“Hello. Mawia, Niminah Dawrpui pheiah ka hmu che. Enge i tih a?”
“Ka leng mai mai.”
“Vawiinah enge i tih dawn?”
“Engmah”
“Tunah khan enge i tih?”
“Ka awm mai mai”
“Naktuk Prog. I nei em? I hman ang em?”
“Aw, Hman ang.”
“Kan Picnic dawna rawn tel ve la?”
“Yes! Dar engzatah nge kal tur…”
He pa, Mawia anga hman zet, awm/ lêng mai mai ho kha…
Pawngsual avangin Tunkar chhung chu pawn chhuak lo tura Vai ho ngen/ hriattir anni a. Hei, a Túk khatna atangin Sumdawng ho kan buai map mai. Vai Tui chawi awm loh vangin Bazar-a Thingpui dawr neitu te an buai a, Bazar-a Thu leh Kharchhawng ho an buai a, Kudam neitu te leh Bungrua neitu te an buai a, Thingtlang atanga Thlai leh Bungraw rawn phurtu te an mangang a, In sa mêk te an chawl a, Aizawl Bazar leh a Chhehvela Sumdawngte kan buai a ni ber e.
Burma (Mizo), Motia an indaih lo a, Zing karah cheng 500+ an hlawh nia! Thawh sen loh hna an hmu, an indaih lo a ni. Thawk peih tan Hna a va’n tam em! He hun, Vai pawn chhuah khap/ ngenna hi thlir liam mai loin, hna nei loten hna hmuhnan hman tum hlauh ila, Vai leh Burma ho tel loa che thei lo, buai kan tam zia te inngaihtuah thar ta ila, Harh nan hmang hlauh bawk ila a va tha dawn em!
Thalai, Kut/ Ke kim nei ve si– “Enge i thawh?” tih apianga “Engmah, Ka awm mai mai” tih reng maite hi zah nachang kan hriat a hun ta! Awm mai maite harh a hun ta! Hna thawhkawr nen rawn chhuak r’u le. Hmanrua leh Thiamna neih a ngailo, Tharûm a tawk!
Similar Posts:
- Mai leh Mai-an
- Hindi nge Burmese development atan tha zawk ang?
- Kawng kam chawhmeh bazar.
- A ninawm ka ti thin
- Mizo tawng hi!
....
April 22nd, 2010 at 6:05 pm
@22 lushai_er, ka va thinrim pui che em. Kei pawh kan tlangval chhuah hlim khan kan nula kawm ve thin te khan mipa tlem tal zu in ve lo te chu a Pa lo em mai an ti thin a, hrehawm khawp thin. Kan thiante tamtak zu in ve ta zeuh zeuh intawk thiam ta silo mumal ta vaklo an awm. Chutah heng nula ho hi an han senior deuhah mizo mipa hi neih tlak an vang lutuk te an han ti vel lehnghal a. Nangmahni ang nula vang hi anih hi tih ka chak thin. OT loh nan awm mai mai hi a tha lo.
[Report abuse]
April 22nd, 2010 at 7:08 pm
Awm mai mai theih hi chu ka va han chak ve tak e aw. Mahse awm ta mai mai ila, ka nu leh pa ten min kal san tawh bawk si lo, ka pi ho in, ka nau 2, hna la thawk rual si lo kan cheng ho a ni a. Ka pi nen kan awm mai mai chuan ka nau ten engtin nge sikul an kal ang a, chaw kan ei ve teh lul ang. Dawr hi dar 6 velah kan khar a, chutah zanriah kan ei kham atangin kuhva zawrh tur kan siam leh ta char char a, zan dar 12 vel ah ka mu hman tawk a, zing dar 5 ah chuan ka thawh a ngai ngei ngei bawk si.
Hetia misual.com a ka han lut ve zawk zawk thin pawh hi ka pi leh ka nau te lakah ka inthlahrung thin mang e. Mahse engemaw chang te a ka luh ve zawk thin avang hian, chawlhhahdam na a ni ve a, ka inthiam ve hram hram a ni e
[Report abuse]
April 22nd, 2010 at 7:18 pm
@lalrihem, awm mai mai ho hi awt miah suh. Nilengin dawr a thu chungin motor leh mi veivak an thlir mai mai a, hlawkna engmah a awm lo. BP leh Blood sugar, etc an buaipui thuai mai a nia.
