Post hmasa-ah khan rawn chhunzawm leh ka insawi bat deuh roh avangin, veng khat bat huai pawh ni mah ila, bat tlak nan tal pawh ka han ti leh poh a niang chu. A tangkaina mual mual a awm mahna.
MAWNG MIRH : Naupang nei tan chuan mawng mirh hi ninawm ve tak chu a ni. A za an ti hi an rak chuk zel tawh thin si a. Worm treatment han tih nghal chuk chuk a rem tawh thin si lova, chuvangin heti hian ti mai ta ila:
Tea bag : Tuiso-ah tea bag han chiah vang vang ila, a deh ngam tawka dah daih leh deuh hnu-ah mawng mirhna lai takah chuan zuk nem bei deuh vang vang mai tur a ni. Tea Bag a awm kher loh pawhin thingpui sen hangah khan lapua zuk chiah ila, chu chu tea bag ang hian zuk nem bet ila a tha ve tho bawk.
Baking soda : Chawhtawlhah tui lum dahin baking soda fiante 3/4 vel thlak ila, chu chu 15 mins vel thut vang vangin a zia ve huai thei bawk.
HANGOVER : Kei chuan mamawh lo viau mah ila, mamawh tak tak kan awm tak mialin ka han sawi ve mai mai ang e. Zan lama i kerh kerh uar deuh avang khan lu na ber bur, pum no nghelh nghulh i nei a, kerh kerh zawm leh mai i duh a, mahse “em a” i ti ve deuh bawk si a, heti hian ti mai ta che.
Tui sik no hnih thum han lem khawlh khawlh phawt teh, i dehydration a chhawk dawn nia.
Orange juice/ Tomato Juice han in khalh khalh pawh hi a tha ve viau a nia
Coffee no hnih khat han in nghal vat pawh hian a ti ziaawm thei khawp mai. Caffeine hian i lu bura thisen zam anihna aia lo lian kha a ti te thei a, mahse coffee hi i in teuh erawh chuan caffeine avang khan i dehydrated zual sauh thei thung.
HA NA (Toothache) : Ha a han nat tak tak hi chuan chhut bal mai hi a chakawm thin. Heti zawng hian a ziaawm ve thei deuh:
Lawng par (cloves) pakhat lek pawh leiah han dah zawp deuh ila, chumi hnu-ah a oil hloh lo tawkin seh chip hlek tur a ni. Chu chu a na lai takah khan ngam tawkin seh chilh vang vang ila a zia ve deuh thei.
Ginger powder leh Red pepper tui tlemte a chiahin lapua hrual mum zuk chiah tur a ni. Lapua chu ha na laiah tak khan seh bet vang vang teh le. I ha hni-ah ti kai lo turin fimkhur thung ang che, a ti thak hrehawm thei a nia.
Tea Bag emaw thingpui sen hang lumna hnua lapua chiah han seh vang vang pawh hian a tiziaawm ve thei bawk.
Ice cube kha polythene fim chi, rawng nei lo chi-ah dah la, chu chu a na laiah 15mins vel zuk dah vang vang teh. Vur khan i ha kha a tihit vek ang a, a na a ziaawm ve duh khawp mai bawk. Tin, i ha natna zawn i biang pawh vur hian han dep vang vang la a tha ve tho nia.
Tawk leh phawt mai teh se, a thui lutuk palh ang e. Tangkai deuh deuh sawi tur chu ka la nei nual mai, mahse post tur han type koh koh hi ka pachhiatna lam tak a ni a. Rilru a awm ve reng thin pawh han post duh viau mah ila, ka taimakna hian ka thatchhiatna hi a hneh thei ngang lo thin. Harsatna dang nei min rawn duh in awm chuan Inentirna man ka la lovang 
NPA la lo mah ila clinic han nei ngawt chi pawh ka ni chuang lo 
November 25th, 2010 at 11:59 am
Muantea nge nge, ziak tha leh pek khawp mai. I bula thut in ka beng a var phah thin a, i thuziak ka chhiarin ka fin phah thin.
[Report abuse]
November 25th, 2010 at 2:07 pm
pa remhria tih takah post tha dup dup hle mai
[Report abuse]
November 25th, 2010 at 2:33 pm
In han sawi liam liam a, a lawmawm e. @ku ainawn chauhin a save hmak a nih hmel viau mai. Tangkaipui a mual mual chu kan awm ang chu. Phur a chhuah leh thut tak leh part III lam pawh kan la ngaihtuah ang chu. In fel liai liai e.
[Report abuse]
November 25th, 2010 at 2:37 pm
HANGOVER khi hriatreng tur nih khi
[Report abuse]
November 25th, 2010 at 2:40 pm
frost hi chu hmeichhia an hmuhrim2 hi, min duh leh chuang lo ang a tia hangover hi alo ngaihtuah ve hman ziah :mrgreen:
[Report abuse]
November 25th, 2010 at 2:42 pm
Mawng…… ah khian ka hmelhriat ho chuan lapua, petrol a chiah hnawn, reilote an hnawh tawt. An neih zui awm an sawi leh tawh ngailoa, a tha hle ni tur ani
Rulhut benvawn aka Tapeworm vei pawn petrol thirfian chanve vel an lemsak a, an dam hlen phah bawk. Mahse petrol kher chu :?:
[Report abuse]
November 25th, 2010 at 2:44 pm
badboy a hangover hi chu biak huphurh awm thei bur bur tak ani. Limbu hi a vel suah suah a, a tum bur a, a mengsen rum a, nel awm loh ve tak chu ani.
[Report abuse]
November 25th, 2010 at 2:46 pm
Part-II ah ‘Mawngmirh’ tih reh dan a ni a,
Part IX vel thleng awm turah ngai ang. Rem hriate zar kan zo zel a nia.
[Report abuse]
November 25th, 2010 at 2:52 pm
Frost a hangover ve thung hi chuh.. pawisa anei tawh ngai silo a tho chiah hi a khum te hi a puthla thin mawle dahkham tur in :mrgreen:
[Report abuse]
November 25th, 2010 at 3:03 pm
vawiin chu dawt sawi mai mai tur kava duh e. :mrgreen:
[Report abuse]
November 25th, 2010 at 5:37 pm
muantea nge nge, thenawm hnai vai a awmah ka van it thin tak che em!
[Report abuse]
November 25th, 2010 at 8:06 pm
Kitchen-Pathy part dang rawn ngaihtuah leh hram teh. Ṭha ka ti lutuk.
[Report abuse]
November 25th, 2010 at 8:25 pm
Tha lutuk! Muantea dam reng sela, p 3 rawn post leh ngei rawh se!!
[Report abuse]
November 25th, 2010 at 10:03 pm
chu post chu ka va duh reuh e,,,
[Report abuse]
November 26th, 2010 at 12:59 pm
Tha hle mai. Nizan ah kan nau pakhat a mawng a mirh a,thingpui sen khi ka han tih tir ve mauh kha…a tha nge thalo chu ka zawt hman silova, tha ah ngai ang
[Report abuse]