Zu hian Mizo Society ah engtiang chiahin nge chanvo a neih a, dinhmun a lo luah thin, tih chu sawi tam vak ngai lovin hmanlai pupute nun kan chhiar chuan kan hre mai thei ang. Zu tello chuan an nun a kim lo va, hmeichhia pawhin zu an in fo a, kut,chai leh thil tihkhawm nikhua reng rengah Zu a tel thin. Chuvangin Zu chu pipu nunah nghet takin a lo tel thin tih kan hre thei a ni. Mi huaisen leh mi tlawmngaite chu chawimawina atan lal leh upaten zu an do thin.
Mahse, Zu an rui buai ngai em? Zu ruih buai avanga an buai hluai thu kan hmu lem lo. Pasaltha Vana pa hun lai pawh khan an lal Vanhnuailiana inah zing atangin an nupuiten zu an in thin tak fo avangin, a tih tawp nan a thianpa hmangin a nupui puanfen a keu tir a, thin rim hle mah se, ‘chawng khum dan tlang huat loh’ a ti tlat mai si a, a pasal mi huaisen leh pasaltha vanapa hnenah zualko teh mah se, ‘chawng khum dan tlang huat loh’ a tih zauh avangin huat chi pawh a ni lo va, kha ta tang khan he tawngkam hi a lo chhuah phah bakah Hmeichhiaten a langin Zu an in loh phah ta deuh niin an sawi thin. Engpawhnise, mipaten Zu an rui a, an lam mup mup thin. Mahse, zuruih avanga harsatna leh buaina siam te erawh khaw danga pem vang vangna khawpa zahthlakah an ngai a, hremna pawh a na hle tih kan hmu. Chuvangin Zuruih avangin buaina an siam mawh hle tih kan hria. A tan Zu chu sual a ni lo va, Zu indan tawk leh a hnathawh chu an thunun ta zawk thin a lo ni.
Hun a lo inher zela, Zu kan rui thiam ta lo. Chhungkua then darhtu chu paber ruih vang a ni fo. Tualthahna tam zawk te chu Zu ruih vang a ni ta zel mai. Chuti a nih chuan Zu chu khap theih a nih laia khap mai chu buaina punlun zel loh nana, a kawng awmchhun a lo ni ta a ni ngei ang. Tun thlengin Zu chu khap a ni ta zel a..
Zu hi khap rem theih loh, khap loh avanga pung thur thur thei pawh a ni chuang awm lo ve. A intu an tam leh tlem a zira tam leh tlem thei chauh a ni a. Mumal taka a in thei chin leh lei thei chin bithliah a, dan mumal tak siam hi a tha zawk lovang maw?
Mahse, Zu chu ruihhlo dang ang bawka sawngbawl a lo ngaih tak siah chuan Zu in mi chu kan hmu khawlo zo ta.. Zu rui ve ngai lo zu in thiam tak pawh kan hmu tha chuang lo va, Zu chu sualah kan ngai ta ngawt mai a ni. Zu hi a sual reng em? khawvelah hian Zu sual tihna ram reng an awm em? Sakhuanaah pawh Zu chu sual a ni titu sakhua a awm reng em? Baibul chuan Zu sual a tihna a awm lo va, Zu ruih a phal lo mai a ni. Zu chu ruih kher tur a ni lo tihna a ni. A tawp ber atan:
Zu in kan thiam loh phah chhan leh kan ruih buai chhan hi kan missionary te vang kha em ni?
Zu hi khap ni ta lo se, kan rui reng peih ang em? kan in thiam phah zawk long maw?
Zu hi khap ai chuan a in dan thiam tura in zirtir chi zawk a ni lo maw?
State pawnah chuan Zu an lo khap ve tawh si lo va, Zu khapna rama awm te chuan Zu zalenna kan chen thiam lo va, kan rui chhe mualpho fo em?
Zu leiruk nana kan sum sen ral hi a uiawm tham viau lo maw? kan ramah zu hi siam ve ila, sum lakluhna tha tak leh state pawna chhuak tur sum kan hupbehna tha tak a ni thei ang em?
Kristian ramah Zu khap a ngai tlat mai hi a zialo deuh. Kristian ramah chuan Zu rui buai awm ve lo zawk tur kan ni si a.. Khap ngailo khawpa zu in dan thiam society kan nih hun a va nghahhlelh awm em.. kan ngaihdan sawiho thei ila..
Similar Posts:
- Kerh Kerh…
- TLANGAU (Krismas ka hman dan tur)
- Zû…..
- Zu hi a khawngaihthlak letling
- Zonunmawi virus Zu – MLTP Act-in delete rawh
January 6th, 2008 at 3:29 pm
Zu in thiam lo chu zoo ah dah mai tur
January 6th, 2008 at 4:18 pm
Hei chu ka ziak uk a, post leh loh ka ti a, ka submit lo emaw ka tih laiin a lo in post ta tho a. A tha tho e.. zu heh tak emaw min ti ang tih erawh ka phang lek lek e, zu in mi ka ni lem lo na a, Zu leh kan society inkungkaihna leh kan thatpui theihna lam zawk ka sawi tumna a ni a. Thlirdan hrang hrangte hriat a chakawm ka ti fo.
Zu fak leh sawichhiatna a ni hran lo va. Zu kan sawngbawldan zawk hi ngaihtuah that chi a ni em? tih zawk hi he thuziak sitawm tak hian a tum chu a ni. Tlinglo takin a lo in post tak siah chuan Pu bena hian Zu lem nalh tawk te pawh han dah tel law law thei se, ka van ti em. Zu in theihna Rights nei reng chung pawha Zu in ngai ti lemlo Chennai lam myself leh a thiante sawi zui atan a tha mai thei e. An ni chuan academy lam thil atangin an chhui leh ang a, a felfai leh thlap awm si a..
Pu adelfos pawhin ‘Zu in thei reng si, in kher lova ka awm hi Vanlam malsawmna a ni’ a ti chuan kan dang leh tho tho dawn. Chuvangin a rawn chet hmaa sei tak ziah vak hi a finthlak mai thei.. pu keimah ve thung chuan a in tu a zir a ni mai, a rawn ti mai thei a, chu chu neutral taka a sawi a nih leh dawn avangin kan hnial tla thei hauh lovang…:)
January 6th, 2008 at 5:34 pm
Pu Zoruna chu dai i va theu zau ang reng em! I inthlahrung mah mah a nih kha!
Ni e, Zu hi zawng kan buaipui tlang a nih hi. Tun dinhmunah hi chuan zu hi in thiam inzirtir kan ngaiin ka hre lo, zu in na na na hi chu kan thiam tlangpui hlawmin ka hria! A ruih lam zawka hi ka thiam lo niin a lang!
