Ni 5, August a chhuak Vanglaini NewsPaper a Secretary, RD Department in Mizoram village/khua zawng zawng a VSAT-Internet Installation ti tur a tender a chhuah kha ka lo hmu ve a, ka chhiar zawh rual rual chuan mak ka tihna a lian em em a, he mi chungchang ah hian ka ngaihdan ziah lan ve ka chak em avangin ka thiam ang tawkin ka han ziak ve ang e.
VSAT (Very Small Aperture Terminal ) hmang a internet connection nei tur hian a behbawm a tam ang reng hle mai, BSNL broadband te ang a modem te reuh te hmang a phone line kal tlanga tih ve mai theih ani lo. Kan internet connection speed duh a zirin kan hmanrua pawh a man a tamin a tlem thei ang. Mizoram a kan hman tlangpui ho hi an speed hi 128Kbps an ni hlawm. Ahmasain VSAT hmanga internet connection nei tur a hmanrua(equipments) ngai I lo thlir thuak thuak i la.
(a) Out Door Unit (ODU) : Hei hi pawn lam a awm tur ani a, Satellite connect tu ber tur ani. Dish, LNB etc. te an awm. Dish hi a size(diameter) hian awmzia a nei hle a, internet speed pawh a ti danglam hle. Mizoram a hman tlang pui hi 128cm diameter a ni hlawm.
Dish installation atan hian a theih hram chuan RCC a siam slab, feet 5 vel tala sang ni thei se. RCC inchungah te pawh a dah theih ang. Mahse satellite nen a in be tawn reng tur anih avangin dish hi engmah in a hliah tur ani lo.
(b) In Door Unit (IDU) : Hei hi inchhung lama awm tur ani a, Dish nen hian cable hmang a thlunzawm tur ani. Hei hi chu khawl te tak te, dawhkan vel pawh a hun mai thei ani.
Heng hmanrua(equipments) tan hian Rs. 500000/- vel chu a ngaih ka ring a, Mizoram khua zawng zawng a install tur chuan sum a ngaih hnem dan tur chu i lo ngaihtuah ve mai dawn nia.
Heng zawhna te hi rilru ah a lo lang nghal a:
(i) VSAT ODU Dish hi khawi hmunah nge an install ang? VCP In/kawt ah nge ? Village Council House kawt velah? Tu in nge enkawl (operate) ang?
(ii) VSAT Equipments te hi an sensitive em em a, electric current inthlakthleng (fluctuate) avanga chhe mai thei te an ni hlawm a, chuvang chuan UPS (uninterrupted Power supply) system mumal tak an install tel a ngai ang a, UPS awm mahse electrical earthing hi siam tel ngei ngei a ngai a, earthing hi < 2V tal a nih a ngai ang. VSAT Operate nan a electric hman hi tu in nge bill pe ang?
(iii) Mizoram a khua hrang hrang ah electric current awm lohna leh awm mumal lohna tam tak a la awm a, heng hmun ah te hian engtin nge hma an lak ang? Generator a innghah ringawt chu a fel ber lo ang.
VSAT Equipments kan neih ringawt hian Internet connection kan la nei nghal mai lo a, Internet Service Provider (ISP) hnen atanga internet connection kan neih leh phawt a la ngai ang. Kan VSAT Equipments rawn supply tu company kha ISP chu an ni nghal tlangpui.
Heng a chunga kan sawi equipments hrang hrang man bak ah khian Internet Service Provider(ISP) hnen atanga internet connection man hi a la ngai leh ang a, kan connection speed, download limit leh access limit a zirin hemi hi chu a danglam thei ang. Annually or monthly etc. ang te in internet connection man hi pek a ngai thin. VSAT equipments kan neih avang khian kumkhua a internet nei turah in ngai lo ila, bill pek ve zel a ngai tih hriat a tha.
Rural Development Department hian enge an hmachhawp ni a hetia Mizoram khua zawng zawng a VSAT Internet connection pek an tum tak mai le? An hman tumna tur ka ngaihtuah in Mizoram khua zawng zawng a install a tulna ka hre chhuak zo lo achha ani e.
