Immigration chu ram pakhat atanga ram danga inbengbel tura pemluh ti mai ila, kan hrethiam vek tho awm e. Chhan hrang hrang avang a ni thei ang a; political vang te, economical avang te, zirna leh hnathawhna avangte pawh a ni bawk ang chu. A chhan chu engpawh nise, ram danga pem (foreign) hi keini Mizote tan hian a tha nge a tha lo zawk tih lam hi i han sawiho dawn teh ang.
Ram danga pem hi a theih chuan a tha : Kan ram (abikin Mizoram) kan thlir hian kawng hrang hrangah kan changkanloh avangin ram changkang leh tha zawkah chuan kan pem tur a ni. Hei hi keimahni mai piahah kan tu leh fa te nakin hun zel kan ngaihtuah hian thil tha tak a ni. Ram tha zawk leh economics a sang zawk nge nge atang chuan sum leh pai pawhin kan chhungte kan tanpui thei zawk a, kan ram tan pawh kan tangkai mah zawk a ni. Khawvel ram ropui bera chhal ngam USA meuh pawh ‘Land of Immigrant” tih a ni a. Mahni ram chhung ngeia awm hi ram hmangaihna ber pawh a ni chuang lo. Chuvangin ram danga pem hi a theih chuan a pawi lo.
Pem kher a ngai lo: Pathian hian ram danga pem tur hian min siam chu a ni bik lo ang. Kan awmna ram theuhah hian taima taka hna kan thawh chuan kan eikhawp/chhungkua chawmna tur ang hi chu khawi hmunah pawh a dah a ni. Tin, ram hmangaih tak tak chuan pawn lam atang lovin, a chhung ngeiah hian siamthat hna hi thawh tur zawk a ni. Ram danga kan pem hian kan Sakhua leh Culture hian a tuar ngei ngei a, thlahte zelah phei chuan a bo theih hial reng a ni. Chuvangin tun dinhmunah chuan pem kher a tul lo ve.
Kan thlirna tizautu atan hengte hi rilruah awm tel thei se..
a) Kan ram tanpuina ngei (scholarship/loan or govt. sponsor) te in ram dangah lehkha kan zir a, chu chu ram tana hmang let lovin, keimahni tang hma avangin ram dangah kan thawk leh daih si a.
b) Sorkar hnathawk thin pension hnu-a ram hmangaih thar hluai an sawi fo te, ram an hmangaih tak tak a nih chuan an thatlai huna Politics hi luhchilh awm an tih fo hi.
c) Dawt muhlum hlak leh hekna hrang hrang (sawichhuah leh ngam loh hial) hmanga ram danga pem leh dik taka pemte thliar hrang thiam ila.
d) Mizote hian tahte tahpui ai chuan lawmte lawmpui tak tak hi kan harsat zawk(thil har tak a ni zawk) tih hi i hre bawk i la.
e) Initsikna leh tlukloh vanga sawichhiat leh rel hi thil awm thei a ni fo bawk.
f) Ram tha lehzuala pem hi tute pawhin an tum a ni ve tho em? Eng ang kawng (tactic/procedure) pawh hmang ila a sual/pawi lo ti tawkte pawh kan awm ang chu..
g) Mi personal a nia, kan sawi phak a awm hauh lo va; kan sawi phaklohna pawh a awm chuang lo.
Similar Posts:
- Mizoram tan nge ram dang tan?
- Mizo Thalaite an sakhawmi lo
- Rampawn atanga ram vei hi phal a ni lo a mi?
- YMCA Mizoram aiawh zu in
- ATM hmangtute tana fimkhur a tulna
NOI
May 4th, 2010 at 5:10 am
@shailendra:#26 a i sawi ang khi “in pawi fak” kan ti.
burma-ah chuan pawi(falam) ho hian an duh tih hlawhtlin nan leh an mi hlauh zawng lakah chuan, hmai chhanah mi an fak chiam zel.
“in pawi fak chu a chi loh vang aw” kan ti thin.
[Report abuse]
May 4th, 2010 at 5:23 am
bawmrang, Mizoram lamah pawh “in Pawi fak” tih tawngkam kan hmang tho alawm
[Report abuse]
May 4th, 2010 at 11:12 am
hlatekhua hi engtia hla nge niang aw??? Pemna tlak a ni angem? A IP add atang hian chuan Mosolman rim a nam tlat mai? Europe a hnaih viau bawk si a!
[Report abuse]
May 4th, 2010 at 11:54 pm
#53…i teh tanna hmun a zir a niang chu! Europe a hnaih viau lo asin (a ni a!).
[Report abuse]
May 5th, 2010 at 1:45 am
hlatekhua hi keipawh ka kal chak khawp mai. pem tak tak lovin. Lottery man hunah la zin ve tur ani
[Report abuse]
May 5th, 2010 at 3:11 am
helama kan tihdan hi sawlamah tihdan a lo dan chuan zawm keuh mai tur. Tunlai chu US pem lut an tam hem hem hle mai
[Report abuse]