Hmanni deuh khan Muana nen Shillongah kan inhmu a. Zing dar riat velah chuan a nam hman tawh a, “official duty a lo kal ka nia,” a ti a. Ni dangah kan inhmu leh a, a rui bual mai a. “I zak nage?” tiin ka hauva. “Mizoramah duh tawka in tur a vang deuh, a to si. Remchang ka’n hmang tha anih hi,” a ti a, pai tuang tuangin a kal liam ta a. Chumi zan chuan thingtlang khuaa kan unaupa boral thu phone in min rawn hrilh a. Ani hi rei tak zu in tam vanga hrisel lo tawh ani a, doctorin nghei tura an tihna pawh a rei tawh a. Mahse a nghei thei lova. Tun hmain an nu hnenah “Mizoramah zu in khap ani lawm ni? Khawi ami nge a lo in leh thin?” tiin ka zawt tawh a. “In tur an hmu reng. Khapin awmzia a nei tak tak lo,” a ti a.
Chanchin kan hriat veleh chuan ka fanu nen kal nghal tumin Sumo zan chhuak kan zawng a, mahse kan hmu zo thlawt lova. A ruang nan hman ngaihna a awm chuan si loh avangin a tuk lamah bus in kan kal ta zawk a.Vairengte kan thlen chuan khawvar hma, mut tui hun lai tak ani a, keini nufa phei chu a hma ni leh zan kan mut mumal loh avangin kan mut a chhuak tawngkhawng riau lehnghal. Bus a ding a, conductorin chhuk vek turin thu min pe a. Ruah a sur a, nihliap kan lo keng theihnghilh bawk si, tawm hulna awm bawk si lo, ruah surah chuan kan ding fur mai a. Excise police ho chuan ngun takin kan bus chu an dap a. Passenger thenkhat lungawi vak lo chuan “An man vaih chuan anmahni’n an in ang” an ti lung lung a.
A tawpa tawpah chuan “A luh leh theih tawh e,” an ti a, kan lut leh ta a. Huh zawr angreng tak chuan kan han thu leh a, ka hahchhiau tan ta a. Hritlang ka la na thei a, ka huphurh rilru khawp mai a. ‘An zu khapin khualzin naran heti takin min ching buai a, Mizoram chhunga mi te’n mahni tlakhlumna khawp in tur an hmu tho bawk si. Zu ringawt dem theih ani lo, mihring sual vang zawk ani. Hei aia ruih khap dan tha zawk hi a awm lawm ni aw?’ tiin ka ngaihtuah zui ta a.
- Malsawmi Jacob
Similar Posts:
- Meizial chungchang bawk.
- Mizo tawng ziakdan tlem-II
- Aizawlah zu a zalen
- ‘Zu’ Zunzam
- Before and After Accident
June 11th, 2009 at 6:21 pm
Zu hi chu THIL a ni, khap chi a ni lo anihna a ni reng dawn. Zu in hi khap chi a ni bawk lo, control chi a ni. Ruih hi khap chi a ni lo hremna dan siam zawk tur. Zu zawrh hi khap chi a ni lo a TO phah mai mai lo maw :?:
RUIH khap dan tur kan zam chhin-
1) Zurui tehna a teh a SEN (red) chin ho hi trum 1-na chu Rs 50 chawi tir trum 2-na chu khawpui laili ah drain tihfai tir mipui hmuh-ah trum 3-na chu lungin thla khat tan tir an luhlul zel chuan tantir hi a let zela tih pun.
2) Sawrkar hnathawk chu trum 3-na atrangin suspend hmaks. an la luhlul zel chuan Jail a dah ve hmiah
3) Zurui manthei tur hian police, Excise, daktawr leh Magistrate thlanbik Special Task Group din. Chumi te thu a la lungawi lo chu court-ah (Ukil ho hi tun aiin an hlawk jawk maithei)
4) Phalna nei thlapa zu sak leh zawrh phalni neih a DRY day thlatin trum 2 neih bawk
Han rawt ve tuuu
[Report abuse]
June 11th, 2009 at 7:06 pm
Zu an khap loh ten Synod/ Baptist Salvation army etc hruaitu ten sap an chah chhuah hunah “keini chu kan fel lutuk mizoram pumah Zu kan khap hmaks” ti a in sawi theihna tur an nei nang.
