Chumi awmzia chu department pakhatin alo thawh tawh kha ringin department dang chuan thawk angin an ziak a, pawisa kha hotute’n an ak hmak mai a ni. Hmanni deuh lawk pawh khan Lunglei High Powered Committee chuan CSS hnuaia khaw kar kawng laih pakhat chu an han zir chiang a, chu kawng chu Department pali ngawtin lo zu lai a!
CSS atang a pawisa lo kal hi Mizoram sorkar hian a monitor thei miah bawk si lo a, department hotute tan chuan eirukna awlsam tak a ni thin a. Mahse NLUP nen a converge a nih takah hi chuan NLUP Implementing Board leh Planning Board chuan CSS sum hman dan an hriatpui vek tawh dawn a, chuvangin duh duh leh mahni thu thu-in CSS nei thin department te chuan an hmang thei dawn tawh lo a ni. NLUP hi corruption curb-na hmanraw pakhat a lo ni reng mai.
Thenkhat hlauhthawnna, pawisa hmansual pawh hi a hlauhthawn awm tak a ni. Mahse NLUP Implementing Board hnuaiah hian Monitoring Cell din a ni a. He Cell hian beneficiaryte sum hman dik leh dik loh mai bakah Line-Department lamin an hman dik leh dik loh thlengin an monitor dawn a. Monitoring Cell hi District leh Village level-ah a awm a, village level ami hi chu social audit ang chi a ni. Hemi bakah hian Government of India Ministry of Rural Development chuan a rawn monitor reng bawk dawn. Chutih rual chuan Marketing Cell hi a tir te khan din ani nghal a. He Cell hian thar chhuah hralhna a buaipui char char dawn a, he Cell hi Chairman pakhat hnuaiah a awm mek a ni.
Kum 5 chhunga NLUP kalpui turah hian assistance dawng tur chhungkua chu 1,20,000 an ni a. 2010-11 chhung hian chhungkaw 45,319 tanpuina pek an ni ang.
Land Use Plan hi duan chhuah vek a ni tawh a. Khawtinin ram an neih zawng zawng 80 percent chu humhalh tlat tur a ni a. 20 percent chu khaw chhung tan leh NLUP bik atan a ni a. NLUP bik hian land area 15% a chang a, hemi chhungah hian beneficiary chhungkaw tinin 2 hectare (tin 5 hmun) zel permanent land angin an nei ang (subject to NLUP an tihpuitlin leh tlin lohah a innghat ang). NLUP ram bak hi kum 5 hnu-ah chuan khawih danglam phal ni dawn lo.
Trade te hi a theih chin chinah cluster anga kalpui a ni ang a, eizawnna nghet leh tlo (permanent and sustainable) inang chu hlawm khat deuh zela kalpui tir tum a ni. Tunah hian North & NE Mizoram velah hmunphiah a that duh em avangin helai hi hmunphiah cluster atan ruahman a ni a, hemi ang hian chhungkaw 300 chu broom grass cultivation trade-ah lo vah nan Rs 6280 theuh pek an ni tawh. January – March 2011 chhungin Rs 29,000 chuang hret pek leh an ni ang. Hetiang hian hna an thawhna tur mil zelin trade hrang hrangah quarter tinah pawisa hi pek tur a ni a, trade thenkhata installment a tam laiin thenkhatah chuan installment 2/3 lekah pawh pawisa hi pek zawh tur a ni. A tlangpuiin trade tinah hian Rs 1,00,000 bawr vel pekchhuah tur a ni a, a thenah chuan hemi atang hian beneficiary contribution 20% deduct tur a ni ang.
NLUP hi project thar hlak, India chu sawi loh, khawvel ram dangah pawh la tihchhin ngai loh ni a sawi a ni a. Mizorama kan NLUP hi Central sorkar chuan pilot project angin a kalpui dawn a. A hlawhtlin chuan state dangah pawh introduce zel tum a ni. A hmingah pawh “socio-economic transformation development project” Central sorkar chuan a ti hial a ni.
NLUP hian component hlawm lian pathum a nei a, chungte chu Management & Capacity Building, Infrastructure leh Schematic te an ni a. Heng zingah hian Infrastructure-ah pawisa pawh a tam ber a, supply inputs (vawkte, ar note, seeds, sangha note etc supply-na tur) dinna te a tel a. NLUP kalpui tum danah chuan heng supply inputs te hi in-house a tih tum a ni a, Mizorama sum tam zawk a vir vel theih nan Mizoram chhung ami ngei supply tir tum a ni.
