Zantiang tawnmang ah chun leh zua tawng e.
An hmangaihna chuai ngailo chuan min lo chhawn a.
Kei Lungmawl hian an hlutna ka hre seng lo.
Ka tana an thlantui luang leh an rilru sen zawng te.
Engtikah tak hrezo i maw?
Ka tan ti an chan ai chan tha min chan tir dan te
An neih zawng pawh ka tan an ui loh dan te.
Ka tana an tawngtaina zawng zawng te hi.
An hlutna hre zo lo mah ila heng hian min thlamuan thin.
Theih changes an tan thilropui tih ve ka nuam ngei e.
Hringnun dan ah tar hun a awma thih hun a awm thin.
Ka par zu dawn hman lovin mual an liam ang tih ka va hlau thin em!
Tunah an tan thilropui ti thei hrih lo mahila.
An rilru chauh erawh tihnat tumlo tang e.
An ni aia hlu midang reng he khawvel ah ka nei si lo.
An tana thil ropui titur erawh chuan
Tun atanga thawh nghal a ngai tih ka hria e
October 31st, 2010 at 3:33 pm
Hei hi hla ami?
October 31st, 2010 at 3:35 pm
A tha, a tha… A mawi a, a thu ken a ril bawk.
October 31st, 2010 at 3:38 pm
…chuvangin kan zirlai te hlawhtling ngei turin i bei ang u!
Good post.
October 31st, 2010 at 3:51 pm
Kan chun leh zua te hi i chawmawi zel ang u! kan tan an hlu chuang si a!
October 31st, 2010 at 4:19 pm
“An rilru chauh erawh tihnat tumlo tang e.
An ni aia hlu midang reng he khawvel ah ka nei si lo.
An tana thil ropui titur erawh chuan
Tun atanga thawh nghal a ngai tih ka hria e”
He lai thu hi a pawimawh lehzual ang. Tunlai thalai tam takte hi chuan an Nu leh Pa te hi an van ti khawngaihthlak thin em aw…!! Nu leh pa te hian min awmpui loh chiah hian an hlutna hi kan hre dawn chauh alo ni thin. Chuvangin min dampui chhung ngei hian an tan thil tih tam luat a awmlo ang.
October 31st, 2010 at 4:38 pm
Hla thu zirtir nei tha tak a ni e.
October 31st, 2010 at 4:38 pm
An mitin thil mawi a la hmuh theih lai te, an kain thil tui a la hriat ve lai te hian thil mawi an tihzawng hi neihtir thei ila, an duhzawngte pawh hlui thei ila fa hrin man awm lo zawng kan ni bik lovang. Motivate-tu a awm ka ring hle mai.
October 31st, 2010 at 5:43 pm
Post tupa…. nangma kamchhuak nge a nih mi thu i rawn post tih hriat ka chak tlat mai pek chu le……..
A thu a tha a, hla (thluk nei )a nih loh paw’n Poetry an tih ang tal a ni ngei ang…..
October 31st, 2010 at 5:50 pm
Ka va ngaihlu tehrêng em!
October 31st, 2010 at 5:53 pm
Nu leh Pa lam sawi hi chuan ka ngai thei lutuk.Ka hnuk i ti ulh tep a lawm, Post tu pa…
October 31st, 2010 at 5:54 pm
Nu leh Pa te hi an lo va han hlu em.
October 31st, 2010 at 5:54 pm
Number kawp kim lo hi ka ten riau, sawm pahnih law law teh ang. :lol: :lol:
October 31st, 2010 at 6:49 pm
Hetiang hian 1997 khan ka remkhawm ve a:
(abba,cddc….)
KA CHUNNU LEH ZUAPA
In hlu mange ka chunnu leh zuapa,
Awmlo ata awma min din vangte;
Chawia dawma min chawm seilen dante,
Ka rul seng hlei lawng e, chunnu zuapa:
Neihro sum leh pai thlahlel thei lovin,
Ka tan in ei leh in ai min zuahsak;
Neihlung khawngin tha leh zung min sensak,
Theihtawp in chhuah ka tan rilru sengin:
Thenrual laka ka hnufum bik hlauvin,
Thiam tin zirna buk hmun min belhtir;
Hmatiang ka sawn ve nan raltiang in thlir,
Ka tan entawn tlaka in nun vangin,
Nunkawng dik lam min kawhhmuh a lo ni,
Chun dang zua dang aia faktlak in ni.
October 31st, 2010 at 7:01 pm
#13 (abba,cddc….) hetiang in rawn dah ve ziah hi enge a, solfa tlem ka hriaa, chuchu a ni silo. codeword a mi?
October 31st, 2010 at 7:23 pm
Yay! Comment a la lut tlem tlat! Tinge? Nu leh pa neilo kan awm silo aa? An pawm lutuk vang a niang..?
@ozima.. Rhyming pattern an ti em aw?
October 31st, 2010 at 8:51 pm
Zawlaidi lamah an comment chur chur a, helam chu a reh tlawk tlawk mai. Nu leh pa aiin Zawlaidi a pawimawh zawk a ni maw :oops:
October 31st, 2010 at 9:16 pm
#16… Tun darkar atan chuan….. a nih mai hi maw….
November 1st, 2010 at 12:48 am
kan lei hmuhtheih Pathiante an ni a, an hlu em ani. I poem ziah poh h a tha v reng.. Keep it up..
November 1st, 2010 at 4:05 pm
@bucko nih ve kan hostel awm ve laia mumanag Ka nu te hmu lungleng deuhin kan ziak ve thla rawk nih hi..