Pic courtesy: Zoa Tlau
Zofate hmun hrang hranga awm darh insuihkhawm lehna veitu leh chumi atana a theihna zawng zawng sengtu Captain L.Z. Sailo (k. 84) chu tukin zing dar 8:10 khan Aizawl Hospital & Research Centre, Mission Veng-ah lungna avangin a thi.
Capt. Lalzuala Sailo hi Sailo lal, Liankanglova fapa a ni a, November ni 21, 1924-ah Sialhawk khuaah a piang. Kum 17 a nih ni tak, November ni 21, 1941-ah Indian Army a zawm a. Indopui Pahnihna lai a ni a, a hnu lawkah Intermediate Science a pass a, Viceroy Commission Officer-ah a kaisang. French tawng a zir tawh avangin UNO Peace Keeping Force zawm tura thlan a ni a, French tawng hmanna hmun Africa rama Congo khawpuiah hna a thawk ta a ni. Sipaia a tan chhung hian khawvel hi a dai dar nasa khawp mai a, Geneva khawpui-te khu Red Cross Society hnuaia a thawh zarah ‘ka khua’ ti thei khawpin a fang chipchiar tawh a ni. Captain LZ Sailo hian tawnhriat a ngah a, thamral thei lo mitthlaa cham tur hmun leh ram a hrut zau va, thu leh hlaa chang tur, a hun taka par chhuak thei a pai hnem kher mai. Ram chang a dai zau lo va, hringnun pawh a dai thuk khawp mai. UN Hqrs. Red Cross Team-ah a tel bakah Kalimpong-a Missionary Dr. Graham’s Home-ah a thawk tawh bawk
Zofate insuihkhawmna tura a inhman avangin man a ni a, Aizawl Dist. Jail-a a tan hnuah bail-a chhuah a ni a, hetah pawh hian kum 1984 thleng khan Aizawl chhuahsan lo tura tih a ni. A thubuai tihtawp a nih hnuah pawh Zofate insuihkhawmna atan a bei zel a, ruihhlo ngaite enkawlna lamah te pawh a inhmang thuk hle bawk. Amah hi “Insuihkhawm leh zai i rel ang u” tih hla phuahtu a ni
Amah hi thu leh hla lama mi ril a ni a, kutchhuak pawh a ngah tawh hle. A lehkhabu ziak ‘Runlum Nuthai’ chu MAL Book of the Year 2002 atan thlan a ni. India sorkar pawhin kum 2007 khan civil mite chawimawina sang Padma Bushan (Literature & Education) a hlan a, New Delhi-ah India ram President ABJ Abdul Kalam kut atangin a dawng a; Mizo zinga dawng hmasa ber a ni nghe nghe. June 14 khan a kutchhuak hnuhnung ber, a hlaphuahte dahkhawmna “Insuihkhawm leh zai I rel ang u” tih chu anmahni chenna in, Mission Vengah tlangzarh a ni.
Capt. L.Z. Sailo hian hun engemaw lai atang khan insawiselna neuh neuh a nei tan a, prostate problem a nei a, hei hi lung na (heart problem)-in a tlakbuak leh a, in lamah leh damdawi in lamah te enkawl a nih hnuah tukin dar 8:10 khan a lo chawl hahdam ta a ni. Capt. L.Z. Sailo hi Salvation Army member a ni a. Zanin hian an chenna (Pi Lalengi In), Mission Vengah lumen a ni ang a, naktuk chhun dar 12:00 ah vui a ni ang.
Similar Posts:
- Capt. L Z Sailo hriatreng nan
- Capt. L.Z. Sailo – Promoted to Glory
- Tunge Padma Bhushan lawm lo ang?
- UK Zofate
- Thian chhan thih ngam, Mizo pasaltha te!
June 25th, 2008 at 3:20 pm
He was s jolly good fellow. May his noble soul rest in heavenly peace forever and ever.
Report this comment
June 25th, 2008 at 3:53 pm
Khawvel pianken thihna chuan Mizo zinga ka ngaihsan ber pawl hrawkhrui a zai chat ve ta maw ? Aw.. thihna… ka va run kher em !