A hlawhtling lo a, a aia khuahkhirh dan tha zawk a awm renga mahse Kohhran Hruaitu chapo lutuk ten mizoram an khuahkhirh hneh em avang leh an mahni tih lawm loh hlau politician ten dissenting views an neih ngam loh vangin Kohhran leh politician te pawn an lu lian thluak thawl tak an mawngkua ah an phum lui tlat reng anih ber hi.
Kan Wine cellar ah champagne tui lutuk in tur kan zuk la lawks teng. :mrgreen:
[Report abuse]
June 11th, 2009 at 7:25 pm
Pioneer ,sipai , rangvamual leh hmeithai rethei an awm chhung chuan zu hian rem tik ni a nei lovang.
[Report abuse]
June 11th, 2009 at 7:27 pm
Aryan hi ka tan ber mai kei pawh khawnge ka Teacher dah that kha kan la ve teh ang
[Report abuse]
June 11th, 2009 at 7:33 pm
Zu khap burna dan hi khap se a fel vek mai ang… in other words, Total Prohibition hi prohibit tawh zawk tur.
[Report abuse]
June 11th, 2009 at 7:50 pm
Zu Zu Zu… kohhran kan sawisel thul.. kohhran (siamtu) te poh mipui tho..! a hminga khap nih kan la duh ve hrim2 ani mai lo mo(majority)..!
sunday chu dry day ni tur ah lo ngai ila..! tlai dar 4 vel atang chiah in wine shop hawn ni se… hisap vel mai2 ani e… …
champagne leh teacher! kan thlauh buak palh chu lee!
[Report abuse]
June 11th, 2009 at 8:01 pm
Keipawh ka 8PM kan hawng loks
[Report abuse]
June 11th, 2009 at 8:24 pm
Va nei hlawm tran tran ve.
Zu khap bansan kan duh thu hi kan sawi zing ta malh malh hle mai. Kohhran hruaitu leh Ram Rorel khawlte beng pawh a thleng fo tawh turah ngai ta ila. Awmzia erawh awm teh chiam lo chu a nih hmel khawp mai. Engtinnge maw kan awm zel dawn le? Khap bur hi tha tlatin an la hre zawk chu ni awm sia, buaithlak a nih hi maw… Sawi fo pawh hi ninawm lam a ni ta. Ngawi thuap tawh mai ang u.
[Report abuse]
June 11th, 2009 at 9:22 pm
A chhan bulpui ber pakhat chu Mizoramah rorelna ah Synod hruaitu ten thu an nei lutuk a, tuna Total Prohibition pawh hi Sorkar thu ang chu ni se phelh anih tawh ka ring. Mahse, Mizorama Kohhran lian ber te thu anga an tih loh chuan ‘vote’ lam a khawihbuai an hlau bawk si.
Tin, Zu khap burna dan hi a hlawhtlin tak2 kan duh anih chuan a control tute hi fihlim tal sela. Kumin February thla pawh khan khaw pakhatah chuan Excise pakhat hi ZU in nasat lutuk vangin a thih phah hial nia!!! A man tu tur zawkte pawhin an in zel mai chuan hlawhtlin chu har tak tur a ni.
Tin, zu zuar te zingah pawh thlei bik an la awm ta fo niin a lang. Hmanni lawkah News ah Zu zuar lar tak Vanlala chungchang an rawn tarlang chiai chuai a, Sap zu supply tu lar tak nimahse Jail a tang rei ngai miah loa, a chhuah hnu ah pawh a hna ngai a zawm leh tho zel an tih chu…
Chutih laiin hman deuh khan Serchhip leh Aizawl inkarah khian Excise motor-in Zu zuar hmeichhe pakhat, mi ang mang lo, Central Jail lama thawn thlak turin an phur ka hmu a, chu pawh funte pahnih khat vang lek a ni lehnghal.
