mi(sual).com

-Robert Zoliana, The Zozam Times

Mi pawi a lo sawi palh a nih pawhin he hla chungchangah chuan ngaihdam dilna chhan tur ka hre lo: Mimi Renthlei

Nikum hmasa lam daih tawha a tihchhuah, ‘Lo hrethiam hrâm rawh aw’ music video hit tak mai, a thluk leh hla thu fuh em vanga Zoram dung leh vanga duhrawn a ni a, a satu Mimi Renthlei-i’n a sa lungrun thiam bawk si a, lar namen lovin a lar a nih kha. Chutih laiin, hla thu pakhat, ‘Fan ngai loh ram kan fan dun zan kha’ tih laia chu lo helh tawk leh hmu ‘thim’ deuh tlat an awm nual a, zai mite zing-ah pawh ngaihdan a phir nasa hle.

Heti zawk hian aw ni ang
Hemi chungchangah hian a vawikhatnan Mimi Renthlei chuan hetiang hian a ngaihdan tlang takin a sawi. “Hla phuahtute’n an mahni tawnhriat atangin emaw an chhungril (artistic mind) atanga lo chhuak an phuahchhuahna hla te hi duhsak taka min pek hi chuan ka zawt zui ngai lem lova, a tul ber emaw ni te pawh ka ti thin. Kei chuan an artistic side lam kha ka dah pawimawh zawkin ka hria.

“He lai hla thu hi a tirah pawh khan ka notice thova, amaherawhchu, hlaphuahtu ‘dream’ kha va tihchhiat sak ka tum chuang lo. Helai hi ’siam tha la, ti hian ti zawk la’ ka ti ngai lova, ka tihtur ni pawhin ka hre lo bawk. A ulh zawng te, a kawi zawng te, a thim zawnga lak dawn chuan sawi-selna tur leh helhna turte hi chu engah pawh hian a hmuh theih ka ring.

“He hla pawh hi a tum tak kan va hrechiang chuang lova, fan ngai loh ram an fan dunnaah hian ‘Wai wai te pawh an ei dun thei a, ‘Thei thur’ te pawh an ei dun thei tho bawk. Chutih laiin, sawiseltute hi an rilru zim vang emaw lak kawi duh vang hrim hrim a nih ka ring chuang lova, ngaihdan an nei a, pawm dan pawh an nei a, chu chu an sawi chhuak ni maiah ka ngai a, a zahawm ka ti,” tiin Mimi Renthlei hian a sawi.

Sak a him chiah em, Mimi?
Sak a him leh him loh chungchang pawh sawi nghalin, “Ka sa chu a nia, sak a him lohna emaw chi lohna em em pawh ka hre lo. Sawi tawh ang khan, hlaphuahtu chhungril leh a lo chhuahna bul kha ka ngaihtuah lo thei lo. A ngaihthlatute pawhin a thluk mawi zia leh fuh ziate an sawi ve fo thin a, a him lohna tur ka hre lova, mi pawi a lo sawi palh a nih pawhin hle hla chungchangah hi chuan ngaihdam dilna tur emaw ngaihdam dilna chhan tur ka hre lo,” tiin a sawi bawk.

Similar Posts:

• Coming Soon
• Mimi Renthlei “My Journey”
• Mimi Renthlei – Ka thlang tawh che
• JoJo-i’n Mizo mipuite chungah ngaihdam dil
• Mi chi 4 te, tu ber nge i nih ve?

Recent Posts:

• Nihawi Par
• Thiante u, enge in ngaih ve dan?
• Enge in ngaih ve dan le?
• Thih chhan
• VideoCacheView v1.81

This entry was posted on Tuesday, May 11th, 2010 at 7:33 am and is filed under Whatever. You can follow any responses to this entry through the RSS 2.0 feed. You can leave a response, or trackback from your own site.