India sawrkar in mirethei te chawikan nan kan inhlawh na tur kum khat chhungin ni 100 tal a rawn ti chhuak thin a. A tha khawp mai. Amaherawhchu, kan v/c hmasa te khan hna thawh tur an siam thiam bik vang nge ka hre lova, hnathawh tur rawn chhuak apiang kha mipui tha in kan thawk zo thei thin. Tunah erawh chuan hna a rawn chhuah reng reng in kan V/C ten mipui min ko khawm a.
“Central atanga an work plan rawn siam hi mihring tha chuan kan thawk zo thei dawn lova, kan theih pawhin kan hah dawn lutuk a. Chuvang chuan khawl i ruai mai ang u hmiang,” tia mipui min sawm thin hi ngun takin ka ngaihtuah ve mai mai a. Hetiang hian zawhna ka siam mai mai a. Ka misual pui te u, in ngaihdan leh hriat dan te thawhkhawm in min han chhang teh un:-
Q1. Engvangin nge central sawrkar leh Mizoram sawrkar hian mipui te thawh zawh loh hna an siam? Job Card nei ho atanga chhut in hna thawh tur hi an siam ve tho in ka ring si a?
Q2. V/C te hian khawl rawih hi an support tlat thiang em?
Q3. Khawl rawih hi tunhnai ah hian phal a ni thar ta thut ami?
Q4. Thil ti diklo an awm chuan a ti diklo tu te hi engtia tih tur nge? FIR thehluh mai tur ami?
Kan khua ah chuan mipui tena thawh kan support pawhin V/C ten mihring tha a thawh zawh theih a nilo an ti thin a. Engvanga kan thawh zawhloh tur khawp hi kan hruaitu te hian hna rawn siam nge an nih? Hetiang a nih chuan scheme tha tak nithin kha tihluihna a inchhawr scheme ah kan thlak ta ami? Kan V/C ten khawl rawih an tih hian an rawihna bak ah Rs.100,000/- vel an la hlep thei ziah in kan chhut a.
Heihi V/C member 6 in han insem ta se…….
Social audit a zawhna kan zawh lahin thildang dangah cheng chuti zat tih report a tam lutuk. Kan V/C te kum hnih awrh term an la chelh a, an hausa lutuk. In an sa tha, TV leh mobile duh hun hunah an lei thei. An fa te tunhma a zozial tuilo tak zu ve thin te khan tunah chuan Silk Cut ngat lo chu an zu tui ta lo. Heihi kan khawl rawihna tha an eiruk vang a ni thei angem?
Internet ah Job Card holder te hming an tarlang vek a. Chiang takin diklo taka an siam pawh kan hria. An buaipui hah manah heng te hi chu kan hrethiam e kan ti. Chhungkaw pakhat ah Job card holder 3/4 lai awm te pawh an awm. Heng ho hi kan hriattiam viau rualin mipui, hna thawk thei leh thawk ngei te chanai an ei nasa thin lutuk hi kan hrethiam theilo a ni.
Heng lo pawh hi sawi tur a tam. Post leh hunah khek tawh mai ang. A tawp ber ah chuan heng zawng zawng ah hian tunge thiamlo/ tu mawhphurhna nge? Kan ram hruaitute nge kan khawtlang hruaitu V/C te nge mipui te?
Similar Posts:
- MGNREGS at Lawngtlai
- Tuizem lian
- Lammuala stadium sak tur ruangam tidanglam
- Mipui in nge mawhphur Ram roreltu in?
