Pi leh pute hun laia Pasaltha leh Computer Age-a Pasaltha chu a dang daih tawh. Hmanlai chuan Sakap thei kha Pasaltha ngaihsanawm tak an nih laiin tunah erawh chuan a humhalhtu hi Pasaltha dik tak an lo ni ta. Pasaltha nihna dinhmun dik tak luahin Pu C. Lalzuala, Tlangpui khua chuan a ro neih hlut, Ulhbun Silai chu a license nen E&F Minister Pu H. Rohluna hnenah a tung (surrender) a.
He a thiltih ropui tak avang hian Pu C. Lalengliana, IFS, Dy. Conservator of Forest, Wildlife Division, Aizawl chuan Dt. 5.4.2011 hian Chawimawina (Certificate of Appreciation) a hlan. He thingtlangpa mawlmang tê hi Aizawl pa hausa tam takin an tluk loh ‘PASALTHA DIK TAK’ chu a lo ni e. He a thiltih ropui tak hi ram leh hnam tan a hlu tak zet a ni. YMA kumpuan denchhena Dr. James Dokhuma’n a license nen Cancel tira kum 1982 a surrender kha Mizo zingah chuan a hmasa ber a ni a, tuna mi hi a dawttu a ni. A kar laka surrender ho zawng zawng hi chu license nei lem lo, Airgun leh tualchher tih vel vek a ni.
Silai, license nung lai ngat surrender hi thil namai a ni lo, harsa tak a ni. Intihlar tumna leh therhlo thil dang eng emaw beisei vang leh dawn dawn avanga surrender a awm theih avangin zawh chian kher kher tha-in ka hria a. Amah ngei ka kawm nghe nghe a, an YMA hruaitute leh khawtlang hruaitute pawh ka zawt bawk a. A chanchin tlangpui ka han tarlang thuak thuak ang e.
Amah hi sipaia lo tang tawh anih avang leh Pathianin talent ropui bik a pek avangin thingtlangah chuan Doctor tenau anga an neih a ni a. Ruh khawih, nauchhar leh natna eng eng emaw enkawl a thiam em avangin koh phar pawh a hlawh hle a. Pa tlawmngai thei tak a nih avangin zanrehah leh ruahpui vanawn hnuaiah pawh khaw thenawma a kal dawr dawr chang a tam. Aizawl lama rawn pem ve mai a rilruk pawhin an khuaten an phal lo bur a, lo pawh a duh lai hmun ber an thlantir hial thin a ni. A hun hmasa lamah chuan sapel hrat leh kap thei ve tak a ni thin a, Tlangpui Silai nei pawlah pawh President hna kum 10 zet a lo chelh tawh a. Mahse Pathian atanga chhuak thinlung thar danglam tak lo pu-in kum 2005 atang khan sapel a bansan a. A silai pawh YMA hriatpuina-in a tung fel der a.
Mahse hun a lo kal zel a, silai a nei tih an hriatin mi tam tak chuan man to tak taka leisak an dil ta fo va. Thingtlang hmun, dinhmun harsa taka awm ve tho an nih avangin tan zawh loh chin tepawh a awm palh ang tih hlauvin tuma’n an beisei theih tawh reng reng loh tura surrender fel mai hi a thlang ta a ni. Sum leh paia chan tir dawn chuan sing chuang fe hu daih a ni a, chu chu thil thlakhlelhawm tak a ni ngei ang. Mahse mi hnena a hralh chhawn chuan sapel nan bawk an hman dawn avangin sum leh pai chu mamawh hle mahse a it zo ngang lo a ni ber.
Hetianga sum tam tak hu a surrender avang hian eng emaw beisei a neih leh neih loh ka zawhna chu “Ka kawl reng hian eng atan mah ka hmang chuang lo va, sorkara pek luh mai hi a tha ber a. Ka pek avang hian engmah beisei leh phut ka nei reng reng lo. Pathian thilsiam hlu takte humhalhtua ka tang thei hi ka lawmna ber a ni a. He ka thiltih avang hian mi pakhat talin rilru thar an lo nei theih hlauh a nih chuan ka lawm ngawt ang,”tiin min chhang a. A thinlung tak takin chu chu a sawi a ni tih a hmelah a lang, rinhlelh rual a ni lo.
