![Nikum lama mi kan modify [resizing & reanimation]](https://misual.life/wp-content/themes/misual/images/banners/xmas-banners5.gif "Nikum lama mi kan modify [resizing & reanimation]")
- James CVL Thafamkima
Khawnge, kan suangtuahna te hi i han vawrhvir kual leh tehreng ang hmiang.
Mihring finna-in a chhuifiah hleihtheih loh khawpa ril khawvelah kan cheng a. Hriatna kan tihte hian hma sawn tawh teh mah sela, hriatthiam loh leh hriatfiah hleih theih loh thil chi hrang hrang maiin min la bawm cheu va. Van lam chanchin zirmi (astronomers) kan tihte’n van thengreng chanchin ngaihnawm tak maia min hrilha, an theihtawk tak meuh chhuaha enhlatna te leh van khawhthei chi hrang hrang hmanga an zir laiin, mi thenkhat erawhin astrology te an lo la tuipui em em bawk a. Scientist thenkhatin kum 65 million vel kalta khan he khawvelah hian dinosaurs chu an lo cheng tawh thin a ni an tih mek laiin, a then lahin ‘dinosaurs leh mihringte chu cheng za thin kan ni e’ an ti ve leh thung a.
Kum 1969-a Apollo 11 Thla-a an inkahkai thu te lah kha, mi thenkhatin NASA lamin an phuahchawp mai mai a ni e an lo ti ve bawk a. Lemziak mawi leh ropui tak nia mi thenkhatin an sawi Mona Lisa te meuh pawh keini ang Zopa mitah chuan mawina reng nei lo, lemziak azawnga mawi lo ber pawl a lo ni ve leh hlauh lawi si. Mi thenkhatin pawngsuala tualthat an awm chuan tihhlum ve hmak mai an duh laiin a then lahin, nunna chunga thuneitu kan nih lohzia changchawiin, inkhaihlum emaw inchiuhlum emaw chu an lo do ve leh tlat bawk a. Mi nuai tel teh meuhvin Pathian an rin laiin, Pathian ringlomite chuan ‘Pathian chu a thi daih tawh a ni’ an lo ti ve mek bawk a. Hriatthiam zawng a har hlawm a nih hi le.
Van lam chanchin zirmite chuan he kan chenna khawvel innghahna van thengreng (universe) hi kum 15 billion (15,000,000,000) vel laia upa niin an sawi a. He hun hi kan hriatthiam theihdan turin han dah ta ila. Universe lo awm tan tirh atanga vawiin ni thleng hian kum khatah han khung dawn ta ila. Tichuan, mihring hmasaberte chu he khawvelah hian December ni 31 zan dar 10:30 velah an rawn lang ve tan ta tihna a ni dawn a. Mei (fire) an hmuhchhuah hun chu zan dar 11:45 vel a lo ni leh chiah bawk ang. Tin, he khawvela mihring thil lo tih tawh chanchin ziaka kan dah that theih zawng zawng chu he kan kum phuahchawpah hian a tawp lam second sawm emawa thleng vek hi tihna a lo ni dawn ta a.
Heti a lo nih takah hian, thil intihrethiam tak mai leh intifing tak maia kan khawvel lo awmphung leh lo indintan dan hahipa kan sawi kan sawi te pawh hi, hun rei lo te chhunga thutlukna kan siama innghat mai mai a lo nih avangin, ‘tak tak’ pawh a lo ni ngut lo mai thei a, kan tisual let der thei a ni tih chu a chiang hle a ni. Van lam chanchin zirmite chuan van arsi tam zia mai chu, he khawvel thlaler leh tuipui kam zawng zawnga tiauvut let sawm ai pawha tam a nih thute an la sawi ta lai a!