- Father’s Day pualin
December 20th, 2010 at 8:48 am
1st phawt ang
December 20th, 2010 at 8:48 am
😆 MGNREGS ??? MG = Mahatma Gandhi ?? 😆 (or Mizoram Govt)
December 20th, 2010 at 8:56 am
State pawisa enkawl tu te chhungah hian thil ri ret ret a awm anih hmel 🙁
December 20th, 2010 at 8:59 am
Nagaland ah hian HoD leh hotu deuh ten an Department Fund lachhuakin an peipung thin tak asin, a pung kha an mahni chan tur :rolleyes: Zangkawltuk ramah lah Audit party sum la duhlo, hman deuh tawh a, kha an dahtha hmak lehnghala :undecided:
December 20th, 2010 at 9:05 am
Post tupa an first ngei ah! ka tran e hihi
Sorry for OT, tumbu pickle siamdan a hria chuan min han hrilh teh u, khawngaihin
December 20th, 2010 at 9:25 am
Khawl rawih pawh ni se khi ti zat khi engtin nge an thup theih le. FIR chu thehlut keuh teh a. 😀
December 20th, 2010 at 9:36 am
An vai khian an thiamlo a nih hmel past tupa, khawtlang mite trangrual ula, In V/C chu chuk hrep mai rawh u
December 20th, 2010 at 9:44 am
kan party an sorkar hunah chuan an hre ve khawp ang ti mai rawh…. 😀
An va ti mak ve,mahse kan khua pawh kha khawl an ruai ziah thin tak e 🙂
December 20th, 2010 at 9:48 am
kava first thei talo ve aw.. 😆
December 20th, 2010 at 9:57 am
Mi retheite chawikanna policy a nih avangin central atangin work plan leh distribution an siam lo.
Material component a awm a, chuta tang chuan khawl hman theih dan a awm. Mahse, a danah chuan mipui chanai atang chuan khawl hman theih a ni lo. Donate hi phal a ni lova, mahse sorkar lam beng hriat lem lovin hnain a mamawh viau a mipuiin tha an tih chuan khawtlanga tihfel mai theih a ni.
Donate na atang hian VC te tan eirukna kawng a inhawng zau hle
December 20th, 2010 at 9:59 am
Tun rawn chhuak hnuhnungber ah khan jcb rawih leh a ni a. Job card holder 432 atangin Rs.200 an cut a. Jcb hman nan leh eitur siam nan an hman bak ah Rs.18000 a la chuang
December 20th, 2010 at 10:01 am
job card lem nei kan awm em aw.. misual zingah 😆
December 20th, 2010 at 10:06 am
An hmanna tur ka zawh in a tul tul atana hmanah an tia. An tihdan pangai ania. Mahse mipui in hemi bak chu an hmanna kan hre ngai tawh lo. A bo tawp a ni mai.
December 20th, 2010 at 10:06 am
@urdubat, khawl an hmang dawn anih chuan mipui an rawn hmasa phawt tur a ni. Anmahni thuin siki pawh an cut thiang lo. In veng/khua tan khan sorkar lamin hna bik an ruat chuang lo. VC leh Monitors ten tha an tih kha in thawh tur a ni mai.
Job card hi chhung khatah pakhat aia tam a awm thiang lo. Job card chuang engzat nge awm? Chung chu sorkar lamah an surrender vek tur a ni.
December 20th, 2010 at 10:06 am
Point te tein ka han comment mai teh ang:
1. Zoram VC zawng zawng i generalize tawp mai a ang a, hei hi a dik thei dawn em ni. In awmna veng/khua VC tihdan a ni mai lo maw?
2. In VC ten khawl an rawih hian a hlep hi mipuiin an insem dawn emaw ka lo ti a, chutia anmahnin an insem leh daih site chuan NREGS thil tum pakhat chu an tikawngbo hmiah tihna a ni. Ka hriat sual loh chuan NREGS scheme-ah hian a hna ai maha an focus chu mipuiten ei an hmuhna tura hna siam kha a ni.
3. In VC-te hi warning pe ula an sim loh chuan Pu Hawla phoro tir rawh u. Anin a phoro duh lo a nih chuan mizovin “tlangchil” an tih ang kha apply mai rawh u. 😀
December 20th, 2010 at 10:09 am
Urdubat, NREGS a/c kha a transparent tur a ni a, in hriat phak loh a awm chuan Monitors ho hnenah emaw DRDA lamah emaw complaint in siam thei. VC lam chu supervisor an ni mai. An duh thuin sum an divert kual thiang lo a nia
December 20th, 2010 at 10:16 am
@muantea, kan khua ah bdo a awm a. A hnenah hian complain a siam mai theih angem? Tin, kan vc te chuan work plan hi central sorkar siam a ni a, chu chu mizoram sawrkar hian ennawn in an rawn siam tha thin angin an sawi a. Kan hnathawh tur zau zawng pawh an mahni siam telvelo angin an sawi a.