Kum 8 zet liam tawhah khan N.Vanlaiphai ka kal tumin Bus-ah kan chuang dun a, Mizote insuihkhawm leh a tulzia hi kawngtluanin min hrilh a. ‘Tanrual hi chakna a ni’ Mizote hi kan insuihkhawm loh chuan kan ropui ngai lovang’ tiin min hrilh….
Chu tlangah chuan va chawl la, lei hrehawm hnutiang chhawnin;
Fakna hla mawi chu sa in ,
Pa ang chhung nuamah chawl ta che…..
Report this comment
June 25th, 2008 at 4:03 pm
Ka van ui tak em aw…
Report this comment
June 25th, 2008 at 4:20 pm
O ho Pu Zuala chu aw..ka va ui tak em….!! May his soul rest in peace
Report this comment
June 25th, 2008 at 4:45 pm
ka ngaihtuah a,hetiang mi fel tak leh tangkai tak hi engtinnge an achieve theihmei bik a,keini tamzok hian kan theihveloh?thlahtu a zir(genetics) nge personal determination,determination neitur poh hian thlahtute a zir deuh tho angaiin ka hria..a talented ve hrim2 bok aniang or a IQ a sang aniang
Report this comment
June 25th, 2008 at 4:48 pm
one in a million an tih ang hi chu a ni pha ang a,common ppl category ah ai chuan a turu tlat,insuihkhom duhtlatna rilru pute hi thra hrim2,tunlaiah invuak darh kan duh deuh mei toh laiin.pa fel tak ani
Report this comment
June 25th, 2008 at 5:09 pm
Ka ui hle mai. Zofate insuihkhawmna hma a lakna hi chhunzawm zel tum bawk ila. 1999 ah ZORO conference, Aizawl ah hmaichhawnin kan inhmu a, dinner kilhona ah kan inkawm bawka, ka mi ngaihsan ber zing ami ani. Ahnuah Delhi ka awm laiin phone in kan inbe zauh thrina, a rilru zau zia leh hnam inpumkhatna atan tran a lak zia kha a fakawm hle mai.\
Khawhar chhungte hnenah Pathian thlamuanna awm reng rawh se.
Report this comment
June 25th, 2008 at 5:10 pm
Zofate zinga Padma Bhushan dawng hmasa ber tur leh awmchhun
Captain..L.Z…Sailo chanchin by P.C.Lalrinpuia
India sawrkar hian kawng hrang hranga ram leh hnam tana thawk \ha bikte tan chawimawina a pe \hin a. A khua leh tuite zinga chawimawi tlak leh phute chu a fa chuam nihna ‘Award’ a hlan \hin. Civil mite tana hlan \hin a awm a, ‘Civil Award’ tih bik a ni. Sipai huaisen bik leh thawk \ha chungchuangte tana pek \hin ‘Gallantry Aware’ a awm bawk.
Kuminah hian hian Civil chawimawina sang ber a\anga pathumna Padma Bhushan dawng tur ziah tlar 32 zingah Mizo hming a chuang ta. A thei chuan halleluiah pe sela, lam thei chu lam sela, \ap an awm pawhin an mittui chu Zofate tana mittui hlu bikah kan chhiar tur a ni ang. Chu hming chu tu dang hming ni lovin ‘Insuihkhawm leh zai i rel ang u’ tia tlang hrang hranga Zofate suih khawm tuma au lawm lawm \hin, a \hatlai tha leh tui zawng zawng Zofate inzawmkhawm theihna tura sawr fu hneptu Captain LZ Sailo a ni. He lawmman sang dawng tur zingah hian Zo hnahthlak hming hi leilung pian tirh ata vawi khat te mah a la chuang ngai lo. Salaam Captain Sap.