Zu hi khap lovin, midangte tana harsatna siam zawnga ruih erawh hi chu KHAP BUR ni thung se, chutiang mi chu na taka hrem ni bawk se tih hi kei mi mawlin ka han rawtna ni ve phawt teh se..
.
January 6th, 2008 at 6:30 pm
January 6th, 2008 at 7:34 pm
Ropui lutuk tlat.. kei pawh chennai hi chu ka tlawh ve chhin chak asin! adelfos leh RTPA te reng in nuam an tih hmel haih haih mai
Thingpui in, vawksa ei etc… te duh lo an awm a; then khat lah chuan sa ei hrim hrim duh lo in ‘vegetarian’ ti te in an ko bawk a!
vei zawng a in ang lo ani ange!
January 6th, 2008 at 8:35 pm
Kei he thil ah hian ngaihdan zau tak neih atul in ka hria.Zu chu ka in thin!Ka heh vang nge chu ka hre lo, mahse ka in thin.Ka in hun erawh in hriat ka duh e! company outing a i kal chuan i in a ngai, mahse kher erawh a ni lo.Ka vai thian te hi zu heh an ni ngai lo, mahse tiang ah chuan scotch whiskey no khat pawh 300/- man chuang hi an in fo mai! mahse an rui a ni lo, an hlim em em zawk, tin kan hmei chhe hruai te pawh in ( Vai) min soisel ngai miah lo!Dawhkan kil in mawi tak in kan in a, chuan thisen a san hun ah kan lam in nuam kan tawl ta thin! Hei hi Zoram ah chuan sual a ni! Mahse ka awmna ah sual a ni miah lo! In lo nih chu min ti lui ngai lo nang in a polite lo in a rual pol loh thlak tlat!Zu in kher a rual pol a tul lo ti kan awm a nih pawn mi mal ngaihdan ah ngai ta ila.Hmanlai ang a ni tawh lo tih hi pawm har kan ti tlat hi a mak riau a ni.Zu in a buaina siam zawng a khawsak hi a zahthlak a ni tih kan man em em in ka hria! Kan zu in puin a zir hian a ni duh khawp bawk.Tawp deuh i inpui chuan i tawp mai a, i inpui an chankan chuan i in changkangin i khawsak dan a mawi lo lem lo tlat a sin!Zuin thiam soceity ni tur chuan in thiam loh na atang a kan zir a ngai si, mahse kan ram ah a theih si loh! Kei chuan ZU hi sual ah ka ngai lo e.A tul hun a zir a in hi ka in thlahrung bawk hek in ka in ring lo!Hmeichhe care a na viau nang in, ka convince theih loh chu ka nei lo mai dawn a miang tih a ni ta e!
January 6th, 2008 at 11:16 pm
in neih zan a in tur te a lei khawl tawh an ti nih chu
January 7th, 2008 at 3:14 am
comments a ngaihnawm hle mai. Thinknice ngaihdan pawh hi thlirna kotlang dang atang chuan a dik hle mai. Pawm pawh a hahdam thlapin ka hria.. Midang ngaihdan te pawh hriat zel in beisei chungin..:)
January 7th, 2008 at 4:56 am
Lo inrawlh ve leh lawk ila…Zu hi chu sawi mawi chi a ni lo va, sawi chhiat chi pawh a ni chuang lo in ka hria, amah hrim hrim hi ngaihdan ka nei ve hranpa a, chuvang chuan ka hnimhnai duh lo, a hnimhnai ho pawh hi ka ngaihtuah thin khawp mai..
January 7th, 2008 at 11:04 am
zu chu khap chuan farkhat pawh awm lose, khap loh chuan kumtlingin intheih nise, tih hi ka ngaihdan a ni e
January 7th, 2008 at 2:52 pm
ZU HI ” thil ” A NI
January 7th, 2008 at 3:27 pm
kan thawh ve khang lang teh ang, a ziaktupan a thiam cher cher bawk a.
”Zu hi khap ai chuan a in dan thiam tura in zirtir chi zawk a ni lo maw?” tih te, ”Zu hi khap lovin, midangte tana harsatna siam zawnga ruih erawh hi chu KHAP BUR ni thung se”, tih te hi chu easier said than done case a ni. A sawi a awl hle a tih chu a har rap rap viau ang.
Thenkhat duh danin zu in thiam kan zir theih nan zu hi kawi tin mai ah han available ta ang ni se, kum engzat liam hunah nge kan zir hlawhtlin ang awww…a rei tlek tlek ang chuh. Kan zir chhunga zu vanga chhungkaw keh darh lo pung te, alcoholics lo pung te, teenage pegnancy te, zu vanga Pathian thu thlahthlamna te, health tlak chhiat phahna te, chhungkaw budget ti chhe vek khawpa pawisa hman ral etc etc…heng problem te hi kan face duh tak tak em? Are these prices worth paying? Zu tello pawn heng problem te chu a awm tho ti an awm ang….a dik khawp….mahse, zu zalen taka a lenna ah phei chuan a va nasa dawn em…
zu hi kei chu tuilo ka ti lutuk a, awm mahse ka in peih thlot lo. A ai tui in tur a tam em mai. *light bulb flashing* E!!! ka hre ta…hawh u, zu hi tui lo ti vek mai ang u
January 7th, 2008 at 7:33 pm
zu hi chu thil a ni a…..!kei chu sawi tur pawh ka nei ve lo….a kha si…tui lo em mai…ka in duh leusssssssssssssss local phei hi chuuuuu
January 7th, 2008 at 8:12 pm
blackmagicwoman hi i thu a hriam in a tlang thei bawk a ka lawm khop mai che a, han ti ila Nula thankin pui tawh, lukham hnuai a light dah chin, chhungte rawn lo a mikhual ar lo talhsak ngam chin hi i lo ni roh ang tih erawh ka hlau viau tho mai! Zoram ah chuan in thiam ni a awm lo ang, kei poh in thiam viau a ka in ngai chung in ka che chhe ve leh zauh thin.Mahse ka chet sual lohna erawh a rei ta fu in ka hria!Kristian ram kan nih ang in khap poh a mawi e, a chhan chu kan in thiam tlat lo!Thiam chu awm mahse.Mahse kei zawng sual ah ka ngai lo.Office bang hah lai tak mai a, scotch whiskey vawt raih mai han in te hian kan thawl sung sung mai a ni.Tin in than chuan ka ah hian a thlum veng veng mai a sin!Chutah chaw ei a TUI LOH LAI TAK HAN NI ZUi se chaw lak hi a tha duh a nia!~ Inkhel a State dang a kan kal pon tlai ah kan in a, zing ah excer kan la a, thlan ah kan ti chhuak a, a poi na a lang lem lo!Zu tha ngat phei hi chu a thlum hian athlum veng veng mai a sin!he tia tih vang a ze heh nih erawh ka duh lo e…….
