Titi na leh tawng kauchheh tam tak ah hian tun a Mizo te kan dinhmun(changkanna) hi Kristian kan nih vang a ni ti a sawi a tam hle mai a, a dik na chin thui tak a awm ngei ang tih chu phat rual a ni lo!
Chutih rual in kan threnawm state, kristian ni lo te pawh hian hmasawnna tam tak keini ai mah a tam an hmu mawlh mawlh reng bawk a! Chuti a lo nih si chuan Kristianna avanga changkang kan in tih hi thu puarpaw leng mai mai a ni thei a ngem?
Kristianna tak tak nunpui ta i la, U.T, STATE kan nih thleng a sum lo lut zawng zawng te kha din chhuahpui na tham a nih tawh lo em ni? Kan nun ah hian Kristian nun dik tak lang lo hian, tun a kan state dinhmun hi sawichhuah economy a in nghat reng ri ngawt hian em ni kan nun dawn?
Tun a kan thlen chin hi chu thawh chhuah ni lo in, sawichhuah economy a ni ri ngawt em tih hi ngaih tuah tham a tling a ni! Kristian nun hi khawvel kan awm chhung a hman tangkai tur a ni lo em ni? Thih hnu ah chuan hmanna a vang!
Vanram kan kal a nih pawh ih automatic tak in kan fel tawh ang a, hremhmun a kal tan Pathian thu hian awm zia a neih bawk tawh hmel si loh a! KRISTIAN nun dik tak hi hman tum theuh teh ang u.
Similar Posts:
- Mizo Thalaite an sakhawmi lo
- Swine Flu kan hlau hi
- Enge in ngaih ve dan le?
- A nuam ringawt!
- Za a za Kristian kan ni ciah em?
February 16th, 2010 at 2:12 am
Kristianna avanga changkang tih hi tun dinhmun ah ni lovin, kristianna kan dawn atanga kan hmasawnna intan na sawina lam ani mah zawk in ka hria. Tun dinhmun ah chuan kristian na hian changkan na (economically) chuan a kaih hnawih lem em maw ni le.
[Report abuse]
February 16th, 2010 at 2:20 am
Engpawhnise, kan kristianna a ni emaw ni lo emaw, kan vel a kristian ram ni lem lo te nen kan sutthlek, kan developement te teh khin ila, chu tin kan hniam dan a filawr lem lo!! ram chungchang sawi a kristianna sawitel zel hi thil tul ber pawh a ni lem lo e. Kan sakhua kan ti mualpho fo!
Tuna kan thlen chin hi thlen chin ti a han sawi vak tur a ni lem lo a, engmah thlen kan nei em ni! ka sawi tawh, ka sawi leh ang, a backgear hlirin kan la kal tih hi!
Engmah, engmah reng!kan ti teh ang, mizoram hian achieve a la nei lo, mahni intodelhna zawng hian achievement pakhat te mah kan state hian a la nei lo, kan politiciante rilru kalhmang leh mipui rilru sutthlek dan atang hian engmah beisei tur kan hmaah a awm chuang lo! Kan ngaihtuah chiang lo thin! Changkang ta viau a in hria te an awm, a mak ka khawp mai.
sawi ho zel ila…
[Report abuse]
February 16th, 2010 at 2:44 am
Christian kan nih vanga kan thenawm ramte aia kan changkanna nia ka hriat te chu kan rilru a zau zawk, kan selfish lo, thenawm khawveng te nen kan in nel dante, hmangaihna kan ngah, kan incheina, etc. Economically chuan Christian ni lo mah ila tuna kan thlen ang hi chu kan thleng tho ang, Christian lo nilo ta ila kan intodelh zawk phian mai thei a ni
[Report abuse]
February 16th, 2010 at 3:21 am
Kristian angin kan awma, Kristian nun a nung tak erawh chu 100 ah 1 kan awmin ka ringlo, 3000 zelah 1 te chu kan awm mahna. Ka hmuh dan/rin dan mai ani e, hnial vak chi pawh a nilo.
[Report abuse]
February 16th, 2010 at 4:26 am
“Kristianna avanga changkang kan in tih hi thu puarpaw leng mai mai a ni thei a ngem?
Inhnial theih tak chu a ni awm e. Mahse Kristianna avang khan hmasawnna kawngpui pakhat, ziak leh chhiar kan thiam phah a. Sawrkar chet hmain kohhran a che a, politics bawlhhlawh tak nen mi tlemte kuta thuneihna a awm hnu hian thenawm state (Kristian ni lo)te nen kan ke pen dan a in ang chho ta niin a lang.