December 20th, 2010 at 10:22 am
‘Khawl rawih’ kan tih nachhan chu, miin ni khatah cheng 120/- hlawh angin kan thawk thin a ni a; tumkhat chhuakah ni sawm zel a chhuak tlangpui bawk. Khawl kan rawih chuan, ni khat thawk chhuakin cheng 1000/- kan laa; a la chuang cheng 200/- khan khawl chu an ruai ta a; tha takin chu khawl chuan a thawk zo thin a ni. He thil ruahmanna fing tak hi kan V/C-te hian anmahni thua an tih pawh a ni lova; mipui min ko khawmin kan sawi ho hmasa phawt thin zawk.
Khawl ruai lovin ni sawm kha thawk chhuak ta ila; cheng 1200/- kan hlawh anga; khawl kan ruai a nih chuan ni khat thawk chhuakin cheng 1000/- kan hlawh thei. A chuang cheng 200/- erawh kha chu kan chan dawn thung. Amaherawhchu, hemi kan chan ai hian kan hna tul dang ni kua zet thawhna hun kan nei zawk thung dawn a ni.
December 20th, 2010 at 10:28 am
Ka thawhna anih avang nge thui tak ziah ka tum deuh a, mahse i ziak ka chhiar chian hian VC thar er na a ang deuh tlat. ka sawi thui lo mai ang. Hei chiah erawh ka sawi ang e.
Khawl hman hi phalloh hrim hrim ani. In veng hi zep hle zawk rawh. Aizawl District ah phei chuan VC tin Warning pek vek an ni. Khawl hmang an awm a, hriatchhuah an nih chuan an Ni100 in hlawhna hren sak tur in. Dan phalloh thil ani e.
Tin, Annual Action Plan (Work Plan) hi Central atanga rawn siam ni lovin VC hovin an mamawh block ah an sawi a, Technical Assist. (J.E) ho leh VLAA hovin endik in a pawimawh dan a zir in an approved thin.
December 20th, 2010 at 10:29 am
tun sorkar hi chuan a zung nen pho ro vek tur an tih kha, an thei leh tawhlo ni nge. Engineer ho CID chhui pawh kha action an la ngam ta si lov a. Buhfai supply inspector suspend tawh te pawh kha lak leh deuh vek an ni tawh a. sawi tur a tam lutuk, a zah thlak zawk…
December 20th, 2010 at 10:32 am
Urbudat, in V/C hruaitute chuan chuan an hresual deuh emaw chu aw. MGNREGS hi infrastructure devopment nan ni mah sela, a tum tak chu rural income distributuon zawk ani. Pro.eject lian siam nan chuan plan dang a awm thin. Job card holder pek tur atanga khawl lai chu a dik lo. An income tur khawl siamtu elh zuartu ten an chang tihna ani. In MLA hrilh ula, CM pawh lehkha in thawn thei.
December 20th, 2010 at 10:55 am
@chhana,i sawi ang hian keini pawh kan ti thin. Mahse kumin atang khan kan vc ten central sawrkar atangin kawng chuti zat a zau, chuti zat a thui in lai tur ani min ti a an tih lai tak hi ani kan buaina chu.
December 20th, 2010 at 10:59 am
#19, a ni khawp mai. VC thar erna lam ai tak chuan mipui in kan dikna chanvo dik tak hriat kan duh vang a ni. Khawl rawih phalloh anih pawh kan hria. Mahse kan ruai zel.
December 20th, 2010 at 11:04 am
Kan hnathawh tur hi central atanga siam anih loh chuan kan vc te hian dawt an sawi tihna anih chu. Kan VLA ho te nen inremsiam in khawl kan rawih ngei theih nan an inthurual a ni thei angem? A hlep pawh hi an insem tlang anga.
December 20th, 2010 at 11:14 am
#19, tha khawp mai. Kan vengah chuan ni sawm thawh turah ni thum te thawkin ni ruk hlawh an sem. Ni li hlawh kha khonge? Mahse VC te chauh dem theih an niin ka hre lo. Mipui pawh khan thawk lo a lak kha an support tlat. He thil MGNREG hi chuan thatna tam tak a neih lai hian mipuite rilru puthmang hi chu a va han hruai sual nasa dawn em aw!
