Kan thalaite’n Bangkok tlereuh leh Singapore, Hongkong, Paris thuam changkang inthuam a, USA Product ngat hmanga hmai leh vun an chûl-mâm lai hian– Zofate Jerusalem, mamawh chakkhai leh ei tur tinreng kan lamna “Aizawl Bazarpui” hi en teh, a (ro)pui teh sin!
He ram– Lalpa zawn chhuah ram(?), Pathian hnam thlan(?), Missionary Nuai 1 tirh tum ramah hian Mithianghlim Nuai 1 lawr tur kan awm ang em le? Eiru hausa an huangtau a, Mi dik lote an pawngpawrh a, mi duhamte an nihlawh a, rethei apiang an phakar ta! Zahawmna chu amah(mihring)-ah teh loin, a neih rosum leh a hna, a chenna ramah kan inteh a.
Hmuhsit zâwng ka ti nâ phian a, kan dàwn erawh a tawi tut a. Ziak leh chhiar thiam tamna inti siin, tè ber atanga lian ber/ fing ber atanga mawl ber/ hausa ber atanga rethei ber thlengin, Dan(law) pawisak lohnain kan khat a. Dan chu hre kûr ngiai-nguai mah ila, man leh hrem kan tawh hma chu dan palzuta kal mawp mawp kan hreh hek lo.
Mahni inen duh si loin, Burma mi tawh phawt chu tual thah hreh lo, mi sual hlauhawm ber hmuhin kan hmu a. Vai chu ‘vai chhia’ tiin, hnam phakar leh mi bum tum ran hmuhin kan hmu bawk a. Anni chu he rama sualna chi hrang hrang leh thil tha lo tinreng rawn pu luttu-ah ngaiin, he ram mi dik tak– Mizorama pianga sei lian te erawh, sual rapthlak leh pawi lian tham khawih duh lo tur hmuhin kan inhmu hleuh thung a.
Chutih laiin, tunlaia tualthahna rapthlak pui pui, naupang pawngsual, ruk ruk, inrawk, hmai tuam, etc…, te chu a ram mi dik takte hnuhma ngei a ni lawi a. Vairama mizo nula rual bum thla a, hralh duh hialtute pawh- tudang ni loin, Mizo dik takte ngei anni si. Mizo leh Mizo hi kan inpawngsualin kan inthat hreh lo a, kan inrawkin kan inbum hreh ta lo! Engemaw hlekah Vai velh tur leh Burma mi hnawhchhuah tur zawngin kan hman hlel a, chu lamah chuan kan tha a za phian lawi a.
Eng kan ti zo ta nge ni le! Naktuk maia kan ram hruaitu leh kan mithiam chhuanawm tak tak la ni mai tur- zirlaite lah bang bik hek suh. Thisen luang khawpin veng pakhatah an lo inphek vuak luih luih a. A boruak sâ pawh a daih hmain, zirna In sang ber– University Campus-ah zirlai te’n an hotute Motor suasamin, an lo hal hluah hluah bawk a; kan va ropui lo tehlul em! Kristian zirtirna hmanga hrual puitlin, Eden bawhchhiatna atanga Kros thihna chanchin tha hmanga chawm len, Kristian chhungkuaa sei lian kan nihna reng a lang ta lo!
Kan ram hruaitute mawlh hi, In ropui atangin Thlam ropuiah, Thlam ropui atangin Bank Account inneih muk siakah…! Min tiama kan thlir- ram ropui chu kan hlat teh e. Kut dawh ram a ta min khai chhuak a, hnam intodelha min siam a, ral tiang min kaipui thei tur a nachang leh hmangchang hria hruaitu chu– Sakawlh a lo lan hma te hian nei ve tak ang i maw? Hruaitu nui ver ver chu hnawlin, hruaitu tûm hmuk kan thlang a, eng-ual a lo ang lo a 
Hei, tunlai hian inthlan (municipal) a ri dek dek a, ar chuk tui lo khawpa an inbeih leh tak chiam hi! A ruih chilhtute tana ngaihnawm tham, mipuite tana ngaihthlak hreawm khawpa Campaign au hla/ tawngkam an duh tui loh leh tak hi! Nak nemah an invit siah siah mai! Kan pute hi an duhnaah chuan duai lo ve tak an ni a; ropui ve vet vet tak an ni.
