Kristmas thlen nan ni tlem te ala awm a; Bazaar pui leh a chhehvel chu traffic a jam nileng zak a. Kalkawng hmel lang map lovin, mipuiin an hnawh khat mup mup a. Tar chak lo deuh leh naupang sawngnawi, tlema pian kim lo deuhte tan phei chuan thaw ipik thlak tak tur hi a ni. Hawina lam apiang chu mihring lu hlirin a khat a. Chhungkua thenkhat hlim taka bazaar kal haw karah naupang an lo chiar nak nak bawk a. Hetiang a bazaar tawt zetah hian tarchhia leh naupang chilhlum sawi tur a awm mumal lo hi chhinchhiah tlak zet chu a ni.
Min tlawm thei deuh lo’m ni’, Mama/mami hei chu a to lutuk, pawisa kan nei tawh lo’ tih thawm karah khawthlang ho tawng ngat a sale…sale… sale ti a nutling/patling ring zet zeta au thawm karah sumdawng thenkhat hralh tur buaipui vanga mutmu tuah hman lo, dawrtu hmu tha leh si lo ngui hmel zet te, hralh that deuh avang a, sawhchiar hawp pah a, ‘kha kha atha ber chi anih kha, ka lakna ang chiahin ka lo pe ang che’ lo ti zuah zuah te’n he hmun hi an luahlum nitin a.
Nu leh pa thenkhat, fate’n an ngen hlek a pawisa bag hum chhuak nghal mai theite bazaar kal ni chiah hian khawsak harsa zawk, a man tlawm ber chi intlawm tir leh hram beisei te’n he bazaar bawk hi an rawn pan ve a. An sum rawn paipawn leh bazaar rate alo inmil loh phei chuan rilru hahna ngawih ngawih tur a ni. Hetianga mipui zik huai huaina karah hian kutkem nei thenkhat te’n remchang an lo melh ru ve ran bawk a. Lal thar kan hmuah dan hi pui niah niah tak hi a ni ringawt tawh mai.
Hetia an phusak mur mur lai hian vawilehkhatah aurinna atangin “Nu Pakhat pheikhawk la tu khan rang takin rawn dah let leh rawh, i rawn dah let leh vat a nih loh chuan, police hnenah pek i ni ang. Kan hrechiang hle che a, I thawmhnaw hak pawh a var, naupua i ni” tih chuan Bazaar pui chu a fan hneh kher mai. Sumdawng pakhat phei chuan, a bula inkhar chhawng bawk hnenah chuan fimkhur a ngaih zia a han hrilh nghal zat a. A piah lawk a mi chuan, a thawmhnaw zawrh lai ngei, tu emaw in an ruksak daih thu a rawn sawi chhuak ve nghal bawk a.
A piah leh deuh a mi chuan, a hma ni chiah a rawlthar pakhat retheih hmel tak rukruk avanga police’in an rawn chaih thu a sawi bawk a. Kutkem nei/ruk hmangte hi chu YMA emaw police’in emaw hlap hrep mai se tih a duh thu a han sawi zawm zat a. Mi fel thiau kalkhawm zingah chuan he nu dinhmun hi Uire nu dinhmun chiah kha a ni ta.
He nu hi tunge a nih tih te, khawi khawchhuak nge a nih a, eng hnathawk nge a nih tih te, a nau puak lai hming hi tunge a nih tih ka hre hauh lo. Ka suangtuahna ram erawh a fan hneh hle thung si. Ti hian zeldin thubawlin ka han ngaihtuah zawm ve ta mai mai a.
He nu naupua hi a rethei em avangin a fate thawmhnaw thar leina tur a intuak ngah hman hmain Krismas’in a rawn nang ching dawn ta si a ni. A pasal dam lai nise heti em em a ni bik lo tur! A fate thawmhnaw lei nan a pawisa khawl tlemte tak meuh nen Bazar pui pan tumin hemi ni tak hian a insiam ve a. A fa upa zawk chuan a nu hnena ni danga a lo ngen fo thin pheikhawk, a thiante neih ang, a awh ve ngawih ngawih chu lo hawn ngei turin a chah lawm lawm a. Hmanhmawh baklengin a fa naupang zawk paw chungin bazaar hi an rawn pan ve ta a ni. A fa te tan thawmhnaw thar awt hle mahse, a pawnfen chhung lama a pawisa pai nen a inmil loh em avangin second hand zawrna hmun a han pan ding nghal a. A man a han zawt hmasa te te a, a man tlawm ber chu tlawm a han dil leh hram hram a. A fa te’n thlasik chhunga an hak tur chu a lei ngah ve ta thuai a.