Indian Civil Awards: Civil mite tana chawimawina zingah hian Bharat Ratna a sang ber a, Padma Vibhushan-in a dawt a, a pathumna chu Padma Bhushan a ni. A hnuaiah hian Padma Shri a awm leh a, a hlut hlawm em avangin mi nazawngin hlan chi a ni lo va, India President kherin a hlan \hin. Hlanna inkhawmah pawh hian a behbawm tel hauh lovin an tih tur chiah an ti mawp mai a, tih ropui leh chuan a ngai lo va, a hlut em avangin a boruak ringawt pawh zamna tham a ni an ti.
Bharat Ratna, Padma Vibhushan, Padma Bhushan leh Padma Shri-te hi Dr. Rajendra Prasad, India President nih lai, January ni 2, 1954-ah dawng awmte hnena pek tura a hova rel a ni a, hemi kum a\ang hian a pek \an a ni. Dam laite hnenaah pek \hin tura tih a ni a, thi tawhte hnena pek (posthumous) a awm fo chhan hi dawng tura thlan fel tawh, an dawn hmaa thi hman site an ni deuh ber. India khua leh tuite bakah ram dang mi pawh a phu leh pek tlak nia an hriatte hnenah an hlan \hin bawk.
Bharat Ratna: Bharat Ratna hi mi 41-in an dawng tawh. Dawng awm an awm loh chuan an pe lo vang vang mai a, dawng tawhte pawh an hraw tlang khawp mai. Dr. S.Radhakrishnan, CV Ramart (Nobel Prize dawng tawh), Indira Gandhi, Mother Teresa, Dr APJ Abdul Kalam leh mi ropui tak tak, an hun laia ram tana chhuanawm filawr nalh an ni vek. India hnam pa Mahatma Gandhi hian eng chawimawina mah hi a dawng hauh lo va, Bharat Ratna dawng awm ngawih ngawiha ngai tam tak an awm a, mahse thih hnua pek tura tih a nih loh avangin kum 1948-a thi tawh Gandhi hian a la dawng rih lo a ni. Hetihlai hian dan pawtfanin mi 10 chu an thih hnuah pek an ni ta tho va. Subhash Chandra Bose chu 1992 khan a thih hnuah pek a ni a, buai neuh neuh a awm avangin pek tawh hnuah chhuhsak leh a ni a, Bharat Ratna pek tawh chhuh leh awm chhun a la ni.
Padma Vibhushan: Hei hi eng kawng emawa mi bik, ram tana thawk \ha chungchuangte hnenah an hlan \hin a, sawrkar hna thawh \hat em vang pawha pek theih a ni. July ni 13, 1977 a\anga January ni 26, 1980 chhung khan he chawimawina hi tihtawp lailawk a ni a, mahse pek chhunzawm a ni leh ta a ni. Kumina dawng tur zingah hian India ziaktu hmingthang Khushwant Singh a tel.
Padma Bhushan: Padma Bhushan kan thlen rualin Mizoram kan thleng a, neitu rilru min puttir theitu Mizo tlangval, a hnam tana kum 84 insangphek tawh, Capt. LZ Sailo kan nei hi i lawm ang u. Wikipedia Encyclopedia-in a tarlan dan chuan nikum 2006 thleng khan mi 135 hnenah pek a ni tawh a, kumin hian dawng tur mi 32 thlan an ni leh a, India President, Scientist tlangval ngatin a hlan ang. Chutih hunah chuan Zofate’n kut kan la ben ngai lohna mualah kut kan beng ang a, kan la hmelhriat loh chu kan ta a ni tawh ang.
Padma Bhushan dawng tawh lar zualte chu 1999-ah Hindi Film-a zaithiam lar em em Lata Mangeshkar; 2001-ah Amitabh Bachchan; 2002-ah Tabla ben thiam hmingthang Zakir Hussein te an ni. Kumina dawng tur mi 32 leh nikuma dawng mi 36 zingah India Hmarchhak aiawhtu awm chhun chu Captain LZ Sailo hi a ni. Kum 2005-ah khan Mrinal Miri chuan Journalism-ah Meghalaya a\angin a lo dawng tawh a, India Hmarchhak thangchhuahpuitu nih hi a lo awlai lo viau a ni ang.