January 7th, 2008 at 8:42 pm
@ thinknice. nula ni lovin nu, lukham hnuaia torchlight dan chin ka ni e!
I bike an lo man chu a va pawi ve aw… i tui tih em em scotch whisky vot raih mai chu han in khalh la, i rilru a hahdam sawt mai thei a sin!
January 8th, 2008 at 12:43 am
Pi BMW han tarlan tak te hi ngaihtuahna ti sei thei tak a tling a. Kan innghahna laimu ber pawh niin alang. Amaherawhchu, hei hi reality ah kan hlawkpui tak zet em? State pawnah Ruihhlo zingah Zu a lo tel ve tawh si lo va, kan buai ta thin em aw tih te pawh ngaihtuah tel a tha mai thei. Amaherawhchu kotlang dang atanga thlirin a dik bon top pi bmw ziah pawh hi..
January 8th, 2008 at 1:00 am
Zu chanchin in sawi,malaria nge hlauhawm zularia? Amah L.Keivom sawi dan takin..’zu hi kan in thiam a,kan ruih thiam a,kan sum in a tlin a,kan hriselna in a tlin bawk chuan a sualna a awm lo’ a tih ang chiah hi niin ka hre ve a!Zu hi ten tum ngawt mah ila,a tenawm loh nasa si a.’keimah’ sawi ang hian,zu chu kan in thiam nasa,a in chin tawk kan hre lo mai mai a ni.Nia…in sawi angin,a in chin tawk hi bithliah ta ila,emaw….aaa…..kan engemaw vel vek…sawi peih lo!
January 8th, 2008 at 1:19 am
Zu chungchangah hi chuan ‘Ngaihdan a tam, pawm dan a tam’ tih hla ang deuh khan engtikah mah kan inthurual thap lo vang. A thatna leh that lohna chungchanga inhnial luih2 ngai thil reng2 hian thil fello eng emaw tak chu a keng tel chawk a ni tih erawh a chiang.
Mi tamtakin zu an in chhan leh society tana zu-in harsatna a thlenna chhan lian ber chu ‘ruih theih’ a nihna lai tak hi niin a lang. Zu hi ka lo in ve tawh thin. Ka in thin nachhan tam ber chu ‘ruih’ leh ‘tihdanglama awm’ duhna avang a ni. Chu chu mi tam ber inchhan pawh a ni. Squash, juice, cola drinks in avagin miin buaina a siam ngai em? Heng thil in avang hian chhungkua leh khawtlang nun a ralmuan loh phahin crime rate a san phah em? Ruih theih ni lo thil dang in chiah te hian in thiam leh thiam loh chungchangah kan inhnial ngai em? A chhanna chu kan hria.
A nih leh zu hi? British Crime Survey chhut danin kum 1999 chhung khan zu kaihhnawih avanga tharum thawhna vawi 1.2 million a thleng a. U.S. Department of Justice Report on Alcohol and Crime atanga a lan danin kum 1996 chhunga tharum thawhna thubuai 40% chu zu vang a ni bawk. US general hospitals a damlo enkawl 25%-40% hi zu kaihhnawih natna avanga awm an ni a. Zu kaihhnawih harsatna chi hrang hrang avngin US-ah chuan kum tin $175.9 billion vel sen ral thin nia chhut a ni bawk. Zu hi amah mai hian sual a ni lo a ni mai thei. Mihringa a hnathawh chak tak erawh chuan mi tamtak sualah a hruai lut mek zawng a nih hi.
A tawk hria leh mahni in disciplined thiam tak chunga in te ka sawisel hran lo. Amaherawhchu ka duhsak tak te leh ka hmangaih takte chu zu in tur kher hi chuan thurawn ka pe hauh lo vang. Zu avanga harsatna chi hrang hrang avang te hian Zu hian khuahkhirhtu a mamawh a, a in thinte paw’n midang tana harsatna siam lo tura zirtirtu an mamawh. Kan society ngun taka thlirin zu hi kan khap rem thei lo a nih pawhin thlah zalen mai hi chu kan zo lo niah ka ngai a kan thatpui sawt na tur ka la hmu thiam mai rih lo Ta duah mai a…
January 8th, 2008 at 1:39 am
A thukin a va sang leh pek em pu adelfos han tarlan chu.. Survey hrang hrangte a han tarlan tawh chuan hnialtu nih pawh a inthlahrun awm mai dawn zu nia.. Heng a han tarlan tang hian zawhna a lo chhuak veleh a.. Zu khap a nih avangin a in ten an nghei phah em? Zu khap a nih avangin Zu manah Mizopa sum hmanral hi engzatnge ni ang? Zu avanga damlo leh hrisello te hi Zu khap a nih avangin an dam phah em? etc.. Zu khap a nih laiin officer leh milian ten an lei thei reng tho em ni kha? Zu tha chi leh ual-au taka siam te khap a nih rualin khap a nih avanga a ruk a rala in thinte taksaa zu chhe hnathawh hi a rapthlak fo lo maw? America leh UK ah te hian Zu khap se, a tlem phah ang em? Zu vanga buaina a tlem phah sawt ang em? etc.. te pawh hi zawhna chhuanlam ho te te phei chu a ni mai thei a, ngaihtuahna titamtu erawh a niin ka hria.
Zu in mi chuan khap a nih avangin a nghei chuang lo va, leina tur a hre tho a, Shillong vela Rs.100 man lek Mizoramah Rs.700 vela an han lei thin te hi chu State sum lakuh tlem teh lul nen a uiawm deuh lo maw..
Heng a chunga mi te hi mithiamte han chhang thei ula, kan that tlan pui nan..
January 8th, 2008 at 2:59 am
Pu Zorun, this is one of the best posts I have read in misual..ka buai rih emai a, ka hman veleh ka comment ka lo ziak dawn nia….great post…
January 8th, 2008 at 3:00 am
A Topic in zir bok a,ngoih liam mai ka tum a ka thei hauh lo mai..;)
Zu hi cu a in tu a zir a nihna lai hi tam in ka hria…A in tu azirin ruih dan poh a in ang lo hlom hle thrin.Zu ruih toh a phone call siam ringot a buai char2 te,flirt ringot ngaihtuah te,insual ringot lo tum tok te,threnkhat lam(dance)chak tlat te,lunglen lama kal tlat te,trah chhuak tlat te..ka soi kim vek seng lo..a thoh dan hi a in ang lo thei hle thrin ni top mai.