Tunah hian National Informatics Centre(NIC) hian Mizoram district zawng zawng a NIC office ah VSAT Internet Connection a nei a, hemi bak ah hian Mizoram a SDO(Civil) hmun zawng zawng ah VSAT Internet Connection a pe bawk a, heng SDO(Civil) zinga hmun thenkhat chu current awm that loh avangin hman mumal theih a ni lo a, khawl a lo chhe ve deuh reng hlawm nen. Company lam lah in equipment tha lo complaint an ngaihsak tha tawk lo a, he harsatna pakhat, NIC in an tawh mek pawh hi Mizoram Sawrkar pawhin a tawk lo bik dawn em ni.
Tin, Mizoram Sawrkar in Community Information Centre (CIC) chu Citizen Service Centre ah convert turin hma a la mek a, hmun thenkhat ah chuan an zo tawh hial a, heng CSC hmunah te hian mipui/vantlang tan pawh internet engtiklai a hman theih a ni a, mipui mamawh chu an phuhruk zo tur a ngaih an ni.
Tun dinhmunah chuan Mizoram a projects hrang hrang, internet a online ngai ho, e.g. NREGA, BRGF, IWDP, BADP, MSDP etc. te hi District leh block level a thawh vek a ni a, block thenkhat phei chu current neih that loh a vangin district headquarter ah tho an kal khawm leh a. Chuvang chuan Mizoram khua/village tin a VSAT Internet Connection pek tum ai chuan tuna block level emaw district level a awmsa, department office a a thlawna internet pechhuak tu (e.g NIC) hi thuamchak in internet connection speed chak zawk leh changtlun zawk an neih theih nan hmalak ni se rah duhawm a chhuah zawk lo ang maw.
Kan hmalam hun thlir chuan Mizoram khaw tinah VSAT internet connection tih a ngaih hun te chu a la awm ang, mahse tun dinhmunah chuan kan mamawhna ka la hre lo a, tuna kan tih chuan kan mamawh hun a lo thlen in kan hmanrua te chu hmantlak an ni tawh lo ang tih a hlauhawm a lawm le.
VSAT install na tura pawisa ruahman hi Central Sawrkar atang a lo kal, thil dang a hman an phal miah loh chu ni se ka sawisel theih a ni lo ang, amaherawhchu chumi a nih si loh chuan tu te emaw sum siamna mai mai tur ani ang tih ka hlau ani. Mizoram ah hian Projects lian tham tak tak puitling lo a thuanawp a tam tawh si a, he thil hi chu chung zingah chuan tel lul lo se ka ti khawp mai. Kan sawrkar hian hmachhawp leh ruahman fel tak nei in ti se, hei hi kan mamawh takzet em tih ngaihtuah se, sum sen tur a tam tham dawn si a, engmah lo a a chan mai mai dawn ai chuan mipui tan a tha leh rotling tur thildang siamnan hmang hlauh zawk se a tha ngawt ang.
September 11th, 2010 at 11:40 am
sei em em! village tin em em a internet pek chu a. ka va han oih lemlo tak
[Report abuse]
September 11th, 2010 at 11:44 am
Nia
[Report abuse]
September 11th, 2010 at 11:45 am
hmasawnna tur hi cu lo welcome vek hi a thra in keichu ka hria a, mse i soi ang deuhin, village tinah chuan an mamoh lem lo khop ang, entirna’n ka pute khua ah chuan internet free connection ai paw’n buhfai bag 3 pawh a hlu zok tlat…computer nei poh an om emo ni le? A hlauhthawnawm ber chu a nih tur ang chanve poh ni phalo hian a sum hman ngaizat ang chu a zo leh vek si ang a… VSAT khol vel chu kongsir khoi lai emaw velah chinai tah rang reu rou in, a ding chhe ve mai2 ang a…
[Report abuse]
September 11th, 2010 at 11:46 am
Union Minister berin a sawite chuan theih awm tak.
Nia, kan la mamawh em em lem chuan ka hrelo. Computer awmlohna khua pawh a la tam si a.
