Hmanni chu Mizo Blog directory atangin Mizo Blog hrang hrang ka keu kual vel a. Changkang, mawi leh chhawrnahawm tak takte an ni hlawm a. Mizoten hma kan sawn nasat tawh zia pholangtu pawimawh tak an niin ka hria a, lawmawm pawh ka ti. Blog nei an tam em avangin han len kim vek sen rual a ni lova, ka la leng kual zel mawlh ang.
Ka len kual velna a “Mak” ka tih ve deuh mai mai pakhat chu Blog tin deuh khan an sidebar ah About Me an dah a. Hetah hian ka lo ngaih ve mai mai dan chuan Blog neitu chanchin tawi a inziak turah ka ngai a. Inziak lo tawp chu awmlo mahse an blog tlawhtute tana a neitu han hmelhriat rei ruai theihna tur takngial pawh a awm hauhlo mai a. Mi awmlo inchhunga lenglut ang deuh duka inhriatnate pawh a awm dawn dawnin ka hria a.
Blog neitu contact duh tan pawha inkharphui tlat mai engemaw zat an awm bawk. Vantlang chhiar leh tlawh theih tura kan inphochhuak a nih rau rau chuan inthup tit tet a ngai chuang em ni aw..tiin ka ngaihtuah zui ve mai mai a. Kawtthler lun lai takah Nawhchizuarin hmai khuh tlat chungin “Dawr theih ka ni e” tih lehkha ziak keng ta sela; chutiang deuh chu ni mai awm nite’n ka zuk hre rum rum a.
Kei roh hi, hriatna kawngka zim tak nei, thiam aia thiamloh ngah zawk ka nih avang hian ka ngaihdan hi a thing viau pawh a ni maithei tih phei chu ka dawn pha ve kur tho a. Ka ban phak ve ang tawk hnampui, tuipuiral-ho Blog te ka han lut ve rup rupa. Anni chuan an mahni kan hrechiang lovang tih hlau ni zawk awm hiala chiangin an chanchin leh nihna an lo tarlang kiau kuau bawk si a. Mahse ka banphak a tawia, ka len velna ram a zim em a, “Sapho pawhin an ti a..” ti tur khawpa chiang ka ni hauhlo tih ka phalo e.
Facebook lamah han lenglut ila, kan thiante ngei ngei pawh nula nge an nih NU, tlangval nge PA hriat theih reng reng lova inthup tlat mai enge maw zat an han awm tlat maite hian ngaihtuahna thui lemlo chu mi a siam chiang alawm.
Kei mi(sual) lungmawl ve mai mai hian ZE THUP hnam ang dawn dawnin kan hnam hi ka zuk hmuh phah ti tuai dawn ta mai a. Ka rilru a vak thui zel a, Ze thup hmang kan nih zia tanchhan tur ka han dap chiam mai pek a. Han zawn takah chuan alo tam thei hrep mai lo niin. A langsar zual ni a ka hriat pahnih khat lek tarlan ka duh a.
Kan nulate hian an zia hi an lo va’n thup nasa thin em aw ka ti. Ka dem hauhlo na a, kan ram leh hnam kalsiam a khawih phak tlat nite’n ka hre ve a. Kan hnamzia ah reng hian mipain nula kan rim ang hian nulain tlangval rim thu awm miau silo chu, awmhmunah lo in tih duhawm hle kha an tihtur a ni ber mai a. Mipate mit la leh hip thei ber tur ni a an hriat nungchang leh zia, an pianpui ni reng renglo hmang khan an han inla bawih ta hnap mai thin a nia ! Chu ze-thup zia, lemchang nun chuan mipa thinlung hi a ti kehsawm ta mai thin a nih chu. Hetih hunlai na na na hi chuan Hollywood tuala phochhuah tlak khawp lemchang nun an nei chiang a ni.
Mipate pawh hi kan lo bang bik hauhlo mai a. Nulaten ‘pa deuh hrak’ an ngaisang ni a kan han hriat chuan kan han inla Rambo thei mai a. Korean thlipui avanga kan nulate ngaihsan inthlak ta deuh ni a ngaiin kan incheina leh ka zia zawng zawng kan han ti nem deuh hlui hreh lemlo bawk nen.Two wheeler ngaisang ni a kan hriat chuan thenawmte helmet keng chunga nula rim hreh miahlote pawh kan lo awm ve leh zel a.
Ni, chutiang ang ze thup thinte chu pawnlam lang thei zia inhiptawnna avangin kan han innei ta lawp lawp mai a. Inneihna ah lem a chan theih tawh miau siloh avangin hun reiloteah kan zia tak tak lo langchhuakin, “Ka rin ilo anglo” kan inti tawna, inthenna, fahrah siamna a thlena, kan ramin a tuar ta thin a nih hi.