Ka soi tum tak zok cu pi BMW thu ziah zinga mi ”chhungkaw budget ti chhe vek khawpa pawisa hman ral etc etc…”khi a dik ka ti khop mai..poisa hek duh em mai..Beer man lah cu a to ang tolh tolh a..
January 8th, 2008 at 3:01 am
:)))
January 8th, 2008 at 3:43 am
Ka pu Zorun, i post #19 hi kam hnih khat lekin ka han chhang ve teh ang:
Zu in leh in loh chung chang hi chu khap leh khap loh lam ni lovin, thinlung lama duhthlannaah a in nghat. Amaherawhchu, khap anih avang erawh chuan zu supply a lo tlem nge nge a, a in thinten an in tlem phah lo thei lo. Nghei leh nghel loh erawh chu mimal duhthlannaah a innghat.
Zu khap avanga Mizopa sum sen ral aiin khap loh ni ta se sum sen ral a tam fe zawkin ka ring. Zu avanga natna nei ten zu khap hi an dam phah lo mai thei, mahse mi tam tak nunna erawh chu pawhseisakin an awm ang tih a rinawm.
Zu khap avanga zu chhe in phah leh tawrh phah hi chu zu ngawl vei ho zinga thleng chauh a ni tlang pui. Mipui mimir tan harsatna a ni lem lo. Thil kan chhut hmaih fo chu hei hi a ni: Zu khap a nih avanga thangthar lo awm zelte zinga zu vanga harsatna nei tur tam takten an neih loh phah tih hi kan hriat a pawimawh lutuk.
Sap ram UK leh America velah chuan zu hi khap se khap suh se a danglamna a tam lo vang. An nunzia leh an economics dinhmunin a zir em!
Zu khap avanga mi thenkhatin to zawka zu a lei phah hian Mizoram budget a sut hek ai mahin, zu khap avanga kan ram sum leh pai kan save hi a tam fe zawkin ka ring.
Finally, zu khap avanga khawtlang, chhungkua leh mimal nun lo zalen ta leh kan khawlai vela zu rui insual bung bung hmuh tur awm ta lo te, chhungkuaa ‘thleng thlawk thei’ buaina ang chi lo tlem ta te…heng zawng zawng hi suma lei theih loh, a hlutzia suma chhut phak loh vek an ni e.
Finally tak tak: Zu hi ‘thil’ a ni satliah lo va, a in thinte bawiha siam thin ‘MASTER’ nunrawng tak, a bawihte nuihzatbura siama thih thlenga sawisa zui thin a ni!
January 8th, 2008 at 8:46 am
Chiam chiam a, chuti em emin zu hian “a bawihte nuihzatbura siama thih thlenga sawisa zui thin” ni sela American, Canadians, Europeans, Japanese, Korean, Australian zu in ho hi nuihzatbur tur an va tam awm ve ? Zu nghei ho Saudi Arabians, Iranians, Yemenis, Pakistanis te an lang tha dawn si a !
“Sap ram UK leh America velah chuan zu hi khap se khap suh se a danglamna a tam lo vang. An nunzia leh an economics dinhmunin a zir em!”
Zu in thei turin per capita income engzatchiah nge ngai ang le ?
Mizote hi zu in ve tlak lova insawi kan tum tlat hi…
January 8th, 2008 at 10:27 am
@keimah, i sawi dik ang reng hle mai. Hetiang hian zawhna lo siam leh ta ila. Shillongah chuan zu a free hle a. Zu avangin mizote aiin an buai nasa bik chuang em? tun dinmunah pawh? Chutiang zelin phai ram zawng zawngah Zu an khap ve chuang lo va, an buai phah em? Mizoramah khap a ni chung pawhin buaina a awm reng tho si a. Zu man erawh a sang nasa mai si a..te ka tia..:)
January 8th, 2008 at 2:08 pm
‘police ten zu an in…Home Guard thau a tra..CRP ngal a sang’ - adelfos (1977-till date)
sipai te hi enga tinge maw sawrkar hian zu te a pek ni?? Ram leh hnam chhan tu te an nih hmel sia!!
January 8th, 2008 at 5:15 pm
mafel ka nau duhtak engte i ngaih dan ni ve le! kei chuan ka in ngai lova ,ngaih dan nghet tak nei lo mah ila zu in pawha ruih kher tum loh a , a tawkchin hriat apawimawh ka ti. dik i ti em jules!
January 8th, 2008 at 6:47 pm
Mak hle mai, he thu ka post tur zet chuh! Vawithum lai mai a bul atang a ziah that a ngaih chu le!!!
Mihring mize dik tak lo lan na pakhat chu zu hi a ni tlat mai!Mihring hi tia kan awm mai mai hi chuan zep kan ngah duh in kan mize diktak hmuh a har thin khop mai.Nimahsela mi in zu a in a a ruih tawh vaih chuan a tum loh thleng thleng a sawiin a ti mai thin.A hnu a in chhirna tur thleng pawn.Kan rilru a kan pai ruk khiau kan sawi mai mai ngam loh te kan sawi thin in kan mize dik tak kan pholang leh mai thin.Nimahse hei hi kan mize dik tak kan nihna dik tak chu a ni lawi si! Kei chuan mihring sual fa kan nihna dik tak ka ti mai thin.A kil khawr tak a mihring mize hriatna a ni tlat.
Zu in thiam kan sawi fo mai.Inthiam an awm lo kan ti maw? I in en chiang ang u. Kan ram ah mihausa leh thil ti thei tan zu hmuh ahar lo in an in reng kan ti fo mai.A dik reng an in miau ani.Ni mahsela heng kan Politician leh Officer ho zu in ni a kan hriat te hi an rui buai in hriat tur khawp a lang in an awm ngai em aw? Kan hmu ngai em, rui mawi lo tak a an khawsak hi! Vang tak a ni,za a panga poh hmuh har tak tur ni in ka hre thin.Mahse an in tih erawh kan hai miah lo! Hemi te hi a nih leh zu in thiam an ni kan ti thei angem?
Zu avang a buaina a chhuah reng reng a in hnamhnawih ho hi han en thin ila a chiang mai lo maw aw?Mi ram ah chuan zu in mi ho kan en chuan mahni thawhchhuah a zu in a bik tak in hnathawk ho an ni duh khawp mai.Hnathawh zawh ah chhawl hal tih reh nan leh rest nan a hmang an ni fur thin in ka hre tlat bawk. Mut a hun em em a hah vang a mut theih si loh a zu han in a mut mai te hi taksa tan a tha zawk ka tan chuan.