Heti zawnga he khawvel leh van thengreng te kan han bihchian hnu hian, eng ber hi nge dik nia kan rin anga, eng chin hi dik lo ni-a kan pawm tak ang le? America rama mipui hmun thuma thena hmun khat chuan ‘Aliens’ kan tih ve tak mai (khawvel danga mite) hi an awm tak tak niin an ring a. Hemi chungchangah pawh hian a pawng a paw taka, behchhan mumal nei lova ‘ka rin zawng a ni mai mai lo’ lo tih ngawt ai chuan, rilru inhawng tak chungin khawvel dang, keini aia thiamna sang zawk neite chenna pawh hi a lo awm ve reng thei a ni tihte pawh ngaihtuah thiam turin kan rilru te inhawng ila, mahse, chutia rilru inhawng ila ka han tih avang chuan, thu awihawm lo leh belhchian dawl lo tak tak pawh i ring ang u ka tihna a ni hauh lo. Thil reng reng hi a rinawm leh rinawm loh teh thiam thei turin, rilru inhawng tak chungin kan ngaihtuahna kan seng thin tur a ni. Sawi tur a tam a, kan sawi thui lutuk zawngin kan rilru te a lo buai reu reu ang e. Pathian lam hawiin tlem sawi leh ang aw.
Khawvel mi tam tak zingah Pathian a awm rin harsa ti an tam hle a. Science thiamna hmanga chhui chianga zirmite zingah khawvel lo intan dan ni-a an sawi zinga rin hlawh ber mai chu Big Bang Theory a ni a. Tin, he kan chenna khawvela nunna a lo intan dana pawm hlawh pawl ber chu Organic Soup theory hi a ni bawk. Heng theory te hian an sawi ber chu ‘ he kan khawvel leh he kan nunna hi tihpalh thil thua lo awm mai mai (accident) a ni e’ tih hi a ni ta a. Accident a nih theihzia lam pang chu Scientist te chhuina, a belchiang peih tan chuan a thla a thla teh meuh pawh chhiar tur a awm a. Keini, ‘Pathianin a siam a ni e’ tih ringtute innghahna sawhnghehna lam i han bihchiang leh teh ang.
Scientist-te sawi anga he kan khawvel leh nunna te hial hi tihpalh thilthu liau liauva indin, siamtu awm lo a ni dawn ngai a nih ngat chuan kei chuan dam chhan ka nei lovah ka ngai nghal hmak a. Heti zawng hian i han ngaihtuah teh ang. Sikeisen kan tihah khian, thir nawi chhe te te leh plastic eng eng emaw hi thliin chhem kual chhem kual ta sela, chutia thli-in a chhem kual a chhem kual na lamah chuan, kum eng emawzat hnuah chung thir nawi leh plastic velte chu lo inbelhkhawmin ‘computer’ tha tak mai lo insiam ta sela. Thil mak a ni ngat ang. Chutiang thil chu a awm theih i ring em? I ring lo a nih chuan, kan scientist-ten he khawvel lo pianchhuah dan leh nunna lo intan dan an sawi hi rin harsa i ti ve viau ang. A chhan chu, i taksa kha han bih chiang vang vang teh. I taksa peng khawi pawh mai kha, a awm lohna tura awm i hmu lovang. Engkim mai a nih tur ang a ni thlap mai a. Computer let eng emawzata turu leh ropui lo indinchhuah dan kha Scientist-te chuan ‘tihpalh thil thu-a lo awm’ an tihsak ta che a nih chu! I awih hmiah mai a nih chuan i thu thu a ni a. Kei erawh chuan awih harsa ka ti lo thei lo. Kan khawvel awmna leh a chhunga thil awm reng reng mai pawh hi, duhtaka duan leh ruahman a nihzia hi hairual a ni lova. Tihpalh thil thua lo awm zawng a ni mawlh lo mai.
(Note : Rin aia kan tui ta a nih chuan kan sawizau belh leh turah ngai ang. Hindu te hian vanram an kai angem? Malsawmna te hi engvanga dawng ve nge an nih le? An Pathian hi Pathian dik a ni mai lo maw? Isua kha engvangin nge a rawn thih kher a tul? etc etc kan sawi leh dawn nia. Masi present atan :))
Similar Posts:
- Suicide
- Ka tihpalh, a va pawi em!
- Milem biakna thil te
- Pathian Hnaih a tha – Sam 73:28
- A mal malin chhiar la
December 4th, 2010 at 6:02 pm
Weekend a ni bawk a, current awm ve lai hi chuan comment keuh keuh teh ang.
Ku D…thu te an awm si lova kan comment HMASAber ange.
Chhiar tlak khawp mai.