Entirnan vawk no supply tur atan Mizoram chhunga vawkpui tam tak vulh-te chu engemaw zawng taka tanpuia vawk no tha supply tir tur a ni (Vawk leh ar vulh phal loh a ni lo a, a farm ang zawnga kalpui tur tih sawina a ni zawk. Vawk vulh tur beneficiary chuan vawkpui tur te, vawk hralh tur hrim hrim tur te leh a chi thla tu tur vawk pa, avaiin 8 a dawng ang).
Chutiang zelin sangha no pawh tuna nursery engemawzat kan neih mek te hi tih changtlun chhoh a mahni ram ami ngei sangha no pek chhuah tur a ni. Thlai chi leh thildangah pawh hetiang hian kalpui tum a ni a, a theih chin chinah phai lam atangin engmah chawk luh loh tum a ni.
NLUP hi zir tham teh meuh a nih avangin hetiang post angah hi chuan kan sawi seng lo a, han comment zel ula, sawifiah ngai ala awm zel a nih chuan kan post zel a ni ang chu.
Similar Posts:
- NLUP chungchang hi
- Boss, engtia rei nge min la bawl dawn le? Part II
- P&Sons-a pawisa dahtute’n vaibelchhe 250 lâk chhuah an phût
- Zo Thlifim leh NLUP
- NLUP atan Rs 100 crore hmang hman ta lo
November 17th, 2010 at 10:00 am
NLUP bawk maw? Pawisa awmna lam a ni bawk a… ngaihven a hlawh tlat
[Report abuse]
November 17th, 2010 at 10:02 am
DAWNG VE KA CHAK HLE MAI. TUMAN MIN SAWIPUI DAWN SILO. HEEE
[Report abuse]
November 17th, 2010 at 10:04 am
nlup bok.
[Report abuse]
November 17th, 2010 at 10:15 am
An sem tlem e mai a….,
[Report abuse]
November 17th, 2010 at 11:06 am
A theory chuan a tha ngawt mai,mahse ram sem chungchangah ngawt pawh sem tur nei lo leh inchuh na te a awm nghal a,Pi leh Pu a tang a kan thiam ve vawk leh ar vulh lah an rem ti mang lo emaw ni?
Engpawh nise uluk hle a ngai ngawt ang.
Mirethei insak an tih ang hi a tha,in an sa mai a :!:
Convergance pawh a tha khawp mai,mahse CSS ho hi guidelines nei an ni a,a in mil thei em ang chu maw.
[Report abuse]
November 17th, 2010 at 11:19 am
A scheme hi chu a that hmel ani. Kan dawnthleng hi a lei deuh em aw ka ti.
[Report abuse]
November 17th, 2010 at 11:27 am
nizana MLA pakhat thusawi chuan nlup hi pain a fapa lehkha zir puitlin nan pawisa a hmang angin a tehkhin a,i fapa cl x passed chu MA a passed thlenga a zirna senso tur zawng zawng kha a hlawmin pe ta vek la,a zir puitling kher lovang.chutiang chiah chuan tuna nlup an sem hi a bul tanna tur ani a,bul tan tha te chu a enkawl zui na tur ape zel dawn ani ,ati.
[Report abuse]
November 17th, 2010 at 11:44 am
Comment rih lo phawt ila,…. mi dang comment lo ngaichang phawt ila…. a ngaihnawm thla dawn tan e. :mrgreen:
[Report abuse]
November 17th, 2010 at 11:47 am
NLUP dawng tur zinga tel ve ka va chaak..
[Report abuse]
November 17th, 2010 at 12:02 pm
#9 krayzie suak.
[Report abuse]
November 17th, 2010 at 12:29 pm
A dawng tur te ka lawmpui..a dawng ve lo tur te ka tawrhpui.. a chaihtute ka huphurhpui…blah.. blah.. blah..
[Report abuse]
November 17th, 2010 at 12:55 pm
NLUP hi a tha ka ti khawp mai. Hlawhtling ngei se, tichuan mirethei chhungkua tam tak te’n eizawnna ngelnghet an nei ve thei dawn ani.
[Report abuse]
November 17th, 2010 at 3:14 pm
#10 i suak zok a nilo maw!?
[Report abuse]
November 17th, 2010 at 3:14 pm
Hlawhtlin pui engzat tak awm ang maw??? :roll:
[Report abuse]
November 17th, 2010 at 3:18 pm
NLUP hi ka lo sceptic viau thin a, dmy ziah atang chiah hian ka chhiar tui. Amah ka ngaihsan vangin. A awi hi dik turah ka ngai ngawt a.
[Report abuse]
November 17th, 2010 at 3:21 pm
@ dmt….kweston chu ka ngah mahse ka la hman lo tlat. nakinah ka lo la zawt ang che….Funny-a hian a hman chuan kwestons lo pose phawt teh se
[Report abuse]
November 17th, 2010 at 3:26 pm
Project thra tak, 40% pawh hlawhtling se Mizoram tana thratpui tham tur a ni.