Mahse, tunlai thil awmzia hi mak tiin phawk hrû duh lem suh. Hei hi ZORAM a nih hi!!!
Similar Posts:
- Eizawnna a lo ni zel e!
- Kan au zel dawn!
- Dictator!
- Kan ti a ni zawk!
- ENGTIKAH NGE NIANG? TUTE NGE BUL TAN ANG?
October 26th, 2010 at 9:32 am
Ka hawng e
[Report abuse]
October 26th, 2010 at 9:32 am
Tunlai thil awmzia in hriat vangin muhil thawh harh a hun ta! Han ti nawn ila (first maw ka tia, KT a mai mai chu e)
[Report abuse]
October 26th, 2010 at 9:33 am
a va (ro)pui ve o
[Report abuse]
October 26th, 2010 at 9:33 am
A va tha kher em
[Report abuse]
October 26th, 2010 at 9:33 am
tunlai thil awmzia chu, AWMZIAAWMLO! hna lamah kan truan phot ange.
[Report abuse]
October 26th, 2010 at 9:34 am
Van phawrh tha thei em aw…
[Report abuse]
October 26th, 2010 at 9:34 am
Ka save nghal e..a va tha tehreng em! Inenfiahnan hmang teh ang u..
[Report abuse]
October 26th, 2010 at 9:35 am
@evergreen, kan nuih huk chu le..hehe
[Report abuse]
October 26th, 2010 at 9:36 am
Kan bazarpui hi enkawl thianghlim a ngai khawp mai thianghlimna lam hi kan ngaihthah deuh thin hi chu a pawi thin anih hi.
[Report abuse]
October 26th, 2010 at 9:40 am
@KT, ” yes, ka 1st vawikhatna” ka lo ti ve hman tawh a sin le.
Tunlai thil awmzia hian awmzia a nei ta meuh lo a nih hi. Hawh u, i dinthar leh ang u!
[Report abuse]
October 26th, 2010 at 9:47 am
Ziak thra khop mai..
[Report abuse]
October 26th, 2010 at 9:53 am
Mizoramah ngei i cheng a; mahse chu Zoram ngei chu duat a hnekin a chhiatna lai chauh i hria a ni maw? Hetiang mi hi Zoram mai nilo khawvel hian a duhlovin a haw hluah hluah a; khawvel ata hi paihbo (khaihlum adt.)a duh thin. Nangpawh hmanni lawkah thih ngamin i naa; hetiang hian i rawn tawng chhuak leh si. Khaihlum kher ngailovin hmanni khan lo liam nghal mai la tha tur.
[Report abuse]
October 26th, 2010 at 9:59 am
Mitinte kan inenchian nan darthlalang tha tak i rawn chhawp chhuak e. Tha khawp mai.
[Report abuse]
October 26th, 2010 at 10:01 am
Ka vei zong tak thil I lo post avangin I fakom khopz mai.
Tuna kan MIZO nunphung hi chu hei lo aliam CHOAK ARAWM CHANG INVUAH hi a awm thei dawn chuang em ni?
Mahse thil mak deuh mai chu, ka heti chung poh hian tumah hian zahna chang kan la hre chuang lo nia. Zah chu soi loh kan la intithei mah mah lehnghal. Kristian inti ngam tur hi kan awm thlot lo a ni.
[Report abuse]
October 26th, 2010 at 10:02 am
va ziak thain va ziak dik tak em!
[Report abuse]
October 26th, 2010 at 10:03 am
kan incheina ngaihtuah chuan kan eichawp bazar chu a va rapthlak ve mawle
[Report abuse]
October 26th, 2010 at 10:05 am
Tunlai thil awmzia….niminah hunthar lamah mipa pahnih tu tih hriatloh ten nula an pawngsual a ni awm a hrechiang in awm mial em???
[Report abuse]
October 26th, 2010 at 10:05 am
@Kawlhawk: I thlalak hi https://lawrkhawm.com/index.php?page=20148 ah hian post ve teh. Internet hamang thin chauh lo poh hian kan hmuh vek theih nan a va tha dawn em?
