1. Kawngpui dunga kuang zawn nikhua hian motor thenkhat hi chu tha deuh in kawng sirah an ding mai a, thenkhat muang deuh talin an kal hram a, thenkhatin hnung lam atangin min lehpel bawk a. Kha pa kha chu a che mawi ka ti khawp mai. Kawng sirah a ding vat a,a motor (gypsy) khalh lai atrang chuan a chhuk a, a kut hma lamah suihin lu kun ngaih hian a ding ta a. Khatiang taka ti kha ka la hmu ngai lo a, a che mawi ka ti ngei mai.
2. Zing karah lehkha ka sem dun dun a, in pakhatah chuan an awmpui nula hian bathlar a lo phiat a, “Hei mami i pu te lo pe rawh” tiin kan pe mai a, a ni chuan, “Ka laklawh em mai ka kut vei lamin ka lo dawng mai ange aw, min lo hrethiam rawh” a ti ta reuh a, a nui seng, ka ngaisang reuh ngei mai.
3.Queens Ice Cream dawrah ka thianpa nen kan lut a, kan ei duh kan order fel chuan dawhkan kan kil ta a, chutih lai chuan Prof.L******a te nupa hi an inhnangfak zo an chhuak dawn chiah a, kan inbe luam a, counter a pawisa an pek zawh chuan an chhuak ta a. Kan ei zo ei man kan pe tur chu, “nichina mite khan an pek sak che u alawm” an ti ta mai a. Mite hi chu an va han bengvar bik thrin em.
Hetiang hi thawh khawm liam liam ila.
:D
January 4th, 2010 at 5:25 pm
He thil post hian mimal takin min khawih tlats..hetiang hi ka veina a rei ve fu ta mai. Mizote’n school-ah leh chanchinbuah te pawh khawthlang ho paradigm in etiquette kan inzirtir nasa fu thin. Entirnan, hman deuh khan P.L Liandinga hian etiquette a ziak ka chhiar a, ka helh deuh tlat, a chhanchu, engatinge khawthlang ho norms ringawt hi tha a nih bik a…Mizo nunmawi tih laiah hian thilthar sawitur kan neih loh..
Nundan mawi hi culture dynamic tak chhunga awm a nih chuan, kan siam thar ve zel tur a ni. he thil post hian heihi a tilangin ka hria. Hetiang hian kan culture or tradition pawh kan siamrem zel thei a ni.
Thenkhat chuan, trul kan tih zawng leh trul lo kan tih zawng a inang lovang. Kan tihlan dan kawng inang lo mahse, midang te hamthatna emaw midang chunga ngilhneihna or dahpawimawhna lantirna chang kan la hria hi lawmin ka hria. Mahni remchan dan ang zela, hawihawm nachang kan hria hi a ropui ka ti. Hetiang rilru pu mi hi kan la awm zel a nih chuan, Mizo hnam hian hmalam hunah beisei tur kan nei niin ka hria….!!
[Report abuse]
January 4th, 2010 at 6:42 pm
Tawng dik hi khawi hmunah pawh preserve a ngai; Sapram leh sap an nih vanga saptawng dik hmang turah kan lo ngai ngawt ang e —a dik zir ve mek zel vek an ni. Thiam filawr tak tak hi chu awm zel mah se.
Awphawi dik bik pawh hi a awm mai thei, a eng ber hi nge awphawi dik ti pawhin ka hre seng tawh bik lo, awphawi chi hrang hrang, uar dan chi hrang hrang hi kan ngaihthlak tam ber a ni. Hriatthiam kim kan tum em em reng mai! Hriatthiam theih thlawt loh lah kan nei tho! Chuvang taka, “I’m sorry … please” tih pawh kan neih fo reng ni!
Toastmasters-ah pawh kan sappa ai chuan kan Juda-nu awphawi a mawi zawk! Kha daih zel kha! Philippines-ho he rama seiliante pawh an dikdak a dik khawp, he laia sap thenkhat ai pawhin … a mi a zir a ni zel mai!
Mi tihdana sawi ve hi a awl khawp, kei pawhin “Thank you so very much” ka ti ve ta ut mai!
[Report abuse]
January 4th, 2010 at 6:51 pm
A fahrah hle tak mai a
[Report abuse]
January 4th, 2010 at 8:30 pm
Pu As, i thu rawn chhawpchhuah hi thu fahrah a ni mawlh lo. A tha ka ti lutuk!
[Report abuse]
January 4th, 2010 at 9:40 pm
@kawlhawk: thank you. nang meuh in tha i tih chuan a lomom khp mai.
[Report abuse]
January 4th, 2010 at 10:29 pm
Thu fahrah te te kan buaipui lai hian Blue Moon hi December 2009 nge January 2010 mizoram atan hian :?: IST ang chuan december 2009 ani ngei mai mahse geographical time leh astronomically chuan january 2010 hi ani mai lo maw :?: funny a hre deuh tur lah hi a bo daih sia.
BLUE MOON Pics Courtesy XaiA
[Report abuse]
January 11th, 2010 at 2:50 pm
Mite chunga thil tha ti thei dinhmuna kan awm hi chuan kan phak tawk theuhin ti ila, an tana kan tihsak te an lawm a, a titu kan hlim bawk thin, in tihhmuh atana thil tha tak a ni
[Report abuse]