[Report abuse]
April 22nd, 2010 at 7:27 pm
Hnathawk, hahchawlh awm mai mai tih loh, thatchhiat vang leh thawhtur hriat loh vanga awm mai2 hi ka thil hlauh ber ani. Hengho hian nuam anti chuang hoh lo. Nitina thahnemngai tak leh thlantui fara hnathawkte nun hi alo awhawm ber tho2.
[Report abuse]
April 22nd, 2010 at 7:31 pm
Taikher, ha ha…kei pawh in zing kar a 5000+ hlawh ka duh zawk e
[Report abuse]
April 22nd, 2010 at 7:42 pm
“Hello. kawlhawk, Niminah Dawrpui pheiah ka hmu che. Enge i tih a?”
“misual a post tur ngaihtuah/thlalak pahin Ka leng mai mai.”
“Vawiinah enge i tih dawn?”
“ka misual.com dawn”
“Tunah khan enge i tih?”
“Ka misual.com mai mai”
“Naktuk Prog. I nei em? I hman ang em?”
“Aw, Hman ang.”
“Kan Picnic dawna rawn tel ve la?”
“Yes! Dar engzatah nge kal tur…ka kal hma in misual.com phawt a ngai a, chuan tlaiah mut hma in misual.com leh ngei ngei a ngai bawk. Misual.com a active lamah HV khum ka tum deuh bawk a..”
Fiamthu, huat awih loh
[Report abuse]
April 22nd, 2010 at 7:44 pm
lalrihem,
#52 a in chhugkaw dinhmun i sawi khi thu dik anih ngai chuan ka va’n ngaisang che em! Nupui la neilo turah ka’n ngai ngawt che a? Zirlai, i naute tana i inpekna kha ropui ka ti thlawt e.
[Report abuse]
April 22nd, 2010 at 7:45 pm
ka khawngaih thin chu, chhun a in hrang hrang tlawh kual a, ‘maian etc, in lei duh em?’ ti thin ho hi. An pawr in an harsa tih rintheih ho hi. Mi bum hmang ho hi chu ka sawi tel lo a nia aw…
[Report abuse]
April 22nd, 2010 at 7:48 pm
#56 elcee, :lol: :lol: (mahse, i thu atang khian fiamthu tih a chiang renga, fiamthu huat awi loh i ti kher khian ka mit ati kham tlat. Fiamthu ka haw ngai lo e. :smile: )
[Report abuse]
April 22nd, 2010 at 7:50 pm
elcee, i va han hit fuh hmel em!! kawlhawk hian a chhang ngam lo ang che a….hahaha…
[Report abuse]
April 22nd, 2010 at 7:51 pm
Mizo mistiri chu an inchhiar to thei lutuk a, miin an chhawr tha duh lo.
Darkua ah chiah chiah uluk takin hmanrua an tat hriam a. Chumi hnu ah thingpui hang. Tichuan hna an tan. Mei zuk chawlh a tam hle. Nikhata zawh theih mai, a tuk atana hna zuah thiam riau an awm bawk.
Cement lamah vai mistiri aiin hlawh a sang fal hle bawk. Chhawr man tlawm zawk na na na chu vai bawk an chhawr leh thin.
[Report abuse]
April 22nd, 2010 at 7:51 pm
“huat awih loh” tih lai tak pawh khi fiamthu a nia
[Report abuse]
April 22nd, 2010 at 7:52 pm
min lo chhan khalh chu a….
[Report abuse]
April 22nd, 2010 at 7:55 pm
caribou. min sawi khalh…
[Report abuse]
April 22nd, 2010 at 8:00 pm
@caribou. Chuti anih si chuan…. Vai chawr man tih to dan ngaihtuah a ngai anih chu!
[Report abuse]
April 22nd, 2010 at 8:01 pm
@elcee. #56. akiah kiah kiah kiah kiah… akiah kiah! Mi kah dan thiam riau te hi in awm a, a nuam thin e.
[Report abuse]
April 22nd, 2010 at 8:10 pm
hnathawk peih loh chuan ei pawh ei suh se tih hi practice ngam thrak hlawm ila thra tur ani
thralai awm mai mai te hi an awm mai mai loh nan hnasiam belh thei Company lian pawh kan mamawh hle.
