Hei le, ka han puang law law teh ang. Kar hmasa lam khan Lunglei misual hovin MI neih kan rawt a, kan pu ber Muantea’n “Lungphang reng reng suh aw, Ka lo haw thuai dawn,” tih hla a sak tui luat vangin a Veto power hmangin kan thurel te min hnawl sak a, hmangaih berte lenna Zawlkhawpui panin “uih zawn ang vut vuta chak leh hmanhmawhin” min liam san hmiah mai. Kan thinrim ngam si lo, kan phun nawi nasa mai. Mahse hei, kan han relthlu leh ta mai chu a ni a, Veto power chu tuman an chelek tawh lo turah ngai phawt ang.
Lunglei lamah hian regular taka misual.com a lut thin, mahse thu leh hla lama intat lut duh reng reng lo ka hre nual a. Tunah comment lamah lang duh rih lo mahse heng ho hi nakinah chuan keini aia intitatu tur an la ni dawn tih kan hria a, kan beisei bawk. Lunglei misual te a theih ang ang kan inhui khawm hram hram a, chuti chung chuan inthup tlat pawh an la awm tho mahna. Mi tlemte, a phur zual kan awm a, engtin tin emaw kan inkawmngeih chho ta phian a. Tihian a “chawmal thlauh” zawng a MI neih kan rel thlu ta chu a nih hi.
A nawm leh nawm loh tur lam chu ka ngaihven vak lo. Vawksa leh Uisa a awm chuan a nuam a ni mai.A hnuaiah hian inhmelhriatna turin Lunglei misual chanchin tawi te, famkim lo zet ka han tar chhuak a, tlawmngaih chhuah takmeuh chungin min lo chhiar sak hram dawn nia.
Muantea:
“Ka hang na a ka hmeltha a nia” ti thin tu, Muantea hi Mizo pa ah chuan pa vantlang, khawkhat pa rawn kai chin, engtik lai pawha smart zaih a inchei thin mi a ni a. Pa a ni tawh nain a ‘nui seih’ tuarlo nula an awm fo. A hmel en aiin fiam a dawl zek a; fiam sual a awm thei meuh lo niawm tak a ni. ‘A tlangval lai ka lo tawng lo hi chu aw’…. ti ngawih ngawih an awm nual ka ring. Mizotawng a thiam hle a, chu ai mah chuan a saptawng thiam hi kan chhuang; a hnathawhna hmunah phei chuan a khualnek bera an hman a ni awm e. An nu a awm loh vang pawh ani mahna, kumin chu misual.com lamah a inhmang tam ta khawp mai.
Diktea_Pa:
Pa sa nghet, sam rawng kal lam ve deuh, enchian phei chuan pa rintlak hliah hliah hmelpu, Diktea’n “A pa, A pa” tia a koh thin hi, computer lama harsatna ka neih apianga ka rawn thin a ni. Pa tlawmngai thei tak anih vangin vawikhat te mah pawisa min la laksak lo. MI kan neih ni hian an nu in a chhuah a phalsak kan beisei hle a, tawngtai pui pawh a ngai hial mai thei…. Age of Empire II ah ka hneh miah lo, a mak khawp mai. A tawng tam lo na a, a kianga awm a nuam hle.
Ku Muanga:
Khabe sei, hnar lian leh tawk tak, biangki sang, hmuihmul zuah, phawi rang tak tur emaw kan ti mai thei. A ni hauh lo. Lunglei khawpuia computer thiam hmasa hmasa pawl, Ku Muanga hi pa titi thiam, mi rilru hneh theihna ruk riau nei, hmeltha leh nui mawi tak a ni a. Thinrim takin a dawrah lut pawh nila, lungawi taka nui var var chungin a dawrt i chhuahsan leh tho tho ang.