A kal chhan ber, a fapa upa zawk pheikhawk zawngin a kalsawn leh ta nghal a. A piah lawkah chuan, a fapa pheikhawk duh ang chi ngei chu an lo zuar tlar tuar a. Thenkhatin an lo bawrh laih a, ani pawh chuan a han thlek thuak thuak a, a man a han zawt nghal a. A duh aia to an chhiar ta tlat mai. Lehlam hawiin a pawnfen chhunga pawisa neichhun chu a han bih ngial pawhin a daih ta hauh si lo. A fapa duat em em tan pheikhawk thar hawn ngei turin alo intiam tawh si! He pheikhawk tel lo hian a fapa hmel a hmu ngam dawn em ni? Inthlahrung leh zak tak chungin dawr neitu hnenah chuan tlawm a han dil ta rawih a.
Dawr neitu chuan tlawm tum hmel a pu lo va. Krismas dawnah hi chuan thil hralh a kal em mai ti hmel a pu hliah hliah zawk a. Dawrtu dang tihbuai hlau bawk si, beidawng zetin a han kal kiang hlek a. A piah deuh atang chuan, a fapa pheikhawk awh em em chu a han melh leh vawng vawng a. A rilru a buai ta takzet. Haw mai tur em ni dawn le?
Hetia a inngaihtuah buai lai hian a fapa hnenah Krismas pheikhawk thar hawn ngei a tiam laia a fapa hmel hlim em em kha a mitthlaah alo lang zui leh ta nghal a. Ama hriat tawk lek hian, ‘he pheikhawk hi ka hawn ngei tur a ni’ a han ti sap a. Pheikhawk zuartu chu muang changin a han pan leh ta a. Tlawm leh zah pawh dawn lovin, ‘Ka pu ka fapa hian he pheikhawk hi a awt em a, pawisa ka neih daih ngang tawh si lo va, min tlawm thei hram lo em ni’ a han ti leh a. Dawr neitu chuan rang fahranin “kan lakna aia hniam chuan kan pe thei lo, i duh leh hmun dang ami va zawng mai rawh” a ti ta hmuk mai le.
Thu a tawp ta tak zet tih he nu hian a hrechiang ta hle. A vela mipui phu mur mur hnen atang chuan tanpuitu hmel a lang lo va, tanpuitu tur melh a tum hek lo. Beidawng taka a din reng lai chuan, a rilruah ngaihtuahna tha lo tak rawn lutin kawng awmchhun ni a lang ti tur chuan pheikhawk zawrna hmun chu a han hnaih leh ta zauh a. Dawrtu dangin an bawr buai laih laih karah chuan va inrawlhin pheikhawk chu a han ban ru zeuh a. Rang takin a shawl bah hnuaiah chuan a han thukru ta nghal a. Thinphu dawt dawtin bazaar atang chuan inlam panin a kal nghal ta sawk sawk a. A thil tih dik lo tak avang leh hlauhthawn luat vang in a biangah chuan mittui a luang ta hial a. Hetia bazaar pui a kal chhuak tep ta tih ah hian aurinna chuan a rawn ko leh ta si a ni.
Mizoramah Krismas kan hman dan hi mi tam tak tan chuan phurrit ava ni teh lul em. Thenkhat te’n thawmhnaw tha lei an harsat hauh loh lai hian thenkhat tan phurrit a ni ngawih ngawih si. Mi te’n thawmhnaw thar an neih sup sup laia thawmhnaw thar nei zo ve lo naupang rilru tur hi sawi tam a ngai awm lo ve. Krismas thawmhnaw mawi leh tha kan lei tan tan lai hian kan velah Krismas thawmhnaw nei zo lo mi tam tak an awm a sin! An tan enge kan tihsak tawh le? Christmas thawmhnaw kan lei thinna aiah hian midang thawmhnaw ka lei sak tawh em? Chhungkaw kim a hlim taka kan hman ringawt hi ka duh tawk em ni?
Krismas zinga chhungkaw kima sa hmeh thei kan nih avangin, lawmthu sawia tawngtai ringawt hi kan duh tawk mai dawn em ni? Thawmhnaw thar bakah kan inchhungkhur leh a vel cheimawina zawng zawng te hi harsa zawkte tanpui nan kan pe phal zawk lo em ni? Midangte tan malsawmna tih pawh hi laina hnai leh duhsak zawngte hnenah bitliah neiin em ni kan tih thin? Remna Lal kan hmuh mek hian Kristmas kan lawm danah hian a lawm ang em?
