Rautfela Nu ziak hian thinlung a khawih em a, ka rawn tarlang nawn leh e (a then azar chu). Min lo hrethiam mawlh teh se Ruatfela nu khan..please! Misual.commer ho hian hre ve vek se ka duh si a. Han chhiar ve mah teh u..khawkhat pa zaidama sawi tling phak pawhin a vaibel dawn a seh keh hial ang tiha mawi a ni. Anih loh vek chuan Zoram leh mipuite hmakhua thlir turin a khaw eng hmuh a fiah lo hle a ni ang.
BAFFACOS Fund hman dik loh a nihzia chu Luka ziak tluka chiangin kan hre vek tawh a, Mautam kaihhnawih leh Mizoram hmasawnna tura Mizoram neihchhun, mau hman tangkaina tura hmalakna pakhat, Bamboo Development Agency (BDA) atangin NEC atangin SPINE sum Mizoramin a dawnte lo thlir ho ila, Mizoramin hmasawn nan a hman lohzia kan hre thei ang. Pu K. Sangthuama leh a kaihnawih
Khiangte Bamboo Industrial Estate, Zuangtui tih hi, Pu K. Sangthuama fapa, K. Lalmalsawma ta a ni a. Cheng nuai, 11.59 a dawng a, a industry atanga siamchhuah atangin Zoram hian mualphona bak dawn let a la nei lo.
Pu K. Sangthuama nena an sawizawm fo, C. Lalrampari ta, CR Bamboo Industry, Indutrial Estate Zuangtui chuan, cheng nuai 19.35 a dawng a. Hei pawh hian NEC-ah Mizote hmingchhiatna bak min thlen dawn lo.
Jenny Bamboo Industry, Jenny Lalduhawmi Ralte, Industrial Estate Zuangtui (C. Lalrampari fanu) chuan cheng nuai 12.45 a dawng bawk a, an industry-ah chuan mautam tam tuar an inhlawh fa a, agarbati kuang an her chhuak chur chur a, tlai chaw chhum tur an lo neih phah nge phah lo han chhui ve teh u’n! In thin a ur ve tho vang.
Mizoram Bamboo Industry, Insutrial Estate Zuangtuia mi chu C. Lalrampari pasal, Lalhmingliana ta a ni a. Cheng nuai 20.90 a dawng bawk a. Mizoramin mau hmanga thil siamchhuah kawnga kan sawtpui leh sawtpui loh hretu chu Mizo mipui zawng zawng kan ni.
Lal chhungkaw dang
RDS Bamboo Industry, Sihmuia mi chu Pu Aichhinga fanu, Ramdindsangi ta a ni a, cheng nuai 15.97 a dawng. Dik taka thilti thin; Van Pathian hmaah Chawlhni tukah chhung inkhawm an nei ve thin ang em? A nih loh leh Sunde Sikul zirtirtuah te an tling tho em?
Rina Bamboo Industry, Indutrial Estate Zuangtuia mi chu CM advisor, R. Khawpuithanga fapa, Lalrinawma ta a ni a, cheng nuai 15. 97 a dawng a. Zoram ei leh bar dinhmun samzai tiat pawhin a than phah lo.
Ebenezar Bamboo Industry, Indutrial Estate Zuangtuia mi, K. Romawia ta chuan cheng nuai 16.37 a dawng a, amah hi CM advisor unaupa a ni a. Cheng nuai 16 zet hian riltam pakhatmah a tihtlai phah lo.
Hriata Bamboo Indutry, Hunthara Veng chuan cheng nuai 15.97 a dawng a, Pu K. Romawia fapa ta a ni a. He Industry atang hian Zoramah hian mau hmanga thilsiam chhuah lamah hmasawnna a la awm lo bawk.