Kan Kristiannaah hlei hlei hian he lemchang nun, ze thup nun hi kan va phochhuak nasa thin tak em ! Buh lem leh a tak chu to za tur chu kan ni meuh mai a. Buhlem hi buhtak dip ral vek khawpin a thangduang ang tih a hlauhawm ka ti.
“Hmel a siam theihloh a, nungchang erawh chu a siam theih” an ti a. Kan pu Vanapa khan alo lan chiantir khawp mai. Tunah zawng, kan hmel nen lam hian kan thup zo ta. 
Similar Posts:
- Ze Thup Mizo
- Pui thei in awm em?
- Aryan’s Swiming Pool
- Hnam phatsan nge, Hmangaihna?
- Valentine’s Day special
Hriat...
November 19th, 2010 at 1:31 pm
A bengvar thlak thin e. Blog ah hian ‘vantlang chhiar theiha kan intarlang a nih rau rau si chuan’ ka tih vang ve mai a ni a. Chutiang tak chuan…han tih tur ka hriat vang a ni lo ve. Tin, facebook ah poh hian hriat ka nei tamlo hle. Kan thianpa (nupui nei lai) pakhat inti zawnglai leh kum ziak naupang chawp, nulate bawl kual thinin a nawm zia a sawia, hetiang ang tih ching hi tam tak an awm poh ka ring. Mimal zalenna anih rual hian nakina kan la buaipui tham sualna a inzep thei em aw…ka ti ve mai mai.
Internet khawvela ka hriat phochhuah ka tumna lam ni lovin, ka phak ang tawka kan ram ka vei ve na a ni e.
[Report abuse]
November 19th, 2010 at 1:35 pm
Blog leh website neih hian kan chanchin engkim phochhuah tura neih/siam kan ni tih inziakna a omlo bakah a thralo. Lemchang lampang leh a Kristian lo anga ngaih pawlh hi net presence ron neih ve chauh amawni, thil chinchang la hre vak ho te tihtur leh beisei tur renga ka ngai ve thlaps.
[Report abuse]
November 19th, 2010 at 1:45 pm
Blog siamtute hian chhan hrang hrang vangin an siam a, thenkhat chuan technical lam te, a thenin personal diary ang deuh ten, a thenin group thiltih tarlan nan te, a chhan a tam ang. Chuvang chuan profile an tarlan dan pawh a inang lo nuaih ngei ang le. Thenkhat tan chuan rilru han tih thawl nana hming lem hmanga han rak vel chiam te pawh hi a nuam mahna, a taka kan sawi lan ngam loh sawi na kha a ni ve tlat a. Mahse i sawi ang deuh khian social networking sites ah hi chuan mahni nihna lo anga insawi hi chu an tam khawp ang le, mipa ni si hmeichhia anga profile siam te pawh kan hre teuh ang. Mi kan khap thei dawn chuang lo a, a tak leh a lem thliar thiam hi a pawimawh a ni mai.
[Report abuse]
November 19th, 2010 at 1:51 pm
Mahni identity thup chu a pawina ka hre lem lo. Mahse kan thuziak azirin comments tal hi chu hawn ni se a tha ka ti. Hmanni ah pawh hmeichhe pakhat lehkhathiam takin Mizo mipate sawisel pahin Mizo hmeichhiate chan chhiat zia saptawngin a ziak vak mai a. Comment a hawng bawk si lova. Hnamdang ho chuan a sawi zawng2 kha a dik vekah an ngai dawn a nih mai hmel a, khatiang chi ah kha chuan ‘both sides of the story’ a lan theih nan comment theiha dah a tha ka ti. A ziah zawng zawng kha a dik vek pawh a ni bik der si lo.
@Seyn, Tinge chutia facebook ah single ang te a a lo insawi a? Keini nei lo pawhin Married kan inti tak trawk2 a
[Report abuse]
November 19th, 2010 at 2:04 pm
Chhamanator: Hei hi maw i soi? Nge a dang? https://dreunice.blogspot.com/
[Report abuse]
November 19th, 2010 at 2:05 pm
Keipawh mi tam zawk tih hnu ah blog chu kan ti tan ve dawn a,ka la puitlin thei lo deuh…hman deuh hunah nakum lamah chuan tluang takin ka run ve thei mahna ka ti…
Chuan ka blog ah hian keipawh ka identity kim tak chuan tarlan ka tum miah lo…min hre ngai lo ten leh hre sa tawh te pawhin an hriata pawi lo ka tih chin bak ka share lovang..
hei hi chu mimal duh thlanna a ni in ka hria..