December 20th, 2010 at 11:31 am
Min ti thatchhe tawk lek Scheme hi avan tam tak em! Kan moral tichhe tur scheme hi chu introduce tawh loh chi mawle, nakin lawkah Red Indian ho ang lek khu kanla ni ve mai ang tih pawh a hlauhawm…
December 20th, 2010 at 12:13 pm
eng sorkar mah hi dem vak2 chi a ni lo central lam ah hian a ha 😀 😀 😀 😀 😀 r sat dan te hi hre ve phot ila……a that ka ring
December 20th, 2010 at 12:36 pm
Keini ah chuan khawl ruai lova mihring tha a thawh kan duh a. Mahse mipui hnenah central atanga kan hnathawh tur an rawn siam hi mihring tha chuan kan thawk zo thei dawn lo tiin kan vc ten khawl ruai mai turin min nawr lui thin.
December 20th, 2010 at 12:58 pm
@urdubat.. In veng/khua YMA newsletter-ah chhuah chuai chuai mai tur a lawm 🙂 🙂
December 20th, 2010 at 1:30 pm
Hemi thu atang ringawt pawhhian keichu ka thiam theilo
“An fa te tunhma a zozial tuilo tak zu ve thin te khan tunah chuan Silk Cut ngat lo chu an zu tui ta lo. Heihi kan khawl rawihna tha an eiruk vang a ni thei angem? ”
Ni thei lutuk ang hahaha… 😆 😆
December 20th, 2010 at 1:33 pm
@shabito, a ni khawp mai. Mahse a zahthlak duh riau a. Chhuak leh tur ah ka chhuah tir chhin ange.
December 20th, 2010 at 1:34 pm
Keichu tumbu pickle siamdan ringawt ka hre duh tunah chuan, misual nuho hi an bo diak mai ah!
December 20th, 2010 at 1:34 pm
A bul berah chuan Guidelines en phawt a ngai. Guidelines ah chuan hnathawh tur ruahman dan a awm a, VC thu thua hnathawh tur ni lovin Job Card neitu ten hnathawh tur thlan theih a ni a, hei hi official lamin an thehdarh chiam loh avangin kan hmang lo phawt.
Khawl rawih theih anih loh dan chiang takin a awm a, guidelines zawm mai hi a himin a tha ber.
In VC te an corrupt anih chuan Ministry-ah thlen mai u la, chuti anioh loh pawhin SOSA emaw PRISM emaw-ah thlen mai rawh u.
December 20th, 2010 at 1:44 pm
@asteric, a ni tak tak alawm. Kan inkawm thin a. Tun hma a kan kid ni thin kha tunah chuan Lalfapa tiin kan ko tawh. An lal lutuk.
December 20th, 2010 at 1:50 pm
#33,a dik khawp mai. Mahse kan vc te thusawi atang cuan guide line pawh a danglam tawh a ni awm e
December 20th, 2010 at 1:51 pm
Hnathawh tur hi vc ten proposal an siam a,BDO ten an approved hnuah an thawk mai niin kalo hre deuh a,tin VMC lam hian mipui hnathawh leh pawisa hmanral zat a inphu tawk em tih anlo endik thin..keini pawh hian khawl hi chu kan ruai zauh zauh,mahse ni 10 thawh turah rs 100 an cut thin..mipuiin ni hnih vel JCB leilai lai kan lo pui thin.