Total Prohibition hi a hlawhtlin theih chuan a tha, mahse tun ang dinhmunah hi chuan kan zo lo a ni ber e, kan mualpho lutuk hma hian Sorkar hian hma la se ava tha dawn em..
[Report abuse]
June 11th, 2009 at 9:27 pm
kan sawi hnem tawh.. awmzia a omlo, sawi aiah hian In tlek2 tawh zok mai ang u
[Report abuse]
June 11th, 2009 at 9:30 pm
Khap bur pawhin a ngawlvei an kiam chuang si lo.Sorkar dept. hrang hrang dinner-ah te hian intur a awm reng bawk si…khap bur nilovin khap der zawk em ni le..
[Report abuse]
June 11th, 2009 at 9:32 pm
Vanlala mobile phone-a a zu supply-na tawhphawtte kha chu kutkawl buntir vek mai se; LPS leh ZONET, SKYLINKS-ten interview rawn nei tlut tlut mai se … kan ziaawm phah khawp ang. Ukil leh Magistrate pawh an bang chuang lo. Kohhran Hruaitute leh Politician-te hi an inzim hmingpu ve rih a nih rih hi! Intu an awm chhung chuan zu hi a rem dawn chuang lo! Pu J. Lalsangzuala chuan a nghei hlen dawn ta a; Chief Minister-in a nghei thu han puang ve chiah se, dan khirh takin han chhu zui sela, a fuh hret ang a, a fuh tluan chhuak chuang lo vang. “Pastor a fel ber, payment nghal zel” tih a ni ve tho! Kei ngei pawh hi rawtna trha siam chi ka ni lo; hetiang lamah hian ka sihhnip tho!
[Report abuse]
June 11th, 2009 at 9:33 pm
Milian tan an khap hlei nem!! milian motor Vairengte check gate phone lawk thei chu an chhuah reng tho alawm.
[Report abuse]
June 11th, 2009 at 10:10 pm
Va fare/fair/fail lo ve chutia phone tlang theih anih chuan; an phone no chu luck viau ang a, off hmaks se buai fe fe an tam duh hmel
fiamthu
chawnghilh hi a tleirawl lai atranga sihhnip ngai lo leh PA tak, rithak kha i lo sihhnip anih chuan i ngam lo neeem hle mai maw :?:
[Report abuse]
June 11th, 2009 at 11:14 pm
Pu Hawla te meuh pawh an neeeem duai duai zel tho, an sihhnip ve tlat. In ruahna um ruak khawl chiam chiam ching MC Lalrinthanga te an la awm leh ta zel! Kan indaih hlawm teh mang e.
[Report abuse]
June 11th, 2009 at 11:37 pm
Pu mz vision rawn sawi khap lovin control tih khi ka thlawp e..phone lawk chungchang hi nia kei pawh ka tawng tawh,kan sumo chuanpuipa khan vairengte thlen hma deuh khan a’n phone zeuh va,a dik vek mai..hmelhriat neih thrat leh thratloh a ni mai..an man tawh sa pek let leh tih pawh a awm,a awmziaah chuan an mansak der a,a hnuah an pe leh tihna nih chu..HLIP ringawt se a ni mai.
[Report abuse]
June 12th, 2009 at 3:07 am
Zu rui hovin ‘Ka chhia leh tha hriatna a bo chuang hleinem’ an ti thin hian buaina liantham a thlen thin tih hi kan ngaihtuah ngai em? An harhfim thu an sawi lung lunga; an ruih loh laia an sawi ngamloh an sawi phahte hian a ti buaithlak.
Zu hi thil a nia. Amah mai chuan sual a nilo. Mahse a in tute’n sual nana kan hman zel avangin ‘Sual bul’ a ni.