Heng, lal chhungkua vua leh vangte hian Bamboo Development Agency hnuaiah NEC atangin hetiang zat sum hi an dawng a. Eng nge an thawhchhuah? Mautam vanga Mizoram mau chhe zo tur atangin, Mizoram hmasawnna tura Industry dintute hian, NEC-ah Mizoram hmai an ti bal lek a ni. Tunah hian Khasi thalaite’n NEC bultuma; India hmarchhak state hrang hrangte hmasawnna sum pek chhuah thinna; Mizorama tlawmngai pawl leh Industry dintute sum hmuh; RTI hmangin an zawt chhuak tawh a, Mizoramah pawh an rawn enfiah tawh bawk a.
Heng mi te leh tlawmngai pawl hminga NEC atanga sum dawngte hian Mizo hmai an tihbalhna hi thang lo thar zel ten an ngaidam thei lo vang. Dik taka thawk an nih chuan an hnathawh phu ang chiahin pawisa chu hmu ang hmiang! Kan lawmpui ngawt ang.
A rapthlak ber chu
Mau kaihnawiha M/S Venus Bamboo Product Ltd. KK Shah, Vai pa lehnghal chuan BAFFACOS Fund atangin Rs vaibelchhe khat leh nuai 45 ngawt a fanghma no ei hmiah hi a ni.
He Vaipa’n BAFFACOS pawisa a dawn ve dan phei hi chu Mizo mipui tan ngaihdam theih chi a ni mawlh lo.
Heng zawng zawngte hi tuna (2008) kan ram hruaitute hian engtinnge in chhan dawn le..?? “Kan hlawhtlinna hi kan pawm ngam” i ti ban leh hlai hlai mai mai dawn em ni?? Zoram thangthart leh zel tur hi ngaihtuah ula, in tu leh in fate hian zoram khawvelah hian khaw eng an hmu ngam lo palh ang e. Mizo mipuite hi hman ang mai mai kha kan ni tawh lo, kan dikna humhim tur leh mi depdete hmachhawn tur hian thalai tha tak tak an rawn chhuak mek a, an rawn chhuak zel bawk ang.
CBI koh luh hun tur a va nghahhlelhawm tak em…a hun a lo la thleng mawlh ang. Tun atanga kum 10 a ral leh meuh chuan misual hnuchhuithiamte hian Zoram leilung hi an rawn rap tawh ngei ang a…. Kan la hre dawn khawp e… Zoram mipui, vawiin nia sawisak leh rahbeha awmte hian, “Nangni zawng in na anih kha..” an la tilet ve mai ang che u tih a hlauhawm khawp mai.
Similar Posts:
- Zu Factory siam theihna?
- Mizoram ei-da tu Sawrkar hnathawk te
- Pawisa hman dan leh kan rilru
- Councillor 19-te hausakna belhkhawm nuai 318.41
- “Baffacos” zawhna tam takin Boss den a ni
March 16th, 2008 at 12:45 am
he Article hi a mi huaisen ziah a nih hi…a thra ltk a, a bul atanga a tawp thlengin chhiar chhuak vek rawh..
[Report abuse]
March 16th, 2008 at 12:50 am
a van zah thlak thin tak em aw….. CBI chu rawn lut vat2 teh se… CBI hian an HEAD OFFICE hi Aizawl ah rawn sawn se ka van ti ve aw… tiang em2 hian kan lo ten awm pawh hi Mizo nih min ti zak lek2 a lawm le…
[Report abuse]
March 16th, 2008 at 1:36 am
HMM..!!!! ZORAM KOHHRAN HRUAITU COMMITTEE HO KHA KHAWIAHNGE IN AWM TAAK????…IN BERAM HUANGAH SETANA LEH A HOTEN NUAM AN TAWL A, IN BERAM CHAKLO ZAWKTE AN RAPBETA, CHAW PAWH CHANG VE LOVA KILKHATA AN TAWMIM RENG LAIIN…AW KOHHRAN HRUAITUTE U…”A THA ALAWM, A THA ALAWM..” IN LA TI MAI MAI DAWN EM NI. KAN SORKAR MILIAN LEH MINISTERHOTEN “EKHAI ANI HI CHU KAN BERAMPUTE AN NIA, I DUAT ANG UKHAI” TIA THUTNA THA LEH DUHSAKNA CHHETE AN PEK THIN CHE U AVANG HIAN AN THILTIH DIKLOH HI IN DO NGAM LO MAI DAWN EM NI…MUSLIM SAKHUAAH KA KALSAN DAIH MAI TUR CHE U A NIA…TUNA KAN KRISTIAN MINISTERHO TIH ANG HI CHU MUSLIM LEH HINDU MINISTERHO PAWHIN AN TI THEI VE VEK ANG… SAAA LA BEN CHUT!!!