A thiltih hi a ropui em avangin han tarlan hi a chakawm ve hrim hrim a. Certificate of Appreciation a dawng pawh hi a phu-in, a lawmpuiawm tak meuh meuh a ni. Midangte (A bik takin Forest-a thawk mekte) pawhin entawn thei se a lawmawm hle mai.
Similar Posts:
- Pasaltha Zampuimanga.
- Ka hmangaih hrim hrim che
- Vanapa hrechiang kan awm em ?
- Min lo pui ve teh u
- MIZO TE HI HNAM DAWIHZEP TAK KAN NI.
April 6th, 2011 at 9:01 am
D1k lutuk. Ngaihsanawm tak ani.
Report this comment
April 6th, 2011 at 9:04 am
Nia
Report this comment
April 6th, 2011 at 9:11 am
Ni e..
Report this comment
April 6th, 2011 at 9:23 am
A va ti tha ve aw,,,
Report this comment
April 6th, 2011 at 9:37 am
Thingtlangpa, pawisa mamawh ngawih ngawih a ni a, a silai chu hralh ta mai sela pawisa tam tak a hmulet thei dawn tih hre reng mahse, chan pawh huamin a silai a tung ta. A silai hi hralh ta se, tihhlum a duh tawh miah loh ramsa te chu ama silai ngei hmangin miin an tihlum leh zel dawn tih a hre chiang hle anih hi. He a thiltih hi intihlar tumna a ni thei lo. Nangni tan chuan silai man te lek lek chu a tlem pawh a ni mahna, mahse thingtlangpa tan chuan silai man hian thil tam tak a ti thei chiang a ni. Heng zawng zawng hi a hai bik miah lovang. Mahse chan huamin thil a ti anih hi. A ropui khawp mai.
Ramsa te hian kan lak atangin hmangaih leh lainat an hlawh ngai lova, mawi ti taka thlirtu an vang khawp ang a, chutih laiin ei chak zek zeka thlirtu kan ni deuh vek zawk awm e. Thlamuang taka chaw an ei lai te, hnim peta an tla dem dem lai te thlalakna nena veh vehtu an awm loh laiin a sachek tuihang hawp chaka veh veh peih erawh kan tam khawp mai. Kan ram, kristian ramah hian ramsa te an zalen ve ngai lova, kan ram hi ramsa te tan hlauthawng reng renga an awmna hmun a ni.
Keini kan humhalh loh chuan tu te’n nge min rawn humhalh sak ta ang le?
Report this comment
April 6th, 2011 at 9:43 am
A ngaihsan awm hle mai…silai aiah camera hmang tawh mai se
Report this comment
April 6th, 2011 at 10:41 am
Negatively … Forest Guard hna hmuh na’n a tha phian ang a!
Report this comment
April 6th, 2011 at 10:49 am
a va han ropui em! mizo miouite hian khitiang rilru khi pu vek ila ka ti mang e
Report this comment
April 6th, 2011 at 10:50 am
A nih hi mawle! A silai chu engtin emaw tichhia se, midangin an lo hman ruk theih loh nan
Kan ramah hi chuan nungcha reng reng a phe zeuh chin chu an ti em em vek tawh mai a, an tlem zel mai bawk si a, engtin nge kan tih tak ang le? Hmun thenkhatah chuan sangha lo humhalh tha tlat sawi tur an awm nual. Tuipui D a an sangha humhalh phei khi chu chil tiput khawpa hmuhnawm a ni.
Kei hi chu naupan lai atanga ramkal hrat sava veh leh thangkam hrat ka ni thin. Mahse kan ramah hi chuan kut han thlak chakna la bo lo mahse a tih chi lohna hian min la urthlu thei hram zel a ni. H.Vangchhia thlazar hnuaiah hian awm ila a season a permit nen thlap chengrang han chawi chu a chakawm mang e!