[Report abuse]
February 16th, 2010 at 5:02 am
Ni-a kan inhriat hi kan pha lo hret a, kan nih chiah hi sawi lan chian ngam a ni chiah bik bawk hek lo! :roll: Bata pheikhawk leh Burma lam chhuak slipper siamtute hian Kristian ta bik tur an siam hranpa ka ring bawk hek lo! Bun tawk bunna khawvel a ni, inhmeh fe zawng an awm ngei ang!
Kristian inrelbawl dan leh sakhaw dang betute inrelbawl dan DAILY ECONOMY a danglamna a awm chuang vak em ni? Mammam man a inthlau chuang lo!
[Report abuse]
February 16th, 2010 at 5:09 am
#3Daffodils: Kristian-a kan inchhal hma khan kan pi leh pute kha an selfish lo zawkin an rilru pawh a lo zau zawk lo maw te ka lo ti ve mai mai thin asin!
Christian-a kan inchhal hnu hian thatchhiatna te hi a pung ta riau a lang. Sawi fo thing angin KTP active member mahni inchhunga chhawr tlak tak hi zaah 10 an awm tling angem?
Kan inkhawm hman lultk danah te hian in enfiah chu kan ngai a ni. Pathianin a ni sarih ni a ni law mi chawl hahdam tura min tih ni kha. Khawvelah hian kar khata kohhran inkhawm ni thum nei chu ram changkang an awm vak ka ring lo! Thalai inkhawm leh kohhran hmeichhe inkhawm tiam phei chuan le!
[Report abuse]
February 16th, 2010 at 6:29 am
tarmita @7, mi tlemte dikloh vanga KTP active zawng2 sel hi a dik dawn emawn le? Kan venga KTP branch comt. member tam zawk hi chhungkua a a ngulpui ber an ni vek.
[Report abuse]
February 16th, 2010 at 6:32 am
Tarmita09 sawi khi ka tawm e.
[Report abuse]
February 16th, 2010 at 7:44 am
Dap dap mai a
[Report abuse]
February 16th, 2010 at 7:52 am
Kriatian chu la nilo ila, tun dinhmun hi chu kan thlen ka ring lo. mahse engkim hian a contribution-ah hian limit a neiin ka hria. Kan Kristianna hi tunah chuan thil tamtak min tihkawlhkhamtu (hindrance) ani. Example han sawi ila -
1)Intodelh tak tak tur chuan Inkhawm hi a zing lutuk, tihtlem a trul hle Inrinni zan Chawlhni chawhma leh Zan hi inkhawm ila a tawk. Chawlhni Sunday tlaiah KTP in fellowship neise. Hmeichhe inkhawm hran hi tihbo a trul.
2)Society a chhiatni thratni a a khaw nawta hun kan khawhral hi kan thranmawh bawk lian tak ani. Mithi vui te hi chhungkhat ho inbuaipui ila, khawhar lenkhawm zai tluk tluk leh inriahpui te titawp ila. Hetiang emotional deuha kan inhruai reng chuan hma kan sawn thei lovang. Inneih hi a awm reng dawn a ruk deuha simple thei ang leh hming hriat zz sawm hi tihtawp a trul. Lungphun phei hi chu tihtawp hmaks chi.
3)A hman hman Evan tam lutuk te hi tihtawp chi.Pastor ho lo hi chuan Camping tih vel hi buaipui tawh lo sela.Pastor hian full time tak takin thawk tawh rawh se, an hlawh pawh a tam tham ve tawh.Pastor te hian intodelh nun te hi min sirtir sela simple living te nen.
4)Inlen pawh kan uar lutuk hi family counseling pawh a neih hman loh, bengvar nih duh vang hian kan intlawh nasa lutuk, a tawpah mi kan rel zut zut hun kan khawhral nasa lutuk.
Change ka rawt ani ber hi kei misual hian
[Report abuse]
February 16th, 2010 at 8:30 am
mzvision chu a thawh tha leh pap pap kher mai.
[Report abuse]
February 16th, 2010 at 8:34 am
mzvision@11 ka pawm zawng tak ani.