Hetiang thil ringawt ka suahtuahna a awm lai hian Bazaar chhungril fe ka lo lut tawh a. Mi tamtak te’n Krismas thawmhnaw chu sawi loh, mahni inthuamlumna tha pawh an neih loh lai a, mahni duh zawng thawmhnaw lei tura bazaar ka pan kha ka zak ta hle mai a, tunkum chu keima tan ni lo vin, midang tan thawmhnaw ka leisak ve tur a ni’ ka ti ta a.
Similar Posts:
- Ka dawn sei ngamlo e
- Aw….Krismas
- It’s Life…wateva
- Krismas leh Naupan Lai
- Krismas Thuchah: Hmangaihna Mak
November 20th, 2010 at 4:33 pm
Tradition ang a ni tlat tawh a, xmas leh thil thar neih, naupang tan phei chuan toys leh dress thar han neih kha ti xmas tu ani tlat si a. Mahse, lehlam zonga ngaihtuah chuan, nu leh pa tam tak tan phurrit a va tling leh dawn em! He xmas lo thleng tur hi huphurh leh thlaphang taka lo thlir mi tam tak an awm hrim2 ang…
[Report abuse]
November 20th, 2010 at 4:37 pm
Thuziak thra tak a ni e!
[Report abuse]
November 20th, 2010 at 4:42 pm
i thutawp lam chuan rilru a va khawih reuh ve….
christmas bazar hi ka kallo rei ve ta hle mai..naupang te e ti lo chuan
[Report abuse]
November 20th, 2010 at 4:45 pm
A dik chiah, keini thingtlang mi ho tan hian a nia hreh awm duh chu…kan thawkrim em em a, kan eichhe em em a, hlimtakin Masi kan hmang zo chiah a, kumthar leh Masi inkar ah Vaihlo lo tur in kan riak lut leh a…duh zawng lei chu sawi loh Vawksa hmeh thei chu hawi cham tak an ni thin kan khawvel hi a in ang tawh biklo Mizo theuh2 tih nawt chi ani tawh lo…Ka tui ta hluah thin
[Report abuse]
November 20th, 2010 at 4:49 pm
saiha a bazar ve duh si tihngaihna hre bawk silo thiante nen meihawl rawh kan tumlaite min ti hrechhuak. Mahse meihawl rawh em kha chu chhungten an lo phallo a
[Report abuse]
November 20th, 2010 at 4:51 pm
Ziak ngaihnawm khawp mai. I zeldin thiam kher mai.
[Report abuse]
November 20th, 2010 at 4:51 pm
Nikum xmas ang deuh khan, bike accident a thi te kha hriattur a awm leh sup2 ang, tih k hlau… Krismas lai hi Pathian kan hlat hun ber lai a ni daih thin, mi tam tak tan.
[Report abuse]
November 20th, 2010 at 5:04 pm
Hey guys, Krismas Bazarah ka’n OT lawks:
I got spam message from ma friend says:
Hello Friend
If You Want To See The Latest Scandals Of CelebrityOn Orkut. Then Click The Link Below.
https://sn.im/indiancelebrity
Note :- If You Are Under 21 Years Of Age, Or If It Is Illegal To View Adult Material In Your Community/Country, Please Leave Now.
Hetiang phising hi Hackers ho hian an hmang nasa, interest deuh in awm chuan link khi han en ve teh u, looks like the real one. mahse khitiang a i ID i enter chuan you may lost your Privacy/ID/password. (sorry for OT, kan chhiar ve ang e)
[Report abuse]
November 20th, 2010 at 5:09 pm
https://www.youtube.com/watch?v.....re=related
[Report abuse]
November 20th, 2010 at 5:21 pm
Kristmas bazar ahun leh dawn ta, keipawh masi kekawrte leh mawza thar lei ka ngai hairehai
[Report abuse]
November 20th, 2010 at 5:23 pm
Masi raincoat poh..