…khrum
[Report abuse]
December 4th, 2010 at 6:03 pm
@kch t..i chhiar lo
[Report abuse]
December 4th, 2010 at 6:12 pm
Khawvelah hian engmah hi fair a awm lo emaw tih mai tur a ni. Thudik te, thil dik te hi chu a awm a, tuma ngaihsak lovin a tlu mai mai si…
[Report abuse]
December 4th, 2010 at 6:16 pm
Ziak tawi fel hle mai….suangtuahna hian thil tha tam tak a thlen a chutihlaiin thenkhatte chuan an chhiatpui a mi nunna hial an laksak si
[Report abuse]
December 4th, 2010 at 6:23 pm
Ngaihnawm hle mai.
[Report abuse]
December 4th, 2010 at 6:41 pm
zanin chu a reh leh ngawih ngawih dawn mange..Weekend hi chuan kan reh dak zel mai..
[Report abuse]
December 4th, 2010 at 6:48 pm
A ngaihnawm in, ngaihtuahna a ti thui hle mai.
[Report abuse]
December 4th, 2010 at 6:53 pm
Tang na thiam hle mai. Puanthuikhawl takngial pawh tihpalh thila inrem fuh chawp zawng a ni THEI LO chiang alawm. A va ngaihnawm em!!
[Report abuse]
December 4th, 2010 at 7:18 pm
tha ka ti khawp mai… Mahse i thil tehkhin khi chu a diklo deuh hlek lomo… Computer….khi… Khitiang lutuk a thil nitheilo chiangsa keini thingtlangpa pawhin kan hriat mai theih khi keini aia hre ril ,thiamna nei sang a, thil nih dan hrechiang zawk scientists tam tak ten an rin tlat theih
[Report abuse]
December 4th, 2010 at 7:24 pm
Scientist te thu ai chuan kan BIBLE hi ka ring zawk zel ang. Hetiang hun la rawn thlen tur thu sawilawktu pawh Bible hi a ni si a. Vanram kailawn pawimawh tak a la ni zui. Aw Bible i va hlu tak em ve le!!!
[Report abuse]
December 4th, 2010 at 7:24 pm
@9, rinna hi..thil hriatfiah loh, ni ngeia hriatna hi a ni mai em?
A chunga ka sawi ang khian, Scientist-te rinna innghahna chu a chhiar peih tan chuan chhiar tur a tam khawp mai. Tehkhinna ka pek khi chu a la nep mah mah zawkin ka hria.
Mihring hi accident mai kan nia ringtute hian (scientist pawh ni raw sek sek) an hmufiah lo ni maiah ka ngai. Hmuh theih loh Pathian, proof theih hauh lohvah an rinna an nghat duh lova. Scientist tam tak zingah Pathian ring an tam em em a ni tih hi hre reng ta bawk ila. Mihring ngaihdan innghahna hi chu thil tam tak a awm thei a. Kan ngaihdan innghah chhan a zirin thil hi kan pawmin kan pawm lo mai mai a ni.
[Report abuse]
December 4th, 2010 at 7:42 pm
Kan thu a in manlo nge ni… Zawng thlah kan nilo tih hi ka pawm thlap.. Mahsela miin a pawng a puia zawng thlah chu ni ila tunah pawh zawng anla tam a..chuti khati ti a, mahni ngaihdan kalpui vak ching hi chu ka hnial hram hram thin… Thil ni thei ‘theory,’ hypothesis mai pawh nilo a ni ve tlata.. Chutia keinin a pawng a puia mahni rin dan lo kalpui a, thil nitheilo hulhual anga chhuah hi tha ka lo ti vak lo a… Keini ringtute chuan thudik chu kan hria Pathian siam kan ni, chu chu scientist tam tak te chhantu pawh a ni, mahsela Pathian nei velo tu scientist tamtak hian rin tur an neih loh vang ngawta he theory hi ring an nih i ringlo em?
[Report abuse]
December 4th, 2010 at 7:59 pm
alien cc in ziahna paragraph a a ngaihdan ang khian nunna cc ah pawh khian ngaihdan pangngai la put mai awm! nge ngaihdan hi thlakkual sek zoks tur?
