Vawiin September ni khat a lo thlen hian, rilruah keini HNAHTHIAL khaw thalaite District thar lawma, lu lam leh mawng lam pawh hrechang leklo va kan lam lai te rilruah a lo thar leh thin..Sept 1 hi kan pu duhtak mai Pu Zorama leh a pawl te’n khawdang ramdang ruala ke pen ve thei tura District Capital atana min puanna ni champha hmasa ber lo ni reng a.
Kan bei nasa a, hrehawm pawh kan tuar nasa, mi dem pawh kan hlawhin, min dem na zawng zawng erawh a dik vek kher biklo. Engvanga he ti tak maia keini Hnahthial leh a chhehvel khaw mipui te hian District Hqr um a hma kan lak vak mai? Kan Pu Zorama’n min tiam avang alawm… tih ngawt hi chu kan beisei chhan a ni bik lo a sin. A chhan bulpui ber erawh chu.. Khawdang kak ruala kak ve kan duhin, a bikin Thalai te rilruah hmasawnna leh changkan duhna rilru tam tak a in tuh ve a, kan tiat pui leh keini aia hniam zawk nia kan lo ngaih thin khaw tam tak ten raltiang ram min kai san ta si.
Sawikhawm hlim chhawn vela Mizorama khaw lian leh khaw chang tlung ber pawl ni thin kha, tun ah chuan hnuchhawn ram mai kan ni zo ta.. Kan hmabak a thimin, a bikin thlaite tan phei chuan kawng engkimah rualawh ana in, khawdang parchhuang lai tukkhum dawmin kan thlir ngawih ngawih mai a ni.
Politics kan tih hi eng chiah nge maw nile ? Keini a bikin Hnahthial khua hian kan va han hrethiam lo leh zual em!!! Engemawchang hi chuan ka nuih te hi a za thin.Ele..kan khua ah hian dawt an rawn in sawi siak hi a ni ngawt a lawm le…Pu Zorama erawh a thutiamah a ding. Dist ah min puang ve miau alawm. Pu Hawla erawh chuan District fuke kimlo kekima siam turin ka tha ber a ti… Mahse tun thlengin, a muthmunah tak ngial pawh keini amah thlang tlingtu khua te hi min ngaihtuah ngai pawn ka ringlo.
Mi kihhnawk thianfai reng renga hun hmangtu kan sorkar hotu te hian heihi lo hre teh se..Mi chuan bum fin theihloh khua tite’n min sawi thin.Mahse, dinhmun a tleu laklawh tawh hi chuan, thiam tak maia min vehthlemtu te hi chu kan bel lo thei silo. MNF sorkar chuan Pu Hawla sorkarin inthlan dawn hnaiha a puan tak District Panga(5) lai mai, fuke kim chu la ni chiah lo mahse, kal thei ngawr ngawr chuan a chhuah a lawm le..
Inhrosa vak vak mahila a sawt chuang der silo..Aizawl khawpui lah chu, a ni telin a thlawhin a thlawk duai duai mai si.Keini Thingtlang khua… abikin Hnahthial khaw mipui te chu a behin kan bet rawk rawk a nih ber hi maw..Hawh u, Thingtlang mipui te u..i tangrual ang u.. Zoram hi Aizawl a ni biklo tih hi Zoram mipui hriatah i puang ngam ang u. Pawngsual leh tualthah pawh chawlhkar khat sawi pawh a daih tawh lo tih hi kan Pu te hian an hrechiang tawh viau a niang. Dawt sawiin tlak duah mahse a bum thin ngai bawk Thingtlang mipui te hian kan sawi thui theilo tih an chiang a niang, an thiltih an la sim chuan reng reng loh hi..Hetiang reng a kan kal chuan kan Zoram hmakhua hi a van thim teh reng em..
He ka thuziak tlawm tak leh famkim lo tak hi, Dt.1.9.2010 a lo thlen hian Dist thar neih avanga hlim leh lawm taka lawm avanga lam te leh engmahlo mai alo nih leh tak avanga mahni thuthmuna engmah ti thei silo va insawh tau nghawng nghawng te (A bikin Hnahthial, Saitual, Khawzawl) thalai te tan ka hlan e.