[Report abuse]
February 16th, 2010 at 8:59 am
Mizoram kristianna hian khawtlang nun,Damdawi leh zirna lam a bul tumtu niin a Foundation tak tak a ni tih hi chu phat rual a ni lo.Mizoram school zawng zawngte lha mission school an ni vek a,sorkar(project) in a la chhawng ta mai chauh a ni.
A hnu kal zel erawh mipui leh kan thlan LAL ramhruaitute zarah kan phu tawk dinhmunah kan awm ta mek a nih hi.Kohhranin a tihtur chin a ti zo khat tawh.Dem tur an awm em em ka ti lo-’mifel leh mithalo te chunga angkhata ruah sur tirtu’ ringtute kan nih chuan kan haichhuah ve a ngai tawh a ni mai!!.
[Report abuse]
February 16th, 2010 at 9:13 am
Kum engemaw zah chhung kha chu Zingah breakfast eiin hnaah 7 velah ka chhuak a,lunch eiin tlai 6-7 PM ka haw tlang pui.Fate sikul form ha hmuh a khat deuh thin. Kan chaw ei hun tidanglam hian hnathawh hun tidanglamin titam ta vek ila,dawrkaiin zan dar 8 thleng hawng se.Kan mengrei tho tho sia,Rambuai kan ni tawh lova,Electric eng hnuaiah hnathawh theih a ni bawk.’Khawvela hnathawk tlem ber hnam kan ni’ pawh ti ila min hnial thla thei ang em??
2/ Christianity hi sakhua religion anga vuan tlut chi ka ni lem lo,’Christianity is a way of life,a TRUE LIFE’ thuruk zawk a tang hian mimal,khawtlang leh ram kal siam zawng zawngah hman a tan a tha ber mai ni lovin a kawng awmchhun tih erawh ka pawm thlap.
[Report abuse]
February 16th, 2010 at 9:22 am
Kristian kan nih vangin hmathatna leh hmasawnna tam tak kan nei tih hi chu ka pawm thlap mai. Amaherawh chu Kristian kan nih dan hi a tak tak in kan nunpui lova, nunpui mi tlemte avangin hetiang dinhmun hi kan thleng chauh zawk a ni.Mizote hi kan Pi & Pu te atangin Zu hmun Sa hmun awm nuam ti mi, Kut chi hrang hrang lawm thin kan nih avangin hei hi Kristian kan nih hnu pawhin kan paihthla hleithei lova a buaithlak khawp mai.
Zoramah chuan Pu MZ-a sawi ang deuh khian inkhawm leh Social Activities a tam lutuk a, chutianga kal ve ngai manglo te demna a nasa bawk si a, kan nunphung a tichhe nasa hle in keipawh ka hria a ni.
Kartin maia Kohhran inkhawm bak a,Kohhrana peng hrang hrang ten mahni pual inkhawm an neih vek bak ah, committee neuh neuh a tam bawk si. YMA lamah lah Section kan then leh bawk a, mahni hna thawk hman miah lova khitilam ringawt a inhmang khi kan tam hle mai.
Pu MZ-a sawi repeat leh ta ila Damlo tlawh,Mithhi/Khawhar in kal hi mi zz in tihvek kan tum bawk nen, khitiang khian kawng tam takah min ti thatchhia a, thiante nen inhmuhkhawm a nuih deuh dur dur te chu a lo hlimawm ve bawk a, thalai te awlsam taka hruaisualna hmanrua te pawh a ni ve bawk a ni. Kan in enfiah a hun ta hle mai.
[Report abuse]
February 16th, 2010 at 9:25 am
#12 and 13
Hetiang change kan sawi inkhawm tlem duh ho hian Biakin nei hran ila, ka join daih duh ang. Pastor deuh chauh hian thusawi hun hi chang sela, beram ho hi Berampu nih vek kan tum a dik thei lo. Sharing hun erawh awm sela, sawiho na te neih thrin nise. Pastor active lo deuh kha chu an contract kha extend loh ni mai sela. Heng church administration ah hian Upa ho hian Pastor kaihruai sela, Pastor hi chuan a beramte hmasawnna tur ringawt kha buaipui sela.