[Report abuse]
October 26th, 2010 at 10:06 am
dawizep#12
a sual sual hi dam thlahlel hlel kan ni roh a! Thih ka hlau, dam ka la duh… 
[Report abuse]
October 26th, 2010 at 10:07 am
A va ngaihnawm kher ve! Ka save nghal e
[Report abuse]
October 26th, 2010 at 10:08 am
A post-tu en lovin ka chhiar a, a tha ka tih em avangin a pot-tu ka han en ngat a, Pu kawlhawk bawk lo zu ni reng a.
Zoram hmangaihtu tan chuan a chhiatna lai hi chulmam tum ngawt zel chi a ni hauh lo. Bible a Zawlneiho, Pathian leh ram hmangaihtu dik takte pawh kha Israel lakah an tawngkam hman kha na thei tak a ni. Thring taka Zoram hmangaihtu hnam dang hmusit ringawt zel maiho hi hnam hmelma an ni.
Mizo hnam hi ka rilruin ka la dah sang a, ka beiseina pawh a sang a, ka mizopuite hmai hi ka zah ber. Taxi driver phakar deuh tak ngial pawh hi vai driver anga han hnial vak thin hi ka hreh em em zel. Mahse ka mizo rilru ang pu pha tawh lo hi an lo tam tawh riauin ka hre ve thin. MIZO HI HNAM ZAHAWMAH SIAM I TUM TEH ANG U.
[Report abuse]
October 26th, 2010 at 10:10 am
“Missionary Nuai 1 tirh tum ramah hian Mithianghlim Nuai 1 lawr tur kan awm ang em le? Eiru hausa an huangtau a, Mi dik lote an pawngpawrh a, mi duhamte an nihlawh a, rethei apiang an phakar ta! Zahawmna chu amah(mihring)-ah teh loin, a neih rosum leh a hna, a chenna ramah kan inteh a.”
a van nalh tak em helai thu hi! Kawlhawl i ril lutuk. ka ngai sang che.
In kan inhnaih tial tial a, tukverh hawn harsa khawpin thenawm kan inhnaiha, kan thinlung erawh a inhlat si a nih hi.
[Report abuse]
October 26th, 2010 at 10:14 am
pot-tu tih tih mai chuh, s lam thiam lo ang mai “POST-TU”, nge na vei.
[Report abuse]
October 26th, 2010 at 10:17 am
@dawihzep..mi tha awmkhawmnaah sawisel tur a vang thin. Kan diklohna lai zel atanga insiamthat tum tur alawm. Thing hi a hnah uluk takin enkawl ila, a zung chawm tha si lo ila hlawkna a awmdawn mi? Ni e, nang chu i tha famkim bik a ni ange..
@william enge choak arawm chang tawn?haha
[Report abuse]
October 26th, 2010 at 10:17 am
Pui lutuk…! ka thlawp e… Aia upa te pawh kan zah lo tial tial a, ‘An chawm kan ni hleinem…! enge kan zah/hlauh bik ang le?’ tih tawngkam te hi naupang te te pawhin kan chhak chuah duh zawng leh nu lehpa te pawh in kan in zirtir fona ani ta mai anih hi…. post tha tak ani e
[Report abuse]
October 26th, 2010 at 10:26 am
A va dik teh lul em… He misual chhunga comment thin ho pawh hi kan dik vek bik lo ania kei tel in. Kn in enchiang chu a ngai ani.
[Report abuse]
October 26th, 2010 at 10:26 am
Baala hmaa thingthi ngai lo chu nuai 230,000 vel tak an awm ka ring.
[Report abuse]
October 26th, 2010 at 10:31 am
Union Territorry kan nih atanga tun thleng hian mizo te hi intodelh leh tak kan neih ka hrelo a….sum sema thlem kan awlsam viau chhung hi chu kan la intodelh lo a, dem tur chuang kan la omlo ani e..tunlai thil awmzia hi??????
[Report abuse]
October 26th, 2010 at 10:49 am
Diktak a sawi chuan hmaaanlai, hnamdangin minla chiahpiah hma kha chuan kan intodelh ngei a lawm ei leh barah chuan, changkan te kha mamawh heklo i, buh khamkhawp neih chuan kan lawmtawk em em a, sa kap thei leh huaisen/tlawmngai deuh te kha tlangval luck anni a, khatiang khan tuma chimbuai lohin mahni mum mum khan lo mum chho ve ta ila, kan phaktawk te te in hnamdang leh an bungrua chawkluh kha lo ti ta ila, tun ai hian kan khawtlang nun chu a ralmuang zawk hial a ngem le ?
