Archive for January, 2011

Misual.com sawi belh lehna

Monday, January 31st, 2011

Misual.com nena kan inchukha na a la rei loh ngaihtuahin a tel lo chuan khua a har mai thin. Misual.com a ka luh tirh khan ka inthlahrung deuh a, mahse rin ang a lo ni lo. A lo awm tawhsa te kha an fel em em a, tha takin min lo kawm nghal bawrh bawrh te kha a ni a. Hmel thar lo lawm dan an thiam bawk a, rang takin ka tlangnel ve nghal mai anih kha. Misual.com tangkaina tam tak a awm ang a, tlem azawng ka han tarlang ve hrim hrim ang e.

1. Misual.com ah hian hmel a pawimawh ber lo:

Hmel hi kan lo thlir khawp mai a, hmeltha deuh chuan bawr laih laih tu an ngah thei hle. Hmel chhe lutuk te, ngaihnobei lo lutuk te hi mi hian min kawm tha vak peih lova, mahni tal talin kan tal liam ve mai mai thin. Mahse hei, misual.com a rawn piang chhuak ta hlauh mai a, hmel inhmu tawn miah lovin ka titi thei ta. Hmelchhe hmaiser do, sawi bei bui tan pawh inthlahrunna tur reng a awm ta lo anih hi. Miin tunge ka nih an hre lova, eng ang hmel pu nge ka nih an hre lova, ka thuziak chiah an chhiar thei. A va nuam em. A hma kha chuan hmeichhia nge ka nih mipa an hre thei lova, nula nge ka nih pa, patling nge ka nih nutling an hre thei lo. Ka thuziak erawh an chhiar thei. Nuam ve deuh asin….. Misual.com ah hian hmel a pawimawh ber lo, i thuziak, i tawngkam te kha a pawimawh ber zawk. Hmel hi pawimawh ber ta se chuan keini ang ak zat hnih hnuai lam, rawng lo lehnghal te lek lek chu kan tla pil vang vang ang chu.

(more…)

Zo bawm par

Monday, January 31st, 2011

(more…)

January 2011, Mizo(ram) Diary

Monday, January 31st, 2011

1st. Saturday: Lung natna avanga Kolkata damdawi in pan Pi Vanlalvuani (51) w/o Pu V.Zamluaia, Tuikual D chu Kolkata thlen hmain thlawhna chhungah a thi.

2nd. Sunday:Mizorama Kohhran tam zawk chuan Sande Sikul hming ziah thar niah an hmang a; hming ziak pawh an thahnem hle.

3rd. Monday: Lammuala phûl lem (artificial turf) phah tur thenkhat chuan Lammual a rawn thleng ta. Heng artificial turf ho hi USA-a Fieldturf Tarkett company siam a ni a, Kolkata-ah lawng hmanga phurh thlen a nih hnuah Mizoramah truck 17 hmanga rawn phurh chhoh a niin a tam zawk chu kawng lakah an la thang a ni. Krismas hmaa thawh zawh hman tum ni mah se, artificial turf-te hi Kolkata lawngchawlhna hmunah an hrên rei avangin a khawtlai ta a ni.

4th. Tuesday: Nikum, kumtawp nia 12th. Assam Rifles sipai, Manipur-a helpawl, PLA-te nena an inkahnaa thi ta, Sepoy PC Lalrinmawia, Serchhip AOC Veng chu Serchhip Chandmary Veng thlanmualah sipai chawimawina famkim nen bialtu pastor, Rev. Lalrinsanga’n a vui liam ta.

(more…)

I tlai ang e

Monday, January 31st, 2011

A tirin

Thla ral lam lek lek tawh kawlkila inkhai nul nul chu ka thlir a, thli a thaw heuh heuh va. Kan awmna atang chuan Aizawl inpharh duai mai chu a lang chiangin electric eng ah chuan a lang mawi kher mai. “Ti rawh le, in ila” tih pahin ka thianpa chuan a zu thlit chhuah sa chu min rawn pe a. Chutia kan in lai chuan kawl a rawn phe zuai zuai a.

Thawk leh khatah van boruak zau taka arsi phe neuh neuhte chu chhum dum chhah takin a rawn hliah nghal tuam tuam a. Ruah mal a tla nghal phuar phuar a.

Ka no chu ka tlak pap a, ruah a sur tam hmaa in thlen hman ngei tumin ka bike chu ka tlawh rum vat vat a. Ramhuai speed diktakin kan leu phei ta ziai ziai mai le.

(more…)

Egypt ah internet an block dan

Monday, January 31st, 2011

Tunlai Egypt (leh Tunisia leh Lebanon) a thil thleng chu kan hre deuh vek a nga – Hetah hian thlalak leh chanchin chu a awm nual e – The Big Picture – Protest spreads in the Middle East

Egypt ah chuan Friday thleng kha chu internet access zawng zawng an block a, hemi awmzia chu Egypt a website host leh .eg a tawp domain ho i access theilo anga, chuan Egypt a mi ten pawn lam website leh social network (twitter, FB etc) engmah an access theilo (Tunah chuan a tha leh tawh nge chu ka hrelo).