Zu in vanga sual kher lo chu awm bawk mahse zu in avanga fel phah an awm miahloh danah hian zu hi a thalo tihna a ni.
Zu khapna dan hlih duh ho hian an in ve duh tlangpui.
[Report abuse]
June 12th, 2009 at 3:25 am
Miin Zu a ruih avanga thil sual leh mawi lo tak tih duhna a lo neih hian Zu vanga ti ni lovin a ze dik tak a lanchhuahpui niin ka hria. A ruih loh lai chuan a fel viau a sin mawle tih ngai chin reng reng te hi an harhfim laia insum thei tak, ze thup tlat thei an ni a. Mahse, an han ruih chiah hian an ze dik tak chu thup thei lovin a lo lang chhuak thin niin ka hria. Chuvangin Zu ruih avanga chhia leh tha hre lo khawpa rilru buai hi thil ni thei tak tak pawhin ka hre lem lo. Mahse taksa thunun kawngah erawh Zu ruih chuan a danglam thei hle, mahse rilru puthmang erawh a tidanglam lemin ka hre lo pek.
[Report abuse]
June 12th, 2009 at 3:48 am
Muana chu ka thiam khawp mai; an khap lohnaah a rui triang triang chu thil trha ni lo mah se, a thiang miau a ni.
Vairengte vela zu check avanga passengers-te ruah dotir chawrh chawrh mai chu a che polite lo hle mai maw! Hetiang ang conduct mawihnai hre ve tur hian Excise-ho pawh chuan an ranks and files-ho chu nungchang mawi an zirtir ngai lo tihna em ni? Shelter trha tawkah, an check chhung chu pachan chhuaha dawhthei tur tein a mawihawih zawnga inhrilh ve tur a nia lawm!
Pi Malsawmhriatzuali Jacob ber kher leh nghal, English Senior Lecturer lutuk tawh, nu awm-nem leh dawhthei berin hetiang a rawn ziak ta mai hi chu Sorkar leh Excise Department pawh inbih chiang tura chet vat a va trul ve! Mi trha tam tak karah thil tiru duh hi mi pahnih-khat lek an awm ve zauh trhin a, misual cheia inchei vek tur a ni ngai lo. Han tel ve chiah ila, ka pawr ngawt ang.
[Report abuse]
June 12th, 2009 at 5:33 am
Zu khap bur dan soi sel tu te chuan thil thui tak an hmu pha lo tawite chauh an thlir,kei poh hi ka tlangval lai chuan zu hi ka in thin mahse tunah nupui fanau te kan neih chinah hi chuan kan tu leh fate Pathianin chengtura min lo dahna (Mizoram) hi Kristian nun ze moi tak lo par chhuah nan duh tu niin Zu hi eng ti zong mah in ka inin ka soi mawi thei lo ani.
[Report abuse]
June 12th, 2009 at 6:08 am
97,98 vela tute emaw zuin tur khawvel zu trha2 mizorama truck nena han tawlh vel kha chu nuam ve thei tak a ni.check gate ah an hming sign awmna lehkha phek te kha kan han hmuh zeuh a,thil reng reng hi a fel zung zung mai a ni.
[Report abuse]
June 12th, 2009 at 7:00 am
Zu khap bur hi hlawhtling an awm pawh ka la hrelo e, khawvelah hian. An khap bur anih chuan milian leh te awmlo in hruat rual vek sela, thenkhat ngam bik leh ngam loh bik nei chunga zu khap bur te chu a diklo a ni.
Thawka phit a Pathian tih sek pawh hi a nilo, Pathian hian hnamtin, sakhaw tin bia hi kan ram theuhah cheng turin min dah vek a, kan sakhua in in a phallo anih a, in chu kan Pathian duhloh zawnga awmna anih dawn chuan pathian hlau leh thu awih zawng chuan in loh mai tur.
Muslim ho ang ziazang in tharum hmangin kan innawr a, Pathian nung engkim tithei ring inti ho hian lei sawrkar tharum hmang a rahbeh kan tum a a fuh ber lo a ni.
