Naupan laia thingtlang khuaa Krismas hman nuam ka tih na chhan ber pakhat chu Zo Chhang kha a ni thin. Krismas leh Zo Chhang hi chu a inhmeh ve thlawtin ka hria.
Krismas dawn karah buhban (Kawnglawng) an han pho tang a, an han deng fai a, chutah urlawk ni ah an han chiah a, tlai lamah chuan in tin deuh thawah chhang deng ri a inchhawn tluar tluar thin a nih kha!
An den zawh lamah naupang hovin a ‘mawng khak’ kan han hauh a, sum mawng atangin thing therin emaw kan han kher chhuak ngei a, hmai paw thawr khawpin kan han ei a, a hnu lawkah kawpuarin kan vawih leh dawm dawm dawn tih hre reng mah ila kan pawisa chuang lo!
Buhban den sawm chu zei tawkin nula emaw nu berin emaw thlangrain an han sawi darh darh a, chhangphut dip tha takah an han chhuah a, tlema a hraw deuh chu a ‘mawngmu’ atan an han dah a. Chhangphut chu tui nen an han hmet a, a fun tawk te tein ah han siam a, changel hnah ngei mai khan an han fun ta a ni.
Tichuan urlawk zanah ngei mai chuan in tinin chhang chu an chhum khu vut vut tawh mai a, naupang ho pawh chhang hmin hun chu nghakin kan meng fim kar hlawm mai thin chu a nih kha.
Chhang a han hmin chiah chu chhuat laiah an han thet a, kan han kil bial laih a, sa ti chung chungin kut zungchalin kan pir ta tliar tliar thin a nih kha! Kurtai an neih rem chan hlauh phei chuan a phurawm zual a, a tuk zingah a mawngmu fun ngei mai kha kan thet leh dawn… Sawi thui tawh lo mai ang.
Han sawi zawm ve tawh teh u…!
Similar Posts:
- Zu zuar veng min ti maw, vannei ka inti asin
- Pu Rokunga leh Krismas..
- Aw….Krismas
- Coffee Nite: Event of the Advent.
- Zo Chhangban
November 23rd, 2009 at 3:23 pm
CHHANGBAN kumin chu kan thar hnem bawka; chaw ei theilo lekin ei leh ila a ni mai. A tui chiang…vawksa nen han khahchilh ila…
[Report abuse]
November 23rd, 2009 at 3:33 pm
chhangban duhah chuan tuman min tlawm lovang. Christmass leh chhangban thar hunlai a inrual hi chu a fuh ve khawp mai.
[Report abuse]
November 23rd, 2009 at 3:34 pm
Tunlai chuan khawl an her tir daih zel a, a tuilo bikin ka hre tlat.
[Report abuse]
November 23rd, 2009 at 3:36 pm
ka ei chak mange chhangban chu
[Report abuse]
November 23rd, 2009 at 3:52 pm
@Pc-a, i sawi dik chiah. Khawla her chuan Suma den chu tluk lo tak a ni. Thing alh hmang ngeia ei rawngbawl leh Gas hmanga ei rawngbawl a in tui hleih ang vel hi niin ka hria.
[Report abuse]
November 23rd, 2009 at 3:59 pm
Chhangban hi chu thingtlang ho in lak sial ve na ania.
[Report abuse]
November 23rd, 2009 at 4:04 pm
Eitur kha kan lo va han nei tuilo thrin tak e aw, kan naupan lai khan, chhangban ei te kha kan nghakhlel thrin sia, aia tui tunlai chuan a tam toh e
[Report abuse]
November 23rd, 2009 at 4:07 pm
Ka mizopa ka-ah chuan vai chhang changkang tak tak ai chuan a la tui ber nge nge e! Mizo chhangban nge nge!!
[Report abuse]
November 23rd, 2009 at 4:16 pm
Chhangban hi vaiho chuan a lem hun an hre lo. Hrilh thei kan awm em? La la la
[Report abuse]
November 23rd, 2009 at 4:36 pm
Lung inti leng thei khawp mai, Krismas Chhang, Krismas Sa, krismas Thing fawm etc. etc.
kan naupan lai kha chuan thleng kan dawh thin a, a tuka thiante ho kianga kan dawhthlak te han show vel kha kan hlimpui thei phian.
Tunlai Pi BMW-i te Pi Irres-i te hian eng tak dawhthla ve thin tak ang mo
[Report abuse]
November 23rd, 2009 at 4:49 pm
Kani Sawii (ka pu u tunu of Lungleng) khan hetiang lamah chuan min duat thei khawp mai. A thi daih tawh si a, lung a tileng thin mange. Ka len deuh hnu te khan masi dawn hi chuan Lungleng ah ka zuk kal ngei anga, chhang te dengin kan in thumrawn thin (chhang den 3some lolzz sshhh). A lo nuam thin ngawt mai aw.
[Report abuse]
November 23rd, 2009 at 5:41 pm
Kha nu kha a awhawm mange.. Krismas eve a ni a, Zote chhang dawrah chuan cake ilo leiin ka lut a, nu pakhat milian nupui ni lo tih hriat reng, upa ve lam tawh hian chhang man te chu a rawn zawt ve den den a, a lei phak chi a ni lo tih a hre mai a.. chutah ‘chhangban fun khat leh kurtai ka lei tawh, a tawk tawh mai’ tiin lungawi hmel hliah hliah hian a kal ta a.
[Report abuse]
November 23rd, 2009 at 5:53 pm
@As_Khiangte
He nu lungawi deuh hi zawnchhuah dan a awm lo maw? Mi lungawi tak hi chibai keuh ka va duh ve ooo
Lungleng kurtai nen, chhangban nen chuan XMas hi chu ka tih ve ziah dan ania
[Report abuse]
November 23rd, 2009 at 5:59 pm
@mzvision, a hmel kha ka mitthlaah a la cham reng mai, mahse zawnchhuah rual a ni tawh lo ang,nikum hmasa kha a ni a, chanmari ah sawn.
[Report abuse]
November 23rd, 2009 at 10:57 pm
Chhangban ei lai pic han post tur in nei lo em ni?
[Report abuse]
November 23rd, 2009 at 11:04 pm
Kan naupan lai chuan kan deng ve nasa thin, a mawngkhak han ziah fai te kha a va hlimawm thei tak. Tunah chuan bazar-a an zawrh lei a ni tawh mai, a den dipsate pawh hi an zuar ta zel a. Bazara zawrh chhangban fun te hi a va te thei tawh tak, hnah hlai deuhin chhangban ben phek te reuhte an fun a ni ber.
[Report abuse]
November 24th, 2009 at 7:42 am
naupan lai krismas ah chuan, hmeichhia mipa sawi lovin hlimtak leh inngeih taka zana pawnto kha nuam ka ti ber.
[Report abuse]
November 24th, 2009 at 10:56 am
champhai bazar ni a kal nawm ve-na chhan te -
1. uisa duh tan, a part kim in khai khat Rs 100/- a lei tur a awm ziah.
2. Sanghal sa lei tur a awm (…zeuh zeuh… he he..)
3. Sakhi sa lei tur a awm (…zeuh zeuh… he he..)
4.
5.
6.
7.CHHANGBAN, thingpui dawrah ei tur a awm ziah…
[Report abuse]