Shillong kan sawi ta sa sa, i han sawi zui teh ang.Anthony,s ah khan ka lo awm ve hrep tawh mai a.Zu in sual hmuh tur an vang khawp.Hei hi mak i ti lo ang u.Zu in tamna kan ram,mahse khap a nih hma hmun lai a kan ram a in sual hmuh tur an tam thin na hi hre reng ta ila.Zu dawr hawn hun an nei a, zan ah tlai tak a chhuah phal a ni bawk lo.Hei hi a effective khawp mai!Hawn hun nei a khar hun neih miau chuan a duh a te chuan a black in an lei mai! Chung ho erawh a duh a duh tak tak an ni duh mai thei!Zu that leh that loh ka sawi a ni lo.Thil nihphung leh keima ngaihdan ka sawi a ni e. A tha ti chuan lungawi tak a in mai tur, a tha ti lo chuan mahni tan a tha ber ahria a i hnamhnawih loh mai tur.But let us remember, this will always be an on going critics which will never ends, both the good side and the bad side!!!!
January 8th, 2008 at 9:57 pm
Pu Zorun (Pu ka ti na, ka hre chiang lo Pu nge TV?) nge nge post tha thei khop mai. Hemi chung chang hi hman a tanga ka vei ve tawh a nia, ka ngaihdan kan sawi ve duah teh ang.
Zu kan khap a, khap chung in a rem tak tak theih tak si lovah chuan, thianghlim tawk lo in zu kan bilh a, a ruk a rala thil ti ta na na na chu, Damdawi te an telh thin ni awm angin an sawi a, hei hian kan zu ruih hi damdawi rui tel ang in min siam vang leh burma lam product bi-i an tih vang hian kan rui buai thin a ni thei a ngem le?
Nia, Zu in mi, Zu rui tawh hrim hrim chu kan en dan leh hmuh dan a dang vek a, chhungkaw pa thiam taka in mahni in chhung ah chhungkaw hriatpuina a in, khawtlang ah YMA etc vel a in hmang tak tak te pawh an awm nual a, tin kan Ex-Minister ah te pawh an awm a, heng te poh hi mi sawi dan hmang a tang chuan an hmu khawlova sualah an ngai hle ringawt te hi ngaihtuah na a ti thui thin.
Kan peih rei ka ring lo. A tam in min han tam hneh hrim se a tir ah te chuan kan in thiam loh ngei ka ring mahse, rei a daih kher lovang. In dan tawk ka thiam vat ang.
Nia, a in dan thiam tura in zirtir hi a fuh ber ang. Tin, bar te lo awm ve ta pawh nise kum tling lo leh hmeichhia hi chu lei phalsak ni lo se, kan hmanlai pi pu te nun a lo bet tlat tawh thin a nih vang hian kan sorkar te pawh hian dan siam se a tha ngawt ang.
Hei ka ngaihtuah ve mai mai thin a, Zu zalenna rui mualpho an soi hi ka la hre fuh ve lo nge ni, tiang lam hawi zawnga thil an sawi hi ka la hre miah lo. Phai a awm ni lo zin vei vak thin te hi an rui mualpho a nih chuan thu dang. Mahse, ka hriat chinah chuan phaia awm zirlai te leh awm hrim hrim te hi, zu in thin pawh chutiang em em a rui mualpho khop an awm ka hre lo kei chuan. Mizoram lamah in reng poh a tam hneh em vang nge an in tha peih chuang lo.
Nia, kan zu lei na man hi tam tham tak a ni ang. Khap chunga a ruk a zawrh a nih vang hian kan YMA,SRS,JAC,VDP,EXCISE, etc.. te hian an man in an check thut thut thin bawk si a, chumi vang chuan a man an han ti to leh nghal a. Khap lo hian zu hi tha takin siam ve ta zawk ila, thawn chhuah kher ngai lo pawh in kan ram in tur bik hi chu kan intodelh ve thei ngei anga chu chuan sum tam tak, Pushpak vai ho kan pek thin hi a ti tlem deuh mahna.
A dik hle mai. Ni e, Kristian ramah zu rui buai an awm a khap a ngaih laiin, Kristian ram lovah zawk khap poh ngawi lovin zu rui buai an awm mang der si lo hi chu ngaihtuah a ngai khawp mai.
A enga pawh chu lo ni se, Zu hi kan buaipui nasa hle a, khap an ti chung hian rui leh ruih tur a awm reng tho si a, hei ai chuan Zu hi khap lo ila, mahse kan sorkar dan mumal takin siam se, khawlai rui buai hi man hmak hmak bawk se a that ber ka ring kei chuan. Ti chuan, damdawi hi a tlem deuh phah mahna. Sawi tur chu a tam mahse ka sawi seng lo.. ka type peih tawh rih lo.. Ka la sawi zawm leh mai thei a ni,..
January 8th, 2008 at 10:21 pm
Kan Mizo Society tan chuan khap hi kan la thatpui ber zawkin a rinawm.
January 8th, 2008 at 11:21 pm
Ekhai, Fistbone leh Thinknice te in ziak tha pap pap hle mai. Zu in ngai lo leh in duhlo te tan chuan Khap chu a thawventhlak hle ang a. Tin, a duhawm zawk fe ngei ang. Mahse, Keimahni chauh leh kan nundan ang vek hian midangte an nung lo va, a in duh leh mamawh te Rights kan ti khawlo a ni thei ang em? tih te pawh rilruah a lo lang a. Miin a duha, a thatpui a, a hlimpui a nih chuan a duhna chu kan ngaih pawimawh sak ve dawn lom ni? tih te pawh rilruah a lo lut a. Dam chhung reilo teah..:)
Chutih laiin midangte buaina siam sak leh midangte tana hnawksak theia awm thin leh kawhmawh bawl nana Zu hmanruaa hmang thinte erawh DAN khirh taka zama hman ni ngei ta zawk se.
Tin, Zu in thin leh rui thinte pawh In lo tura Force taka thunun tum ai chuan, an rilru ah zu in ngailo leh duhlohna lian tak an neih theih nana, kawng hrang hranga hmalakpui ni ta zawk se. Liluh tham Zu awmnaah pawh In duh miah lo leh in chak miah lo khawpa kan rilru lamah hnehtu kan neih theih nana kohhran leh khawtlang lama hmalak ni ta zawk se. Tichuan, khawiah pawh awmin Zu hlir awmna hmunah pawh zinin awm mah ila, kan ngaihtuah awm loh tawp ang. Tunah rih chuan by force tak meuhin Zu kan khap a, a in duhte thinlungah erawh kan khap chuan awmzia a nei thui chuang si lo a ni.