Report this comment
April 6th, 2011 at 10:54 am
Kan kawmthlang huanah hian, tukhumvilikte,sava dang te hi an rawn tla leh nolh nolh thin asin…ka pa hian a rawn kal apiang hi a hming leh an pianzia hi min hrilh thin…
Report this comment
April 6th, 2011 at 10:58 am
“kum 2005 atang khan sapel a bansan a”
Kan ngaihtuah chiang em le????? Kum tam tak chhung dan bawhchhiain sa a pel thin a, kah pawh a kap teuhin a rinawm. Ka ngaihdan chuan vawi tam tak pawi a khawih hnuah a sim ta chauh a ni mai. Hetiang hi ngaihsan tur niin ka hre ve mawlh lo. Vawi khat mah sa la kap ngai lo, kah pawh kap duh lo te leh ramsa leh nungcha humhalh thintute hi an ngaihsanawmin chawimawi tlak an ni zawk. Thil danga a tlawmngaihna te pawh dan bawchhiaa sa kap thin a nihna khian a chawkte zo vek.
Report this comment
April 6th, 2011 at 11:03 am
Hats off
Report this comment
April 6th, 2011 at 11:21 am
Pasaltha ka lo hriat thin chu hmanlaia thai bawi antih ang kha an nia……..
Report this comment
April 6th, 2011 at 1:15 pm
Pasaltha dik tak chu ” Pasal atan a tha”
Silai hi sa kah nan hmang lo mah ila, tun tumna rilru hi ka la pu chhin lo reng reng ! A tlang thianghlim, intihnat awm tawh lohna hmun kan thlen hma chu kawl ka tum. Chuvangin a tung tawh te ka hmusit/ngaisang tihna a ni chuang lo.
Report this comment
April 6th, 2011 at 1:41 pm
Ka Amen e. Mahse attitute a la chhah hle tih entir nan thla 4 hma lawk khan khaw pakhat (Aizawl leh Sialsuk inkar) YMA President ngat maiin sathar a kap a, Mizoram Manipur border khaw pakhat ah chuan Kum Thar 2011 ruai tur Kohhran Upa hovin ransa an veh. An kah tak ber phei chu ka hre lo.
Report this comment
April 6th, 2011 at 1:42 pm
Thil sual khawih hi sim har tak a ni, chuvangin sual la khawih ngailo leh sual sim hi kei chuan ka dah hrang nalh. Thilsual la khawih ve ngailo ni a inhriaten sual sim hi chu an er/thik duh tlangpui a, Misual piangthar diktak erawh chuan tumah an er/thik ngai lovang, misualte pawh an hrethiam ang a, chutiang bawkin mifelte pawh an chawimawi thiam ngei ang. Congrats
Report this comment
April 6th, 2011 at 4:47 pm
Pu. c. Lalzuala fakawm hle mai.
Report this comment
April 6th, 2011 at 5:58 pm
nia…
Report this comment
April 6th, 2011 at 7:05 pm
Hmanlai khan sakap tura an chhuah chhan kha tunlaia tih chereu lampang nen a inan loh hmel.
Hmanlai kha chuan ranvulh an neih lemloh bakah, inthawi nan lo chuan ran an talh mai mai thianglo. Chuvangin, chaw atan tak2 ramsa kha an kap thin anih hmel.
Tunlai ah chuan ramsa kah ngai lovin sa dang ei tur dawrah an zuar kur ngiai nguai tawh. Nawmsip bawla sakap an awm tam avangin ramsa an tlem tual tual a, mimrhing kan pung viau thung lawi si. Sa dang leh chawhmeh tur bazarah a awm teuh tawh chung pawh a ramsa la kah hi a mawl thlak hrim2 a ni.
Hmanlaia sa kap thei, chhungte chawm zo/khawtlang hrai puar annih laiin tunlaiah chuan anni ve tawhlo. Mahni hun hman ang zela chhungkua tha tak enkawl zo te hi pasalthaah ka ngai mai. Silai ka neih te hi ka tung ngai lovang, silai chu kei leh ka chhungte engemaw laka ka venna tur a ni tlat. Kut hlei hrim hrim tan chuan silai tun pawh chu a awm viau tho e!
Report this comment
April 6th, 2011 at 7:31 pm
post tha tak anih hi a
Report this comment
April 6th, 2011 at 7:40 pm
#19 a tun chhan erawh a tha viau tho a, mahse… pasaltha!!
Report this comment
April 6th, 2011 at 10:33 pm
Pu C. Lalzuala thiltih hi a ropui ka ti tawp. Fak leh chawimawi a phu thlawt e. Silai license nei zingah Aizawl pa pakhat leh Thingtlang pa pakhat ve ve-in an tung ta
Report this comment