Hremna hlauh vanga Kristian, malsawmna duh vanga Kristian, sual-sim-tumlo Kristian hi kan va tam tak em :!:
[Report abuse]
February 16th, 2010 at 9:31 am
Kan thenawm state: Tripura, Bangadesh, Burma, Manipur, etc. .te hi keini angin Krisitan ve puk lo mah se Christian mission dawng vek, keini aia dawng nasa mah mah zawkte te an ni hawt a. Bengal phei chu Carey-a te ho chet tlatna hmun ber a ni. An changkang ve tho chhan pawh Krista chanchin thain a chhun en vang a ni ang. Kristian mission hna avangin kan “eng” ta tih hi hnial thlak theih a ni lo.
But the question is – Engtin nge he chanchin tha hi tunlai hunah hian kan present ang, tih a ni mai em!
Kan Kristiannain min uai bet ta tran nia kan hriat chuan kan mission understanding hi kan re-define a ngai ang. “Sapho an inkhawm peih tawh lo, an chhe ta vek, tawngtaipui ang ngai,” tih vel hi chu thlirna pakhat ve mai a nia. Thlir dan dang a awm ve tho. Inkhawm peih tawh lo mah se an society-ah “Christian values” a intuh nghet tawh a, an structure leh system a Kristian vek tawh a, an ding nghet thei tawh a ni.
Mizoram dinhmun erawh chu chutiang a ni ve rih lo. Kristian kan tam avangin “Kristian ram” kan inti a, kan ram erawh a Kristian lem lo. Kan office hnathawh dan, contract hna, poilitics, etc-ah Krisitan value a lang nep.
Chuvangin -
Kan mission chu, ram pawna mi dang veia chhuah ngawt a ni lo. “Khawvel zawng zawngah” tih hi a Mizote khawvel zawng zawng, i.e, ei leh bar zawnna khawvel, politics khawvel, media khawvel, IT khavel, zirna khawvel, ei neihna khawvel, sumdawnna khawvel, etc tia kan lak a tul.
KA LAWM E.
[Report abuse]
February 16th, 2010 at 9:35 am
Pa pakhat hnasem pawh:
Mama-nang chu bhavan leh hnam run velah chinchang ngai thlain lo va tei kual thin ang che .Ram hmangaih aia hlu a awm lo ve.
Mami-nang chu kohhran leh yma hi tum chawt mai rawh.Rual pawl loh zawng min mak min ti reu reu ang e,pasal zawn nan pawh a tha ber a nia.cheraw kan world record break ah te khan tel ve ngei ngei tur.Kan ram ti hmingthangtu nih hi a ropui a nia.
Kei- chhiatni thatni thilah min ring tawp mai ula.Vengchhungah leh veng pawn thleng pawn thian han siam zau i la,han kal than tak tak chuan kal na tur hi a lo awm chawp zel mai a nia.Hrawk pawh a tlai nge nge a lawm le.
NUi- i thawh ve thiam leh theih tawk chhungkaw ei zawn a ni mai a,artuite lova zuar kual leh mai mai ta che.Midang han puibawm hman che kan awm ngang si lova!!
[Report abuse]
February 16th, 2010 at 9:38 am
Ka lo boral anih pawhin Lungphun ka duh lo tih hi mi(sual) thriante hma-ah ka puang e. A chhinchhiahna erawh tumah tibuai lovin dah erawh ka remti thung.ka nu leh pa te pawh helamah hian hmin ka tum. ka nupui fanaute chu ka hmin in ka hria.
Ka lungphun ve chu sawrkara hna ka thawh ram ro tling nia ka ngaih ve te leh system change tura hma chhe te te ka lak te hi an ni a, abakah chuan ka sulhnu dangte – ka tu leh fate, mi(sual)-a ka thawhve te leh theihtawk leh phak tawka ka vision mite hrilh hriat te hi ani mai. A chhe lam ho erawh lung ni lovin brick-chhe-ber-chi-phun nise
Ka OT mah mah, kan chhiat zia hi kan sawi hnem tawh khooooops mai, a solution lam hi kan sawitam rawt tam a trul tak zel tih hi kei misual hian zuk vei tlat ia :!:
[Report abuse]
February 16th, 2010 at 9:39 am
#mzvision: “Inlen pawh kan uar lutuk hi family counseling pawh a neih hman loh, bengvar nih duh vang hian kan intlawh nasa lutuk, a tawpah mi kan rel zut zut hun kan khawhral nasa lutuk” i tih hi a va dik tehreng em! kan social reality dik tak i rawn phawrh e, kan lo sawi puang zel dawn nia, i phal chuan ….
[Report abuse]
February 16th, 2010 at 9:42 am
pu mz, Pathian zarah kum 80 ah pawh la rik zah tur alawm :)May the number of candles ever increase.