Similar Posts:
- Hnahthial district a piang ta
- Hnahthial.com i bel chiang ang
- “Hnahthial District thar siam a ni lovang” – CM
- Hnahthial-ah MAP 400 chuang an lut
- Hnahthial District: Quo Vadis…
August 30th, 2010 at 9:25 pm
“Raltiang ram saw thlir teh u..Lengdang mi chu lallai partlanin an leng e.”
Report this comment
September 1st, 2010 at 1:36 am
2nd nuam thrin mang e….!!!!!!!, a thui em mai, naktuka chhiarah khek tawh mai teh ang.
Report this comment
September 1st, 2010 at 1:51 am
Politics chu game tenawm khelh hi a ni mai lawm ni
Report this comment
September 1st, 2010 at 1:52 am
I sawrkar kar dan chu thuneitu/dawngsawngtu turte tan a va lawmawm lutuk loh duh hmel ve. :NOI:
MNF sawrkar leh se in ti awm e
I post tha khawp mai. A huai pawh i huai e. Nia, dawtsawi hmang lo deuh hi Ram Hruaitu tur Mizo zingah hian kan awm lo nge mawni!
‘Thingtlang kan bet rawk rawk,’ tih pawh khi a dik ka ti khawp mai. Hmuh ve phak chinah ringawt pawh a inthlau nasa chak e mai.. Aizawl te chu Khawpui a nia, kan chei tur chu a ni. Inthlau tur pawh a ni reng a ni.,, a dik alawm…… Mahse kan hruaitute hian a inthlauh dan kar mawitawk hi an ngaihtuah uluk a ngai.
A gap hi hetiang rate a a zau chhoh zel chuan, tun atanga kum 20 ah chuan ‘Hnam Chhia’ (rethei) leh ‘Hnam Tha’ (hausa ho) ti hial te hian Mizo hnam hi kan la then phawk mai thei a ni. Chung huna kan hmabak chu ‘Social Revolution’ a ni tawh mai ang.
Report this comment
September 1st, 2010 at 1:53 am
Ngun taka ngaihtuah nawn leh pawh hian, Pu Zorama, ngaihtuah chiang mang lova tawng mai mai a ching kha a pawi ber niin ka hria.. Pu Denga hunlai anga tawngkam thiamna maia bum chi kan ni tawh si lova. A thusawi um reng rengin an term tawp lam kha chu an buai chhia a nih ber kha.. Inthlan dawnah tlin loh hlauvin, ram tana thatna lam thlir lek lovin District a pe leh tawp bawk a. A hahthlak a ni.
Hnahthial mipui lah chuan in duh ber pe tu chu in Vote tling leh duh bik der bawk si lo. Kan hahthlak kual hlawmin, kan inbum tawn vel vek a nih tawh ber hi. Pu Hawla lah intlawn sual a ang riau bawk nen..
Report this comment
September 1st, 2010 at 1:57 am
#4 lalmi5ualpa : I sawi dik ka ti bon.
Report this comment
September 1st, 2010 at 3:18 am
“kan khua ah hian dawt an rawn in sawi siak hi a ni ngawt a lawm le…”
Khawngaihthlak hlawm in!! Zoram politics in khel ve phak lo a nih chu, lo insawh tau nghawng nghawng ringawt lo khan Lai leh Mara/Lakher te ang hian Autonomous in mamawh a nih chu. Fanai autonomous DC sual zawk rawh u, bial hming putu Hnahthial erawh sailo lalna tlang ni mah se, khawchhak tlang tam zawk erawh Fanai luah ram a tam zawk a a ni, chhim-chhakah Lakher ram a ri leh bawk ang a.
Report this comment
September 1st, 2010 at 3:45 am
Brig. T Sailo term nise inhmu kher angem aw?
Report this comment
September 1st, 2010 at 5:25 am
Ka lawmpui lutuk ache u, kei pawh Tarpho “Bawk”. khua lam mi ka nie. Nikum ka rawn zin khan, Hnahthial Bazar a, Bawihpuii te Inn ka thlentrum in Pu John Siamkunga te pawn a puitlin theihnan ti in nasak tak in campaign an neihna ah an sawi kha maw. Ti changtlungtawhse la chuan a va tha dawn em. Hmasawnna tur kawng sialtu te salute ka pe a che u.!!
Report this comment
September 1st, 2010 at 6:00 am
I va ziak thiam dap dap ve, rilru chu a na duh ngawt ang.