[Report abuse]
November 20th, 2010 at 5:23 pm
Kei ni chu Center Table kan lo lei der tawha he he. OT lawks. Misualdotcom ka hawn tawpna ber kha thla thum vel a ni tawha, hming thar a lo tam tawh khop mai…keep going misual…
[Report abuse]
November 20th, 2010 at 5:24 pm
Rempui, Polythine bag nem deuh chi nuai nem/phuan tawh mai ang
Rick Ocasek – Emotion in motion
https://www.youtube.com/watch?v=uVXy7AsjvL4
[Report abuse]
November 20th, 2010 at 5:27 pm
Clas 7 board xam zoh khan k cousin te khua thingtlang ve deuhah xmas ka han hmang ve a, a nuam dangdai khops..lol..k la theihnghilh theilo.. Chowmein ro tawk a kan kan te, urlawk zan a field a meipui kn siam hluah te, haw lama u mama’n mi inchung a vom a, chak ltk a min tlanchhiat san, an hnungah trap pur a ka um ve te, ka chappal thar a hrui a peh hlok..chhar hman lo a baih auh2 chunga in thleng ka tlan ve te kha..
Ruaitheh te kha a tui bik riau in ka hria..a khu thei bok a, ke leh ban bakah kan biang te a chat ram mai …lol..ka ngai reuh.. 
[Report abuse]
November 20th, 2010 at 5:33 pm
zawlaidi mawlh kha
keichu a sial chi ka hawn hmaks don
fim chi te, fim lem lo te 
[Report abuse]
November 20th, 2010 at 5:35 pm
kei poh kumin masi chu jacket thar lei ka tum.
[Report abuse]
November 20th, 2010 at 5:39 pm
Kolasib han kal thut chuan misual ho pawh programme fahrah te te an lo neia kan intawng mumal lo tlat. Mahse kan han in phone meuh chuan “min hrilh lawk lova” an ti then a dik chiah bawk si.
Mahse XaiA ka tawn hlauh mai, awlsam tein Sa chitin min hlui kerh kerh duh phei ila chu a neih ngei ka ring
Krismas Bazar misual ho a huho-a kal them them chakawm khoops
[Report abuse]
November 20th, 2010 at 5:43 pm
Epistemology tih takah tha khawp mai………..
[Report abuse]
November 20th, 2010 at 5:44 pm
Ziak tha hle mai. A hmunah min hruai ta emaw ka ti hman a!
Second hand ka thing dawn. Kut kawr leh single-use tur mawza cheng 5 man thing teuh ila ni mai!
[Report abuse]
November 20th, 2010 at 5:51 pm
Keipawh kumin Christmas chu semester exam ka pe dawn.
2k7 khan khawchhak lam, Vaphaiah Krismas ka han hmang ve a, nuam dangdai khawp mai. Meipui pawh kan chhep. Masi thingphur ho khan tlaizawng(?) par hi an thingphurhah an rawn thiat haw teuh mai a, masi thlengtute in chei nan an hmang a. A mawiin a boruak kha a nuam tak tak a ni. Ka inchhir lo khawp mai.
[Report abuse]
November 20th, 2010 at 6:01 pm
Pu Epi chu i ziak tha takzet e. Mihringtena Thilpek ropui ber ‘Krista’ kan neihna ni champha Krismas ah hian thilpek i uar ang u. Midang tanpui ngaite tanpui ila, Kan Pa vana mi khi a va lawm dawn tehlul em!!!
[Report abuse]
November 20th, 2010 at 6:19 pm
Ziak tha khawp mai,ka rilru a khawih khawp mai,ka hnuk te pawh a ulh a lawm le…
[Report abuse]
November 20th, 2010 at 6:27 pm
Vawin ka pa chawhmeh tur, mizo sangha ka lei dawn a..ka thiante dawrah ka chawl a, nutling deuh mai pahnihin an thawmhnaw ..hmeichhe kawr an ruksak thu an lo sawi a. An hriatchhuah chuan an lo pilbo daih tawh bawk si….Hriat ve mai2 atana tha chu Christmas bazarah hian pickpocket an awm leh nual a….hetiang ho zingah hian hmeichhia hi an nghal hrep an ti ania..fimkhur a tha khop mai…
[Report abuse]
November 20th, 2010 at 6:47 pm
A tha khawp mai, hma han hruai la…i thu ziak tha ti tamtak hian an rawn zui che em lo thlir ila….
Mi tamtak in, mahni ngeiin a ‘dawh-thlak’ an tum hunlai a ni dawn a…nangin midangte tan malsawmna …han in tawng hlawm teh u….
Tak tak a, i rilru that zia i rawn show a ropui…sawilang lo khan ngawi rengin han ti ta la…kan hre miah dawn lo, mahse, Lal Isua chuan..a langlo lam kha a fak leh daih lawi bawk si…
I
[Report abuse]
November 20th, 2010 at 7:18 pm
@Epistemology : Khua i va tihar ve le, i lungleng mu hnu Krismas-in a kai harh thar a ni maw? Picture tel lova i post teh khiah!! Style thar em ni ta?