December 20th, 2010 at 1:53 pm
Post tupa hi a tang ve reng reng, an fate thlengin a thik vek tawh a 😀 Prism te pawh khi zualko nan chuan a tha phian ang. wwwmyprism.org
December 20th, 2010 at 1:54 pm
E sawi tur kava nei tlem ve. Ka sawi ve duh chu A post tupa hi a tang hle mai. A post a, a vil tha em em bawk. He thil hi a ngai pawimawh tak tak a ni chiang mai. Thil tam tak i hre tawh bawk ang a khawtlang that nan huaisen tak a hma i lak ka duh sak a che. 🙂
December 20th, 2010 at 2:03 pm
VC te hi chu politics atanga thlan tlin ve bawk kha an nia. NREGS chungchangah chuan mipui rawn hmasa lovin an tih ka hre ngailo. An duhloh chuan an tilo mai zawk niin ka hria (khawl chhawr chungchang bikah chuan). Mahse mipui hi kan thatchhe si a, a nuam lam ni a lang chu hmalam thlir lek lovin ka bawh ruih ruih a, a tawpah a buai leh nuaih fo. In khaw VC te chuan mipui ngaihdan an la miahlo a nih chuan complain mai tur, mahse a tira mipui ngaihdan anga an kal a, anlo hlawk deuh tak avanga thik/er kha chu a fuhlo mai thei. A hrim hrimin X-mass bawr vel hi chuan tan a na duh ve reng reng… 🙂
December 20th, 2010 at 2:09 pm
#34 Ok! Engpawh nise kan Kristianna hian min phuar vang nge ni mi hek tu nihhi a hrehawm kan ti fo thin a, an diklohna hre viau pawh niila mipui tamtak kara a pawngparh bik anga lan hi kan hlau viau thin. Mi mualphona thlentu nihhi har kan ti viau hlawma, mualpho loa min ei sak reng erawh a nuam kan ti hauhlo. Kan sawisel chak em em a, mahse thuneitu hnem thlen em chu a har kan ti vek a ni. NGawihbo pui har kan tih avangin a him chinah kan inhrilh darh fo thin (e.g. Heta min hrilh hlawm ang hian). Heihi eiru ten hlau hauhloa an eiruk ngamna pakhat chu a ni ka ti, k sawi zaulo maiang i ngaihtuah chhunxom thiam k beisei.
Uluk takin ngaihtuahla i chunga objection awm thei zawng zawng leh midang tana a hlawkna awmthei zawng zawng nen huai takin dingla chapo hauhlo in, chu chu mi pangai chunglama i awmtheihna zawk tur pawh a ni ang. Mi sawisel satliah hi thil dik a ni loa, lungawiloh chuan thil awl tak chu a ni (chu chu mi pangai nun).
Make your Choice haha 😆
December 20th, 2010 at 2:09 pm
A ni mai dawn reng asin, engah chutiang mite in thlan tlin reng reng! An diklohna kha chiangkuang takin hria ula, PRISM-ah thlen mai rawh u.
December 20th, 2010 at 3:05 pm
Apost tupa in ti fova. Hmeichhia pawh ka lo ni reng maithei asin. 😆
December 20th, 2010 at 3:10 pm
Pi urdubar i post hi copy pawp la prism chu thawn tawp mai rawh 😆
December 20th, 2010 at 3:11 pm
@urdubat ‘You are totally male’ #34 ah khian i inpuan alom. 😆
Chuan hmeichhe thuziak leh mipa thuziak hi keichu ka thliar thiam tren tren :turu mai mai: ka thei lehlo 😆 😆
December 20th, 2010 at 3:19 pm
#44, hmeichhia pawhin mipa kan kid thei tho alawm. 😆
December 20th, 2010 at 3:21 pm
hriat chian hma chuan ‘a post tu pe’ ti mai teh u 😆
December 20th, 2010 at 3:25 pm
#44 Eh asteric pawh rawn inla sherlock tran.. 😆
December 20th, 2010 at 3:25 pm
#45 Haha…he thu hi a fing emai ka sawi leh thin ang
“An fa te tunhma a zozial tuilo tak zu ve thin te khan tunah chuan Silk Cut ngat lo chu an zu tui ta lo.”
Heihi mipa 1st thought pakhat a ni (keuh maia), “Hmeichhia pohin an ti thei tho” i ti leh dawn haha.. hmeichhe pa ber/patil ber tan pawh an 2nd thought ah bak a lut ngailo (leh keuh maia) 😆 😆 Hmeichhe post chu nise khi mi line a sawi hma khian a zulzui thudang a sawi hmasa phawt ang tihna nih chu….(hrilhfiahna) 😆
codarz an ka Theory hman alo puan khi 😆
December 20th, 2010 at 3:29 pm
#48 like hahaha. urdubat engtin nge nidawn!! Mipa hmeichhe nih chak tlat awmzia pawh ka man ania keichu..eh
December 20th, 2010 at 8:07 pm
NREGS hna kan thawh dan hi chu a tir a trangin thra ka tilo, thatchhiatna a min hruailut tutur a ni, mi hnuai a kan inhlawh ang a thrain thawk vek ilang chuan khawl ruai loin kan zo thei vek… chuan a thawk peih phawt chuan ni 100 inhlawh theihna chance annei tihna.. kum 1 a ni 100 inhlawhna an hmuh vek chuan tu chhungkua mah hi riltramin anthi lo turah ngai ila chu2 central lam tum bulpui zawk pawh hi niin a lang, chumi pah a kan vengchhung kawng etc kanlo siam thrat chuan a thra ltk a lom.