[Report abuse]
March 16th, 2008 at 1:42 am
CBI ah kan in nghat anih pawn a zia viau a.
Tikhawp a hluartawh chu engti zia nge, thralai rual in ti fingtak tak te hi in telkhawm in hma an lak mai loh le? Legal status” Kan nei trheuh a, Heng a chipchiar hian tih a, in ti scholar taktak ten hmala ve maise. Nge keimah ni leh mah ni kan in ring lo zo tawhvek zawk le. Rin tur in mi pahnih thum tal an awm lo em ni?.
[Report abuse]
March 16th, 2008 at 4:18 am
Mingo nu pakhat in CBI chu reilo te chhungin a fanu thattu chhui turin a ko thei mai. Tinge Mizo te hian hei leh chen CBI koh luh a tha kan ti tawh a, kan la koh loh!?
[Report abuse]
March 16th, 2008 at 5:42 am
“Nick Name” a hmang tlat mai pek a, CBI ho in “ei ah” an ti duh lo
[Report abuse]
March 16th, 2008 at 5:53 am
A ni ngei ang, Vala
[Report abuse]
March 16th, 2008 at 6:18 am
CBI koh te chu aaa!! rapthlak em mai!! a ko tu turte kha nia aw an chui hmasak ber dawn. mizo mag pakhat a ka chiar dan chuan, Pu Zoramthang a ten CBI function dan control an tum tlat a, chuvang chuan CBI ho pawh an awm peih lo tiin an ziak nual mai.. khua hi a van han var har dawn eem!!!
Lalchungkua industries neitu te hming (name) khi chu a tha hlawm male
@capri= Muslim ah chuan inlet lo eee!! Kutdawh coat ha ho vang mai mai.. vanram atangin tui kan far zawk dawn nia..:)
[Report abuse]
March 16th, 2008 at 7:10 am
Mizoram milian ho hian CBI chhui chu an hlau teh ang chu aw. Han chhui chiah mai seng chuan nula/tlangval inti changkang fe fe hi an hawi khup zul hlawm ang chu…nu leh pa te eiruk a inti changkang ho. Mak ka tih thin chu, an eiru a, an in khawm a, in leh biakin ah pawh Lal Tawngtaina an la sawi ngam te hi mak ka ti. Pathian hi an zahlo/hlau lo ve ngawt mai. Chu tah, ” Isu ka hmangaih che ka ta i ni e” tih an han sa tur kan ngaihtuah ngawt te hian kei mi thinchhe ve tak hi chuan…sawi chhuak lemlo mah ila…hmanlai lu lak hunlai te kha min ti ngai tep thin. But in real life i wouldn’t hurt nobody or anything if i can help it ( excluding flies and mosquitoes etc N Vaichhia)
[Report abuse]
March 16th, 2008 at 7:46 am
Achang huan ka car hnung lamah hian”THIS VEHICLE IS PURCHASED WITH CLEAN MONEY” tih tar khul mai hi ka chak thin. Makpatea ziah leh a hmain Ruatfela Nu ziah Vaglaini ami ka lo chhiar tawh a, kalo in sehruh teuh hman tawh. unah chuanMNF vohbik mai nilo, opposiion MLA te, NGO hruaitute leh kohhran hruaitute tlhengin sum duh luattuk n in a hrai rui vek tawh tih kan hre tlang ta. Hei vang hi aia Mizoramah hian corruption do a harsat em em ni. Hei vang bawk hi ania MNF an lazui theih. Kan dinhmun tur hi a huphurhawm mai pawh ani lo, a hlauhawm dawn ani.