Hmanlai zawngin Mizo piputen Zu an in fo a, mahse buaina lian tak chawhchhuah nan an hmang lem lo tih kan sawi tawh angin, tunlai chhanah mihring changkang tawh zawk leh chhia leh tha pawh thlirhrang thiam tak tawh tan chuan Zu vanga buaina leh chhiatna chu pumpelh tura Zu power chu kan control thiam a hun tawh tak zet a ni. Chu control thiamna chu kan rilrua kan duhthlanna leh DAN a ni ber ang a.
Kum tlinglo chu zu lei leh in khapsak ni se. Lirthei khalhtu reng reng a rui tur a ni lo va, a rui palh a, man a nih chuan na taka hrem ni ta se. Tin, patling zu avanga nupui vel thin leh fate hrem chiam chin te pawh DAN hmangin na taka hrem ni ta se. A nupui a ma ngawt emaw kut a thlak ngawt emaw a nih phei chuan jail lama thawn thlak vang vang ni ta thin se. DAN chuan thlei bik nei hauh lo va, ro a rel ngat chuan Zu power chu DAN chuan nghet takin a phuar ang a. Fimkhur tak siin thiam takin kan in thei maiin a rinawm.
Engpawhnise, Khap bur hi kan thatpui zawk a nih chuan a tha em em. Kan thatpui lemlo a nih chuan systematic taka Zu sawngbawldan hi ennawn ni ta se, hma kan sawnna chikhat tha tak a ni ngei ang.
January 9th, 2008 at 12:28 pm
Topic thar haw ai chuan tah hian dah mai age:
==========
A dike.
- pekhluapa
kohhran chuansorkhar roelna ahchuan soitheih neiturpawh an nihvak lohlaisihian. zu khapchung changah pawhkhan kohhran nawrna vangliau liau in sorkharpawh inakhap anihsikha. Chuvang chuan anenghelh tak2 zu pohkhap tirburtura nawrthei tutean nihsihi. Chvangtak chuan sorkhar nawrtheitu annitiha chiang a
nilawmni. zu khapburtura sorkhar annawrna aianasa in anmirawih laitualthihna chuichhuak ngeiturin sorkhar karthei tuannih ang ngeiin hmalaturin nasaleh zualin hmalateh se
N.B
MNF HOCHUAN A NUPUI THAH AH KEUHTHLUK ANTUM DEUH VEK ANTI. TAKTAK NIMO!!!
=========
January 9th, 2008 at 3:47 pm
zu lampang hi chu ka tui a kan soi ve lok ang nge…zu chung chang ah hi chuan ngaihdan zau tak a om thei..zu hi ka heh ve a..thoh hma leh inhma ang chi hi ka ni ve thin..hmanni lok khan Pathian hming in ka nghei ta hmiah a ka vannei ka ti hle mai…Mizoram a zu kan sawngbawl dan ah hi chuan a khap bur ai hian thunun na dan tha tak kan mamawh zawk in ka hria..mizo phai a om ten zu kan heh em2 nachhan pakhat chu kan ram ah an khap tlat vang hi alom..vai ram a duh tok in tur kan hmuh hian in dan tok kan thiam lo thin a chhan chu in dan thiam tur in ka ram ah chuan an khap tlat alom…in dan thiam chuan a that e..mahse in dan thiam lo tan chuan engkim channa a ni top mai…
January 9th, 2008 at 5:52 pm
Nia, Chuvang chuan sorkar thar a ding a nih chuan khap lo hram tawh rawh se!!! A in mi kan awm hi.. Azl ah lak pushpak ah a to ropui si!!!
January 11th, 2008 at 11:34 pm
nia ZU hi chu a buai thlak a nih hi… sawi dan lah hi a tam tawh khop mai bawk si..zu in dan hi in zir tir chi pawh ni in ka hre lo..hei hi chu kei mah ni pianpui chhia leh tha hriat na hian A DUH CHUAN a thiam tir in a thiam tir lo thei ni in ka hria.. in lo chik ngai em? ZU in thiam lo leh ruih buai ching hi MI CHAPO TAK an ni duh chawk..Zu an ruih chiah khan an harh fim lai a an tih lan duh lo, an ‘chapona’ kha a rawn lang ta thin a ni….
January 14th, 2008 at 10:38 am
I Kor 6:11 ‘ruk hmangte emaw, mi duhamte emaw, zu ruih hmangte emaw, mi hau hmangte emaw, hleprute emawin Pathian ram an luah lo vang’
IKor 5:11 ‘Tunah erawh chuan tupawh, unau hming pu siin, inngaih hmang mi emaw, miduham emaw, milem be mi emaw, hauh hmang mi emaw, zu ruih hmang mi emaw, hlepru mi emaw ni sela, pawl lo turin inhnenah ka ziak a ni; mi chutiang hnenah chuan ei pawh ei lo turin’
I Peter 4:2-3 ‘chutichuan tun hnuah tisaa in la awm chhung zawngin mihring chakna lamahte awm tawh lovin, Pathian duhzawng lamah in awm tawh ang. Jentailte duhzawng tih nan leh hurnaah te, taksa chaknaah te, uain hehnaah te, zu hmun hlimnaah te, zu inhonaah te, milem biakna tenawm takah te awm nan tun hma kha a tawk tawh ang;’
January 14th, 2008 at 12:22 pm
Mizoram version 2008 AD
1 Kor 6.11 “ruk hmang te emaw, duhamte hleprute chu Synod kohhran hrang hrnagah chawimawi anni anga (MNF, MCP leh Congress mi annih chuan) ; zu ruih hmang leh mi hau hmang chuan Pathian ram an luah lovang (MNF, MCP leh Congress annih loh chuan).
1 Kor 5.11 Tunah erawh chuan tupaw unau hming pu siin, inngaih hmangmi (ref: Mizo hmeichhe sexy ber poll https://misual.life/2006/11/17/m.....-ber-poll/) mi duham (ref: vanlaleizoveka https://misual.life/2007/03/08/vanlaleizoveka/ ) milem be mi ( Mizo Idol nih tunge duh ? https://misual.life/2007/06/18/m.....u-nge-duh/ ) huah hmang emaw (ref; infurited CMZP https://misual.life/2007/08/02/i.....thorities/ ) zu ruih hmang emaw (ref Zu zunzam https://misual.life/2008/01/06/zu-zunzam/ ) helpru mi emaw (ref: MICLUN in eiru puang leh dawn https://misual.life/2007/10/15/m.....-leh-dawn/ )ni sela, Aizawlah an tam ang.