Zu pawh hi pathian siam tho, mizo hnam a pian hmaa piang tawh a nia, engti mah hian kan khap bet dawnlo reng reng, a thunun lam hi tum ila a fuh ber.
Sakhaw mi hluah hluah lemlo pawhin kan in lo thei a, Pathian ringtu, amah a in nghat tak tak tan zu hi buaina tham a tlin ka ringlo reng reng, midang zu in an vei anih leh Pathian tanpuina in tawngtaina nen ngheitir tumin bei sela, lei sawrkar tha chakna hmanglo hian.
Sakhua phen a hmang a a ruk a sual hrang hrang ti ho hi zu in mi leh zu ai chuan Pathian in a huat zawk daih ka ring e.
[Report abuse]
June 12th, 2009 at 7:48 am
vairengte check gate mawlh khu! A tithiam ho chuan an hawn teuh tho. Sipai chhuti ho hian an hawn hnem thin bok. Congress sorkar hian zu khap hi an kaltlangpui dawn nih chuan, khap rem tum se! An khap ve a, zu a tam tho si, a to bawk si. RV chauh pawh an khap rem thei lo a nia. Zahthlak
[Report abuse]
June 12th, 2009 at 9:07 am
Kan ram leh hnam hi a la naupan zia leh hmasawn zeltur kan nih thu leh chin dan tihdan trha zawk kan neih zel poh khawvel trhang zelah kan mamawh hle ang.
ZU in avanga RUIH kher tum te, zu ruih ching rui ual-au lutuk te hi khapna hlih a ni emaw ni lo emaw hmasawn kan ngaihna lai tak chu a ni.
Army officer’s club ah dinner-a kan kal trumin “zu rui hi in awm ve ngai em” tih ka zawt “awm ve zeuh zeuh e, mahse langsar lo thei ang berin thlahtu kan insiam trhin” tiin min chhang.
Sikkim khawpui Gangtok ka kal trumin an IAS senior tak pakhatin an in-a chaw min eipui na-ah chhuang takin “zu dawr hi kan ngah hle maia, mahse zu rui hi i hmuh chuan i vannei hle ang, hetia zurui an inthup bo thei hi kan hmasawnna milestone poimoh tak a ni” tih min hrilh
Zu hi thiltrha tinreng bul a ni lo tih hi ka pawm thlap mai. Zu thiam taka in erawh ka ngaisang hle. Zu inthiam rui lova mahni limit chin bituk thiam ka hmu hnem mai ka ngaisang bawk. Wine hi Zu ah chhiar a ni em tih erawh ka chiang lo
[Report abuse]
June 12th, 2009 at 9:13 am
Mizorama zu in mi kan han tih deuh hi chu a sen chi (IMFL)in pha ve lo, local/ pehtreh in thin, langsar taka rui thin te hi an ni maiin ka hria. A ruka in thin hi eng zat tak awm ang maw? Han khap rem tak tak dawn se, kan duh hauh lovang. A mawiah zu khap hi a tha e, ti siin kan duh ru fur mai.
Tin, a senchi chauh in thin hian ‘zu in mi’ ah an inchhiar tha duh vak lo. He tih karah hian special occasion- a in ru duh hmeichhia/mipa kan la awm zel.
Aizawl veng pakhata a senchi zuar chu veng chhung mi ten an mamawh tlat avangin man sak pawh an tum lem lo; vengchhung zu in duhin veng dang hla tak pan a ngai lo a ni.
Tin, a ruk a zu in thin hian zu in awma an hriat loh, lo in ve thin te an hriat chuan,anmahni inthiam chawp nan ” chumi pawh chuan a in thin,” tih hian an inhnem thin an ti.
[Report abuse]
June 12th, 2009 at 9:25 am
USA ah pawh an lo khap tawh a… Mizoram a ram pilril a an tih tak ang hian…moonshining an ti mai a… rakzu ang hi an thlawr tiah tiah mai alawm…tun hnu pawh hian ti an la awm tho mai. Ka tem chhin tawh W.Virginia a khaw te tak te InWood an tih mai ah.. a lem anuam khawp mai hehe.