[Report abuse]
March 16th, 2008 at 8:04 am
“Clean Money”?? What do you mean. Mizoramah ‘Income Tax’ a awm lo a, clean money vek alawm.
Chuan mipui sum an ei ru lo a, Vai sum an ei alawm. Lo thinrim vak su. Tax kan pe lo a, kan sum a ni lo. Vai ho tax pek zing atangin min rawn sem a, i lawm hliah hliah ang u.
[Report abuse]
March 16th, 2008 at 10:56 am
zero,i thu sawi hi i chiang lo a ni mipui chan ai eiru a lawm le an nih le!!!!!engvang in nge kan lawm teh lullllll ang i lawm a nih chuan maw,khing an sawi ho zing ah khian i tel ve a nih loh pawn i chhung te an tel ve a niang!!!Please be reasonable!!!!!!!!argggggggggg!!!!!!!!!!!Th theih kan nei tlem sia ,lo thinrimtlawk2 bak lo chu,dont even feel like going home!!
[Report abuse]
March 16th, 2008 at 12:02 pm
H.V.Lalringa leh a hote hi awmlo sela Mizoram chuan kan thatpui deuh karing.
[Report abuse]
March 16th, 2008 at 7:42 pm
Vladimir: I ngaihtuah na chu tha ka van ti mai mai e. Mizoram chhung a thalai emaw motor khalh ah te khian eiruk pawisa ni lova lei ho hi i sawi ang khian,” this vehicle is purchased with clean money” tih awm fur mai seng chuan hun kal zel ah eiru motor leh motor lo chu hriat a awl fu in ka ring. Eiru ho in an tar ve leh ngam tho angem le?
[Report abuse]
March 16th, 2008 at 7:47 pm
“Mingo nu pakhat in CBI chu reilo te chhungin a fanu thattu chhui turin a ko thei mai”
- Scarlett case kha maw? Goa CM in a hnawl. CBI koh a tul lo a ti. Koh ringawt chu a har lo, ko luh a har.
[Report abuse]
March 16th, 2008 at 8:04 pm
CBI koh lam a tui leh tui lovin kawngro a tu a nih chuan a hahthlak hlawm a nih chu…hairehai
[Report abuse]
March 16th, 2008 at 10:11 pm
h.vangchhia,kawi zawng ringot in thil la suh, bena hian a type sual tih chu i hre ve reng ang,scarlett case ah cbi ko anga i sawi kha mak ka ti reng a,internet vel kan browse vel a,bena sawi ang khi lo ni si,thil hre awm deuh hian i sawi a,i chiang lo thei emai.hei i pangai lo tulh2 mai i thil comment reng2 hi
[Report abuse]
March 16th, 2008 at 10:48 pm
@capricornie: Capital loving comment ang aw.
[Report abuse]
March 16th, 2008 at 11:55 pm
Ekhai!!! A va lo mak ve le…
A rapthlak ber chu
Mau kaihnawiha M/S Venus Bamboo Product Ltd. KK Shah, Vai pa lehnghal chuan BAFFACOS Fund atangin Rs vaibelchhe khat leh nuai 45 ngawt a fanghma no ei hmiah hi a ni.
Tak tak maw…tak tak maw…Vaipa fanghma no ei zat chauh tal hi Mautam tam tuar mekte tanpui nan hmang ila hetiang em hian thingtlang lam mite an harsa lo chiang bang ang mawle…
Tam tuarmektute interview nei thei in awm lo maw..a video in rawn post teh ukhai..mi mangang authawm chuan kan thalai huaisen leh ram hmangaihtu tak takte a kaihthawh theih hlauh takin…
[Report abuse]
March 17th, 2008 at 12:04 am
Sorry. Ka correct. CBI koh luh “tul” lo ti zawk tur a ni. Tui lo ni lovin
[Report abuse]
March 17th, 2008 at 12:05 am
benjamin…hawrawp pui kher ka hmanna chhan chu maw…ka vaibel dawn seh rawp rawp khawpa thinur chungin ka rawn ziak tihna a ni e.