[Report abuse]
September 11th, 2010 at 11:57 am
lolz
[Report abuse]
September 11th, 2010 at 12:06 pm
VSAT chu engatan nge khawtinah dah an tum le? Ava mak teh top ve:: V/C ho an online sup sup tawh dawn anih chu? Tlangau pa pawhin FB atangin a post tawh mai anga, Kumkhat lo atana ram threh tur pawh Google earth atangin LCD Projector nen an tikual tawh mai dawn anih chu; Rural Development, huh?
[Report abuse]
September 11th, 2010 at 12:10 pm
Han coment ve mai2 ila.
[Report abuse]
September 11th, 2010 at 12:23 pm
Thingtlang khuaa dah vek tur chuan ka van awih lo eeeeeeeeee. Aizawl khawpuia institution lian tak pawh operate thra theilo an awm kha maw le, thingtlang lamah chuan tunge enkawl ang? CIC pawh hi an rula-a-raw neih mai mai a ni.
Hmanni chhimlam ka zinna khaw pakhat(hming zep si se lo mai ang HNAHTHIAL)-ah phei chuan an VLSI kha an khaw chanchinbu enkawltu (HUIHCHHUK editor Dinga) chuan ama office ah alo vuah daih. operator an nei lo nge chanchinbu enkawltu kha tunhma lama enkawltu a ni tho tiin awmhmun atang in alo tlawmngaih sak? Bang lehlamah chuan INTERNET CAFE tih an la tar zui, a rate pawh Rs 50/Hr. hmun dang dangah pawh hian CIC a nih tur ang nilo a awm nual mai, enkawltute an indaihlo thin a ni ang e.
NOI
[Report abuse]
September 11th, 2010 at 12:43 pm
Thingtlang lam chuan NLUP aiin chuan an thlang miahlo ang. lolz :lol:
[Report abuse]
September 11th, 2010 at 12:59 pm
Hetiang VSAT maintenance thiam hi kan neih a ngai chuti lo chu kan office ah hian kan dah problem tops. Thingtlang kilkhawr lam hi an chhe reng mai ang tih kei misual hian ka va hlau em
[Report abuse]
September 11th, 2010 at 1:02 pm
thingtlang pa chuan enga tan tak ti ang mo? tu idea nge niang oooo Sachin Pilot-a hmalak na kha ni thei angem? mizoram sokar dept intarnet konekson petu NIC hi an service tih that deuh hi chu ngai ni…..
[Report abuse]
September 11th, 2010 at 1:06 pm
Thinhgtlang khua zawng zawng tih khi ka awih thruai lo mai. A theih loh. RD Block tinah ti zawk se chuan ka awih. VSAT hi ka awmna hlui block ah khan ka in transfer ni chiah..min rawn thlaktu nena charge kan in hlanni pon ka hmang char2 sia..mahse ka chhuak a, a tha lo an ti tlat a. A nkawltu te zir leh tui hi a ngai.
kum 2009 vel khan eng scheme atangin emaw ni (zep rih ang) khaw tam takah computer leh printer pek an ni a…current luh mang lohna khua te an ni sia..a ho awm e ka ti mai2.
[Report abuse]
September 11th, 2010 at 1:19 pm
Internet chu duh duh hmehchhuah theihna lom ! Thingtlangah chuan khawpui kal ngai toh lovin an mamawh an hmetchhuak keuh2 toh dawn nih chu..lolzzz
[Report abuse]
September 11th, 2010 at 1:22 pm
A generate ber tur POWER a awm si lo va, a va buaithlak duh awm ve. Current te hi ti changtlung hmasa se la, current awm lohnah chuan computer a awm thei lo va, internet phei chu khawilam.. Hnathawh nan te, lehkhazir nan te, eirawng bawl nan te, leh kan mamawh nitin tihnun nan Current (PoWER) tha leh nghialnghet kan neih theih nan theihtawpin sawrkar nawr ni zawk teh se.
