Tunlai Mizoram boruak han thlir hian chanchin lawmawm te chu awm ve thin mahse, min ti ralkhel leh thu thinthawng tak tak hriat tur a awm leh thin. Mathaia 15:8,9 a inziak, “ He miteho hian an kain mi chawimawi a, an thinlung erawh chuan mi hlat si a. Engpawh ni sela, an zirtirnaah mihring thupek an zirtir avangin an mi biak thin hi athlawn mai a ni, a ti a, a chhang a. tih ang te pawh anna kan nei thin foin ka hria.
Mizoramah hian nun lem, emaw intihna te, mahni nihna baka khawsak tum te kan tam hle mai. Tunlaiin Mizoramah hian eiru te leh chi hrang hranga kawhmawh bawl te an zalen em em tih chu hai rual a nilo. Sawrkarah thil fello inphum ru a thuk tawh em avangin, sawrkar dan kengkawhtu te pawn eng an ti ngam tawhlo ni berin alang. Mahse, tunlai thangthar tamtak mizia han thlir hian engemaw chenah rilru thlamuanna, kan hma hun thlir ngamna min pe tlat mai.
Tunlai thangtharte rilru sukthlek dan tlangpui han thlirin, Mizoram chhiat tawh zia hria a, tundin chakna rilru nei ka hmu nasa hle mai. Kan ram naktuk maia enkawltu tur te hian, nasa taka kan ram riang tlawk tlawk tak mai hi an tundin a, mualphona lakah te, eirukna lakah te leh Pathian ring silo ring anga kan lanna atang te hian min chhanchhuah angai a ni. A upa lam pawh hian, thil thalo lam hi sawi vung hluai thin lo ila, thu hi a hmuingil zawng (positive) taka thlir thiam kan zir angai. Thu reng reng hi a buluk zawnga lak chuan midang tan fuihtu thalo (bad influence) kan ni daih thei a ni tih i hria ang u.
Kan ram Mizoram hi, zinmi te leh, ram pawna cheng te tan ngaihawm lehzual, fa te seilenna tlakah kan chhuah theih ngei ka beisei tlat a ni. Ka pianna Zoram nuam tlawman ka phallo che.