January 14th, 2008 at 8:22 pm
Lolzzz. ka va nui nasa em.. kanidari tarlan hi Baibula landan chu a ni a. Zu hi rui kher lova in dan thiam tur tihna a ni. A chhan chu Baibul ngeiah pawh Wine te chu an in tho si a, kan missionary te ngei pawhin zu an nghei bik lo va. Tirhkoh Puala chuan taksa a lo hrisel nan tlem tlema in turin min zir tir ve bawk a..
Putin erawh a thlawh nalh bon..kaikawp thiam khawp mai..:)
January 16th, 2008 at 2:16 pm
Zu hi sual a nih vang hrim2 lam ni lovin, Thlarau Thianghlima khat te leh Pathian fate chu Zu hmun hlimna ngaina mi an ni thei dawn em ni? Zu kan in duh a nih chuan in mai tur, thiam inchantir kher kan tum hi chuan thil sual tiah keimahni kan inngai zawk a ni fo. Mahni thu thu a ni, kan zu in lo ngai thei lo te ngaihtheihtir talh tum pawh a dik chuang lo, mi zu in vanga kan rinna kan lo ti derthawng ringawt a nih pawn kan dik chuang lo.
January 18th, 2008 at 5:11 pm
@kanidari; i ngaihdan a zahawm hle mai. A tha nangiang bawk. Mahse, inkhawm lur tur te, Zu in lo lur tur te, Kristian ni lui tur te, etc.. hi human rights atang chuan a diklo tawp mai a. Miin fundamental rights a nei a. Zu in ve loh avanga mi zu in ngaihmawh leh khap sak hmiah mai chu a dik ber ang em? miin a duha a in a, midang a tibuailo a nih chuan a rights a hmang a ni mai lovang maw? mahni inthiam chawp ngai a nih ai mahin, mahni thua in theihna Rights an neih zawka kha mihring an nihna kan pawmpuina zawk a ni a. Chutah tak chuan, a in mi leh inlo mi te, misual leh mi tha te kan intluktlanna a ni thei mai ang em?
January 18th, 2008 at 9:34 pm
Zu(Ka thriante chuan ‘Khawvel Tuihang’ an ti) hi,ni e,Human Rights lampang atranga kan thlir chuan miin a in duh phawt chuan in theihna Right chu a nei a,khami a Right neih kan va zahlohsak ringawt pawh kha thil dik chu a ni lo a.Chumi piah lamah chuan zurui ten buaina an siama,zuin lo te an tibuai a nih erawh chuan thil dik a ni lo ve thung.Ka hriat ve ngeiah pawh kan awmna hmunah pawh hnamdang ho nena buaina kan tawk ve zeuh zeuh tawh,a zahthlak thrin khawp mai.Heng kan buaina reng rengah hian a bulpui ber chu Zu hi a ni zel.Hnamdang tam takin mi threnkhat zurui hrat tak te avangin Mizo min hmu tuihnai lo an awm ve leh thrin,a zialo khawp mai.Zu chungchangah hian kan thriante pawh ka sawipui ve nual tawh a,kan ngaihdan a inanglo hlawm hle mai,chuvang chuan Mizo ang ho a thil kan tih khawm dawn paw’n Hunserh hi kan hmang ngai tawh lo.Keichuan hman pawh thra ka ti viau a,mahse threnkhatin “Zu rui chungin kan Pathian Zahawm tak hi kan bia ang maw? A teuh lo mai”,an ti si a..Keichuan ka rawn sawitum tak pakhat chu Mizoram lama zu khap leh khap loh chungchang ni loin,phai lama zu khap lohna hmuna awmte hian zu kan in duh a nih chuan hnamdang tena Mizo min hmuh chhiat kher loh nan fimkhur hi a thra ka ti khawp mai.Zu in tih avanga buaina siam tum tralh te hi mi puitlinglo zia a ni ngai.Zu in duh chuan mahni roomah,mahniin emaw thriante nen pawh nise,threnawm khawvengte tana hnawksak loin awm ila,buaina te siam loin,hlimtaka in mai kha thra ka tih ve dan a ni.Hetiang a nih hi chuan zu in hi a pawina em em ka hre lo….
A tawp berah chuan zu hi sual a ni lo kan ti thrin a,kei ngei paw’n sual a zuk nih bikna chu ka hre bik lo.Ama’rawh chu zu kan in duh chhan hi thil thra kan tih chak vang chu a ni lo treuh hlawmin ka ring.Zu hi a in duh chuan in rawh se,mahse zu in loh tluka thil thra hi chu a awm lo niin kei chuan ka hria..
January 18th, 2008 at 10:57 pm
Ni e.. Zu hi in dan tawk leh ruih dan tawk thiam tura in zirtir hi a practical zawk tawh a, phaiah leh hmun dangah Zu ruih te, Zu in te kan lo thiam zawk nan. State pawnah a zalen nasa tawh mai si a, kan in thiam lo va, kan rui thiam lo va.. Zu control zawk tur khan Zu a in control tir ta thin a ni.
January 18th, 2008 at 11:03 pm
An man hmak palh ang che a….
January 19th, 2008 at 1:47 am
Zu hi ka in thin…tunhma phei chuan ka in ve fu…tun hma kum lawk atang erawh kha chuan Friday zan ah beer(miller lite) 1 leh Chivas Regal(scotch) shot 1 ka in thin.
Engkim mai hi a lutuk a kan vei/tih chuan thatna lam aiin a chhe lam ah min hruai duh zawk. Mizoram ah pawh hian dawr hawn kha vei em em lo se chuan heti hian mipui in kan buaipui tawp lovang. Mizoram aia zu buaipui hi ram dang ah an awm kher lovang…zu kan in duh a, a dawr an hawng a…a duhlo ho in an vei lutuk a, an khar tir lui a… zu chhia a pung a, zu man a to tulh tulh bawk a, zu in ho in an vei em em a….
Kan thil vei reng reng a lutuk ( extreme) a nih chuan a tha ngai love. Zu dawr kha hawng leh se, Mizoram sitate hian income a nei ve deuh anga…titi ber ah inti Pathian thu ho in nei lo bawk se….dawr pakhat a ni ve mai ang…kal pah pawn kan en zui lovang a, kan rel chhe bawk hek tawh lovang. Mizo zia thalo ve tak pakhat chu….engthil pawh buaipui ila kan uchuak (extreme) tlat … Rumor kan thehdarh peih lutuk.
January 21st, 2008 at 8:25 am
Engpawh nise, ringtu tan (ringtu lo tan a ni ve lem lo!) chuan kan thil tih apiang hi Pathian ropuina atan ti thei zel ila, a tha, har chu a har khawp mai, mahse a tha. Chumi awmzia nia ka hriat chu, kan thil tih tur apiangte hi “Isuan a ti ve a ngem?” tiin mahni in zawt zel ila, Isuan a tih duh loh tura kan rin chu ti lo ve ila.