[Report abuse]
September 11th, 2010 at 1:24 pm
#8 Ozima, kan khuaa VLSI chu Dinga chuan ama office ah alo kawnek daih amaw? An titawp daih tawh emaw ka tih nak alaiin, khawnge a awmtak tiin ka lo ngaihtuah mai mai thin a, misual.com leh i zarah a awmna ka hriatphah ta hlauh mai. Ka lawm e
[Report abuse]
September 11th, 2010 at 1:29 pm
mak awm ve !!!!!!!!!!!!!
[Report abuse]
September 11th, 2010 at 1:50 pm
Kan changkang tawh dawn hle mai
[Report abuse]
September 11th, 2010 at 1:56 pm
@zorunpui, chu chu lawm keipawh ka lo sawi ve chhen thrin. Cable car/ropeway an sawi a, POWER ngai a ni si….cold storage lian tham, agri products preserve nan an tia, power supply non-stop ngai bawk si….eng factory emaw tak, liantham deuh, unskilled labourers thawh ve theih an tia, power a regu lovin factory a run theih loh…rilru a va hah duh em!
[Report abuse]
September 11th, 2010 at 2:19 pm
#15 CyberThug nia maw le, internet cafe dang kha awm si lova, photon+ nung bawk silo. mamawh viau mah ila Rs 50/Hr sen ai kha chuan GPRS ka hmang ta zawk a nih kha.
[Report abuse]
September 11th, 2010 at 2:36 pm
Mak thei hle mai
[Report abuse]
September 11th, 2010 at 2:47 pm
Sorkar dawt muhlum in lo ring leh tawh ani maw? Hetiang hian ania foorball stadium pawh kum 15 chhung dawta an bum.
[Report abuse]
September 11th, 2010 at 3:00 pm
Hei chu ka va interest ve!! Education hi technologise(ka phuah chawp) a, internet tha tawk tak nen E-Learning, online teaching, AV aid teaching tih theih dan tur practical tak min lo hrilh teh u.
Pu mzvision khan office lamah a problem top a ti sia, engnge a chhan niang? School-ah hian ka sawi ang facility neih theih hi ka dream thin a ngaihna ka hre si lo, khawngaihin a tih chi angem, a pros and cons ilo te min lo hrilh hram teh u
[Report abuse]
September 11th, 2010 at 3:00 pm
Gprs pawh hi enge maw ti ti chuan a hman tlak ve phian asin.
[Report abuse]
September 11th, 2010 at 3:03 pm
Mizoramah hian policy maker-te thiam loh luatah leh, coordinated planning kan tlakchham zia tilang tur hrim hrimin nge maw ni? Hmasawnna ke pen tur inluh khalh deuh tak tak hi hmuh tur a awm leh zauh thin. VSAT chungchang pawh hi, hei aia kan thingtlang khuate’n an mamawh zawk hi tun dinhmunah hian a awm hmel viau – Nei ta tehreng ila – a man /senso leh a purpose a inmil reng em? Tuna DC Office tina kan neih laite ang pawh enkawltu technician duh ang awm lo thawm awm leh zauh chung hian khawia miin nge NIC hi thuam chak a nih ang? tihte. A thurhimah, Computer hi hmanrua mai a ni a. Chu hmanrua hmang chuan hmasawnna kawng hrang hrang kan thawk thin. Hmasawnna kawng hrang hranga computer mamawh tur leh, a tangkaina pawh a man senso-te ngaihtuah chunga kan neih ngei a tul tawh a nih chuan neih ngei tum pawh hi a tha ang. Ama’rawhchu ICT / Computer etc hi hmasawnna a ni hrim hrim ngawt lo tih kan hriat a hun ngawi ngawihin ka hria. Mi hmasawnte hmasawn zelna tur hmanrua a ni tih hre reng ang u — Mobile tha leh changkangc hi-te ang tho hian.
[Report abuse]
September 11th, 2010 at 3:15 pm
@bmw #18, Amen mawlh mawlh mai teh ang. A hahthlak thin e mai kan khawvel hi!
A va bengvar thlak leh lawih lawih ve. Champhai a CIC ve pawh kha 2006/7 vel kha ni ta in ka hria. DC Office bulah a awm a. A enkawltupa ber khan kid a nei teuh a. An mirc luih luih zel. Hman ve duh pawhin nghah a ngai rei thei thin khawp mai. Khatianga hmang regu ho khan pawisa an la chawi lo lehnghal a.
