Nula diary:
27 April 2010
“Diary duhtak, Vawiina ka tlangval tawn thar chuan ka rilru a luah zo ngei mai. Dawhthei takin min lo ngaihthlak sak leh teh. Vawiin chu thawmhnaw-dawr pakhatah hian ka lut a. Chu dawr a thawk tlangval pakhat chuan uluk takin min lo thlek tih chu ka mitsir thei a. Ka lai ve thelh a ni.
Chu tlangval fel hmel deuh mai chuan hawihhawm takin mi lo chhawn a. A hmel lah chu a tha reuh em em mai lehnghal.
Ka luh tirh atangin keimah chauh chu min buaipui a ni. Vawikhat min hmuhna chauh si khan ka duhzawng chi lah chu a hre em em mai lehnghal a. A mak ka ti reuh hle. Kan en fe hnu chuan kawr mawi deuh mai pakhat hi a thlang a, chu kawr chu ha chunga min hmuh chak em em thu a sawi a. A nalh em lahtak avang chuan ka hnial hran ta bik lova.
Kawrthar ha chunga inthlakna pindante atanga ka chhuak min han hmu ta thut, a hmel awmdan kha ka nuih a ti za lutuk. Min en a, sawi hmasak ber tur hre lovin a ka ho ringawt a. Ka lawm bawk sia ka khi sang reng ringawt mai a ni. Mipa dang, hetiang em em a ka hlutna min hmuhsak thiamtu bulah hian ka la awm ngai lo.
Ka khuanusamsuih a ni thei mai ang em?
Thil leitum ve dangte chuan an koh pawhin keimah chauh chu min nghaihsak a ni. Thawmhnaw dang chu min thlan sak leh turin ka ti a. Tichuan min thlansak pathumte chu ka la ta a.
Fiamthu a duh sia, a bula awm kha a khamawm mawlh lo a ni.
Thil a kal fuh lo chho ang tih hlauh vang mai mai in dil pawh ka dil tlawm duh ta lo law law a. Reilote kan titi dun a, kan titi pawh a inrualkhat viau in ka hria. Thil lei mai ka nih avangin awm rei lutuk chu ka zak ve deuh a. Min hmuh leh a chak thu chu a sawi a. Kei chuan karleh lama rawn kal leh ka tum thu ka hrilh pah chuan dawr chu ka chhuahsan ta a ni. Karleh lamah chuan ka phone number pawh min dil tawh ngei ka ring…”
Tlangval diary:
27 April 2010
“Vawiin ka dawr nghahnaah chuan nula pakhat hi a rawn tei lut nawlh mai a. A incheina atang reng reng chuan sum leh pai inrenchem vak chi a ni lo tih hai rual a ni lo. Ka han thlek ngial pawh chuan a kawr hak lai man tam hmel zet chu a inhmehna lai reng ka hmu zo lo. A hawiher atang chuan mi ti ‘heih’ chi a ni tih ka hre thei nghal mai bawk a.
Tichuan kan thawmhnaw neih zinga a man tam tam chu ka thehchhuak a. A phur phian lehnghal. Nula piannalh tak mai hak atan a ka it ngawih ngawih, Bangkok chhuak kawr pakhat chu ka hak tir chhin a. Kan dawrah chuan a man sang ber a ni. A inhmeh erawh ka ring hauh lo. A ha chhin ve mai bawk a.
Changing-room atanga a rawn chhuak, ka’n hmu chiah mai chu… Awi awi awi! A va han inhmeh lo ber kher em! “Hlip nghal rawh, a siamtu te i ti mualpho,” tih tak ka nap a. Ka insum hram hram zawng a ni. Fak der ngial ngaihna pawh hre lo chuan ka en tlawk tlawk ringawt a. Ani lah chu inla nui mawi tawkin a la nui tak ang sun sun a.
Pawisa a ngah hmel em avangin midang ho pawh ka ngaihsak hmanlo a ni ber mai. A inhmeh loh lulai em avang chuan ka khawngaih deuha, a dang zawn a duh leh duh loh ka zawt ta tawp a. “A nalh i hria min thlansak leh rawh,” te chu a la ti ta deuh deuh. A man tam tam chu ka thlan sak ta a. A ha chhin a, a mawipui leh mawipui loh reng reng a in hre lo. A changkang leh chhuakthar kha chu a duh vek nimai in ka hria. Tichuan 3 lai mai chu a la ta a.
