Zosanga hi mi hlim thei tak a ni thîn. A naupan lai pawh pa tel lova nu awmtleiah chuan naupang harhvâng tak a ni bawk a. Mahse, vànduaithlâk takin khawsikpuiin a na ta vak a, inenkawl tura hmunpui lam an pannaah motor chesualah a nunna a chân thelh nghe nghe. He an chêtsualnaah hian a awbâwm chu sawhchhiain a tawng thei zui ta lo va, a tawng tam berah pawh a ‘ak’ nawk nawk thîn. Chu chu naupang lawm a tling tâwk em em bawk.
A khawsikpui hnu chuan dam chhuak leh mah se, a mit chu pângngai thei tawh lovin a kalh ta a. Chuta tang chuan thian pawh kâwm ngam tawh lovin inah a tawm ngawt ngawt mai a ni. A nun chu thimin a tuam vêl a ni ber. Chutih lai akârah a nu neihchhun chuan boralsanin harsa takin a nutei te bulah a khawsa a. Tawngtheilo leh mitkalh satliah chu a nutei te chhûng paw’n an làwm bîk hauh lo. Chutah chuan rethei takin a khawsa a, tlangvâl azawngah chuan a dinhmun chu a awhawm loh ber hial àwm e.
A nun chu hrehawmnaa khat emaw tih tur a ni. Kum 25 mi a nih laiin vànduaithlâk takin natna enkawl dam har tak mai, TB a vei leh hlauh mai a. A chhûngte chuan damdawiinah dah pawh tum lèm lovin inah an dah tawp a, an hna an thawhsan mai thîn. A tâwpah phei chuan a taksa a chhiat ém avângin an thenawm hnaivaite chuan a chhûngte phalnain Aizawl-a TB Hospital-ah an hruai ta rãwih a. Chutah chuan theihtáwpin doctor-te’n tihdam tumin lo bei mah se, natna hrik chu a taksaa a tai darh nasat tawh ém avângin a tha chak lo hle.
Damdawiina dahtute lah chuan an awmpui reng thei bîk si lo. Nakinah phei chuan a bula damlo leh a kantu te, a awmpuitu te leh amah enkawltu doctor leh nurse te chu khawvêla a mihring hmuh theihte an lo ni ta mai a. Chu’ngho chuan a damdawi man turte chu thawhkhâwmin an pe thîn. TB damdawite hi a man a to ém avângin chu’ng an thil pêkte chu làwmawm viau mah se, a beitham hle a ni.
Heti ang em ema retheia a awmchhan chu amah siamtu nia ngaiin a dem hial a, nun hlimna chu a tân a hlat hian a hla vawng vawng a ni. Siamtu a mawhchhiat a, theih phei sela chu aw ring taka auva mawhchhiat a nâp thîn; mahse, chu tal pawh a thei si lo.
Chutiang chuan krismas pawh tumhnih a hmang ve ta. Krismas a lo thlen hian a lungngaih a zual thîn. A bula damlo awmte chu an inthlâk zut zut a, a tân erawh a in a ni thung si.
Krismas a lo hnai leh ta a. A rilru hrehawmna chuan hnai a rawn la leh tan ta. Rilru hah leh beidawng zeta a awm lai chuan urlâwk ni, tlai thimhlimah hian damdawiin tualah motor nalh zet chhûng atanga hmeichhia pakhat leh mipa panga lo chhuak a hmu a. A bula damlo dang rawn kan turah a lo ngai leh mai a, amahah thil danglam engmah a awm lo.
Mahse, chu’ngho chu a rin loh deuhvin nurse duty room-a an luh hnuin a awmna pindanah an rawn lût a, damlote hnênah chêng 1000 den den a rawn sem a. Ani chuan tihngaihna hre lo zetin a lo la mai a.
An chhuah hnuah chuan a inngaihtuah harh ta! Krismas thil pêk maw! Ngaihsaktu nei lo nia inhriaa beidawnga lungngai thîn chuan thil pêk a dawng a nih chu! A lâwmna chuan vàn a tawng hial ang. Kum eng emaw zât hnua a nuih leh hmasak ber a ni.
Hmanhmawh zetin thei leh thei lovin pâwnah a tlànchhuak a. Tûn hmaa naupangte hlimna a siamna thîn anga awma, ‘ak’ nawk nawk chungin thilpêk petute hnênah làwmna chibai a va bûk a. A mit atà chhuak thîn lungngaihna mittui chu làwmna mittui chuan a rawn thlâk ta!