January 21st, 2008 at 9:33 am
Hmm. Do you people still think religous issues should determine state policy in Mizoram ?
January 21st, 2008 at 2:24 pm
Hei tak hi a nia kan ram kalphung dik theih lohna tak chu ni.. Engkim mai hi Kristianna emaw sakhuana nen emaw kalkawp tir kan tum a, kan minister leh ram hruaitute chu kohhran upa te an ni deuh vek hlawm a. Chu chuan eirukna te, diklohna te chu kohhranah a luh phah a, kohhran leh politic pawh a inpawlh phah ta nuk mai a nih hi.. Hei hi a nihdan tur a ni ngai lo va, berampu te leh ram hruaitute chu an kalkawp tur a ni lo va, an kalhrang hlak tur zawk a ni si a.
Mizoramah ngei pawh Isua ring lem lo mi tam tak an awm ve tho a. Zu in duh miah lo an tam em em laiin in duh an awm tam em em bawk a. A in duhlo te an tam zawk avanga a in duhte Rights hlih sak leh ngaihnepna hi kan thatpui ber em? tih te hi zawhna ni se. Miin tumah tibuai lo leh mahni taksa thatna tawka a in phawt chuan a RIGHTS chu kan zah sak dawn lawm ni? Chutiang bawkin a in lo mi te RIGHTs pawh a in thinten an zahsak tur a ni a. Ualau tak leh duhna hmun hmuna in theih leh Ruih ngawt chu a dik lo va, a in ve lo leh rui ve lo te RIGHTS a pawi sa lo a ni ve thei bawk ang chu? hei hi a in balance tawk thiam taka kalpui ni tawh se. Intluktlanna kan sawi fo hi he Zoramah zawi zawiin a lo thleng ngeiin ka ring.
January 21st, 2008 at 2:47 pm
Isua Krista ringtu tan ania kan han tihrik ve mai mai. Nia, kan tihrikna hmun a lo offside deuh a nia nge. Ring lo tu tan chuan thu chuang tlai leh chhiar kan tur a ni. Tu zu in mah inkhap thu a awm lo, tu zu zawrh mah inkhap thu a awm lo, RIGHTS neuh neuh nei vek kha kan ni a, SRS leh YMA te pawhin eng eng right emaw chu sawi tur hria hria an niang chu! Mipui tam berin a an duh dan lalna a ni a, a tha ber leh dik ber lalna ni hek lo le, Zu zawrh khap leh dodal duhtu mipui an tam ber chhung chu tiang hian a la kal zel dawn poh a niang chu. Zu zawrh phalna pe pe sawrkar lai eng ang pawh nise, an tlak zel chuan, thil tha pawh nise, kan politician te hian an ngam meuh a nge maw.
January 21st, 2008 at 3:18 pm
India ram hi Hindu ram tia ngaih a ni a. A tam ber pawh an ni. Bawngsa ei te hi min khap sak dawn se, mipui tam zawk (hindu) chuan hneh takin an remti ngei ang. Mahse, chu chu RIGHTs a ni lo va, kan ei duh zawng te, kan sakhua te, a lo inan vek loh avangin kan duh zawng theuh RIGHTs kha min zah sak avanga zalen ve taka awm thei kan ni. Chutianga mipui tam zawk zawk thua kan kal dawn a nih chuan Mizoramah chauh ni lo, India ramah ngei pawh minority ten chanvo kan nei ve dawn em ni? Chuvangin Mizoramah pawh minority te chanvo leh an rights te hi mipui tam zawk pawhin kan pawmpui a, kan ngaih pawimawh ve kha kan mihringpuite an nihna avangin kan duty a ni zawk lovang maw?
January 21st, 2008 at 3:21 pm
Keipawhin ti hian ka ti ve a ni, “Zu in ve fo, rui buai ngai lova ka awm hi Van lam malsawmna a ni.” [ref: comment No 2, last para].
Zu tuina pawh mang si lova a ruih theihna lai chauh pawh vanga in vak ho hi alawm buaithlak chu. Tui ti taka zu in thin ho hi chu an rui buai lo khawp asin.
January 21st, 2008 at 3:27 pm
@vbk: Keipawh ka ti. Zu ka in tir chuan ka tawngtai thin, ka rilru ah khan thil tha lo a thleng ka hlau tlat a.
Chuan Pub ka kal hmasak ber dawn awn ka tawngtai
Chuvang chu niang nikum khan vawi 2 chiah ka kal peih
January 21st, 2008 at 3:33 pm
@benjamin, nikum chhung chuan kei aiin pub vawi hnih chiahin i kal tam anih chu
“Kal man leh haw lehna man, a luh man zawng zawng nen ka tum vek ang che” tiin min rawn sawm ta se, kalpui turte a zirin ka la inngaihtuah fe ang…… pub kal kher hi chu ka englo then lohna lam a ni. Beer man a to an ti bok si.
January 21st, 2008 at 3:34 pm
Kal hma in in mai tur alom. A hmun chuan tlemte in tur
January 21st, 2008 at 3:37 pm
heheh, bena idea hi tha khawp mai. Kal hmain in ila, a hmunah chuan nokhat emaw bur khat emaw hi hum ve reng ila, a hriat miah loh ang..:)
January 21st, 2008 at 8:30 pm
Khaw pakhatah pawh hian pa pakhat hian a sen chi (whisky) hi a in ve a.. miin local rui emaw an ti leh tho ang tih kha a hlau khawp mai a.. a kalna a piangah, kawng min lo kian rawh u, a senchi rui ka nih hi aw, a ti zel e, an tia lom..:) Zu tak hi chu aw.)
January 21st, 2008 at 8:36 pm
Zorun : i zurui ka hmu chak…i ngaihthlak nuam birh berh reuh ngawt in ka ring
January 21st, 2008 at 8:37 pm
ngaihthlak nawm tih tur zawk ni awm tak a ni:D
January 21st, 2008 at 8:46 pm
hehehe, hotupa thin hi..ka rui ve ngai lo..:)
equal Rights atan ka han ti ri ve mai a nia..:)
January 27th, 2008 at 8:19 am
Mizoramah ni 24 zan atangin ruah a la cheng char char a, vawt tak a ni. Ai ruah ti dawn ila, a tlai tawh ang reng bawk si. Ka sawi duh zawk a chu, “ASENCHI KA IN CHAK”
August 29th, 2010 at 11:52 pm
Enchhin na
August 30th, 2010 at 3:36 am
Zu hi in a tha