[Report abuse]
October 26th, 2010 at 10:54 am
Ka zirpui hnamdangte nen kan thut ho laiin he post hi ka hawng a ka phu zuk a,eng hmun nge ani tih min zawh ka hlau lutuk a chhiarlo in ka comment nghal mai.
Hei aia changkang deuh hi chuan kan ti thei ang mawle…
[Report abuse]
October 26th, 2010 at 11:00 am
tuna kan super super model ho te hian shooting neih nan i pic ron post na hmun vel khi han hmang se chu…a nalh viau mai thei ani
[Report abuse]
October 26th, 2010 at 11:02 am
Kawlhawk nen zin dun ila, kawngtluanin a titi ngaihthlak ka chak. Khawpui laili taka hetiang hmun tawp lutuk a awm tlat mai hi, thenfai hnatlang neih a tul anih hi.
Zoram siamtha tur chuan siamthat ngai lai point out nghauh nghauh a ngai. A that tawk lohna te, siam that ngai lai te thur chhuah hnu ah chauh ’siam that hna’ chu a thawh theih ang.
Kawlhawka thahnemngaihna hi a ropui ka ti. Dawihzepa te anga mi personal life atanga thuziak rawn justify hi a tul lo khawp mai. “Nang pawh enge i nih bik” kan inti zel dawn anih chuan tu in nge Zosam siam tha ta ang le?
[Report abuse]
October 26th, 2010 at 11:02 am
Ngaihnawm tia chhiar liam mai a tawklo.He post hian kan tunlai dinhmun diktak ani a rawn phochhuah ni.Inenletnan i hmang theuh ang u.
[Report abuse]
October 26th, 2010 at 11:04 am
Hei zet zawng, ka chhiar chhuak dap a, a va tha kher em!! in en let nan i hmang threuh teh ang u
[Report abuse]
October 26th, 2010 at 11:06 am
ziak tha in i ngaihtuahna leng vel a ril thei khawp mai. N8 camera chu alo tha em anih khi mawle! :awt ve:
[Report abuse]
October 26th, 2010 at 11:19 am
I thil ziah chu ngaihtuah a tan chuan atha khawp mai…kan tunlai zoram khawvel mai pawh nilo khawvel nunphung hi a buai zo ta chu a ni..
Amaherawhchu hetianga pessimist writting hlang ringawt hi chuan mi rilru a ti harh lovin a ti chiai zawk mah in ka hre ve thin.Chuvang chuan a eng lam zawng thil thlirna lam leh hmalam kan pan dan tur chhawpchhuah tel thin hi a tha hle in ka hria..Chhiartute dinhmun kan inang vek silova…
[Report abuse]
October 26th, 2010 at 11:22 am
Chhiar a nuam in a man hla hle mai.I kut chhuak ho hi a “CIAL’ thei khawp in ka hria #kawlhawk.Magazine-te pawh hi siam ta la,a chhiartlak viau in ka ring,ka subsribe ang.
[Report abuse]
October 26th, 2010 at 11:22 am
Iva han hnehsawh salh salh ve le
A dik viau chungin, ka chhiar palhin ka nui suk suk lawia.
“hruaitu nui ver ver leh hruaitu tum hmuk”. hiii
[Report abuse]
October 26th, 2010 at 11:28 am
a ngaihnawmin a tha kher mai…kan chhiar liam mai mai ang tih chu ka hlau…
[Report abuse]
October 26th, 2010 at 11:49 am
A heading-ah hian Tunlai Thil awmzia tih ania, address bar-ah chuan Tunlai boruak leh kan nihna tih a ni daih.
[Report abuse]
October 26th, 2010 at 11:59 am
Tetea#40, “Tunlai thil awmzia/ Tunlai boruak leh kan nihna” heading a sei tehduah dawn lutuk a, ti khian ka ti ta mai
Comment petu zawng2te chungah ka lawm e.
[Report abuse]
October 26th, 2010 at 12:38 pm
@kawlhawk: i va han ziak tha kher em! SALUTE^!