‘Heti taka ropui leh dawn har si hi Zofate hian kan va hre lar lo ve’ tih zawhna a tam hle mai. |henkhatin Padma Shri aia hniam emaw kan lo ti rawl nen, kan tan a la khual deuh va, kan la chulnel lo mai mai a ni. Vawi khat intawnnaah chuan inhriat chian vak loh pawh a awm ve tho. A lem kan tarlan tangkapui pahnih khi a ken tel a ni a, khing tangkapuite bel pha ngat khi chu India ram khawi hmunah pawh zah leh chawimawi tur an ni.
He mi ropui hi khawi lam mi nge maw a nih le?: Captain LZ Sailo hi tu nge maw a nih a, khawi lam mi nge maw a nih le? Hetiang taka lawmman sang dawng tur hian eng nge a lo tih \hin tih chu kan hriat chak a lo ni ta. Mi vannei tak leh mi bik a lo ni ve reng reng. Khawvel eng a han hmuh phat hian lal fapa a ni. Sailo lal, Liankanglova fapa a ni a, November ni 21, 1924-ah Sialhawk khuaah a piang. Kum 17 a nih ni tak, November ni 21, 1941-ah Indian Army a zawm. Indopui Pahnihna lai a ni a, Sipai lumum nih reng tum lo Lalzuala Sailo chuan Intermediate Science a pass a, Viceroy Commission Officer-ah a kaisang. French \awng a zir tawh avangin UNO Peace Keeping Force zawm tura thlan a ni a, French \awng hmanna hmun Africa rama Congo khawpuiah hna a thawk ta a ni. Sipaia a \an chhung hian khawvel hi a dai dar nasa khawp mai a, Geneva khawpui-te khu Red Cross Society hnuaia a thawh zarah ka khua ti thei khawpin a fang chipchiar tawh.
Captain LZ Sailo hian tawnhriat a ngah a, thamral thei lo mitthlaa cham tur hmun leh ram a hrut zau va, thu leh hlaa chang tur, a hun taka par chhuak thei a pai hnem kher mai. Ram chang a dai zau lo va, hringnun pawh a dai thuk khawp mai. Irish nula ngat runlum nuthai atan a la lut a, chu hmangaihna lipui thuk tak chhuahsana Mizopa dik tak ni leh tura a harsatna paltlang hi a nep lo viau ang. Mizo \awng a eng nge tihpui tur awm lohna hmunah lungleng reng renga hun tam tak hmang liam a nih avangin a lunglen inchhek khawm chu ‘Suihlunglen Hlahril’ tia a bu hming a sak tak, chang 2279 zeta seiah a rawn in hrithla ta a, Zofate zinga hla phuah sei ber tih loh rual a ni lo.
Literature & Education-a Padma Bhushan dawng tur hian Mizo \awng chauh ni lo, \awng danga chhiar theih tur kutchhuak neih a ngai a. Captain LZ Sailo kutchhuak \henkhat chu \awng danga lehlin leh thehdarh a ni a. Sap \awng a thiam avangin sap \awngin hla a phuah bawk a. Padma Bhushan a dawnna hi Literature & Education-ah a ni a, he chawimawina nopui dawntirtu a kutchhuak lehkhabu chhuak tawhte i han tarlang teh ang.