Zawrh an remti leh a mahse, a intu te tan dan leh dun fel fai takin an duang a… an kengkawh bawk a…a tha khawp mai. Mi pakhat in a in theih zat te, motor khalh thei tura a in theih zat etc an duang thlap a, a hremna a na bawkin, dan chungah tumah an leng lo bawk. Tiang hian Mizoram ah pawh tih ve mai chi a ni, ka ti ta.
[Report abuse]
June 12th, 2009 at 9:29 am
…motor chhung ah zu/beer hawn sa/a bur ruak phurh pawh khap tlat a ni. Motor tlanlai chu an hre awm lo e tih ngawt a nilo… man an nei fo mai… Mizo te ngei pawh hairehai
[Report abuse]
June 12th, 2009 at 10:31 am
Kan kohhran hruaitu te hian engvang a zu khap hi duh nge an nih le! “Ruih” hi an duh loh chhan a nih a rinawm. Ruih an duh lo a nih chuan Zu khap lovin ruih khapna dan tha tak siam se. Ruih avang a zu an khap a nih chuan Hlimsang ruih na thlen tu tleng hian khapburna dan sim law law teh ang u.
Thil reng reng chu a van/tlem a vang a hlu chawp a awm. Zu pawh hi zu tha a vang a. Mizoramah chuan a sen chi nei thei chu mi thil tithei deuhah kan dah! Chu vang chuan thalaiah pawh a van leh to avang a ti ve mai pawh an tam tih ka chiang. YMA in kum puan a “Ruih hlo do” tih lak vung em em lai khan, ka thian kum 30 chuang zu in lo khan a sen chi hmel a hmu chu a in ve chak tlat. “Nati nge” ti a ka zawh chuan “A vang em a, a hlu ve lawm” a ti.
Total Prohibition hi a hlawhchham chiang tih kan hmu mai ni lovin kan tem liam liam hlawm a nih hi! Zu khap burna dan hi hlip se, zu in khuah khirna dan mumal tak nei thung ila. Kamding ho an office hun chhung a zu nam/rui chu ……….. tih te, hun rei tak Total Prohibition nei ve lem lo dan siam tawh sa zul zui a dan zam erawh a trul nei ang.
@kawnga sawi “Zu hi khap chi a ni lo a in a in chi a ni” a tih kha ka la fuh fu mai.
[Report abuse]
June 12th, 2009 at 10:46 am
@Diktea_Pa, mahse in thiam lo ….. pa te ang hi engtinnge kan tih dawn?
[Report abuse]
June 12th, 2009 at 11:06 am
@Kawnga a in chu a in thiam a. a In thiam lutuk avang zawk a rui khawp a in a ni. Buaina a siamah lah ma buai buai in a buai, min ti nui tu a ni. Khatiang kha chu hrem chi an ni lo, an mahni leh an mahni an in hrem der tawh zawk.
[Report abuse]
June 12th, 2009 at 11:08 am
Kan Chief Minister Zu a in antih kha, Wine chamber te pawh a nei an tih thin kha mawle?! Total Prohibition denchhan in Excise ho hian an man ngam angem?
Mi rethei tan chauh ami Total Prohibition hi an siam a? India ram Democracy mihring intluk tlan lohna ram hi Communist ram ai pawhin a rapthlak zawkin ka hria.
[Report abuse]
June 12th, 2009 at 11:46 am
Zu zawrh hi khapve hrim hrim a tha ka ti.. engvengnge tihchuan insualna a ti pung.. tin, thalai naupang te te ho tanah a ni.. zu zawrh phal pheise a inngailo midangho in chakna a siam teuh dawn a ni.. a in anpung telh telh dawn a ni.. zu zawrh phalloh a tha tops.. a zuarru awm hi a tawk chauh.. a in kan tam theivaklo dawn a ni.. chutilam zawng chuan ka hmu tlats..