Kan state thenawm ramte hi ngaihtuah ta che u, an state development grant central atanga an hmuhte; helho leh thildangte nena an insem hnuah pawh develoment nasa tak an neih theih laiin, keini ram ralmuang leh minister zingah pawh kohhrana mi inhmang tak tak nei thei state hmasawnna hi… hnunglam panin a duk zur zur mai emaw tih tur a ni….retheite retheih lehzualnaah leh hlemhletna thuk zawk lam panin…..
Hlawm tak hian…luak tichhuakho!
[Report abuse]
March 17th, 2008 at 12:09 am
“thinur chungin ka rawn ziak tihna a ni e” -
thanks. Ka hrethiam. Stress duh lai te kha capital chuan ti mai i la, chuti lo capital vek chu midang tan chhiar te pawh har.
[Report abuse]
March 17th, 2008 at 6:16 am
Kei mirethei vaivut bar ve mai leh thri beh lo hian eng ka sawi kaw dawn lo tih hre reng chungin thuhnu dawn lek lovin Zoram ei chhe tute, mirethei thisena in zuk puar ho hi ka pawngpaw do ve chiam chiam thin a.
Nangmahni ho hi a ni,beidawng em em a ka awm laia, ka beidawnna kawlkila thamral mek tawh beiseina thar nena min cho phur tute chu!!!Zangkhua a la bungbu mawlh ang. Lalchhungkua, a lo a luata mirethei chanai chhuhsak tu ho te hi…in chan In vaiin ka lawm e. chhers..
[Report abuse]
March 17th, 2008 at 7:39 am
Delhi a ka zirlaiin CM Pu Hawla pvt car dah reng thin kha kan chanai ve tur lain i sik khem ang u hmiang kan ti thin.Tuna mi hian sih khem tur a nei em le? Lolz..
[Report abuse]
March 17th, 2008 at 8:41 am
Zoram Inthlanpui a hnai tulh tulh a…khawiahnge ka vote hlu tak hi ka pek ang tih ka hre thei lo.
PC (MPC nita) sorkarte, Congress lal lai ka hre tawh a, VAngvat kai meuha ram hmangaihtu nia kan lo ngaih thin – MNF lah chu “chuti hlauh”….
Vote hi ka thlak lo law law mai dawn zawk em ni….engtinnge ni dawn…ka vote hi a hlu tih ka hria a, uluk taka ngaihtuah chunga thlak turah pawh ka inngai a, mahse tuna mihovah hian tumah vote chak ka nei der si lo…enge misualho khan in ngaihdan le…vote thlak loh aiah lungawi lo chungin ka mi duhzawng ni lemlo pawh ka vote mai dawn nge…vote ka thlak lo tak tak mai dawn zawk..?? pls help..
[Report abuse]
March 17th, 2008 at 10:53 am
E!!!!!i votehlu tak chu ti tham ral lul suh khai, Party ah en lo in, a mihring ah i duh kha vote nalh mai rawh.
[Report abuse]
March 17th, 2008 at 2:11 pm
ehiau aw ! khi ta hming pakhat ka chhiarahkhian classmate hlui an awm tlat mai a, va zia lo thrin em.
[Report abuse]
March 17th, 2008 at 4:56 pm
Vladimir Putin – “THIS VEHICLE IS PURCHASED WITH CLEAN MONEY”
A tha ka ti khawp mai…tar tak tak teh ka ti. A ngaihsanawm hranpa riau alawm.
A buaithlak chu “pawisa kawngbo” kan tih anghote pawh hi ziak lamah a lo fel leh thlep thin a…..
Engzat percent nge an inkhilai kual vel tihlam kha mipuiin kan hre tawh thin si lo hi thiltih tihartu chu a ni ve ang ka ring.