Tunah chuan hlawhfa taima rawih tur an vang ta pharh reng a lawm NREGS a an inhlawh ang mai2 a thawh antum tlat zel a, threnkhatin mizo an avoid char2 a hnamdang anchhawr pawh hi dem ltk theih annilo reng a ni..
December 20th, 2010 at 9:18 pm
I thil post chuh…. NREGS Guide line kha i en chuan Central atangin work plan an rawn siam lo tih i hrethiam kuar mai ang…
In DRDA hnuaiah khan NREGS programme Officer a awm a, In BDO leh in VC te nen khan thok hoin in khaw tana thil tha tur asset siam tur chungchangah chuan thu top an siam thin.
@muantea khian i hriatsual palh anih ka ringa, material component tih khian khawl/machine roih lam a tin zon lo. Amaherawh chu, cement, balu, bricks, planks , cost of cement mistiri/carpenter tih lam zawk ani. Amaherawh chu, mahni khaw tana asset siam tur atan khawl/machine roih chungchang hi a guide line in phal lem lo mahse khaw thenkhatah chuan kawng laih nanah te an ruai ta thin, mipui inthurual khan.
Prime minister flagship mah nise, a scheme hi a famkim lo deuh. A chhan chu, District wise a thil kalpui ania, JE ho TA/DA tur chungchangte hi a guide line ah engmah tih lan a awm si loa, chubakah an A/A te pawh…TA/DA tel miah loa, zin kual vak2 alo remchang bawk si loa, Job Card lem siam mai loh chuan hna athawh theih tlat pek loh. Job Card lem chungchangah chuan BDO leh VC te in kar ani tlang pui hmel a, a tlangpui chuan an ti tha hlom fu in ka lo hmu asin….
[Report abuse]
December 21st, 2010 at 7:54 am
Page thar in lo kai a ni maw helai chu
[Report abuse]
December 21st, 2010 at 8:19 am
Ka lo tlai a ni maw?
I zawhna te chhanna :
Q1.
Chhanna : Central atangin mipuite thawh zawh loh tur engmah siam a ni lo. Work plan kha in khaw siam a ni a. V.C ten ruahmanna an siam ang a, chu chu Vantlang rorel inkhawmin in pawmpui tur a ni. Chutianga in siam tawh chu tumahin an tidanglam thei lo. Schedule – I a permissible works zinga tel a nih phawt chuan. Hetianga inti lo anih chuan Dan lovin thil inti a ni a, VC te kha Man theih an ni.
Q2.
Chhanna : Khawl rawih hi Operation Guideline 2008 khan a phal lova; mahse, a Act, 2005 khan ‘as far as’ toh deuh chuah khan a sawi a. Mahse, Ministry-in an interprete dan chuan Khawl hman loh reng reng tur a ni. An hmang anih chuan P.O-ah thlen la, an ngaihsak lo anih chuan Police-ah FIR submit mai rawh.
Q3.
Chhanna : Tunhnaiah hian Khawl hmang lo turin Order tihchhuah nasat a ni zual zawk. A theih loh bur. Mipuiin an remtihtlan pawh nise (Tualthat ni mipui remtihna pawh nise, sual a ni tho tho)
Q4.
Chhanna : Thil diklo titute hi Mizoram State Grienvance Redressal Rule 2009-ah khan a tih dan tur chiang takin a inziak a. PO-ah thlen la, chuta i la lungawi loh chuan DPC-ah thlen tur a ni.
Tin, POLICE-ah FIR direct pawhin i submit thei tho.
Chiang zawka i hriat duh chuan a Dan bu hi ka siam a, Synod Bookroom-ah khan lei tur a awm. Tin, https://www.rural.nic.in leh https://www.nrega.net ah khan a en theih bawk
[Report abuse]
December 26th, 2010 at 3:19 am
a va hantha tak emmmmmm
tiang thlap thlap tur khi a ni,
[Report abuse]