[Report abuse]
October 26th, 2010 at 12:51 pm
I post hnuhnun apiang hi thaber ni hian ka hre mai zel.
[Report abuse]
October 26th, 2010 at 1:01 pm
A chhe lai hlir thlir chuan chhe tak kan ni. Mahse a tha lam kan hmuh thiam ve a pawimawh. Hmasawnna leh changkanna kawng zawh zel tur chuan kan thatna leh theihna lam thlirin infuih sauh sauh ila kan hlawkpui zawk ang.
[Report abuse]
October 26th, 2010 at 1:14 pm
A rropuiin chhiar aman hla leh pek hle mai. Mizote te hi kain bih ngun chu angai ani, kan chheh vel hnamdang hian engtin tak min hmu ang maw ka ti thin, City bus ah nise Vai an nih chuan kan conductor an kir that duh loh hi ka tawng ve ta zeuh zeuh mai, kan zirlai pawl te lah pawisa khawn in an hman hlel a, Phai ah a duh duh hian pawisa min hnehchhuh ve se sual kan tih dan tur te hi kan ngaihtuah ngai em aw.. insiam that kan ngai hle mai.
[Report abuse]
October 26th, 2010 at 1:17 pm
Kan chhiatna hlir hi i inphawrh mawlh2 ang u, tihna ni loin, kan thatna leh felna ringawt hi sawi tlawr dup dup ta ila, hniam lam kan pan loh vek pawhin ngai kan awh lek a ni ang. Kan hmai balhna laite hmu-a tifai tur chuan darthlalang kan mamawh! A tih dik loh te hrilh lo a, englai pawha fak hlawh reng naupang chu a tawpah a kalsual nge2 thin…
[Report abuse]
October 26th, 2010 at 1:24 pm
Sabji bazar leh a chhehvel ang hi chu bharat khawi hmunah pawh hian a heti deuh vek mai in ka hria.Khi aia tha khi chuan tise duhthusam,alehlamah mipui nawlpui hian kan vawng tha/thinghlim thei angem?rawng thar an hnawihna khi ala reilo tehreng nen bangah chinai,kuhva chil pik na etc hmuhtur a awm leh nuk tawh mai,kan la changkan loh lutuk vang nge a building leh a chhehvel hian zah phu turin ruangam a neilo ve hrim hrim le?
[Report abuse]
October 26th, 2010 at 1:27 pm
Kawlhawk inthlahrung hauh loin rawn sawi zel rawh, kan that lohna lai in hrilh hriat hi insiam thatna tha ber ani. Sual nih inhre lo tan a pianthar theih loh.
[Report abuse]
October 26th, 2010 at 1:35 pm
dawihzep#12 I tawngkam tlahawlh leh dengkhawng tak tak en hian nangmah ngei hi zoram mai ni lo khawvel hian a duh lohva, a huat hlauh hluah a, khawvel ata paihbo (khaihlum adt) a duh tur mi chu i ni e, Kawlhawk ni lovin.
[Report abuse]
October 26th, 2010 at 1:38 pm
@lrki, dawihzepa a lo che leh tawh alaw?? hetiang mi hi “attention seeker” an tih ang chi hi nia..chuvangin ngaihsakloh hi thra ber,kan ngaihsak hian an tum an hlawhtling mai2..kawlhawk leh lrki,full support..
[Report abuse]
October 26th, 2010 at 1:39 pm
Tunlai thil awzia chu Awmzialo tiin in tan phek thar ka rawn keu e..:clap, clap:
[Report abuse]
October 26th, 2010 at 2:11 pm
Pu Kawlhawka’n a thupui atana a thlan hi a fuh lo anih ber hi. Engpawh ni se, a thuziak te hi chu tha tak a ni ha tak. Hetiang ram leh hnam veina tak tak atanga puak chhuak tawngkam te hi chu a thlum tak tak thei ngai lo a nia. A bikin khi thlalak atang kher khi chuan han infak mawi vakna tur thil chu a awm lo maw le.
Rilru tak taka ram veitu chuan sawiselna lai tur a hre viau thin a, ‘ni mai mai teh se’ tiin a thlir liam ngawt thei thin lo.