Lawmthusawina tur hisap sa thlapin company ho nen an indawr kual a, chu lawmthusawina (hisap fel sa thlap) cheng tam tak company atanga an dawn chu “HENG HI ISUA ZARA KA TA” an tiin an sawi leh zaih zaih mai thin alawm mawle kan puteho hian.!!!
[Report abuse]
March 17th, 2008 at 7:13 pm
“Frankly the farmers got nothing out of BAFFACOS,” said Michael Mansuala, a former top civil servant. “Now the people are in a desperate situation.”
https://uk.reuters.com/article/.....2020080317
[Report abuse]
March 18th, 2008 at 7:26 am
Ram hmangaih tak tak i nih chuan…lip (typing) service chauh ni lovin a takin thawk rawh. I ram tan i tangkai em? I thawhchhuah atang hian i ram tan enge i pek ve a? Nangmah leh i chhungte tan chuah a thawk i nih chuan, kan politician eiru ho nen hian danglamna i nei lo.
[Report abuse]
March 18th, 2008 at 8:41 am
Politician eiruho nene hmun khata indah chu ka hrethiam tlat lo mai a….
ZerO- nang i thawh chhuah atang khan engzatnge ram tan i pek thin le?? Kei chuan sorkarin chhiah an siamho hi dawra thil ka lei rualte hian ka pe thin a, bakah ram chhiahte pawh ka pe bawk a, state sorkarin chhiah a siam ang hi chu ka pe ve, road taxte pawh ka pe ve alawm!!
[Report abuse]
March 18th, 2008 at 8:43 am
Keimah leh ka chhungte tan rinawm takin ka thawk a, sorkar sum ka ring lo va, diklo takin sorkar atanga sum hmuh ka tum lo. Chhiah ka pe a, khawtlang tan a phu tawk ka thawh bawk. Sakhaw mi ka nih loh avangin sakhaw lam tan pawisa kahseng ve lo.
Chu chu ram hmangaih lohna anih chuan tute nge ram hmangaih ang ? “Ram hmangaih ka ni” tiin ka sawi ngai hek lo.
[Report abuse]
March 18th, 2008 at 9:47 am
Benjamin sawi ang khian Reuters meuh in kan rama tam (famine) tla a report tawh a. Reuters report te chu tute mahin han hnial chi ani lo reng reng. Heti chunga famine awm lo ang ziazanga Assembly Hall a dawt hulhual la sawi tlat mai chu a zahtheihloh thlak ngawt mai.
[Report abuse]
March 18th, 2008 at 8:09 pm
Vladimir Putin, i sawi dik ka ti khawp mai. CM in buffacos hmanga hmalaknaah hian an sorkar hlawhtlinna an pawm ngam tih an sawi thei kha chu(h)..kha baka MIRETHEI LEH TAM TUARTE RAHBEH LEH HMUHSITNA hmanraw dang a awm thei tawh chuang dawn em ni?!
Hengte hi i ennawn leh teh ang u -
“M/S Venus Bamboo Product Ltd. KK Shah, Vai pa lehnghal chuan BAFFACOS Fund atangin Rs vaibelchhe khat leh nuai 45 ngawt a fanghma no ei hmiah hi a ni.”
THINLUNG HI A VA HAN NA NGAIH NGAIH EM..!! Misual.com thuchhuakte hi thingtlang leh vawiina tam tuarmektute hian chhiar phak ve se chuan an dikna leh chanvo humhim turin an chemtum an rawn thawhchhuahpui tawh mai long maw…?!!
[Report abuse]
September 19th, 2008 at 8:13 pm
i thil rawn swai chu a tha ka tia mahse an fate hming i rawn ziah kha chu a tul ka ti kher lo ani….ka thian nu pakhat hming i rawn sawi ve kher a?an nu leh paten an tihsak a nia…an nu leh fate hming chauh te pawh sawi la…..a tul teh duah lo…..
[Report abuse]