Tleirawl pahnih ka hmaa kal dun titi chu ka han ngaithla a. Pakhat chuan, “Tunlai chu kawr awh deuh mai ka nei a, mahse a man a sang lutuk a ka lei ngam thlawt lo” a ti a. A thiannu chuan, “keipawh awh deuh mai ka nei a, mahse ka chhungte hian an rem ti vak lova.” an ti ve leh a. A thiannu chuan “a buaithlak zawng a nih hi le, duh kan ngah si a sum a tlem bawk si, a hahthlak zawng a nih hi le” tiin a chhang a.
Tleirawl te pahnih thu sawi atang hian sum van zia leh hlutzia a chiang ngei ang. Sum nena khawlai han vah kual meuh hi chuan kan mamawh hi a kimin, thil dang reng kan mamawh lo hian ka ngai fo thin ti ila a dik lohna a awm hauh lo awm e. A dikna chen a awm ngei ang. Mahse sum hian hlimna tak tak min pe thei ang em? tih erawh chu chhut a ngai awm e.
He khawvel kan hman mek hi lungaihna leh hreawmna a khat a ni a. Hlimna tluantling lo han tem ve thin mahila, mit khap kar lekah an ral leh thuai thin zawng a nih hi le! kan mamawh atan hmangin in sawi ve thin mah ila beng sika han ngaihtuah zui meuh hi chuan a lo nih loh zia hi a lo lang uar thin. Chutiang dinhmun han thlen meuh chuan hun liam hnu kan dawn kirin kan ngai vawng vawng thin a ni lawm ni? Kan mamawh min phuhruk tu emaw ti a kan lo duan kha a nih loh zia a lang uar uar thin zawng a nih hi. Kan hman dawn khan kan ngaihtuah chiang lo angin kan ngai thin a, nimahsela a ni hauh lo! A sum a khan min daih lo vang a ni zawk fo hei hi chu a a tam zawk ah hi chuan a dik chiang khawp mai.
He khawvel thang chho zel ah kan ram dinhmun sang chho zel te, tin mihring nitina kan pun vang pawh a ni thei awm e. Heng zawng zawng te a vang hianin kan sum mamawhna pawh a sang chho ve zel a, tin he mi avang hian kan ram dinhmun a tla hniam zawng a nih le! Hei vang tak hian a lawm nu tam tak ten, ‘HEI HA!HUI HA!.’ an tih fo thin ni. A ril a rah te ngei in a thil mamawh han sawi sela, mahni ril a rah tan chuan tih sak loh a har em avangin an tih sak leh mai thin a, amaherawhchu dem ngawt theih pawh an ni bik hauh lo. Tunge mahni ril a rah te ti lungni duh lo awm ang? Amaherawhchu chin tawk chu neih a ngai thung awm e. Sum hian hlimna famkim min thlen lova, chhungkaw tamtak ah chuan chhiatna a thlenin chhungkaw nu ber sum awm loh vanga a phun a phun tawh chuan, a pasal in tih lungawi tumin an thawh chhuah bak an eiru hnur hnur mai zawng a nih hi!
A nih leh sum hian hlimna famkim min thlen lo a nih si chuan engvangin nge kan kawl reng ang, kan tan a tangkai lo a nih chuan engvangin ka bulah ka awm tir reng? a tih theih a, nimahsela hetianga kan sawi tak avang hian sum hi a tha lo bur tihna ni lovin a hman lamah hian ren thiam ila tihna chauh a ni. Kan hman danah hian ren chemna a awm loh avangin harsatna kan tawk mekin kan ram hi retheihna kawng kan zawh tir mek a nih hi le! Hei vang hian ani kan rama harsatna lian tak maia kan sawi, ‘CORRUPTION’, eirukna a awm phah a, sual kawng zawh a lo awl tak em em thin a ni. A eiru thiam thiamin an eiru hnemin eiru ve ngailo thil engpawh a dik zawng a ti duh mi tan chuan hausak chu a har ngawt awm e. Nitin hna thawhna hmuna kal ve ziah a, Pathian thu te sawi ve a, hlawh lak leh huna a duham pawl leh a chang tam pawl nih tuma thil diklo tak kan tih leh si a, hnamdang Kristian ni ve lo te hi kan thawhpui a nih phei chuan engtin tak min ang maw? hei hi kan ram thangmawhbawk niin kan ram kan ti mualpho mai mai a, an ni hoin min ngaih nep phei chuan, chung lam khian engtin tak min ngai ang maw? Za ah za Kristian ram tia in sawi ve si in a, thil sual tih leh si chu thil inhmeh lo tak ani awm e..Inenfiah a va han tul teh lul em Amaherawhchu tumruhna leh taimakna avanga hausa te ka dem tihna a ni hauh lo..