[Report abuse]
October 26th, 2010 at 2:43 pm
Tha lutuk
[Report abuse]
October 26th, 2010 at 2:49 pm
Eee Pu chu i rawn ti tha hle mai… Keipawh hetiang lam hi ka vei zawngtak a nia. Hetiang thu tha tak tak te hi Kan Ram News Paper zawng zawngah te khian tarlan theih thin nise a tha ngawt ang. Ami nazawng hian Internet kan nei thei si lo. Anyway welldone…!
[Report abuse]
October 26th, 2010 at 3:30 pm
Thil dik tak i ziak e, kawlhawk. A mangan thlak deuh chu a ni e. Tam zawk hi chuan kan dinhmun kan hre lo. Hnam bo zia hi chu kan pu deuh chu ani e.
[Report abuse]
October 26th, 2010 at 4:32 pm
Va ziak tha teh kher em!Pu kawlhawka dam reng rawh se:)
[Report abuse]
October 26th, 2010 at 4:39 pm
E khai a chhiar a nuam dang dai kher mai. A thu inzam chhoh vel dan atang hian ataka zoram hmangaihna rilru pu a rawn ziah chhuah a ni ngeiin a lang. Han ziak zel th lee
[Report abuse]
October 26th, 2010 at 4:46 pm
kawlhawk chu lehkhabu la ziak teh khai, thil ziak lamah hian talent i nei tha riau mai.
[Report abuse]
October 26th, 2010 at 5:09 pm
Mi fate tawngkam han thiam dan em em hi chu O!
Kawlhawk ziak tha khawp mai.
[Report abuse]
October 26th, 2010 at 6:07 pm
A tha hla mai tih bak sawi tur ka hre lo
[Report abuse]
October 26th, 2010 at 6:23 pm
A tha kher mai. Fuh char char khawp mai.
[Report abuse]
October 26th, 2010 at 6:51 pm
Post tha tak chu a va ni tehlul em
Pu kawlhawk, i lamah ka trang e, kawngpui pawh a chhe lai kan siam that dawn chuan a tha lai zawng lovin a chhe lai lai a ni lawm ni kan zawn thin. Kan ram siam tha tur pawh hian a tha lai chauh thlur a, infakmawi chawp vel a ngai lo, a chhia a nih chuan siam that kan ngaihna lai kha thlur nghauh nghauh mai tur.
[Report abuse]
October 26th, 2010 at 6:57 pm
Edit :
hei hi 
hemi tur zawk hi 
[Report abuse]
October 26th, 2010 at 6:59 pm
@Kawlhawk nge nge ti leh mai teh ang! I thu hi a rilin a va fiah thin tak em! I thu ziakte hi a buin la siam ngei tak rawh khai!Thangtharte tan a la hlu dawn em mai!
Zoram tana i thahnemngaihna tawngkam hrethiam lo va Personal life thleng thlenga beia thi law law mai tura duhtu @dawihzepa khian a hming a pu zo viau e!
Thianpa kawlhawk, zam suh, ziak zel rawh!
[Report abuse]
October 26th, 2010 at 6:59 pm
Ah ka edit thei lova, tunah a dik leh lawi si :mak ti:
[Report abuse]
October 26th, 2010 at 7:01 pm
Tu emaw hi chu ngawi mai mai sela a huaisen ka ti zawk ang
[Report abuse]
October 26th, 2010 at 7:12 pm
Pu keimah, nang meuhin tha i rawn tih hi chuan, ziak tha ve tak awmin ka awm hmiah zel
Komen petu zawng2te chungah ka lawm e. dawizepa pawh telin…
[Report abuse]
October 26th, 2010 at 7:18 pm
Dawihzep #12 i tawngkam khian ka thinlung chhungril ber a ti na tih lo hre rawh! Chutih rualin kawlhawka hian ‘hei hi “ZORAM” a nih hi’ i tih hi chu ka pawm phal lo! Mihring hi chuan chhiatna lai chu kan nei vek ang, amaherawh chu heng kan chhiatna karah hian thatna leh fak tlakna kan ngah tih i hriat kha han thai lang ve zeuh la ka van ti em!
[Report abuse]
October 26th, 2010 at 7:44 pm
#68 Maisek comment last para hi ka tawm e
[Report abuse]
October 26th, 2010 at 7:45 pm
Dawihzep hian a identity hi unioque turin commentah hian a rawn hram tlahawlh mai mai ah ka ngai. A comment hi engah mah ngaih duh tur ah pawh ka ngai lo. Lo hram mai mai teh se.