Chuan fb te,eng networking site ah pawh hian i sawi ang khi chu an awm vek,,,ram tinah…..chu chuan fimkhur angai tih a ti lang tihna a ni mai…
[Report abuse]
November 19th, 2010 at 2:10 pm
Tah hian comment mai tur alawm
https://mizoramexpress.com/inde.....mizo-fool/
(page in load hlei thei lo)
Mahni ID thup chu a pawi lo, haw ruk a pawi
[Report abuse]
November 19th, 2010 at 2:20 pm
A va han maktak. Mi hriat duhlo na na chu engatinge hriat tal inlo tum thin. In pawi pawh an sawi chuan loh te chuan, an identity an thup ve duh a ni mai a. Phawrh chhuah sak talh tumlo ula.
[Report abuse]
November 19th, 2010 at 2:30 pm
mmmmm…blog siam dan min lo hrilh ve teh u
[Report abuse]
November 19th, 2010 at 2:32 pm
Ze thup leh thup loh lampang ai chuan Security & Privacy ka ngaipawimawh zawk.
@SeynMizo, mahni mizia leh nihna ni lo hulhuala lan kan tum thin hi a tha lo i tihna a nih chuan keipawh a dik chu ka ti khawp mai.
Mahse, internet khawvelah hi chuan fimkhur a ngai a nia! Fraud leh identity theft te hi ram dangah chuan a tam tawh lutuk ringawt. Chuvangin social networking site vela personnal information tarlan vak hi a tul lo. Duh leh kan email address dah ila, a tawk chiah.
(Sap tawng kan hman tak hrep chu!)
[Report abuse]
November 19th, 2010 at 2:36 pm
@SeynMizo- I sawi tum chu a chiang viau nain i tehkhinna hman nen hian a inmil lo a nih hi te kalo tia. Social networking leh blog etc. velah hi chuan add emaw profile chiang lutuk a dah hi a thaber lo maithei fimkhur thu hla ah. Mahse phuahchawp/dawt ziah hi ka support lo hulhual. Heta i rawn sawia ka rilru a awm chu Mizoram chanchinbu a thuziak tamtak hian hming an thup thin hi ka ngaimawh. Chanchinbu velah thuziak tha tak tak kan han chhiar a, a tawpah Ruata Pa tih ringawt te a lo awm a, a ho zo vek. Kan chanchinbu te hian mahni hming leh veng ziak ngamlo te thu hi chu chhuah tawhlo ngam se ka ti.
[Report abuse]
November 19th, 2010 at 2:37 pm
Ka ven loh lam goal hlira pet luh talh kan tum a nih ber mai hi maw …..
Ka Mizo tawng hman a diklo ta nge ni a. Ka thuziak para 2& 3 ahte khian kan bur nghal char char a ni ber a. “ka ngaihtuah ve mai mai a… hre rum rum a….etc.” tiin ka khar vek niin ka hre si a. Ngaihdan fumfe tak ka nei lemlo, ka chiang lemlo…etc tihna ang tlukah ka in ngai a. Kei hi chu Internet khawvelah beih tham ka ni lo ve.Khiti laite khi kan chai duh anih pawhin, “Chutiang zawk chu a ni e..” in ti thei hram em aw
[Report abuse]
November 19th, 2010 at 2:45 pm
In ngaihtlawm derna te, hrelo ang a awm derna te, thiam loh derna te, thuhnuai rawlh tak chung a mi zawh fiah tum derna te. Hengte hi a ni ZE THUP chu.
Mirhing kan nih chhung chuan chapona deuh lai chu kan nei vek a, keimahni mihrinna a a chhe lai kan thup then loh chuan kawm tlak kan ni nang. Kan thinlung chhungril ber hi in phawrh sak theuh dawn ila, keimahni ngei pawn kan hre ngam nang. Ze thup hi a ngai a lawm, Pu Sen.
Internet chungchangah hian. Keichuan ka hming tak ka hmang ngailo, a tul pawh ka ti lemlo. Internet ah chuan tun a in hmuh mek hi ka nia, a tak ramah chuan ka dang leh daih thung.
Privacy hi ka ngai pawimawh a, ka phone number emaw, ka address emaw, ka mizia zawng zawng a nazawngin an hriat hi ka duh lemlo. Internet hming ka nei a, chumi chu an hriat chuan a tawk viau a ni ka internet thian te chuan. Mahse internet thianah pawh kawmngaih deuh bik leh nel zawng bik chu kan nei theuh anga, chungho ah te chuan kan in share mahna.
[Report abuse]
November 19th, 2010 at 3:01 pm
@63 : A dik ngawt mai ti raw ? Ka thupui sawifiah tura ka hmaraw thlan khi a fuh lutuk lo anih khi. Ka ziah laia ka rilruah Blog, facebook, networking etc. lamah kan peng ang tih ka lo ring thiam meuhlo a ni e. Internet lam ziak tur chuan a der takngial pawh certificate hum tur ka nei hau silo.Ka vei zawk tak chu Nulat tlangval laia ze thapui anga in lantir mai thinte hian inneihna tluantling an paltlang theihloh fo avang hian kan ramah Fahrah an lo punga, chu chuan kan ram kalsiam mek zel hi a khawih pawi thei thin niin ka hria a.