Kawnga:
“I naupanna tumahin ngainep suh se” tih kha Kawnga tana sawi emaw ni chu aw tih mai pawh a awl thin. Mizo pa ah chuan pa sang lam, ngo veh vawh, ‘thawmhnaw inhmeh loh nei lo’ an tih ang chi hi a ni a. Kawnga titi thiam zia leh ngaihnawm thin zia hi. Han titi pui chhin ula, belhchian a dawl zia in hmutam tulh tulh ang. Tawngkam mai a thiam a ni lova, a ziaka ziak ngat phei chu, a ne pawh ka ek phak lo ve. Nikon camera fak thiam hmingthang ani tih hi ka han beilh tel hram teh ang. A voice hi thlahrang film chan nan a awhawm khawp bawk.
Saitawk:
Lunglei tlangval, pa vantlang chunglam hret tur, khan sang lam, Saitawka hi kan Lunglei misual tlangval chhuanvawr, Lunglei nula te enthlak, tlangvalte entawn, Lunglei nu leh pa hovin makpa atana it tak chunga an thlir zui vawng vawng thin a ni a. “Chaw mangkhawng” pawh a ei tam thawkhat tawh viau awm e. An veng lamah han leng phei ila, ngaiteh….Saitawka hming kan lam rual rualin thingpui no a ri nghal rak rak zel mai maw le. A tawngkam thiam zia leh a titi na kar laka fiamthu zeh tel a thiam zia hi han belchiang turin kan MI na ah lo tel ve teh u.
Mama_B:
Mama_B hi misual member zingah chuan a palian ber in ka ring hial. A palen ang hu aiin a zaidam thluam roh asin. Zaithiam tak, music lamah pawh duailo tak a ni a, a guiter zut ri ngaihthlak a nuam kher mai. Mahni fanu kum 4 mi lek tana guiter perh tlak tak leisak ngat hi Mama_B tih loh hi chu ka la hre miah lo. Pa titi ngaihnawm, fiamthu duh tak Mama_B eisiam thiam zia hi MI hunah kan hre chiang dawn alawm. Dan pangaiin a nupuiin a chhuah phallo ang tih kan hlau khawp mai. MI zan ah guiter a zut ngei kan beisei.
Jinx:
Nula hleitling, pian nalh zeih zawih, en zawh hnu pawha en nawn leh ngai fo thin Jinx hi regular taka misual.com tlawhtu a ni a, hmanah chuan misual ah a comment tam thin a, tunah erawh a comment tha duh miah lo hi a mak kan ti, kan vui, kan lung a awi thei mawlh lo. A nelawm zia, a kianga awm a hahdamthlak zia, a saptawng thiam zia te sawi vak ngai lovin a takin inhmu thuai dawn e. Mizotawng aiin saptawng a thiam zawk a, saptawng aiin Chinese tawng a thiam nal zawk a. Thian atana duhawm, nupui atana duhthusam a ni.
Caribou:
Ve hlawl mai a. Min hmu apiangin “Caribou maw i nih a, a va mak ve, i inhmehlo eee…” an ti ziah hi chu ka inthlahrung lek lek thin. Kei, caribou, tette atanga seilian ngat hi, ka hang na a ka nalh a nia, tawngkam ka thiamlo na a mahni tawkah ka lung a awi a nia. Kei, mahni puala ngaihdan nei ve zo lo hi, ka thian te’n min bawl chang chuan ka nui vur vur thin. Tuihleuh chiah ka thiam a, MI hunah tuihleuh tur a awm hmel si lova, sir kil khatah ka thu ngawi reng mai dawn anih hmel.
Tlau, Sonju, etc:
An ni ho hi an puk chhung lamah an la tawmim rih tlat a, an lo chhuah hunah an chanchin kan la sawi ve ang.
Lunglei MI Programme:
A tlachawp vek ani mai. Thu ber an awm lo va, thulo ber tur pawh a hranpain kan inruat lem lo. Engkim a leng vek a, phal vek a ni, guiter nen a huhova zai dual dual erawh kan tum khawp mai.
Min telpui thei apiang kan welcome a, min tel pui thei lo te pawh kan thawm tal lo ngaithla turin kan beisei dawn che u a nia.
June 2nd, 2010 at 7:25 pm
kawlhawk hi a va reh rei ve!