[Report abuse]
February 16th, 2010 at 10:13 am
A ropui dup2 qup mai… Nia,mizo kan kristian dan thawnthu mak ngah tak hian tun thleng hian hmasawnna langsar tak a neih chu Biakin pui tak Ro si tam tak kan nei fur hi a ni awme…
Tin,thawhlawmah pawh…A thir nawi phei chu ni se,a ri ruih a ri ruih ang chùù…!!
Mi hi kan lo inhre chianglo thrina,pathian ngaihsak vaklo nia kan hriat te an thih hian piantharna ege maw tak anlo nei zel mai a lo ni a…Rinna hmasawn chak ber kan nei bawk….! mimal threuh hian KRISTIAN DIKTAK VEK NI ILA CHU, HMASAWN hi chu tumlo pawh ni ila kan Hma kan sawn tho K RING E….
[Report abuse]
February 16th, 2010 at 10:23 am
mzvision ang deuh in kei pawn ka boral hun chuan phum lova halral (cremation) ka thlang. Chumi hma in body organ donate ka phal bawk.
[Report abuse]
February 16th, 2010 at 10:30 am
comment hmasa ber khi chu spam ania delete daih rawh u
[Report abuse]
February 16th, 2010 at 10:31 am
funny, hairehai
ka lo ngaihtuah pha thak nang
[Report abuse]
February 16th, 2010 at 10:37 am
Family night han puang ve chhin teh u- Nuam danglam ve tak a ni.
Thil tum:Kan chhungkua hi pawnlam thil stimulus tel lovin kan la tlei zo em ?.Kan awmkhawm ho ringawt nge kan cheng ho ?
Scene : (a hmasa berin)cellphone neiin silent vekin an dah a,tv,comp,leh games lam chi curfew a ni bawk a.
Findings:
***Remote ban zuava dah leh a tam hle
***Thawh hluai a thut leh mai a awl hle.
***Naupang lam chu an tlei vat mai.Tinkle comics bu hluite an hai chhuak tan a.Ka tarzan ,indrajal leh Tin tin comics hluite lah a bo zo tawh si !!.Album phawrh in kan en hman ngai miah tawh loh thlalak hlui pui pui hrilh fiah nan hun a kal tam hle bawk .Holyday vela phai zin leh an chak thar em em ta bawk a.
**Puitling bawk hi kan lo nikhua lo zawk a ni,Sana kan en ru zoh zoh a,external stimulus Tv leh thildang (pawnlam a tanga phurna chaw lut)lo hian kan nun hi a lo phai ruam zo tawh a nih hi.”Chhungkaw khawsak dan tur rel leh ngaihtuah a patling/nutling bengsik a ngaihtuahna seng hman leh peih kan tlem tial tial a lo nih dawn hi.Ngaihtuahna fim pu hman lo lekin pan lam ber hre si lo hian hmanhmawh em em in sana bih zoh zohin kan tlan suau suau a ni ber a, kan hunawl tha zawng zawng hi ruk bo sakin kan awm a, kan zawn chhuah a ,kan neih let vat a ngai a ni. A! Engkim Bul leh Hnar kan hlamchhiah hian kan bo teLh telh zawng a nih hi” tia titi a kal chhoh tui lai mekin Thenawm maipawlpu then khatin in rawn chim buai ta hlauh va!.
Conclusion:*Hun chu a kal muang deuh.
[Report abuse]
February 16th, 2010 at 11:01 am
pu MZ thu sawi khi ka thlawp nelnual e.
Darchhunval i ti trha tran a nih chu .keini pawh zing dar 7 ah hna kan thawk tran a .a hmun a zir in dar 9 bawrah breakfast te kan ei theihna hmun te a awm chang chuan kan ei a.a tlangpuiin chhun dar 12 ah lunch break 30 minutes hlawh cut in a dang zawng working up to 7 pm leh a chang in a ai a rei te.
kan khawpa pawh zan dar 10 thleng te a thawk trhin a zing 6 ah in atrangin a chhuak ziah trhin a a faten a nu a pa hi khawiah nge a awm an ti.
pu MZ i sawi kha maw a dik inneih pawh hi pui deuh a tih kan duh anih chuan ZAN ah in neih tir mai chi .Keini awmna ah chuan zan ah inneih hi an buatsaih trhin.Mi hnathawk ti buai lovin.