1. Hmangaihna tluantling – 1978 (Churachandpur)
2. Thanghniangi leh Rualkhuma – 1991 (Aizawl)
3. Mizo hnam dan leh thu leh hla – 1991 (Churachandpur)
4. Awi Karei Lucknow – 1997 (Aizawl)
5. Awmkhawhar Suihlunglen – 1998 (Aizawl)
6. Thilmak chhui sen loh – 1999 (Aizawl)
7. Suihlunglen Hlahril – 2001 (Aizawl)
8. Hmanlai an chang zo ta – 2002 (Aizawl)
9. Runlum Nuthai – 2002 (Aizawl)
(MAL Book of The Year-2002)
10. Awi Karei Lucknow 2 – 2003 (Aizawl)
11. Nghilh loh par – 2004 (Aizawl)
12. Relthang ka dawn zo lo – 2004 (Aizawl)
13. Rose par vul ve ta rih lo chu – 2005 (Aizawl)
(Bold – Thawnthu : Italics – Hlahril/ hla)
Ziah tawh, la chhuah loh 27 a la nei cheu nia. Hla 400 chuang a phuah a, Hla chhammi 2000 chuang a phuah bawk. A hla phuah Zoram deng chhuak khawpa lar ‘Insuih khawm leh zai i rel ang u’ tih duh tlang hrang hranga awm Zofate thinlung chawk thova insuihkhawm leh duhna chi tuhtu pawimawh tak a ni. Kum 50 chhunga Zo hnahthlakte rilru chawktho nas aber hla thlang dawn ila a hnuhnung pawlah chuan thlan a har mai lo’ng maw? Kum 2001 leh 2005-ah North East Poets’ Meet Aizawlah neih a ni a, hun pawimawh tak hmang tura thlan chhuah zingah a tel.
Chawimawi tlakin chawimawina a dawng: Chawimawi tlak a ni a, vawi duai lo chawimawina a lo dawng tawh. Thu leh hla lama chawimawina a dawn tawhte sawi ang aw:
1. MAL Book of the Year 2002 – Runlum Nuthai
2. MAL buatsaih Meet the Author 2004-ah sawm a ni
3. MAL buatsaih Meet tha Author 2004-ah sawm a ni.
4. LELTE Life Time Achievement Award – 2000
5. Thu leh Hla Kutpui 2002-ah Mizo Writers Association leh Art & Culture Department-in ‘Certificate of Appreciation’ an hlan.
6. Thingkangphai Branch YMA, Group YMA, Joint YMA leh Mizo Literature Society-in ‘Certificate of Appreciation’ an hlan.
Heng bakah hian sawi lohva uiawm tak tak, sawi vek sen si loh chanchin ropui tak tak a ngah khawp mai. Thlamuanpui tham a ni a, remna duh mi a nih bawk.
I lawmpui duh em?: Chawimawina a dawn tur hi i lo lawmpui lawk duh a nih chuan Tuikualah Pu Lalhuapliana Ralte in hnuaiah lut thla la, a nupui Pi Ngurthanzuali’n a lo dawngsawng che ang a, chutah chuan Zofate min chawimawitu chu i zuk hmu thei ang. ZOPPEN Club chuan an member zinga upa ber Captain LZ Sailo-an hetiang chawimawina ropui a dawn dawn avangin Mizo mipuite’n an lawmpui duh an ring a. Lawmpui tura kalte’n an ngaihril vawn an bun chhuahna tur lehkhabu ‘Ngaihril’ tia an vuah chu an dah a, i lawmpuina thu i va ziak ngei dawn nia. Nangin i chawimawi loh chuan hnam dangin an chawimawi sak che ring suh.
Ngunhnam huaisar: Captain LZ Sailo hian ngunhnam roh fahran mai a nei a, a sipai \an laiin tleirawl pakhat tui cheng chu sangha hlauhawm zet maiin seh tumin a bei a, Captain LZ Sailo hian a nunna thapin a chhan chhuak a. He tleirawl hi sipaia lal fanu a lo ni reng mai a, an hotupa lawm lutukin he ngunhnam hi a pe ta a ni. En dil la a entir ngei che ka ring. A sawi duh chuan ka sawi aia chipchiar leh ngaihnawm hian he ngunhnam chanchin hi a hrilh thei bawk ang che. —————————————–
Capt. LZ Sailo-a’n Padma Bhushan dawng
Capt. LZ Sailo chu zirna leh thu leh hla lama a thawhhlawk vangin India rama civil mite chawimawina sang Padma Bhushan dawng tura thlan a ni a, mi 32 he chawimawina dawng tur zingah hian Capt. LZ Sailo chu number 13-naah dah a ni.
