Lêngi te u,
Mawngtam kàk phak khawpa Kekawr in ha tight ta mai te, a thlâ lang ruâk thei khawpa in ha mâr ta lutuk te, in Legins hak pân tual tual ta mai te, chutih laia a khuhna lam in duh chhing telh telh lawi si te, a to bul atanga in mal mum/ khal tha tak tak hmuh tàk reng mai te hi– hmuh hreawm tih vanga ’sel’ kan ni reng reng lo. Hmuhnawm/ thlir nuam kan tih lutuk che’u hi e– in mipate hi kan khawlo zo ang tih kan hlau! Fimkhur rawh u, in ìtawm luatah suangtuahna ril tak nei, tih sa loh loh tih hreh lo- Sahuai sual intawng dah ang e… kan ti a ni zawk!
Thangtharte u,
American & European life ngaisang a, Korean fashion copy a, tawmhnaw chhuak thar leh tunlai ber ber te buaipuia in àtchilh ta lutuk hi, apawng-atak-in kan dem lo a che u. Keini ngei pawh, a hun lai chuan- ‘chhuak thar’ apiang bawh a, ‘tunlai’ taka inchei/ inthuam duh vek kan ni si. Mahse, nangni zawng, in ngaihsan leh entawn-a te’n hlawhtlinna pawchhuak tura an beih nasat zia te, tumruhna/ taimakna/ chhelna nun an neih nasat zia te hmuh thelh si a, thatchhiat nan leh in lak vei nan mai ni lo, hnathawh hreh/ zah nan leh nu&pate tihluhai nan lehzela in hmang ta kher thin erawh- pawi tiin kan helh a, kan vei a, kan sel a. Chu chu- ‘Hnam bo zia’ kan ti a ni zawk!
Eiru te u,
‘Phoro’ ni lo mah ula, in chhungril NUN erawh a ‘ro’ tih kan hria e. Mi zahkai leh chung en niin, lei hausaknaah tlang khuma lêng ni mah ula, tlang kamchhia leh anchhia in pumpelh thei si lo. Mihring/ tisa takin kan hua che’u a ni lo, nangmahni-a awm ’sual’ kha kan huat chu a ni zawk… han ti dawn ila, a eirutu chu nangmahni ngei kha inni bawk si. Hmmm… Eng pawh nise, in eiruk sum hian vawilehkhat-ah ala tihlum ang che’u a, sual sima insiamthatna hun tha reng nei loin, hremhmun lamtluang zawhin in liam dah ang e… kan ti a ni zawk! (ti mai teh ang)
Similar Posts:
- Mizo kan ni/ Kan hmel a tha/ Kan tum a sâng
- An lo tunlai mi ve tawh thin
- Ze Thup Mizo
- ‘SUUU’in ti,’SEEE’ ah kan ngai!
- Inhre zui zel ang u hmiang!
October 5th, 2010 at 1:49 am
I farnu te kha han zilh deuh pap2 ula..in bialnu te kha van ban deuh thuai ula…Zia mahna…HAHAHA …bul tran ngam ban phar lok teh ang u..
Eiruk pawh hi kan nu leh kan pa te … kan chhung hnai deuhte hming a lan ve na hian chuan, kan sawi mawi leh daih zel ania..
[Report abuse]
October 5th, 2010 at 2:15 am
Bul tan tawh nilo sela a post hauhin ka ringlo. Eiru sawimawi misual.com ah hian ka la hrelo, eiru an awm a nih erawh chuan ka hrelo.
[Report abuse]
October 5th, 2010 at 2:24 am
@kawlhawk chuan ka thu a la zawmlo fo ka ti! Subject a la dahlo.
OT : @kawlhawk, lo inring rawh! tum anga thil a awm chuan tun atanga reilote ah kan rawn ching phul dawn che!
[Report abuse]
October 5th, 2010 at 2:43 am
Pu Vangchhia.. Misual.com ah hian eiru an sawi mawi ka tih hauh lo.. sawi mawi an awm pawh ka ti hek lo… ka sawi tum zawk tak chu..kan chhunghnai te, eiru ve atan kan la accept thei lo ka tih na lam zawk anih chu…Tunah pawh hian misual.commer zingah hian officer/politician/someoone in a position.. eiru thei dinhmuna ding kan nih loh pawn an fate an tu te kan awm ka ring…mahse kan in ngaihbel phal ka ring lo ka tihna mai a ni e..
[Report abuse]
October 5th, 2010 at 2:57 am
mamambung, #54 ok
[Report abuse]
October 5th, 2010 at 6:17 am
Hetiang ho hi hmuh apiangin Sir kawlhawka post hi print teuh ila pe zel ila tha ang.
[Report abuse]
October 5th, 2010 at 9:11 am
We are shaped and fashioned by what we see and admire – whether it be dress, fashion or even corruption. The important thing is to ask ourselves “Do we light up our candles for the Lord?” Kawlhawk, I post hi ka ‘like’ em em e!
[Report abuse]
October 5th, 2010 at 11:12 am
Hetiang mihring ho hi chu perh pawp pawp tur pu hv-a’n a tih tak kha mawle…
[Report abuse]