Trawngtai duh te chu zing ah biakin ah dar 5 atranin dar 6 ah an zo in hna ah an kal leh mai trhin tih loh chu shabat ah zirtawp tlai leh zan shabat zing leh tlai leh zan a ni mai.
Lungphun hi chu thlan chhinchiahna siam ngei 2 a ngai ka ti.
[Report abuse]
February 16th, 2010 at 4:02 pm
“Kristianna avanga changkang kan in tih hi thu puarpaw leng mai mai a ni thei a ngem?”
Tuna kan dinhmun hi changkang kan ti em? A tam zawk hi chuan ‘Kristian’ chu kan inti ngei si. Kan changkan dan erawh a changkang lo tlats. Kristian ni lo, Vai kan tihte pawh kan tluk lo han han hle si. Kristian dik tak chetin, khawsakin khawsa ta ila chu kan changkang ngei ang. Kristian chu a intodelh tur a ni si a.
[Report abuse]
February 16th, 2010 at 4:56 pm
Kristian nih avanga changkang zawka han inhriat ngawt pawh chu a :?: Min thlahtute thawhrim rah, khawthlang ram ang te hi tehkhin nan hmang ta ila, seng tur kan nei ve siloa
[Report abuse]
February 16th, 2010 at 5:16 pm
Pu MZ Vision:
(Ka lo boral anih pawhin Lungphun ka duh lo tih hi mi(sual) thriante hma-ah ka puang e. )
I thusawi hian ngaihtuahna min neih tir nasa hle mai.
Engemaw trend thar siamtu hi kan mamawh viauin ka hria. Tuna kan hmanlai hi engkim hi tha ni vek hauh lo. Tin, sum khawhralna tamtham ang chi hi culture or tradition anga ken loh hi thain ka hria. A theiin ti se, a thei lo ten kawngdah in ti mai se tha ka ti.
Hman deuh khan, kan thianpa pakhat hian Mizo inneihdan a sawisel nasa hle a. Ka thiante leh chhungkhat hnai chauh ka sawm dawn a ti a. Ka awih lo khawp a, mahse a ti ta tak tak a…khawtlang in an sawisel nasa khawp mai. Mipui hian huauhuau kan lo lawm niberin ka hria..
Hetiang hian mahni duhdan (a hawldarh leh a kawi zawng nilovin) a kal mai ngam hi thain ka hria.
[Report abuse]
February 16th, 2010 at 8:47 pm
“Christian-a kan inchhal hnu hian thatchhiatna te hi a pung ta riau in a lang. Sawi fo thin angin KTP active member mahni inchhunga chhawr tlak tak hi zaah 10 an awm tling ang em?”
He thu hian ngaihtuahna a ti thui hle mai Pu Tarmita09, i ti tha lutuk, tunlai kan Zoram khawvel thanmawhbawk chu KTP active member, KTP hnatlang, Hla zir leh fellowship, conference, Bial Khawmpui, etc a che phur em em mahni inchhungah chhawrtlak miah loh hi khawi Branch ah pawh hian kan tam em em hi a ni. Zing chaw eikham a ni a,mahni nu leh pate hnenah kuhva man, cigrattee man leh pocket money man thlenga dil char char, changkang emaw in ti tlat, nileng zaka mu, zana hla zir tura chhuak thin kan tam hi a zahthlak a ni.
Kristian chu a taima tur a ni, KTP member active member kan nih chuan sum kan thawkchhuak lo (sorkar hnathawk lo) kan nih pawhin chhungte ti hautak lo zawnga nun kan hman hi a hun tawh a ni. Midang tih hautak loh zawnga chet hi Tirhkoh Paula zirtirna thu laimu pakhat pawh a ni.
Ngaihtuah chian a ngai eeeeeeeeeee!!!!
[Report abuse]
February 16th, 2010 at 9:33 pm
Kristian kan nih leh ni loh vanga changkang leh changkanloh lam chu thuhran ni se, Kristian nun dan tur diktak hian nung ila, rinawm ila, taima bawk ila, hei ai hian kan changkang ang. Kan rinawm loh avanga ram chawikan na tur kan eiru zel mai hian, min ti thatchhe zovin, ramin hma a sawn tur angin kan sawn thei lo a ni. Bible ah hian kristiante that chhe turin min zirtir lova, taima turin min zirtir zawk.(Tita3:14) etc.
[Report abuse]