[Report abuse]
June 12th, 2009 at 12:24 pm
He ZU khapna dan hian Mizoram Protestant hruaitu te min ten tir a tum ni berin ka hria.
[Report abuse]
June 12th, 2009 at 1:31 pm
Zu do kan taima ang hian corruption do te, hnathawh te hi han taima ila chu kan Zoram hian hma asawn ang mawle… Keichuan Mizoram Total Prohibition hi chu Social Injustice Mechanism ani k ti. Mihausa leh rethei inkar thliartu ani.
[Report abuse]
June 12th, 2009 at 2:36 pm
Zuzuar te pawh hi an inthlau khawp mai,veng kilkhawr a rangva leh dap chawhpawlh in vel atanga zuar hohi chu an man sak reng mai a,concrete in ding luah ah chuan an zuar tih hre mahse engtin mah an ti ngailo!!!!! An in bul lawkah YMA duty post te awm vel,zu in tura kal te pawh an duty post ah an titi khawmuang vel thin!! Einnchh….
[Report abuse]
June 12th, 2009 at 3:50 pm
ZU hi mo.. engtikah mah an khap remlo ang chu o….keini pohin bawngkawn cheng 10/- Bar an tih mai thin ah te sawn hmun hrang2 ah kan in ve thin a hmun tam takah sawn Excise,etc. a check-tur a lokal ni omtak te hi an rawn kal cuan,a zuartu ten in no kha dahtha roh u an ti a.ahlau zual deuh in an han tlak pop a,a ngampa fal deuh in kan thutna hnuaiah kan han nawr lut zal zal a.tichuan a check tur te an rawn thlen chuan harhfim hmel deuhin kan lo omtoh thin a, tichuan check-lem hleilo chuan ngoireng in athlon in No 2/1 anlo thlit a, an tlap pop a,an chhuak leh daih zel nia…tichuan voikhat poh zu in tur in kan kal a,kongkhar bulah chuan Excise ni om tak Form nen a in thuam thlap hi alo thu a, in chi loh a nih hi ti a kan let lehdawn lai tak chuan aneitu ten min rawn ko let a, a chhung kan zuk lut chu anlo in nuaih2 mai nia mole..tichuan bawngkawn vela Zu khap bur dan ah chuan enge in ngaih ve dan o…!!!???
[Report abuse]
June 12th, 2009 at 4:30 pm
An khap rem thei lo tih chu a chiang, mahse, an khap tlem a ni. An khap avangin tleirawl zawk leh naupang zawk tan zu in maina chance a tlem sawt. Rethei leh Hausa inkar tizautu tihte chu… kan Mizoram kal phung hi rethei leh hausa a thliar hrim hrim tawh a ni. Zu chungchangah chauh lo pawh, Hei hi chu sawrkar mawhphurhna pakhat a ni. Dan lekkawh chungchangah pawh hian sawrkar mawhphurhna a ni.
Tuna kan kalphungah hi chuan han hlawhtling chi ziazang a ni lo bawk. Zu in duh iak iak pawl an tam a. A hlawhtlinna chu mipui atangin a ni a. Dan kan zawm miau si loh chuan hlawhtling thei a ni lo. Zu in duh an tam miau si chuan tihngaihna vak a awm lo. A khaptu tam takin an in duh a, dan zawmtuturten an in duh bawk a. Chuti a nih si chuan i khap lo mai ang u ti dawn ngawt ila, a hlawhtlin tawk loh avanga khap loh ngawt kha thil fuh ber a ni kher lo.
Khaplo ta chiah se, Thinlian leh mitliam avanga thihna hi Mizoram thalai leh upa lam zingah hian a punghluai ngei ang.
Sawrkar-in khap a tih chhung chu kei ka thlawp hmin hmaka, khap loh a tih pawhin ka nunphung a buai phah chuang lo ang.
[Report abuse]