Thingtlang khaw tinah dah chu a va awih awm lo tiah tiah ve :evil:
[Report abuse]
September 11th, 2010 at 3:25 pm
Ka comment #22 hi han chhang teh uuuu
[Report abuse]
September 11th, 2010 at 3:31 pm
Muante, ‘One Laptop Per Child’ project hi hmanni ah TV ah ka en a. Rwanda ah world bank ( ni ta in ka hria)in public schools ah an ti chhin a. Zirtirtu sr deuh tawh compu lam hre lo leh naupang ho kha, a zirtir tu tur an tir nghal zel bawk. Mizoram tan ka lo awt ve khawp mai. Han chhiar chiang deuh la, buaipui ve dan dan awm mahna
https://laptop.org/en/laptop/index.shtml
An laptop sem hi a cute tawp
A tichhuak tupa ber hi MIT ah IT professor a ni awm e. A hna bansan thrakin ram rethei naupang ten internet leh computer an lo neih ve theih nan a thawk ta fan fan a ni. Mi fate hi chuan mahni chhungkua leh mahni khua chauh lo pawh hi an lo vei em! May God bless them.
[Report abuse]
September 11th, 2010 at 3:45 pm
Thanks bmw, Rwanda ang velah chuan min rawn ngai se ka va ti em! Ka lo en zui ange
[Report abuse]
September 11th, 2010 at 3:50 pm
muante, mizoram a thingtlang khaw pilril deuh a naupangte chu international standard ah chuan ‘childer of remote vilages’an ni ve mai lo maw? helai hi a pawimawh…chhiar rawh
https://laptop.org/en/vision/mission/index.shtml
[Report abuse]
September 11th, 2010 at 3:54 pm
#22
Muantea ilo dream hrim² pawh chu va lawmawm ve, engtik ni ah emaw chuan ila puitlin theih ka ring tlat a ni.
Online teaching/class chu ala u deuh mai thei, AV aid teching erawh harsa tur ah ka ngalo. Class tinah computer set 1 leh projector pakhat a ni mai a, class room pawh thawl deuh hek hawk chu ngai ang. Tin, ziritrtu pawh misual.comer level tal hi chu computer a hman thiam a ngai bawk ang, powerpoint slide siam te pawh a ngai ang a. Harsatna dang pakhat chu current thatloh chuan class a khaih lak fo ang.
msvision a te office a mi chu a enkawltu ten an enkawl tha tawklo ni mai dawn lawm ni.
[Report abuse]
September 11th, 2010 at 4:32 pm
Nia ozima, dreams come true hi a lawmawm em avangin rawn come true thei ngei se ka duh khawp mai. VSAT hmang chuan online teaching/ E-Learning te chu a tihtheih dawn lawm ni? Mahse neih chi a ni em? A kawnghmang min hrilh thei lawm ni? VSAT kher lo pawh a chi dang a awm thei em?
[Report abuse]
September 11th, 2010 at 5:10 pm
#31
E-learning chungchang chu ka hre thui lo khawp mai. Tin, MBSE course ah chuan knowledge center zawm tur awm ve awm si lova. Internet connection ah erawh chuan VSAT chu tha ka ti lo, Operator puitling/thiam tak awm a ngai, nih loh chuan ekin kalthei ang khan thingruap reng mai dawn nia. Education han technologise(i phuah chawp)tur chuan i hun chhung ngei hian engemaw tal han ti teh.
[Report abuse]
September 11th, 2010 at 5:54 pm
Han ti phawt sela,Burma hoin a khawl eng eng kha emaw an ru zo leh anga ani mai!hmana tower lera solar plate an tar teuh pawh burma hoin an phurh chhoh vek tawh hlawm kha!
[Report abuse]
September 11th, 2010 at 6:11 pm
bleh anih mai chu… :evil:
An mumangah pawh an dream phak loh tur an beisei ve ngawt aniang chu. Kan minister/MLA te in upgrade thatchhiat zia alang leh dawn. Laptop te kha an han dawng ve ngeia, hman ngaihna an hrelo. An tu leh fate thlalak dah khawm nan an hmang vel mai mai a ni.