Pathian-ah làwmna thar a hmu ta a. Chumi tlai atang chuan Thlarau Thianghlimin rawn chênchilhin hlim takin krismas a hmang ta a ni.
Similar Posts:
- Lâwm hle rawh!
- ‘A nu, retheite paw’n Krismas an hmang ve tho asin’
- Krismas Card
- Kan thiam theihloh thil pahnih
- Liverpool football fan club blog thar
December 30th, 2010 at 5:20 pm
A va rapthlak em! :lol:
Report this comment
December 30th, 2010 at 5:20 pm
E hee..
Report this comment
December 30th, 2010 at 5:22 pm
A lo ni maw
Report this comment
December 30th, 2010 at 5:33 pm
@ Post Tupa..tunah TB hospitalah chuan a la awm mek em.?
Report this comment
December 30th, 2010 at 5:58 pm
TuaiSial, i phuahchawp nge tak tak?
Report this comment
December 30th, 2010 at 6:02 pm
TuaiSial…. leh!!!
Report this comment
December 30th, 2010 at 6:13 pm
Tak tak nge I phuahchawp?
Report this comment
December 30th, 2010 at 6:15 pm
Zosanga ka hriat chu Vaivakawn, field kiang a awm, China varak (Mandaali – Champhai)pawh ngah thin tak a ni
Report this comment
December 30th, 2010 at 6:19 pm
Mi(sual).commers Charity sem hnatlang thawh hnihna/ ni 2-naa TB Hospital-a a thil tawn a nih hi! Misualte thawhlawm tling khawm avanga mi harsa tamtakte lawm hmel kha… Kan sawi bâng thei dawn lo zawng a lo ni e. Misual charity atana sum thawhtu leh thawh remchang lo, tawngkaa min phurpuitu zawng2te i lawm fô ang u.
Report this comment
December 30th, 2010 at 6:21 pm
phuah ni lo e, tak tak! Misualte thawhkhawm cheng 1000 dawng ta chanchin leh, a lawmna chungchang a nih khi…
Report this comment
December 30th, 2010 at 6:30 pm
kawlhawk sawifiah zarah ka chhiar ngaihnawm leh ta si
… ka chhiar tha leh uluk zawkin 
Report this comment
December 30th, 2010 at 6:33 pm
A va ropui em!
Report this comment
December 30th, 2010 at 6:46 pm
A lo nihkhi maw le lainatawm hle mai a
Report this comment
December 30th, 2010 at 6:54 pm
Thinlung a va dek ngaih ngaih ve.
Report this comment
December 30th, 2010 at 7:03 pm
Tuaisiala chu post tha hle mai.
Report this comment
December 30th, 2010 at 7:07 pm
@Samuel: Ka lawm e.
Report this comment
December 30th, 2010 at 7:25 pm
den rem2 khawp mai.. :evil:
Report this comment
December 30th, 2010 at 7:28 pm
Ka chhiar leh a, va “touching” ve le, Charity sem pics ho ka va en leh phah
Report this comment
December 30th, 2010 at 7:35 pm
Report pe thiam hle mai..Pu TuaiSialA chu..
A va lawmawm in a va ropui ve le.
Report this comment
December 30th, 2010 at 8:11 pm
cheng makta tam sang tam nei ila sem ila, a va han nuamin a van hlimawm dawn tak em!! keep it up @ all
Report this comment
December 30th, 2010 at 10:31 pm
KRISMAS TAK ZET a ni e
Report this comment
December 30th, 2010 at 11:27 pm
A va han vanduai ve le.
Report this comment
December 30th, 2010 at 11:33 pm
I va ziakthiam ve aw,ka fak hle mai che. Hei ia a sei pawh in rawn ziak mah la ka chhiarchhuak ngei ang.
Report this comment
December 30th, 2010 at 11:46 pm
Touching.
Report this comment
December 30th, 2010 at 11:49 pm
In duh2 ka duh
Report this comment
December 31st, 2010 at 12:02 am
Kha maw ‘Charity hi Pathian malsawm ram rim a ni” ka tih reng kha. (han ti tlai khawhnu ve te’ng).
Tawngtheilo te pawhin ngawi rengin thu tam tak an sawi daih mai ania.
Report this comment
December 31st, 2010 at 12:53 am
Ava ropui em! Kan vanneih zia tichiang thar tu a ni…ka hnuk a ulh teuh mai…Pathianin awmpuiin kaihruai zel se tih hi ka tawngtaina ani e.
Report this comment
December 31st, 2010 at 8:47 am
Ava rapthlak em!
Report this comment