[Report abuse]
October 26th, 2010 at 7:53 pm
dawihzep #12. I tawngkam teh hrep chu ka HUAT zawng tak, uchuak leh chaltlai a va ni em! Khitianga anchhia i lawh khi i chung ngei a thleng thei tih i hria em? Eng ang mihring nge maw i nih le?
[Report abuse]
October 26th, 2010 at 7:57 pm
Ka la duh tawk lo. DAWIHZEP!!! Kawlhawk nen hian in thu leh hla atang ringawt pawhin dam tura duh zawk thlang dawn che u ila kawlhawk hi chu a dam chiang ngawt ang.
[Report abuse]
October 26th, 2010 at 8:09 pm
dawizepa anchhia laka ka thlavang min hauh saktu zawng2te chungah ka lawm e. Ni e, lo hram ve mai2 rawh se. Ka dam chen turah hian thu a nei lo tih ka hre chiang a, thi mai tura anchhia min lawh khi engah teh vak ka ngai lo e. Thupuiah lut ang u, a ho e mai..
[Report abuse]
October 26th, 2010 at 8:20 pm
Daiwihzepa chu va au pawr ve..
i kam surf bur 1 nena tleuh a ngai ani mau! 
[Report abuse]
October 26th, 2010 at 8:39 pm
Kawlhawk i va post tha kher em ve le, ka post atan ka it lutuk, ka thiam ve der si lo, vawi thum ngawt kan chhiar chu, a tha e, a tha e, zam suh kal zel rawh ka 2nd a che
[Report abuse]
October 26th, 2010 at 8:42 pm
Surf ni lovin CHINGAL FIR no khata thruah a ngai a nih khia
[Report abuse]
October 26th, 2010 at 8:50 pm
triple,
[Report abuse]
October 26th, 2010 at 8:52 pm
“Tunlai thil awmzia” tia Mizo Bible-a kan hmuh hi a saptawng lamah chuan, “Knowing the times” tih a ni thung a, Hun chhiar dan hriat chian a kawk zawk a —chu hun pawh chu “Romans time scale” lam ai mahin “Pathianin hun chhiar dan a ruat dan” a ni zawk bawk. Ka OT riau! Mahse, chik mite tana rawn tilui ve khrim khrims ka ni!
[Report abuse]
October 26th, 2010 at 8:57 pm
dawizepa comment chuan rilru a va khei deuh ve. Ṭawngkam hi uluk tur asin
[Report abuse]
October 26th, 2010 at 9:03 pm
camera a nei tha ta bawk a, post tinah thlalak kan beisei tawh mai ang a… hahaha…
[Report abuse]
October 26th, 2010 at 10:27 pm
Kawlhawk, i thil vei hi ka trawmpui lutuk che…mahse maw, hei hi chu khawvel pum problem a ni e! Ka zoram duhtak hi exceptionally hopeless kan ni bik lo.
State dang Mumbai velah, thenkhat bawlhhlawh paihkhawmna hmunah cardboad insak ah an cheng a, a then Maybach car manto in an tleng zer zer a. Delhi ah lah politician lian faten pawngsual leh mi sawisak vangin jail bang zut theilo khawpin an in tham kual a. Burma mi kan hmuhsit a, kan hnawhchhuah ang thovin Bal thackeray leh a kid ten marathi nilo ngaithei lovin an state maharashtra atangin an han hnawt haw a. Sakhuana lamah la, inla hindu kulmuk em em in, mahni inah an pooja tluk² bakah motor thar nei pawh ride pui hmain temple ah an hlan vel a, eiruk leh mi tham, mi hmusit an hrat em em tho. Vai politicians ho thlam ( farm house) te lah, 5 star hotel ang mai an ni si.
Khawvel hmun tin hi a bawlhhlawh a ni ber e.
[Report abuse]
October 26th, 2010 at 10:51 pm
@Kawlhawk thra lutuk x 10……..
Hei hi Mizoram a ni tih lai hi…..
[Report abuse]
October 26th, 2010 at 10:58 pm
Nia, Pi black i sawi ang khian. Insiam that kan ngaihna laiah chuan insiam that tum hram hram ila. Kawlhawk i rilru ilo ti hah lutuk ang e. dam dam dam.