[Report abuse]
June 2nd, 2010 at 7:32 pm
kawlhawka aia reh chu Zoram_Genesis-a hi… nge kawlhawk-a hi = Zoram_Genesis?
[Report abuse]
June 2nd, 2010 at 7:35 pm
Eu eu eu Goldmember! ????
[Report abuse]
June 2nd, 2010 at 7:45 pm
Pu gold, Hei ka awm e! Z_G hi famdairial a chang ta ani lo maw?
saitawk, Azl. Khawpui laili-ah nilenga gprs/ 3g work loh chu mawle! Muantea nen nichin maia kan inbiak laia a bula lo pawt zat zat kha i ni turah ka ngai ngawt a
[Report abuse]
June 2nd, 2010 at 7:59 pm
Kawlhawk, ka ni mai awm mang tak e! Zun kawng tha lo hi chu pahnih tan hian a pawi ve ve asin!
[Report abuse]
June 2nd, 2010 at 8:17 pm
Saitawk, Dik bon top!
[Report abuse]
June 2nd, 2010 at 8:25 pm
Kawlhawk, Advantage la a han MI san chi lah ni bawk silo, vil reng lah in han dawm/vawnpui chi a ni mang bawk silo! In tha leh thuai ang chu maw.
[Report abuse]
June 2nd, 2010 at 10:24 pm
In mu ta e lo ?
[Report abuse]
June 2nd, 2010 at 10:35 pm
La mu lo ve a…Kan la meng tan dawn chauh alawm.
[Report abuse]
June 2nd, 2010 at 10:38 pm
Ku shai mu love..vawiin tlai kan MI preview chu 7pm kan thleng rawk alawm!! Saitawk leh Ku Muanga phur tawh lutuk essay type a an titi kan ngaithla rei lutuka caribou phei chuan a haw veleh paracetamol mum 3 a hmawm thawt a ni awm e
Tak taka, eng eng emaw tihtur kan in tuk ta teuh hlawm mai. Ku Muanga te banner siam kha lungrual takin kan hnawl a, a dang siam leh turin kan ti a, zanin chu an buai khawp ang. Naktuk lamah site view vel rawn tih lan kan tum dawn nia. Kan theih dan danin hlep hle che kan tum a nia
[Report abuse]
June 2nd, 2010 at 10:45 pm
@muantea, Epis kha a rawn chhuak zawk dawn niin a sawiin ka hria a. A prog based khan Lunglei MI season 2 chu lo duan theih chuan a that ka va ring em.. ka hmu chak khawp a nia. Tin, season 2 chu friday leh saturday ni lo se, chuan kawlhawk kan rawn khalh luh theih ka ring…
[Report abuse]
June 2nd, 2010 at 11:06 pm
Shai, nia season 1 tan hma hian season 2 kan rep leh nghal mai dawn em niang
Epis hi a fakawm khawp asin, i kawm chian chak chi a niang.
[Report abuse]
June 3rd, 2010 at 1:38 am
Engmaw i sawi muante????? In Nu thu in kan meeting kan bang tih ka sawina a nilo a nia!
Kawlhawk zun kawng tha bawk se! NOI 
Pu Shailendra hian hun nei hram se, hriselna leh damna te, phurna tharte nen!
[Report abuse]
June 3rd, 2010 at 6:53 am
@Kawlhawk: I lokal hman dawn lo tak tak elaw? Saturday hi kan hman rual tlan hun anih kan beisei a, kan ruat a. Saturday ah lehzel in hman lo anih chuan leh……
Lunglei misual ah ka chhangchhe ber, mahse ka pawr ber tho.
[Report abuse]
June 3rd, 2010 at 9:58 am
Hmmm… saturday a hmanlo chu Seventh Day i ni tihna.
[Report abuse]
June 3rd, 2010 at 10:09 am
@caribou, haha… vawksa leh uisa chu a duh luttuk…
[Report abuse]
June 3rd, 2010 at 12:28 pm
Kawlhawk leh Shaia hi saturday chu in hmanloh ni ber anih si chuan, next MI chu huaisen takin sunday ah kan huaihawt ang.
