Eng tik niah emaw chuan kan sakruang san tha tak te hian chaihchun ni emvuai ang mai hmel puiin kan thlarau nena inthlah hun chu an tawng ngei ang. Siamtu remruat a ni miau si alawm. Sakeibaknei vanglai meuh pawh riltamin a vak ve thin a nih ngai chuan he Thlarau chaklo tak hi Siamtu vah bo sanin a in hnang fak thei dawn em ni? Kan nawm leh makna zawngin kan vanglai te chuan sakhi la ang maia chakin kan duh leh nuam tih zawng ah te tlan thin mah ila, tawpna niah chuan roreltu hmaah darthlalang ai maha fiahin tarlan kan la ni dawn si a.
He kan tisa châkna hi kan duhna tih puitlin tumin, rual um in; a dik a dawk thlu lek loin ropuina zawngin a vak vel ruai thin maw? Ni e, a dik alawm, vawkpui vak vel pawhin ek thing a tawng nge nge thin a nih ngai chuan, hlimna; a hun laia lawm tak anga min lan tir tu chu a lo awm ve mial thei e. Chatuan kawngkhar leh khup tinreng thingthitna hmun a paltlang theih dawn leh dawn loh erawh chu kan dawn chang lo pawh a ni thei.
Ro rel sak kan la ni dawn tih erawh chiang taka hre chunga hai der luihna chuan lei nun a ti nuam ve thei miau a lawm. Hmuh theihloha; rinthu maia kan beiseina chuan kawl eng a hmu dawn nge dawn lo tih ngaihtuah chunga; ring chunga beiseina meichher de ve ve ve ai chuan leia lawmman, chawp leh chilh a dawn chu a hlimhlawp zawk chiang alawm.
Mahse, engkim chunga thuneitu chuan engkim a hria a, a rel fel a, a dik vel vek a, leiah lawmman dah loin vanah lawmman a dah si a.
Similar Posts:
- Tha Sensiar!
- I ngaihtuah ngai em?
- Lalremruata – A thlawn mai maw
- Virgin-a pasal neih tum Bethsy nen
- 1st September – District Day
December 6th, 2010 at 1:02 pm
A tawi 1st ber a nih hi.
[Report abuse]
December 6th, 2010 at 1:07 pm
A tawi khawp mai. Mahse, a tha thung alawm..
[Report abuse]
December 6th, 2010 at 1:08 pm
Ziak tawi hle mah la, a tha khawp mai.
[Report abuse]
December 6th, 2010 at 1:13 pm
a dik vel vek a….a dik lo nasa tawh niin ka hria e. Dik vel vek se..vanram ngaiin tumah an kur an kur dawn em maw ni le??
[Report abuse]
December 6th, 2010 at 1:17 pm
Hairehai.
[Report abuse]
December 6th, 2010 at 1:26 pm
“Chung lama thil awm ah te khian in rilru nghat tlat rawh u”
“I ro awmna apiangah i rilru pawh a awm thin”
Have a nice day pal
[Report abuse]
December 6th, 2010 at 1:28 pm
#4 Dikvelvek chuan lungawina a sawi a, kan lungawina chauh hi kan tan a tha a ni si lo alawm. Vanram kan ngaih lai chu kan lungawilaiber pawhin a ngaih tlak em ni tur a ni. Keimahni hi kan dikvelvek lo thin.
[Report abuse]
December 6th, 2010 at 1:33 pm
”perhaps it’s not stars but rather openings in heaven where the love of our lost ones pour through and shine down on us to let us know that they’re happy up there in heaven” -eskimo proverb
[Report abuse]
December 6th, 2010 at 1:49 pm
Ziak tawi tha hle mai…..
He hringnun damchhung tawite a nawmsak kan tum luatna ah hian,thutak nunna kan hlauh ang tih hi a hlauhawm reng a ni…
[Report abuse]
December 6th, 2010 at 1:52 pm
Amen!
[Report abuse]
December 6th, 2010 at 1:55 pm
First.
Delete su aw…..
[Report abuse]
December 6th, 2010 at 1:58 pm
ka chung a mi chu delete a chak awm hle mai a,ehemm admin te a va cho deuh ve
[Report abuse]
December 6th, 2010 at 1:58 pm
Mu daih teh ang..,,, third
[Report abuse]
December 6th, 2010 at 2:02 pm
@12__ Badboy chu chhiar loin i comment a ni maw…
Mu tak tak nghal tlai lamah ka che chhuak leh ang.
[Report abuse]
December 6th, 2010 at 2:13 pm
kan banner chu a va @kawlhawk kawr rawng ve
a tir ai kha chuan a nalh tho tho e!
Postuper solli ka awti sia
[Report abuse]
December 6th, 2010 at 2:23 pm
Thuziak hlutna hi a tawi leh a sei lama teh chi pawh hi a lo ni lo anih hi.
[Report abuse]
December 6th, 2010 at 2:44 pm
“Tawi” han sawi takah chuan, Zakaia pawh kha a tawi khawp mai.
[Report abuse]
December 6th, 2010 at 7:59 pm
hetiang hi a tha a toi fel thlap mai…chhiar a nuam, i ziakthiam hle mai…..a dang ron ziak leh teh khai
[Report abuse]
December 6th, 2010 at 8:40 pm
Hringnun hi a lo tawi khawp mai. ‘chaihchun’ ? type sual a mi aw?
[Report abuse]
December 7th, 2010 at 12:53 am
Mizo tawng i thiam hle mai… Ka fak khawp mai che….Tunlai ah hetiang ang Mizo tawng thu rem…. chhiar tur a vang khawp mai.. thiam ve ka chak….
Van ah chauh lo pawh he Lei ngei ah hian a mah Ring tlat tute chu..lawmman a pe.
[Report abuse]