Kan ram kan hnam changkan nan chuan thawkrim leh taima te hamthratna anih angai. tunah chuan awm mai mai ho hi an dinhmun a chhe lo politiks khel ho phei chu khiah khiah an ni mai mawle
[Report abuse]
April 22nd, 2010 at 8:11 pm
Ka vairam awm ve hma hian cement chawkin ka thawk ve nasa thin khawp mai. Ka hmuh dan chuan Mizo Mistitri lo induh tawk chu awm tho mah se, aruala hnathawh nuam ti mi kan nih avang hian a ruaituin a chawh phur thiam phawt chuan Mizo tluka chhawr nahawm an awm ka hre lo. Inzahder tawn tak leh mi chhawr te ngai pawimawh der thiam tak chuan hlawk takin Mizo ho te hi min chhawr thei thin zawk! In la boss over taka chu mi khami tia lo kawk kual zuk zuk, duham hmel over lutuka thil ti thin hi Mizote chek nen an in mil lo thin zawk mai chauh a ni. Tawngkam thain sial tih ang deuha thiam taka fuihpawrh nuam tak zawk kan ni Mizote hi. Thupek aiin tawngkam mawi taka in tih hi kan zawm thei zawk fe!
Kan experience-ah chuah vai Mistiri-te hian hna khek chu thiam tak an ni zawk. Experience an ngah avaingin an planning a fel deuh zawk hrih pawh a ni mahna. Mizote thiam loh tur pakhat mah cement work a awm bik ka hre lo.
[Report abuse]
April 22nd, 2010 at 8:47 pm
Sawitha hlawm khawp mai..
[Report abuse]
April 22nd, 2010 at 8:48 pm
Sawi ve se katih deuh pakhat in ala sawilo…
[Report abuse]
April 22nd, 2010 at 9:12 pm
A tawpdan chu a nalh phian mai.
In comment tha hlawm khawp mai a. Tlem ka lo belh ve a nge.
Thatchhia tihtaimak dan hi a awm a nih pawhin, kei chuan ka la hre fuh lo a niang. Thatchhe tawp hi an lo piang ve hrim hrim ni maiah ka ngai. Mi zawmthaw chi hrim hrim, thluakthawl luruh ring satliah ang chi hi.
MZP ka teitheih loh em em nachhan chu – Khawi lai vai sual emawin mizo an lo khawih a, a sual ve hlei lo Aizawlah an lo hrem ve ringawt thin leh Fundamental Rights an bawhchhiatsak thin hi a ni Zirna lama hma an lak sawitur ropui engmah awm mang si lo, Politics lamah Pressure Group an nihna changchawiin an che vak zel ringawt a. Ngaihtuahna an hmang nasa vak ngai lo thin nge, MZP leh MSU tih ang reng hruaitute hi mi ngaihtuah tawi kan thlang fuh thei hrim hrim ka hre lo. Zirlai Pawl intelkhawm tihawm loh tak hi an ti leh chut thin.
[Report abuse]
April 22nd, 2010 at 9:22 pm
Mizo inhlawhfa tamtak hi chu Moral reform ngai anni phawt mai,ka tawn ve ngei thil: Lei lai ka chhawr a, ka telve hman ni leh telve hman loh ni chu thawktu ngairengah a let tawpin an inthawhtam hleih.
Vai hlawhfa ka chhawr chu zing dar 8 ah a lo kal a tlai dar 4 ah a insengkhawm leh thrin a,Mizo ka han chhawr telve a zing dar 9:15 velah a lo thleng a ,a intat hriam chawp zimar,zialzu kual vel zawh a a thawh tran tak chu dar 10 vel a nia tlai dar 4 ah vai ho rualin a insengkhawm veleh ringawt a,kar 1 ka enchhin a Vai lokal hma te kha anlo kal hma ta biklova(anlo convince a nimaithei Mizo te khan) tlai dar 4 rik leh rik loh hi sana an enzut mai a dar 3 bawr a trang chuan anthawk fumfe thei tawh lo mizo te chu
THATCHHIA TIH TAIMAKNA chu threka a chhawr hi a ni mai
[Report abuse]
April 22nd, 2010 at 9:28 pm
misual pawh hi mi chi hrang hrang kan awm a, Taikhryte ang misual hian misual anti famkim thin in ka hria. :lol:
#50:Tharpuia hi chu a fing thei nulh nulh a nia.