Padma Shri dawta chawimawina sang Padma Bhushan dawngtu Cap. LZ Sailo (Lalzuala Sailo) hi kum 1924, November 21 khan Sialhawk khuaah a piang a, unau mipa 3 leh hmeichhia 2 a nei. A pa hi Sialhawk Lal, Liankanglova a ni. Indopui pahnihna kum 1941 khan India Army-ah \angin, chuta \ang chuan lehkha a zir zawm a, Kitchener’s College, Knowngong a\angin Intermidiate Science a zo a, chumi hnuah Viceroy Commission Officer a ni. Heta \ang hian UNO Peace Keeping Force-ah \angin, Singapore, Kualalumpur, Tokyo, Java (Sumatra), Africa (Congo), London, Scotland leh Germany-ah a awm kual a ni.
Zofate insuihkhawm duha vei em emtu, Capt. LZ Sailo hi Mizoram buai khan Manipur-ah a awm a, kum engemawzat hnuah Mizoramah a lo let leh a ni. Lehkhabu 40 vel a ziah zingah 12 a tichhuak a, chung zinga “R<nlum Nuthai” tih a ziah chu kum 2002 khan Mizo Academy of Letters chuan kum khat chhunga lehkhabu \ha ber, Book of the Year Award atan a thlang. Kum 2000 khan Lelte Weekly chuan Lifetime Achivement Award a lo hlan tawh bawk a ni.
Capt. LZ Sailo hi a nupui Pi Ngurthanzuali leh an fate mipa 2 leh hmeichhia 3 nen Tuikual North-a Pu Lalhuapliana Ralte building luahin an khawsa mek a, a fapa Dr Randolp (RIP) chu mi hriat lar \hin a ni bawk.
Report this comment
June 25th, 2008 at 5:26 pm
A hriatna leh finna te a boral pui ta mai chu ani sia, a ui awm khawp mai.
Bharat Ratna hi a ho katihna chhan chu India mi hian foreign award an dawn hnu deuh chauh hian an hlan thin in ka hria. Ram dangin india mite achievement an rawn recognise hnu ah India hian a recognise ve leh chauh thin ang ani. CV Raman, Mother teresa te pawh kha Nobel Prize an dawn hnu a Bharat Ratna dawng an ni.
Report this comment
June 25th, 2008 at 5:36 pm
Vai ho hian Bharat Ratna an politicise tawh avangin, he award hi hlan ani tawhlo photzz. Tunkum pohkha BJP in Vajpayee, DMK in Karunanidhi, et.al. an in hnial buai vak kha.
Insuihkhawm tumna taktak rilru a nei, Pu Vanlawma kan thentawh am, tunah Pu LZ nileh ta . . sob . . sob . . . . RIP. in thlarau in Zofate hi min chenchilh fo rawhse.
Report this comment
June 25th, 2008 at 5:44 pm
Engatinge MISUAL ho hian Award kan lo hlan ve loh?
A chhungte hnenah tal MEMENTO hlan chi viau loh mo? Hetianga kan miril te hi an hlu ropui sia..
Report this comment
June 25th, 2008 at 5:52 pm
Nia Marathi Shiv Sena ho pawn an leader Bal Thackeray a hlan turin an ngen chiam kha. Bal Thackeray a hian india ramah chi leh hnam in thliarna leh in nghirnghona bak a thlen lo. Muslim ho a bei chiama a hlawh tling vak lo nge North Indian ho a beih leh mek kha.
Constantine engtik lai nge mani khan Misual award chu an hlan ve kha, kei pawh ka dawng ve in ka hria:D . Cpt LZ Sailo chuan banga tar tlep tuar khawp a dawng tawh tho a lawm. A military medal dawn pawh a awm a tlep tuar ka ring tlat.
Report this comment
June 25th, 2008 at 8:02 pm
Ka va ui tak em!! College ka kal laia ha nawh dan tur min hrilh ang thlapin tunthleng hian ka la nawt!! May his soul rest in peace!
Report this comment
June 25th, 2008 at 8:05 pm
Ka va ui ve aw. kan inah chaw a lo ei ngun mai…. he was a good friend of my parents…..
