mi(sual).com

World Cup 2010 Group Stage chu khelh zawh a ni ta! Group tin atanga point hmusang team 2 teuh Round of 16 (pre quarter final) lut pawh kan hre theuh awm e. Football thiam ram anga ngaih leh rinkai France leh Italy (WC 2006 finalist) te chuan group stage paltlang zo lo-in an tla a, Khawvel mipui tam tak a barakhaih!

Rinkai em em, mahse beisei ngam lemloh England ten round of 16 an lut ve a, boruak vaw hawttu atan an tling hi a lawmpui awm ang reng hle. :roll: . Qualifying khelh laia che tha England an chetthat vakloh laiin, qualifying-a tling tawk tawk Argentina te an che tha phian thung.

A thlengtu South Africa hi World cup history ah a thlengtu group stage paltlang zo lo hmasa ber a ni a. Argentina leh Netherlands ten an tumpuite la hneh vekin point 9 an hmu laiin Cameroon leh Korea DPR thungin point hmu miahlo in an ram lam an pan thung. Goal chhuah tam ber Korea DPR ten goal 12 an chhuah laiin Uruguay leh Portugal te goal erawh a la virgin!

New Zealand hian an tumpuite draw pui vekin (chak silo, tlawm silo-in) min tinsan a. France, Nigeria, Algeria, Cameroon, New Zealand, Italy, Korea DPR leh Honduras ten an tumpuite hneh an nei miah lo! Algeria leh Honduras ten goal thun miah lovin an khaw lam an pan laiin Argentina leh Portugal ten goal 7 thunin, goal thun tam ber an la ni a. Goal thun tawh zawng zawng hi 101 a tling tawh.

South America (CONMEBOL) atanga ram tel thei zat(5) te chu pre-quarter final ah an inhlang vek a ni!

Pre-Quarter final-a intum turte :-
Uruguay Vs Korea Republic
USA Vs Ghana
Germany Vs England
Argentina Vs Mexico
Netherlands Vs Slovakia
Brazil Vs Chile
Paraguay Vs Japan
Spain Vs Portugal

Beisei leh beisei lemlohten (:)) round of 16 an luh kat nuaih avangin pre-quarter final intum tur zingah Germany Vs England hi en chakawm berte zing ami a ni awm e! Argentina leh Mexico inkhel tur pawh hi a nep lo ang. Spain Vs Portugal te hlei hlei hi Pre Quarter final tihhmuhnawmtu a ni ngei ang. Sawi duah lo teh ang, han inkhel mai teh se!

(Admin Note: He topic hi vawiina khel tur Uruguay vs South Korea / USA vs Ghana sawiho nan in hmang mai dawn nia. A hranpa in siam lo mai ang)

Similar Posts:

• World Cup Semifinal a intum turte
• FIFA World Cup 2010 draw zawhfel a ni ta
• World Cup – Vawiina khel turte
• World Cup – 17 June a khel turte
• World Cup – June 27: Eng vs Ger | Arg vs Mex

Recent Posts:

• Khawnglung Zinkawng
• Tar har i duh em?
• Veng pakhatah chuan…
• Buhfai hralh Dan….
• National Children’s Science Congress neih mek a ni

This entry was posted on Saturday, June 26th, 2010 at 5:02 pm and is filed under Sports & Games. You can follow any responses to this entry through the RSS 2.0 feed. You can leave a response, or trackback from your own site.