[Report abuse]
December 4th, 2010 at 8:05 pm
va thui ve, tunah pawh ka chhiar peih lo nakinah pawh ka chhiar peih dawn chuanglo..I thil ziah khi ka lo imagine zawk ange
[Report abuse]
December 4th, 2010 at 8:10 pm
Ka pawmdan leh ka rindan chiah a ni, ngaihnawm hle mai
[Report abuse]
December 4th, 2010 at 8:20 pm
Hei pawh hi a thuizia thu hi kan ‘comment’ hmasa phot ang e…
A ‘content’ chu nakin lamah aw… 
[Report abuse]
December 4th, 2010 at 8:30 pm
I suangtuahna chu a thui in a sei zer zawr hle mai, Vai nu saree ai daihin pawtparh ilang chuan a sei ang mawle. Hai Ram
[Report abuse]
December 4th, 2010 at 8:40 pm
@ wonderboy..ka sawi chiang lo na a..article-ah hi chuan..mahse, hei hi i hriatduh chu a nih ka ring, kei chuan, Pathian leh Aliens hi thil awm kawp theiah ka ngai a..a inmil lohna em em pawh ka hmu hran lo.
[Report abuse]
December 4th, 2010 at 8:45 pm
Thuziak hi chu a length lam atanga judge hmasa loin chhiar tawp mai ila, a ngaihnom chuan a sei mawh khop mai. A ngaihnawm thlotloh erawh chuan ziak tawite poh kn ciar zo peih lo thrin…ting!
Scientists kan ni velo bok a, lo ngaihtuah buai ve vaklo ila, proof an nei theite a nih leh le kan consider ve chauh ang chu.
[Report abuse]
December 4th, 2010 at 8:48 pm
Aliens chu kan awm ngei e
..ka la cjjiar peih chuanglo 
[Report abuse]
December 4th, 2010 at 9:01 pm
chiang faka chhuichhuah a la awm lo chu ania..???
[Report abuse]
December 4th, 2010 at 9:17 pm
@kulsol, ka sawi i man lo. alien cc a ziahna paragraph a a sawi dan chuan mahni ngaihdan ni lo a nih pawn midang ngaihdan hriatthiam sak ila a tia, nunna chungchang paragraph ah khi chuan midang ngaihdan a hriatthiam pui leh si lova tih biahthu lam mu le.
alien leh lien lo lam a ni lo, a thil thlirna tlang khi tlang dang atangin ka lo thlir ve my2 mu le!
[Report abuse]
December 4th, 2010 at 9:23 pm
ok ok..man e man e
[Report abuse]
December 4th, 2010 at 9:50 pm
Ngaihnawm tiah tiah hle mai. I thawh ropui e. Nunna lo chhuahna hi chu awmlo a tangin a nih miau a vangin zawn hmuh kher hi i tum lo mai teh ang u.
Mihringte ngaiha thil awm lo hi THIL TAK TAK zawk chu a lo ni, chu chu P-thian nihna tak pawh hi ani zawk. AWM si lo, AWM BAWK si-a a nih tak ber chu…tren trennnnnnn
[Report abuse]
December 4th, 2010 at 10:20 pm
Hmanni deuh lawk khan Stephen Hawking (tunge a nih hi sawi kher a ngai lo ang chu maw) chuan a lehkhabu thar ber ‘The Grand Design’ a tichhuak a, chutah chuan kan universe hi Pathian siam a ni lo ti zawngin a sawi a. Chumi hnu lawkah alien chungchangah mihringte hi fimkhur turin a ti tlat mai, a chhan chu kan ngaih ang ai hian an friendly lo viau in a ring tlat mai a ni. Engpawhnise, science hmanga Pathian chungchang leh a hnathawh zawng zawng finfiah theih a ni lo ang bawkin Pathian a awm lo a ni tih leh A hnathawh ani lo ani tih finfiah theih ani chuang lo.
[Report abuse]
December 5th, 2010 at 1:12 am
Chuti khawpa van boruak zau ah chuan mihring te chauh lo hi thil nung dang aliens an tih ang hi chu an awm hi ka ring khawp mai , Pathian thu nen a in mil loh na lai em em pawh ka hre hauh lo. Awm lo ata awma min siam tu hi tunge a nih a, engtia lo awm nge tih vel hi chu he khawvela kan awm chhung hi chuan kan chhui chhuak dawn chuang lo. Mihring min siamtu kan Pathian pawh hi Alien thilti thei tak, ropui tak, engkima engkim ani mai lo maw??
[Report abuse]
December 5th, 2010 at 2:50 am
imagine lo mai teh ang, ka peih lo ni teh se
[Report abuse]
December 5th, 2010 at 9:13 am
A tirah khan a ho viau don maw ka tia, a tawpah chuan a chhuak tha hle mai..Post tha ber ber ah ka paung e.
[Report abuse]