Chutihrualin Land Reform kalpui hmasak hmaa Rs 6000 vel te tea pawisa sem thut khan NLUP hlutna a tihniam.
Hmunphiah ching tur angin hmar tlangdungah pawisa sem thut a ni a, hmunphiah chin hun leh hmun nen a inmil lo an ti leh si a. Kan zan kal loh nan tran i han la sauh sauh teh ang u…
[Report abuse]
November 17th, 2010 at 3:29 pm
DMT = Mizoram Information Service officer :mrgreen:
[Report abuse]
November 17th, 2010 at 5:38 pm
Tihlawhtling ngei ila ka ti,kawng tam takah congress sawrkar thiltih fel tawk lo leh tha tawk lo tih nei mah ila;he policy hi chu full support ka pe.Sawrkar tanpui hi khua leh tui thate tihtur leh mawhphurhna a ni si a.
[Report abuse]
November 17th, 2010 at 8:46 pm
NLUP = NuLaUpaPawl :mrgreen:
[Report abuse]
November 17th, 2010 at 9:20 pm
@ZOaTlau – Thanks for your support. Land Use Plan hi kalpui mek a ni a, hmunphiah ching turte pawh land use plan angin ram pek an ni ang. Pawisa pek hun leh hun lovah chuan Department expert hovin ruahmanna na siam a ni a, kei ang expert ve lem lo chuan sawi tur ka nei lo.
@all the others – a then chuan post khi a chhunga ami zawng zawng nen inchhiar laiin a then chuan a heading chauh in chhiar e law?
[Report abuse]
November 17th, 2010 at 10:55 pm
Hmunphiah ber kher a ho ka va han ti mai mai em, kei Vallungmawla hian…. :mrgreen: :evil:
[Report abuse]
November 17th, 2010 at 10:59 pm
#22 Hmunphiah hi tunah pawh chhungkaw tamtakin eizawn nan an hmang asin ka thianpa pawn Tin20 hmun anei hralhnaah a buaive lova a tha phian asin.
[Report abuse]
November 18th, 2010 at 12:03 am
@dmt “Land Use Plan hi duan chhuah vek a ni tawh a. Khawtinin ram an neih zawng zawng 80 percent chu humhalh tlat tur a ni a. 20 percent chu khaw chhung tan leh NLUP bik atan a ni a. NLUP bik hian land area 15% a chang a, hemi chhungah hian beneficiary chhungkaw tinin 2 hectare (tin 5 hmun) zel permanent land angin an nei ang (subject to NLUP an tihpuitlin leh tlin lohah a innghat ang). NLUP ram bak hi kum 5 hnu-ah chuan khawih danglam phal ni dawn lo” Generic Policy ani mah mahin ka hria ,b> land kan use dantur hi scientific taka duan a ngai ani. Bakah legislative backup ningei sela. Tuna kan ram theh dan thu ah hian village authority te an thu sia khami an thuneihna kha laksak silo in strengthen dan dap a tul em? NLUP pawisa dawngtur chuan hemi hi an zawm tur ani tih ngawt khan kan ram theh dan tur ah legal foothold a nei lo ang tih ka hlau.
Community Development ah hian community participation hi legally in a pawimawh. Community stakeholders te kaltlang zel si, sustainable tak tur system kan duan a tul hle ang.
MLA(Mizoram Legislative Assembly) te’n NLUP hlawhtlin-na tur dan leh hrai an siam famkim a ngai hle ang. Control Raj lam ni lovin enabling the community thru their involvement ningei thei sela. Hetiang lam dap chian hi chuan PRI kan avoid reng hi a pawi fu in kei misual hian ka hre thin.
Seed Act hi siam vat a tul hle bawk.NLUP leh Implementing Agency leh line Department te thawhho danah pawh hian refine tur a la awm zel ang. Thawktu berte motivation pawh hi NLUP hotute Capacity building ngaih ve nalai ani ngei ang. Grassroot level capacity building tur hian kan ke-chheh te hi a inrem fel tawk em tih hi in evaluate a tul hle.
NLUP hi a hlawhtlin ngei nan chuan we all have role to play tih hi kan sawi tel kher teh ang. Political party bil thil ani lo kan ram mipui zz tan ani.
[Report abuse]
November 18th, 2010 at 12:15 pm
a theory hi chuan a tha thei lutuk a, seminar, brain stroming…etc an ti a, mithiam pui puiin an sawi a, mahse a tawp ah achuan Scam & scam..india is a land of pilot project. han beisei sang em em lo ila. mahse mipui hnena direct a pawisa lut tur hi chu kei chuan ka support hrim hrim. lehkhathiam ho chhauh hian an pumbilh a, thingtlangpa ho pawh hian chance han nei ve teh se.
[Report abuse]