Report this comment
September 1st, 2010 at 6:58 am
nia. tuar awm pawh in ni ve bawk alawm. district petu che u ngei in thlang tling leh duh lo hi chu in demawm ve thlawt ani. zoramthangan a a bum lo che u a. zoramthanga in bum zawk ani. nangmahni leh nangmahni in inbum lek te hi a ang ani.
Report this comment
September 1st, 2010 at 7:11 am
A tlak hlau in a pe chawp chuk chuk che u tih in hre ve kur tho sia….bei sei sang vak hrih suh uuu….
Report this comment
September 1st, 2010 at 7:59 am
Mizoramah hian District 11 ni maw lo awm tawh….
Aizawl, Lunglei, Saiha, Champhai, Kolasib, Serchhip, Lawngtlai, Mamit, Hnahthial, Khawzawl leh Saitual..
Mizoramah distric 3 a awm ti-a kan zir lai te kha… a lo rei ve deuh ta niang..
District neih leh district head quarter ni kher lo hian ram hmasawnna pawh hi awm thei tur a nia sin le.. Kan politician leh mipuite hian kan zirlo mai zawk a ni.
Report this comment
September 1st, 2010 at 8:20 am
E, a lo nih khi!
…khrum
Report this comment
September 1st, 2010 at 8:40 am
Post thra ka ti e.
Saitual, Khawzawl tan chuan District hi a ngai hran lo in ka hria…..
Hnahthial erawh chu an ‘isolate’ deuh bik avang hian an mamawh in ka hria a, ka tan hle a ni.n Lunglei – Aizawl Via Thenzawl a lo awm hnu phei hi chuan an mamawh lehzual in ka hria….
Hnahthial unau te lo lungngai suh u… District puitling in nih hun a la thleng em em ang… Dawhtheih a ngai a nih hmel..
Report this comment
September 1st, 2010 at 8:47 am
District thuthmun innih champha vawikhatna in thleng thei hrim hrim pawh hi,ka lawmpui a che u.District neitura inbeihna te kha in fakawm thlawt e. AW nghak hramla phunnawi lovin, kan hla thuah atih kha.
Report this comment
September 1st, 2010 at 9:08 am
in inbum tawn kual vel ni maw, Zorama in bum a, Hawla’n a bum leh che u a ni mai em? Politician tawngkam hi engah ngai mah che u, an thiltih twh hnuah chauh rin tur.
Report this comment
September 1st, 2010 at 9:39 am
District awm khan han awm zel phawt mai teh un!!!
Report this comment
September 1st, 2010 at 9:44 am
District hi Population & Resource based-a tling/phu ve hrimte tan chuan pêk ngei chi an niin development pawh a chak phah thin. Chutiang a nih si loh chuan insensao thlawnna tam tam siamtu a ni thin.
Report this comment
September 1st, 2010 at 11:53 am
alo nih hi,thiante bul ah ka lo sawi thin a,Rilru hi a pawimawh ber a, Hnahthial,serchhip leh khawzawl ho pawh a hming in an pe a an lungawi tawk tawh ani hi ka lo ti mai thina alo ni lem lo ani maw.han nawr leh fan fan teh u,nangni chuan in phu tlat..
mahse,nikum hmasa lam a saw lama ka zin tum a,kan haw lam Hnahthial hotel lun ve tak pakhat a kan chawlh na nghaktu nula te polite lo leh mawl lutuk kha chu distric inneih hun chuan sim tawh se ha2….
Report this comment
September 1st, 2010 at 11:55 am
Misual.com comment lut loa khuavang reha a reh tlawk2 lai hi an in chhui sup2 hun anti… nih duh hmel lolzzz
Report this comment
September 1st, 2010 at 12:20 pm
A tir atanga ka lo rindan lawk vel ani…in lam mup2 a a tak ram awm si lo…ngawi bo mai lo khan han nawr teh u…
District nih in chak em mai..heheh…
Report this comment
September 1st, 2010 at 12:30 pm
District Headquarters hi hmasawnna hnuk berah in ngai si a leh!!!! Hmasawnna kailawn pawimawh tak chu ni mah se, DH ni ta ula, in district chhunga khawdang in rep char leh tho ang.
Chu ai chuan Tualchhung sorkar tichak (empower) turin sawrkar hi nawr ta zawk ula, hmasawnna pawh a kai rual zawkin ka ring. Mizoram geographycal area aatanga chhut chuan District 8 pawh hi a tam tawh mah mah a sin.