[Report abuse]
June 3rd, 2010 at 12:42 pm
@caribou, hahaha…pawi miah lo. Thil pakhat lawk. Inrinni meeting chu a chhuah ruk theih chuan (repeat, a chhuah ruk theih chuan) dar 1 velah ka rawn duk phei puat mai thei a nia. Pukpui kawngah a tlang theih ang em? ovala ralte hi a ‘fit’ chuan ka rawn sawm bawk ang.
[Report abuse]
June 3rd, 2010 at 1:19 pm
@Shai: Kan internet hi “awm/awmlo” inchhawk regu khawp mai. Pukpui lam chu an la zo lo deuh a, a kal luih theih tho maithei. Haulawng atangin Zobawk lamah a tha a, a hnai tho alawm.
Muantea ka lo zawt dawn nia.
[Report abuse]
June 3rd, 2010 at 1:36 pm
okay, helamah pawha mumal lo lutuk a. Handset hmangin, aircel mai…
[Report abuse]
June 3rd, 2010 at 1:40 pm
Ku shai, Pukpui lam chu kawng diak thui vak lo a awm. I rawn chhuah hun azirin a rawn tlang theih mai ka ring Zobawk lam aiin 1hr in a hnai. 5:30pm velah Haulawng lam gate an hawng ang. Chu ai hma pawhin i dil thiam chuan ‘Mausen ah Agri hmalakna inspect tur etc.’ velin i tlang thei mai ang
[Report abuse]
June 3rd, 2010 at 1:55 pm
muantea, okay. Ka theih tak thut chuan dar 1 chuan chhuah hman ngei tum ang a. Misual dang rawn hruai thei ang em aw? Badboy hi kan sawm chhin bawk ang e…
[Report abuse]
June 3rd, 2010 at 2:10 pm
MI tura a hranpa ngata lokal hi a harsat tur zia kan hria. In lokal theih chuan a ropui khawp ang.
[Report abuse]
June 3rd, 2010 at 3:42 pm
Nia, Dharmendra unaupa Shailendra hi ka hmu chak teh mai a nia.
Pu mzvision chu chiang turah kan dah phawt chu a nia.
[Report abuse]
June 3rd, 2010 at 3:50 pm
@ Ku Muanga, mangchhia ang mai in badboy nen kan rawn lang hlawl mai thei a nia. Pu mzvision chu kan rawn um ve mai ang…
[Report abuse]
June 3rd, 2010 at 4:09 pm
Tunah hian Kawlri, Muantea, Jinx te nen thingpui kan dawm mek.
Mikhual Kawlri hi a mikhual dawn lo.
[Report abuse]
June 3rd, 2010 at 4:52 pm
hlim deuh khan u. Ka thianpa in dil a paih kang a, sangha ka zu chhar ve ang e
[Report abuse]
June 3rd, 2010 at 4:56 pm
Shailendra hi a lokal chuan nuam kan ti khawp ang. Midang pawh lawm tifamkimtu zel tur in ni e.
[Report abuse]
June 3rd, 2010 at 5:00 pm
Tun atangin kan MI na hmun ah awm tawh mai ka duh kei chu!
[Report abuse]
June 3rd, 2010 at 5:00 pm
shai, pic kan lo beisei ang e aw
Kan dil ah chuan sangha te reuh te te chiah a awm, ram varak an cheng ber:
https://i47.tinypic.com/2qau6u1.jpg
Naupang nuam tihna ve thung:
https://i46.tinypic.com/2l8dojb.jpg
[Report abuse]
June 3rd, 2010 at 9:00 pm
Kei pawh Lunglei mi ka ni e. In comment leh post bengvar thlak tak tak te hi a hlu thin e, nitin ka rawn Misual ve thin tho a nia.
[Report abuse]
June 3rd, 2010 at 10:32 pm
@K9, Lunglei mi i nih chuan ilo tel ve ngei chu a ngai ang…;)
[Report abuse]
June 3rd, 2010 at 10:36 pm
Jinx, miss you like crazy
[Report abuse]
June 3rd, 2010 at 10:41 pm
Likewise Pu HV
[Report abuse]