Report this comment
June 25th, 2008 at 11:25 pm
capt.Lz sailo chu a uiawm ka ti takzet mai,hetiang mi kan chan hi a an uiawm thin, a fate vincent leh ellena te an pa ruang an hmu ve thei lo tur hi pawi ka tihpui,blore mizo ten thlanthutna an neihpui dawn ni awm e.
Report this comment
June 25th, 2008 at 11:32 pm
Some pics:-
LZ Sailo – Vanglai hlimthla
https://img170.imageshack.us/im.....lzsse3.jpg
An in luah lai -
https://img341.imageshack.us/im.....zs1ty4.jpg
Poster-
https://img170.imageshack.us/im.....zs3wv8.jpg
Rest in Peace-
https://img341.imageshack.us/im.....zs4qt1.jpg
Condolence Book
https://img341.imageshack.us/im.....zs4qt1.jpg
https://img341.imageshack.us/im.....zs7jw8.jpg
Report this comment
June 25th, 2008 at 11:42 pm
@Ben, pics links ka rawn dah a, a in-moderate a nih hmel khawp mai. Please check.
Report this comment
June 25th, 2008 at 11:47 pm
capt.lz sailo uihawm zia kan hre dawn chauh niin ka hria, ani leh r.vanlawma hi ka ui pawl tak a ni.lalpan a chhungte awmpui mawlh rawh se
Report this comment
June 26th, 2008 at 12:11 am
A live in ka la hmu miah lo, mahse a kutchhuak hi ka chhiar ve nual tawh..uihawm tak a ni..
Report this comment
June 26th, 2008 at 12:14 am
“@Ben, pics links ka rawn dah a”
Akismet in a lo man a lawm. Thanks. de-spam tawh e.
Report this comment
June 26th, 2008 at 12:33 am
a uihawm hle mai, kan mi ropui te kan chan zel mai chu a nia aw a pawi thin teh e, khawhar chhungte hnen ah thlamuanna awm rawh se.
Report this comment
June 26th, 2008 at 1:30 am
min peihloh san ta nge nge maw?? zohnahthalk te hian i sulhnu hi nghih ni reng kan nei dawn lo!!!!!!!!!!!!!!!! ka va han ui vawng2 tak che em!!!!!!!!!!
Report this comment
June 26th, 2008 at 2:06 am
[...] pictures here. Thanks to samuelapa. By chance, you did not hear the sad news, please read Capt. L.Z. Sailo kan [...]
Report this comment
June 26th, 2008 at 11:00 am
“Zofate insuihkhawmna tura a inhman avangin man a ni a, Aizawl Dist. Jail-a a tan hnuah bail-a chhuah a ni a, hetah pawh hian kum 1984 thleng khan Aizawl chhuahsan lo tura tih a ni….”
– India sawrkar poh chu avan ti mak thin ve, kan insuihkhawm alo hlau awm hle mai, Vai ho hi literature ah an sang bawk sia kanin suihkhawm loh nan hian lehkha te hi an van ziak hnem tak em! a bik in Bengali ho hian…
Mizovin mi tha kan chan leh ta, a uihawm hle mai…RIP.
Report this comment
June 26th, 2008 at 11:19 am
Dik khop mai, Bengali te chu lehkha ziak ah sang deuh asin annih, Tripura pawh kum 90 chhung lek in anmahni ram angin anin ziak lut thei asin! Tripura native people(Bru/Tuikuk) leh Bangladesh Tribal(Takam/Chakma) ho poh Mizoram khua leh tui angin an ziak der toh, lehkha ziak lamah hian Mizo te hi kan tan a ngai ta khawp mai chuti lo chi nakin lawk a Mizoram pawh hi Vai ho hian an mahni ram angin anla ziak ve mai ang.
kum 1910 vel khan Tripura ah Bengali 10% chauh anla awm a tunah chuan 80% an om tawh!
Captain.L.ZSailo chu ka van ui tak em, May his Soul rest in peace…
Report this comment
June 26th, 2008 at 11:23 am
High school kan kal lai a, eng e maw function ah a lo kal a, a zei zia kha ka theihnghilh thei lo, he is really one in a million….may his soul rest in peace….
Report this comment