[Report abuse]
April 22nd, 2010 at 9:29 pm
J.Lo says:
“THATCHHIA TIH TAIMAKNA chu threka a chhawr hi a ni mai”
Dik thawkhat phian. Threka a han inhlawh hi chuan thrahnem angaih theih hnup hnup khop mai. Zingkar atrang ten kan start toh mai thin ania…
[Report abuse]
April 22nd, 2010 at 9:32 pm
Tarmita09, i sawi ang khi ka putea zingah hian a awm a. Hna hi han thawk ila, a thuthmun atang hian, ‘ti khan ti rawh u’, ‘kha kha chu ti chuan’ etc.etc.a lo ti zung zung thin. A awm ve chuan ka hnathawhlai ka tawp hmak a, ka kal daih thin. Leader chuan min hruai tur a ni a, thuthmun atanga an lo kawh kual chuan ka ti thei bau bik lo…
[Report abuse]
April 22nd, 2010 at 10:33 pm
He post hi a that/dik rual rual in kei chu kan hlawh chhut hian kan thatchhe ta viau pawh hi mak ka ti lem lo. Ram changkang zawk a thalai te hnathawh nasat zia kan sawi fo mai, amaherawhchu an hlawh leh kan hlawh inthlauh zia kan ngaihtuah vak ngai lo a ang. Vawikhat kan thian pakhatin fiamthu ti tak in mizo hnathawk lo va tei mai mai a hmuh tam thu leh hnathawk ho hi vai deuh hlir an nih thu a sawi a, ka nu in ti hian a chhang” in hlawhfate hlawh hi a chhiat lutuk avang a nih hi, sawhthing kg 1 ah 50 Rs/- in kan hralh thei ngei dawn tih hria i la abikin thingtlangah phei chuan awm mai mai an awm lo vang” a ti a, dik ka ti khawp a, kan thianpa pawh chuan a ngaihtuah rauh rauh mai. Nileng a patling in ni sen sa hnuai a a hlawh hian vawksa kg1 a lei zo em? Ngaihtuah chian chuan lungchhiat thlak deuh asin. Pa fel tak tak, an hunlai a lehkha zir thei lo, thiamthei lo leh chhungkaw chawm nan a bultanna tur nei si lo nitin a chhungkaw chawm nan a inhlawh hi Mizoram thingtlangah te hian an tam zia hi, lung a chhia ka ti. Sorkar hnathawk, lehkha lam an lo tih theih phian avang a hna hmu ta te, chhung neihthat vang a hna hmu ta ta an tam mai. Heng ho lah hian hlawh san an phut reng bawk a, kan unau, kan mizo pui, heng ho hian an thenawmpa ngei in vanneihna a chan loh a vang leh ram dinhmunin a zir loh avang a a kut themthemthiamna pawh hna zawn nan a a hman theih si loh avang a nileng a nisensa hnuai a a inhlawh lai a hlawh tam an lo phut reng te zahnachang an hre der lo. Mi ramah te chuan kut hnathawk leh office hnathawk satliah te hlawh hi a in thlau ve lo asin. Kan nula tlangval te hian Inrinni-ah te 500 Rs/- tal hlawhna tur inhlawhna, dawrah te hmu ve se an in hlawh ve tho ka ring. Mizoramah thawmhnaw man te a la to em em zui leh nghal. 500 Rs/- pawh hlawh se kawr pakhat tihtlak tak a leithei lo a nia, hnamdang thalai nen hian tehkhin chi an ni lo. Nilenga hah hnep a hna va thawh a, hlawh tlem em em mai ai chuan an chhungkua a sorkar hnathawk pakhat ring a awm mai kha awlsam tak tur a ni reng a ni. Kan nitin hlawh a chhiat lutuk avang leh kan hnathawh leh hlawh a in phu loh lutuk avangin tha leh tui hman a phurawmloh a nih hi. Heti chung a hnathawk reng ho hi chu inhlawh lova awm thei ngang lo, chaw nghei mai tur an nih fur a rinawm. Mizoramah chuan sorkar hna nei chuan a thawk tha emaw tha lo emaw awlsam tak in pawisa a la lut a, chutihrualin taima em em a thawk pawh in sorkar hna a nih si loh chuan hlawh a chhe leh em em si. Hei vang tak hian mipui te rilruah hna thawhrim hrim hrim hian hlawh min pek that loh zia leh thawkrim lo va awlsam te si a pawisa lakluh na dan hriat a pawimawh tih hi a in tuh tlat a, tui vang pawh ni chuang lovin lehkha zir ngawr ngawr tul ia kan in zirtir a, lehkha thiam kan tam tulh tulh a, hna a indaih leh chuang si lova, thatchhia kan in chherchhuak tam telh telh mai a ni hi
Hetih rual hian thenkhat remhriat hrim hrim vang a mahni hma haikiang zo tak tak an awm. Mahse atam zawk hi chutiang chu kan ni si lo… ( mobileah ka ziak a, a buarchuar ang)
[Report abuse]
April 22nd, 2010 at 10:45 pm
@ Kawlhawk : Ti daih teh ang Govt. Aizawl College-ah i kal tawh thin em?
