Dt. 05 – 07. Oct. 2010 khan Young Men’s Christian Association (YMCA) conference Dimapur (Nagaland) – ah neih a ni a. He conference-ah hian North East State hrang hrang atangin Kristian te an fuan khawm a ni. Mahni hnam lam te leh thil chi hrang hrang te an entir hlawm a ni awm e.
He conference – ah hian Mizoram atang pawhin an hruaitu te hovin hmeichhia leh mipa mi engemawzat an tel ve a ni. He conference a kal ve ngei hnamdang ten min hrilh a, kan Mizo lam leh dress mawizia te, leh Mizo te kawm kan nawm zia hahipin an sawi a, Mizo nih a nuam khawp mai. Amaherawhchu a tawp zanah chuan zu rim nam, a bikin Mizote an hruaitute hovin an kat fur mai an ti a. Naga hruaitu te pawh an sawi tel. Doctor pakhat kal tel ve an sawi kha chuan a in lo an ti.
Tin, riah khawmna hmuna meizial zu mizo nula te chauh an awm an ti bawk. Meizial hi kristian thil tihna reng rengah abikin India ram chhungah chuan zuk ching hi an awm lo a tih theih a ni. Chuvangin meizial hi an ngaisual hle. Pandal kawta mei zu leh kuhva ei an hmuha mak an tih thute an sawi bawk. Thil dang zawng aia pawi ber mai chu, hruaitu ho a mizo zuin an awm kha a ni.
North East State ah chuan Mizote hi an chung en kan ni a. Mizo hmuh leh Mizorama kal hi mi tam takin an chak a ni. A bikin Kristian te phei chuan min ngaisang lehzual. Sawrkar programme pawh ni lo, Kristian programme ah lehnghal hetianga kan Mizo pui te state danga an khawsa anih chuan sim hmaka a tan a tha takzet a ni. He ka thu ziah hi mimal intih hmingchhiat tumna a ni lo a, tutenge kal pawh ka hre lo.
Ka Mizo Kristian rilru thahnemngaih na avangin ka han post ve mai a ni. Thil te sep dang dang pawh a awm, nula leh tlangval inkuah mai mai an awma, a mawi loh thu te nen lam kan sawi chuan a sei lutuk ang e. I duhtawk mai ang. Daily newspaper-a chhuah chi a ni em tih hi ka ngaihtuah mek a ni. A hmingchhiat thlak em mai. An chhungte in awm pheichuan lo zilh ula a lawmawm khawp ang.
Similar Posts:
- NE Games 2010 Tan A Ni Ta
- Fimkhur a tul (Breaking news lutuk lo, ni ve si)
- Meghalaya CM hnenah thlen
- Role of Editors in Human Trafficking
- Separate timezone for North East
October 20th, 2010 at 4:43 pm
Thanks jewel…n u all
Report this comment