[Report abuse]
October 26th, 2010 at 11:05 pm
@Kawlhawk… trawngkam i va han thiam em em! A tawi2 nen funkim khawp mai
Sual hriat tam ltk pawhi thalo nia, thil tha pawh i hre treuh ang ka ring tlat.
[Report abuse]
October 26th, 2010 at 11:19 pm
Ti ve tlai khawhnu leh teh ang, chhiar ve chauh hek ile…
Mi huaisen, huaisen taka thuziak ngam; thu chauh nilo, a tak pawha huai ngam @Kawlhawka kan lo nei che hi, misual zawng zawng vanneihna a ni e.
I hmuh leh i hriat, i tawn zawng zawng hi THU-ah chantir zel la. Thu fahrah deuh ni-a i ngaih thleng khan, kan tan chuan thuril a tling zel tih lo hre nawn fo teh aw…
[Report abuse]
October 26th, 2010 at 11:28 pm
Kawlhawk: Ka misual atanga post tha leh ngaihnawm, belhchianawm ka la tih ber a ni e. Keini kan fel ka tihna lam niloin, kan ram hruaitute chhiar atan ka it zual khawp mai, lo hmu ve tak ang maw.
[Report abuse]
October 27th, 2010 at 12:11 am
Pu Kawlhawka ang hi kan ram hruaitu zingah hian han tel ve teh seng chuan.Hetiang ang ringawt chuan kan ram riangte hi a bet reng lo tawp ang maw le.
KAWLHAWK NGALFIM,KHUPBIH TAR NUN NING KHAWP EM LO TAR NUAM CHEN THEI TUR IN DAM SEM VUL RENG RAWH.
Nangang hi kan MIZORAM HIAN KA LA MAMAWH EM EM ZEL DAWN CHE
[Report abuse]
October 27th, 2010 at 1:53 am
Tha khawp mai. Keipawh kan ram kalphung leh dinhmun ka ngaihtuah chian a piang hian ka thaw a pik up up thin!
Heihi Mizoram dinhmun dik tak a nih avangin kan in ngaihtuah a kan in siam that theih nan kan hmaah hian darthlalang hun chhuah hi a pawimawh ka ti.
Mi thenkhatin a negative lam ringawt sawi an support lo deuh ni in a lang. Hei hian ngaihtuahna min siam tlat. Enge positive lam sawi tur ni ang tih ka ngaihtuah nauh nauh va, ka ngaihtuah chhuak hleithei hauh pek lo mai.Ka mut a chhuah deuh vang nge, Kawlhawk bawk hian Mizoram thatna lam chu han ziak leh se a tha ang
[Report abuse]
October 27th, 2010 at 3:01 am
Chhiar va nuam em. Kan nundan a chhungril a trang in a pawn thleng in i thailang thiam/thei zel hi ka fak tawp che Pu Kawlhawk!!!. Ti leh nghoh2 teh!!!!
[Report abuse]
October 27th, 2010 at 3:08 am
Thuziak tha tak ani.Mahni theuh hi in bihchian kan ngai ani. Chhungkaw tin hian ngaihsan tur dik leh belhchian dawl nun inzirtir lehzual kan mamawh . Burma mi leh Vai ho thawhtur awmlo leka hna kan thawh hunah chuan heng problem tam zawk hi chu a bo ang mawle. Hnam taima tak chu tluk chang nei mahse an tho leh zel mai, a hma aia ropui zawkin… Uar lehzualin taimak i zir tlang ang u. Mipui taima tak kan awm chuan ram hruaitu te chu kan nawr kal zawt zawt mai ang.
[Report abuse]
October 27th, 2010 at 4:32 am
Facebook lam atanga kan hmuh daih chu le. Ka va missed nasa ve le
Zoram Khawvar hun hi kan nghak thup mai anih hi mawle. A thenah ni a chhuak meka, a then an Hi5 a then in zingtian ar an khuan tira, a thenin zanlai arsi in min en an tum bawk.
Kan hotute hian an zuk lai hi an zu kham har em maia, khua hi a var tlai phah ang tih hi kei misual hian ka hlau khoops
[Report abuse]