Sorkarin notification a la chhuahlo hi ka lawm khawp mai.
Report this comment
September 1st, 2010 at 12:35 pm
Hnahthial mi leh sa chu ka ni hauh lo. Mahse ka thlawp che. Aizawl chauh hi Mizoram a ni lo tih hi politician te hian an hriat a hun tawh.
Hman kuma youth Icon an thlan tum pawh khan participant 1 chuan, “Mizoram pawn, Champhai, Lunglei etc atang a min vote tu zawng2 te chungah lawmthu ka sawi e” a tih tak mai kha. Nakin deuhah phei chuan Aizawl chauh hi Mizoram a nih loh thu hi la inzirtir a tul maithei a ni.
A thu hrimin, decentralization of power hi kan mamawh ve tawh. Aizawl a office dawr tura rei tak chamchilh fo hi thingtlang mi tan chuan a harsa lutuk tlat mai.
Hawh u, thingtlang mi te hi intelkhawm ila, buma awm fo tawh lovin, i harh chhuak vat teh ang u khai.
Report this comment
September 1st, 2010 at 12:47 pm
@shabito i ngaihdan chu dah tha in zoramin a taka kan tawh mek hi hmu ve ta che. DH mai ni lovin thing tlang kilkhawr ber thleng hian State Capital ni vek thei ila phun nawi kan awmlo deuh ang.
Report this comment
September 1st, 2010 at 1:25 pm
Aizawl=Mizoram. He rinn ah hian mi tam zawk chu an nghet bur mai ani. Aizawl, 99% state budget hman ralna.
Report this comment
September 1st, 2010 at 1:33 pm
Engvangin nge ka kawmen aluh ve theihloh?
Report this comment
September 1st, 2010 at 1:37 pm
Aw ava han tha thuai thuai tak em.. Sakhmela nge nge. Hnahthial District, Quo Vadis?
Report this comment
September 1st, 2010 at 1:46 pm
Eheheh @ Ruata…Mz khua zawng zawng hi DH vek ni se i tia ni mauh :lol: Hnahthial hi DH ah hlangkai se, sorkar office sak belh leh officer tlem leh thawhtute awm belh a ni mai; chung ho pawisa lengvel chu ni leh mai. Aizawl to Lunglei via Thenzawl Road hian a by-passed tak avangin chumi ngaingamlo chuan DH kha an nawr vel mai mai niin ka ngai e.
Report this comment
September 1st, 2010 at 1:51 pm
Ka comment ve kha a bo daih! Ti tha leh teh ang.
Mizoam hi Vairengte atanga Saiha thleng hian kawngpui sungah hian a inzawm put hian khawsa mai i la, kan thang chak viau lawng maw, Ram pakhat, khaw pakhat, veng chuti zat, pui awm mep mep.
…khrum
Report this comment
September 1st, 2010 at 2:05 pm
District thar pek ho tan chuan thinrimthlak ve ngawt ang le.
Report this comment
September 1st, 2010 at 4:30 pm
Development rualkhai lo lutuk hi chu vei awm khop mai, kan thingtlang lam unau te hi an khawngaih thlak ka ti, khaw thenkhat a sum a van zia te hi.. an bet ngawih2 mai a nih hi maw..
Report this comment
September 1st, 2010 at 4:35 pm
District kan awt lutuk hi chu mak ka ti. Kan intihhran tel tel vang ni maw..
Report this comment
September 1st, 2010 at 4:46 pm
@shabito #29 District HQ mai ni love, State Capital vek ni thei se ka ti, chumi zawm zia chu i hria em? Aizawlah chuan football (entertainment)en na tur zan khat lek pawh kan neih loh in kan phun nawi thin, Thingtlang naupangte chuan Bati engah lehkha an zir a sin. Mahni hringtute mualliam lai khawnvar engah an thlir liam a. State Capital a awm mi leh sa te ai hian an chanvo a hniam bik lova sin. Tunge bafacos sum ei ral tute kha i la hria em? tunge mautam kumah riltam? ngaihtuah chiang teh mirethei chhawmdawlna/zangnadawm na tam tak hian heng mite hi a thleng ngai lo a sin.
Report this comment
September 1st, 2010 at 5:04 pm
# 26, Aizawl, 99% state budget hman ralna.
I ti lutuk ve bawk a ni. Heti em em hi chu a ni lo ve.
Report this comment