[Report abuse]
April 22nd, 2010 at 11:14 pm
@Kawlhawk thu i thawh tha thei phiang sen hle mai!I thuziak ngaihnawm ka ti thin.Misuala comment ka pek loh kar a rei ta deuh.Thuziak ho erawh ka chhiar hmaih ngai lo.China mihausa tamtak khian an fate an dim eih ngai lo vin ka hria.Hna(a hniam ber atangin)thawh dan an zirtir nasa thin.
Myanmar-Tahan khaw chhuak ka ni.Tahan atanga kawlpui chhuhtlakna hi Kawngpui hlun tak a ni a.Kawngpuikama awm thei ho hi mihausa an ni.Kan naupan lai chuan MIZO pa tamtak he kawngpui kamah hian Building nen an in hung ruih hlom mai.Hei thangkhat lian a nih zet chuan Mizopa kawngpui kam la hum thei chu tlemte an ni ta.
Thil pawi em em chu…kan lo hausak hian kan fate hnathawh dan kan zirtir thin lo.Hnathawk hah map lova dah kan tum thin.Kan fate tan RETHEIH INTANA BUL a lo ni ta thin a ni.
Master ka zir thleng hian Summer chawlh a piangin Mistiri,Rawra chawh,Siment khawih,Insak ka thawk thin.Ka thawh lai khan nuam ka ti hranpa lo…mahse tuna ka ngaituah hian thil tha tak a ni tih ka hre hnuhnawh a ni.
Mizoramah chuan Party eng eng emaw hian MIPUITE thatchhiatna khurah a hnuk lut niin ka hmu.Thingtlang khawte thleng khian Sawrkar atanga tanpuina beisei ran khan hna an thawk thin khi thil pawi tak a ni chiangin ka hria.
@HV Bazar vela hna i thawh lai thlalak rawn post teh ..Misualah hian ka rawn comment hluai teh ang.Ka ngaisang tawp che.
Kan nihna hian hnathawk mi dal tur a ni lo.Kan zirsan/nasat poh leh hna kan thawk nasa zawk tur ani. Hnathawh kawr fumfe pawh nei lo tlangval hi Makpa atan ka duh lo ber fo vang!
[Report abuse]
April 22nd, 2010 at 11:27 pm
JF Laldailova’n “Kut hnathawh hlutzia” a ziah ah khan, Jail tang hrem nan hian mut tir reng mai ila, in hremna hreawm tak a nih a rin thu a sawi tak kha! Hnathawk lova awm chu khua a har ruih zel in ka hria.
[Report abuse]
April 23rd, 2010 at 1:54 am
Mawia vang khian mi thatchhiat chungchang in sawi chiam a? mi awm mai mai thatchhia lo tih ngawt te chu, a duhzawng(picnic)ah te chuan innghaihtuah vak ngai lovin “Yes! Dar engzatah nge kal tur…” a ti nghal zat mai a lawm. Thatchhia chu tihtaimak hran a ngai chuang hlei nem, a duh zawngah kal tir mai tur a lawm.
[Report abuse]
April 23rd, 2010 at 12:59 pm
hetiang ngaihtuahna ti thui thei deuh te an awm ve thin hian Misual.com a luh hi a nawm phah thei ngawt mai. thu thiam ai chuan thu sawi tur hria hi an lo pawimawh hlemai…
[Report abuse]