A man lah chu diltlawmna tur nen a kan hisap sa zawng zawng nen, min dil tlawm miah lovin min pe kim thlap mai lehnghal a. A lawmawm duh khawp mai. Ka hna a ni sia, hawihhawm chhuah lui hram hram chung chuan ka kawm ve a. Karleh lam a rawn kal leh a la tum ta deuh deuh, panga vel tal chu lo lei tir tum tawh tur a ni.”
(Hringnun tak hi chuh!…)
Mrs. kawlhawk...
September 11th, 2010 at 9:36 am
chhiar leh phawt ang
[Report abuse]
September 11th, 2010 at 9:38 am
Ziak thiam khawp mai, thil tam tak min ngaihtuah tir chu maw le.
[Report abuse]
September 11th, 2010 at 9:45 am
An rilru ava inpersan ve le, Nula ang khi ka ni ang tih ka hlau, he he he
[Report abuse]
September 11th, 2010 at 9:54 am
Men are from Mars, Women are from Venus!
[Report abuse]
September 11th, 2010 at 10:12 am
In hralhna an duh vang nilo mw? Akeke
[Report abuse]
September 11th, 2010 at 10:17 am
ka nuih an ti za dun lutuk.Hiiii..Haaa….
[Report abuse]
September 11th, 2010 at 10:19 am
#4 ,,.. Ang ve fu ani……
Beisei aiin a sei tlat…
[Report abuse]
September 11th, 2010 at 10:19 am
Enigma chuh.. Post tha thei hle mai a, engtin vak nge ka’n kawmen belh chuan ang le. Dawrnghaktu chuan a bawl hneh hle mai maw
[Report abuse]
September 11th, 2010 at 10:21 am
A tha hle mai! Diary khi inthlak thleng chiah zawk se la. A dik thei zawk ang em? Nge ti khian a inhmeh zawk? Kan nula te nge flirt zawk kan tlangval te hi aww….. :ngaihtuah:
[Report abuse]
September 11th, 2010 at 10:25 am
Thu ziahte lah hi in thiam phian zel mai a. Nihduh hmel em em bawk si.
[Report abuse]
September 11th, 2010 at 10:28 am
hahaha,thlawh nalh thei khawp mai
[Report abuse]
September 11th, 2010 at 10:30 am
Tawi te te in han comment duat2 ila, chhuak bo hmaks ila, zan ah lut leh chauh ila….. TSA sawi angin comment loh ai chuan a thra re re……
[Report abuse]
September 11th, 2010 at 10:32 am
#12 bucko, :mrgreen:
Hetiang deuh hian maw?
[Report abuse]
September 11th, 2010 at 10:43 am
A hmeichhia khi ka ni ang tih ka hlau. A karleh ah confi tawkin va kal leh ilah, engtin tak minlo ngai ang maw…
[Report abuse]
September 11th, 2010 at 10:59 am
lol
[Report abuse]
September 11th, 2010 at 11:13 am
Dementor a twp a tawpah jawng i diary i rawn phawrh ta hlawl mai lawm….in diary mai2 te pawh hi keini AK zathnih hnuailam tan chuan khel tham lawih zel nh hi…. Thra phian zel e.
[Report abuse]
September 11th, 2010 at 11:18 am
i ziah chhunzawm leh hun chuan tam deuh lo lei tir la.phone no. dil la,mahse, mobile i neih loh thu hrilh nghal daih la.a lei sak maithei a sin. Tun lai hmeichhe tam tak tih dan in…
Ziak tha khop mai.
[Report abuse]
September 11th, 2010 at 11:19 am
hahaha….phuah chhuak thiam fu mai.;).
[Report abuse]
September 11th, 2010 at 11:22 am
khuanu samsuih nihtir a tum hma ka ti reng ah…
[Report abuse]
September 11th, 2010 at 11:23 am
@lalsual,hairehai.
[Report abuse]
September 11th, 2010 at 11:33 am
Wow! T’was Great.. I Love it!
[Report abuse]
September 11th, 2010 at 11:44 am
@Post-tupa,nula-i chu a hmel a ngaihdam theih thlawt loh em ni ;-D
[Report abuse]
September 11th, 2010 at 11:52 am
An va inman[lo] veleh.