[Report abuse]
November 20th, 2010 at 7:20 pm
i ziak ngaihnawm hle mai a…ka rilru a khoih khop mai……
[Report abuse]
November 20th, 2010 at 7:26 pm
He post chu a va han ril ngaih ngaih ve le… Comment pakhat mah ka la chhiar lo. Naupang ho ka han inzawhtir leh te te ang a, ka chhiar chhuak leh phawt ang…
[Report abuse]
November 20th, 2010 at 8:05 pm
Lawilo Dawrpui-a sumdawng kohamte leh an customer inchen lo tak tak ten Nau-piang an lawm dan drama maksak ber a ang hial! Tak tak nihna lai a tam bawk si, phuahchawp mai a ni tawh hauh si lo!
Nia a mak khawp mai, kan Pathian Thu kalhmang pawh hi … tlanna hi Krista thih leh thawhlehna avang a nih zawk teh lul nen, a nausen hun lai chinchin hian a khuh hneh riau mai hi —a bilha tho tawh lo kan ni, rual awt hrim hrimin kan khawsa tawh a. Mi retheite VIP-na ramah hian kan ke chheh hi a tleu ta hle mai!
A fing leh ngampa tan chuan Minister kawtkaiah hetiang kutpui denchhen hian vehbur ngenngawl dil hmiah hmiah chi a ni tawh. Ram Rorel Khawla roreltute hi an fuh tawh lo va, rethei fate hi anmahni thlang tling tur chauhvin VIP-ah an dah a, a hnuah MLA-te an han maih ta kung kung a, rethei fate an VIP hauh ta si lo.
Ministry hi a la inthlak leh dawn a, Messia Lalram he khawvel siamthar-a a rawn thlen hunah meuh chuan thil a danglam chiang teh ang chu!
VANITY FAIR hi kan hma lawkah a rawn inchhawp chhuak chiang lehzual dawn!
[Report abuse]
November 20th, 2010 at 8:05 pm
Ngaihtuah a tithui khawp mai, a ngaihnawm bawk. Mahni khua rau rauvah rethei vengah kan cheng a ni bawk a, harsatna-in mihring a hrek danglam theihzia hi a takin ka hmu nual tawh. Dinhmun a phet laklawh tawh hnu-a mihring rahbi tleu tlusil awmdan hi hringnuna thil hmuh hrehawm pawl tak niin ka hria.
[Report abuse]
November 20th, 2010 at 8:30 pm
Epis iva zeldin thiam ve, ngaihnawm hle mai.
[Report abuse]
November 20th, 2010 at 8:35 pm
Good post.
[Report abuse]
November 20th, 2010 at 9:06 pm
Kan naupan laia Christmas kan han nghahhlel thin zia kha aw… thawmhnaw thar kan han ha ngei a, nuam kan han tih thin zia ka ngaihtuah hian ka lung aleng thar leh tlat…
[Report abuse]
November 21st, 2010 at 12:50 am
Lairil a va fan ngaih ngaih ve… A leina tur nei sela chuan ’sual’ a khawih awm hauh si lo. A thil lei tum lai chuan mi5ual ho-in hmu fuh sela tha tur…
[Report abuse]
November 21st, 2010 at 12:59 am
hei pawh sawi sawi ila.a bilhbilawkna turr chu ‘chhungkua leh bawk’ hui hamm..hamm. ray boltz the gift ka hre chhuak.
‘Who needs chrismas present when we already have the gift’ ngaihtla nghal teng.
[Report abuse]
November 21st, 2010 at 1:03 am
#28____ Tha lutuk. “Sabengtung chunga chuangin……” Jeremia….. ang khan He leia Lal te chu, ‘Ran hnuaihnungber Sabengtung chunga chuang ang mai’ nihna dinhmun hi an la chang dawn tih Bible-in min hrilh…..
[Report abuse]
November 21st, 2010 at 1:04 am
A ngaihnawm, ngaihtuahna a tikal thui hle mai.
Bethlehem lam hawi thei lek lo leh lunglenna pawh bawhzui thei lek lo hian tisa lam thil buai hian a buai loh theih si lo ale.
Harsa zawkte hrereng leh kepna thinlung nen Krismas Bazar ang u aw
[Report abuse]
November 21st, 2010 at 3:53 pm
chhiarlemloin kan comment ve ringawt teh ang
[Report abuse]