Hemi internet bloackade avang hian twitter lamah te chuan protest a awm rualin fiamthu te pawh a tam hle a, example – Egypt has blocked all internet communication for now. Hence for the time being, it will be known as just “Gypt”.

:-D

Hemi an tih dan hre duh in awm chuan he article hi a interesting reuh lutuk – ka rawn share ve e. A tih dan hria tan chuan a boring maitheia, chuan a awmzia hrelo tan pawh a boring maithei bawk. A inkara awm ho, tlem hria emaw internet lamah in tui ve hrim hrim chuan ngaihnawm in ti ve maithei.

How Egypt Switched Off the Internet

But how did the government actually do it? Is there a big kill switch inside Egyptian President Hosni Mubarak’s office? Do physical cables have to be destroyed? Can a lockdown like this work?

(more…)

Thlànlunga thuziak maksak zual te

Monday, January 31st, 2011

Thlànlungah hian thuziak maksak deuh deuh a lo tam khawp mai. A bîkin thlànlung hlui deuh deuhah a awm duh bîk. He’ng a hnuaia mi ho hi a thente phei chuan in hre tawh mai thei.

Lianchina Mipa: Tûkin khân a thaw ta dêr lo mai. A sandamtu tâwk maw tâwk lo maw kan se lo. A dam laia a thil tih that: ‘Kawlhawk thlâwk lai ka pelh nang’ a ti.

Nemzavungi: Mi zawng zawngin kan se leng em ni? Ni lo, a sungkhat lainate chauhvin kan se leng tul a ni.

Vunglian: M. L. P. P. in an D. L. M. S a D. L (‘Milian pui puiin an dîl, mahse, a duh lo’ tihna!)

Mitthi zawng zawnga kan ui ber, Tialneihsingi: Nilaini zîng khân a thaw ta dêr lo mai. Thihchhan: Thaw tâwp.

Sonliana Cowboy: Phawi rang ve tak a ni; mahse, a ngam loh a tawng a, a thi.

(more…)

…an ti (mai mai)

Monday, January 31st, 2011

1*Nula kawng kal hi Tlangvalte’n a hmel leh âwmbawr an en ber a, pa ho chuan a mal leh mawngbawr an thlè daih… an ti.

2*Jan. Thla a ral chiah hian Krismas leh Kumthar boruak hmang nuam – Nula thenkhat thì a hùl tan… an ti.

3*Hmangaihna sawi fiah thiam apiang hi hmangaihna ‘tak tak’ nei lo anni duh… an ti.

4*Sex hmang sual kan tihte hian an hmang thiam fapthlak… an ti.

5*Duh hun huna mittui titla theite hi nun lemchan thiam, mi hlauhawm anni duh… an ti.
(more…)

DAVOS 2011

Monday, January 31st, 2011

Davos from above

Davos khua hi, Switzerland Alps tlang a khaw lian lo tak, mi sing khat chuang awrh awm na khua a ni. Feet 5,110 a sangah awmin highest city in Europe tih a hlawh. Vur tlak tam na, ski resort hming thang tak a ni, UK , Holland leh Europe hmun dang atangin ski period lai chuan tlawh tu an tam thei hle. A nghet a cheng mihring hi kum telin an tlem tial tial a, population hmun li a then a hmun khat hi chu foreigner and ni. A mi cheng tam ber hian German tawng an hmang a, literacy-ah an sang hle, pawl 12 pass chin pawh 74 % zet an ni.
(more…)

Zu khuahkhirh lam a ni lo

Monday, January 31st, 2011

Mizo ten, “A bawl a mawl mange,” kan lo tih thin chiah chiah a niin ka hria. Mizoramah zu intu te khuahkhirh lam ngai pawimawh si lova, a zu a zawk khuahkhirh an tum tlat lai hian khawvel hmun dang chuan hmalam panin hmanhmawh takin an tlan zung zung a, min lehpel diak duak mai a nih hi maw! An changkanna siper te lo dawng pha ve siin, anni angin kan dawm chho zo ve tawh thin silo, kan nunkhua a buaizo chho zel a.

Rampuilian kan nih veloh avangin chutiang ram te chu kan intehkhin thei lovang mahse, hmalam kan pan chu a hun tawh hle mai. Tunah mai pawh hian airport security atan UK ah chuan hologram an hmang chhin ta. Security duty tak tak lem kha Star Wars movie ami ang khan an kap chhuak a, security tak tak khawsak ang chiah khan a awmin atawng ve mai si a, mi tamtak te chuan an ID te pek an lo tum hial a ni. Hologram chu 3D a milem tih chhuah a ni ber ang chu.

Chhiar zawm duh tan:
https://news.airwise.com/story/view/1296281234.html

(more…)

Hard Disk Problem

Monday, January 31st, 2011

Min pui thei han awm ula ka van lawm dawn tak em..

Ka Hard Disk 500 Gb, seagates a chhia a, windows load tum pawn a tang tlat a, Bad Sector lam a chhia a nih hmel a mahse han recover dan vak ka hre si lova. A chang leh a detect lo tawp a, ka file hlu lutuk tak mai a tam bawk si a han format tur in.. Misual ho zing ah hian min pui thei in awm mial lo maw…