Ka sawi ang khian, tan chhan tur han dap(zawn takah chuan tihna mai a ni) takah chuan Ze thup thatlohna hi tam tak haichhuah tur a awm a. Ze thup hrim hrim hi ka duhlo tihna ni lovin a thatlohna lam leh a nghawng theih nio a ka hriatte ka han tarlang mai a ni.
[Report abuse]
November 19th, 2010 at 3:07 pm
@Alejendro: Keipawh SeynMizo, ka ni a, i rawn tarlan ang khian Sena, ka ni bawk a..Ka hming tak chu……. (Ka sawifiah tawkloh vang a ni e.)
[Report abuse]
November 19th, 2010 at 3:16 pm
kei hi tunge kanih ve..han ti mai ilah… Tak taka, zia chu kan thup lem lo, mahse hming leh address te hi chu thup a tha ve alom …
[Report abuse]
November 19th, 2010 at 3:19 pm
@ 64 seynmizo i thil sawi khi ka thlawp 100%
[Report abuse]
November 19th, 2010 at 3:20 pm
Identity hi kan thup loh chuan..thenkhat tan chuan angai kher lo thei a, thenkhat tan chuan kan hna lam a tante, security thilahte pawh thil tha lo awm thei ani ve tlat mai !
[Report abuse]
November 19th, 2010 at 3:21 pm
Pu Sen,
I thil rawn ziah leh 64 a i comment khi a inmil miahlo. I thil sawitum ber i thup lutuk a nih hi, ZE THUP chikhat
A enga pawh chu lo nise, nulat/tlangval in ngaihzawn lai chuan a tha thei ang ber a awm kan tumfo thin. Hei hi chu thu a sawi a emaw ziah a siam that theih chi a nilo. Mihring kal phung ve hrim hrim a ni.
Inthen/fahrah siam tih vel hi chu nupui/pasal neih kan hmanhmawh thin lutuk vang a ni. An in ngaihzawn tantirhah ZIA an THUP a, a tha thei ang ber a lan tumin. Tleirawl/rawlthar lungmawlin an lo hrethiam thin silo. Nupui/pasal tur hi chu uluk a ngai reng a ni. Hei hi a nia inneih hma awmdun te hi ka sawimawi na em em thin (nang chu i ngaihdan a ni vaklo a nga, Missionary i nihnaah) Mahse mizia in hriat chian chu a awl ber a, a tha ka ti.
[Report abuse]
November 19th, 2010 at 3:24 pm
@ 69 alejandro..”Nupui/pasal tur hi chu uluk a ngai reng a ni. Hei hi a nia inneih hma awmdun te hi ka sawimawi na em em thin (nang chu i ngaihdan a ni vaklo a nga, Missionary i nihnaah) “…lolzzz
…hi hi hi
[Report abuse]
November 19th, 2010 at 3:24 pm
@Alejendro : Ka thuziak i chhiar kimlo, ka sawi hnu ka rawn sawi chhawng nih khi
[Report abuse]
November 19th, 2010 at 3:47 pm
ze thup hi a tha…first date atanga nula bawh nghal rup rup te chu tha dawn emaw ni le?
[Report abuse]
November 19th, 2010 at 3:50 pm
yas, neitham. Ben, site hranah chuan a neitunun a lo chhiar fuh loh palh khan min hnialtu tur a awm don lova
[Report abuse]
November 19th, 2010 at 3:51 pm
Comment lamah chuan a posttu rilru lo angin kan kuai her ta daih a ang hle mai..
[Report abuse]
November 19th, 2010 at 3:54 pm
@chikus i kuai aniang midang in kan kuai lo
[Report abuse]
November 19th, 2010 at 3:55 pm
kuai! lolzz
[Report abuse]
November 19th, 2010 at 4:12 pm
Nih leh a sawi tum loh lam in sawi nasa heheh…
[Report abuse]
November 19th, 2010 at 5:02 pm
Hui ham blog ka nei,ka siam danglam kual kawi lem lo,information pawh ka dah tha lemlo,ka ngaihtuahna,ka vei zawng,ka rilru a awm ka tarlan theihna a ni a ka duhtawk fu
[Report abuse]
November 19th, 2010 at 8:17 pm
ZE MAK : Darkar sarih liam ta khan Ka Facebook ah
He thil hi a lo in post vah mai a! He ka article ziah nghawng hi a ni thei mai a ngem tih ka ngaihtuah….Nge ka hriatlem em vang ni ang aw …Ka post anga lo lut ani a, ka post bawk silo.
[Report abuse]