[Report abuse]
September 11th, 2010 at 11:57 am
Ka rin aiin a ho a,mahse,a tha phian si..
Jaibole
[Report abuse]
September 11th, 2010 at 12:15 pm
kar leh chu huphurhawm ve,a hakna piangah a thrianthra leh laina ten a inhmehloh zia leh dawr dang aia a leito filawr dan anlo hrilh tawh awm sia…
[Report abuse]
September 11th, 2010 at 12:34 pm
va han tha reuh ve
[Report abuse]
September 11th, 2010 at 12:36 pm
Tha hle mai a! Dik hmel fu bawk sia
[Report abuse]
September 11th, 2010 at 1:09 pm
Nuihte pawh i ti za e!!!!!!! Nunhlui kan chhui ruak ruak mai lawm leeeeeeeeeee….It’s life. Va’n tha tak em….
[Report abuse]
September 11th, 2010 at 1:23 pm
Ni a kan inhriat dan hi kan nihna dik tak a ni lo duh fo.
Ni a miten min hmuh dan pawh hi kan nihna a ni lo thin.
Ni a miten min hriat dan ni a kan hriat hi kan nihna dik tak a ni duh lutuk…
Ni a miten min hriat dan pawh hmu thiam lo chuan hringnun kalphung a man lo a ni…
[Report abuse]
September 11th, 2010 at 1:56 pm
post tha hle mai
[Report abuse]
September 11th, 2010 at 1:59 pm
Ava ho mai mai e. Engngemaw a zirtir le?
[Report abuse]
September 11th, 2010 at 2:03 pm
Heih! in sual lutuk…hetiang em em in hmeichhia kan aaa lo
[Report abuse]
September 11th, 2010 at 2:10 pm
biemdapliu, an sualhlawm tak hle mai. Hmeichhe tellova khawsa thei hlawm tei tawi silo
[Report abuse]
September 11th, 2010 at 5:15 pm
khi nula khi ka hria,
hmmmmm
Hringnun tak hi chu(h)!!!Nula leh tlangval inkar ai in nuthlawi leh mipa tleirawl inkar nizawk awm tak ani.
Anih loh leh patling sumngaih leh tunlai hmeichhei tleirawl.
[Report abuse]
September 11th, 2010 at 5:35 pm
A ho hi ka ti thlawt lo. A va han tha teh kher em ve le! Thuziah dan tur lah hi i’n hre khawp a, idea i nei tha thei ngawt mai. Kei zawng, hmeichhia hi khitiang an ni emaw ni lo emaw, khi thuziak kalhmang hrim hrim khi tha ka ti thlawt e!
Ka lawm em em e.
[Report abuse]
September 11th, 2010 at 5:40 pm
A ngaihnawm khawp mai,kar lehah i inhmuhtir leh em ang chu maw?
[Report abuse]
September 11th, 2010 at 6:10 pm
Hringnun hi ka inthlahrung khawp mai..
[Report abuse]
September 11th, 2010 at 10:07 pm
Lolzzz, kar leh ah chuan nula hi mipa hian a lo ’star’ a. An inngaizawng ta daih a…
[Report abuse]
September 11th, 2010 at 11:09 pm
mipa rilri khi hria se chuan a zak ve chem2 ang a
[Report abuse]
September 11th, 2010 at 11:13 pm
mipa rilru khi hria se chuan a zak ve chem2 ang a
[Report abuse]
September 12th, 2010 at 4:32 am
Mi rilru inhriat dik sak hi har deuh mai a nia.
[Report abuse]
September 12th, 2010 at 4:33 am
Mi rilru inhriat dik sak hi thil har deuh mai a nia.
[Report abuse]
September 12th, 2010 at 11:37 pm
Tlai deuh tawh mahse, ka’n comment tho teh ang…
A ziaktu thluak thatzia hian min hneh ber a, a dawtah chuan tunlai hmeichhe thenkhat nundan ka ngaihtuah leh phah a, a tawp berah chuan Sumdawng rilru dik lo; a hleihhluaka hlep tum thinte hi ka ngaihtuah kai ta hial a. Tawite-a khaikhawm dawn chuan “Ngaihtuah a tithui” tiin ka tlip mai teh ang.
[Report abuse]