Mi ramin hma an sawn pui hi kan tan hmasawnna ani ve kher lo. Internet connection han tih khan ropui ta lua, hmasawn phah hluai na turah an ngai aniang chu maw le. An advisor te hi an laktlak loh nge advisor thu leh hla an ngaithla thra duh lo (?)
[Report abuse]
September 11th, 2010 at 6:30 pm
VSAT hi initial ah download hniam pawl hi Rs 4 lakha ani ang chuam AMC ah Rs 50,000 per yr te’n an duh ka ring Lunglei velah. (figure ho hi ka risk ka memory atangin)
Govt chuan heihi a afford, mahse BDO hmun pawh a that theih loh chuan Village level chu huphurhawm. Mahse strong admin leh good Governance hnuaiah chuan a theih chiang mai.
Example: Daily log-in theih leh nitin dn-load zat count in maintenance fee hi siam nise a tha thei ang. Chuti ni lova AMC terms and condition chhe zet IT Dept ho c/o ngai kual chi angah chuan a fuh lo ang tih ka hlau.
@muante
Lunglei angah hi chuan AV leh Video Conferencing te Computer Internet enabled Class room te hi chu a titheih.Mahse kan Computer maintenance te hi hmasawnna tur chu a la tam tirawh.
Kan la sawiho vak dawn nia MI hunah
[Report abuse]
September 11th, 2010 at 6:33 pm
Pu mzvision thusawi chu ka sawitum tak…
[Report abuse]
September 11th, 2010 at 7:28 pm
:lol:
[Report abuse]
September 12th, 2010 at 9:34 am
ehe he he, hnahthial ah cuan an titawp daih tawh emaw ka lo ti a, thenkhatin sumdawnnan an lo hmang vel maw?thuneitu ten endik vat se that cu, bdo nen an 50 vel niang
[Report abuse]
September 12th, 2010 at 9:39 am
#38, sakhmela, vawiin chu rawn sualve teh. A nuam ania aw. Nizan atang khan misual ho kan buai tlat mai hei. :lol:
[Report abuse]
September 13th, 2010 at 10:03 am
Ka lo hmu har deuh va, Nia, RD ho hian an at an so niah ka ngai. A senso hi ka hriat sual loh chuan Central sorkar tum tur a ni a. Mahse, an ngaihtuah chiang lo a ni. Hei ai hian NIC Card, BSNL-in an pek chhuah tur hi Telecom Ministry-ah nawr hmanhmawhpui zawk se, anih loh vek leh khaw tina awm thei turin Braodband emaw Private Telecom Company emaw dawr zawk se, a senso a tlemin a feasible zawk ang. Pu Bungurstud2005 sawi khi chu BRGF hnuaiah a nia, Central sorkarin pek vek tura a tih anga pek mai an ni a. Hei pawh hi an tisual chhiava tih a petu, SIRD lam hian an hre tawh. Tunah chuan Electric connection nei VC chauh an pe tawh
[Report abuse]
September 13th, 2010 at 11:26 am
mahni mimal private a neih ah poh VSAT te chu kei ka lo duh ve a, RD ho hian at anso hlei nen. SWAN hi a muang tehtuah em alom. an report zawng zawng online a tih angai tawh si a. Central sawrkhar in a nawrin an nawr zawk a ni lom ni. Engmah an monitor sak theih lo a, Online a nih chuan monitoring atha deuh ang chu. Ka hriat ve dan chuan Review meeting a piangah Mizoram RD ho chuan internet kan nei lo, kan report thei lo an ti a. chuvang chuan an in nawr deuh ni om tak a ni. CIC te kha RD in la then se tha tur. ICT hoin an chu a, hlawh an inpe leh thei si lo a, maintenance nen, BDO hnuaiah khan zoram sawrkhat khan 5 years hnu ah la se, chuan, a thawk te ho poh an luck deuh zawk tur.
[Report abuse]