Sum avang hian harsatna tawk mahila, thil reng reng hi a tha lo lam ai chuan a tha lama hman hi a tha zawk fo. Chhum zing nasa tak kar a ni sa ang deuh khian, a thatlohna sawi reng ai chuan a eng lam thlir ila kan hlawkpui theuh awm e. Tun aia kan sum neih hmanna kawngah ren thiam ila, kan hna thawhna a kan hlawh a tam emaw a tlem emaw, kan pawisa lak luh chu engzat pawh nise, rinawm taka tih hi a pawimawh ber awm e. A pahnihna atan chuan thil tangkai lo lutuk mai mai atan chuan hmang lo ila, a tangkai leh a pawimawh atan chauh hmang ila a tha hle ang. Tin, kan sum hman chungchang ah hian mi te a bikin mi rethei te leh mi hnuai hnungte tana malsawmna ni thei turin hmang thei hram ila, hei ngei hi alawm mi rethei fate lo nghah hlelh em em chu. Tin, eiruk leh a kaihhnawih lam te hi bansan thei ila a va han lawmawm dawn tak em! Sap thufingin a sawi, “Money is a good servant, but a bad master” a tih ang khan, kan rama sum dinhmun hi uluk deuh ila, kan ram hian hma a sawn in, ram nuam leh entawntlak tak kan va han ni tehlul dawn em. Chutiang tur chuan mitin hian tan ila thar theuh ang u.
Ka leng daih dawn.. Buhfai...
May 3rd, 2010 at 2:43 pm
Sum hi a pawimawh hmasa ber niin a lang ta, chutih laiin incheina sang lutuk hian nunphung a tibuai zel ta niin a lang..
[Report abuse]
May 3rd, 2010 at 2:49 pm
Sum hlutna chu a thawhchhuan dan a zir ani. Rs. 500,000 hlepruk ai chuan Rs. 5000 rinawm taka lakluh a hlu zawk.
[Report abuse]
May 3rd, 2010 at 2:50 pm
sum sum sum tireng mai! achangin hmangaihna, sex etc etc…huizzz …ka hul vek, no cooments
[Report abuse]
May 3rd, 2010 at 2:52 pm
Pawisa/Sum tezawng Vai ek alawm, a tul chuan an siam teuh mai ang
[Report abuse]
May 3rd, 2010 at 2:53 pm
Sum chungchangah hi chuan a formula hi a ho asin mawle- lakluh aia tam hmanloh tur tih hi ani mai a. Mahse kan harsat tlang anih hi a.
[Report abuse]
May 3rd, 2010 at 3:07 pm
Kan it/duh zawng lei nan sum kan duh tawk a hman tur kan neih ngai ka ringlo, kan duh zawng lei nan sum kan khawl a, kan lei thin, duhzawng leh it zawng dang a lo piang leh si thin zawng a nih hi.
Intunnun nan a kan mamawh liau2 erawh harsa tak chung pawn kan lei ve hram2 zel a, Pathian thu in thawk lo chuan ei pawh ei suh se, a lo tih angin, kan thawk ang a hlawh chu a tam emaw a tlem emaw kan hmu ve zel tur a ni dawn lawm ni. Mahni thawhchhuah mil zel a nun erawh a pawimawh a nih hi maw.
[Report abuse]
May 3rd, 2010 at 3:49 pm
###2nd khi ka pawm lo tawp a hlutna a value chu in ang teuh lo mai.A la luttu emaw thawkchhuaktu tan chuan a in hluthleih mai thei.
Rinawmtak a thawh chhuah Rs 5,000 khan eng car mah i lei thei lo.Hlepruk Rs 500,000 chuan car nalh tak a lei theih.hahahahaah
Tleirawl ni tawh chinin thawmhnaw awh tak an nei a leina tur sumah an buai, an chhung ten lei rem an ti lo.
Chuchuan eng nge a entir kan ram a backward hle tih a ti chiang.
Tleirawl chin chuan an thuamhnaw leh duh zawng te chu an in tum thei tawh tur a ni zi ri trhawh.
[Report abuse]
May 3rd, 2010 at 3:54 pm
Pawisa hman hi ka thiamlo ve khawp mai, tul a ka hriat avangin pawisa hman dan class ka kal phah nghe nghe. Chutah chuan subject pawimawh tamtak zinga pakhat an sawi uar em em mai chu “duh leh mamawh,” thliar hran thiam hi a ni.
Buy what you need and not what you want.
[Report abuse]
May 3rd, 2010 at 4:02 pm
Sum hman tawk lek lek neih dan hi ka hre duh khop mai. Rs 10 lek hman duh pawn neih mai, Rs nuai lek hman duh pawn neih mai dan :twisted:
[Report abuse]
May 3rd, 2010 at 5:19 pm
Pawisa tam deuh chhar chak tlat lai in nei ve thin em?
[Report abuse]
May 3rd, 2010 at 6:29 pm
Pawisa hi chu INDAIHLOH tur a siam hrim hrim a ni ngai e!
[Report abuse]
May 3rd, 2010 at 6:30 pm
Moral Reformation kan mamawh khawp mai! Thinlung lam hi a pawimawh ber!
Tun hma computer Mizoramah a chhuah hma khan DPR, Estimate, Drawings etc., te chu computer kher hmang lo khan kum kha chen kan kal pui a. Changkang lem lo mahse a goal kha a chiang em em.
Hoover Dam siam nan khuan computer aided design an hmang lo, an drawing pawh BLUE PRINT dik tak kha an hmang. Marvel a tling tho! Chutiangin Pyramids, Taj Mahal etc. etc..
Kan sawi duh ber chu Architect/Engineerte’n Computer an hman tangkai viau lai khan Fishery/SWD/Soil Dept. te chuan an lo hmang tangkai lutuk lo mai thei! Kan hnathawhnan hian a man nen a in phu em le? Kan ngaihtuah ngai em le?
Computer chu electricity hmang lo chuan a nung thei lo, carbon copy panga kha typewriter khan a chhu zo tawk kha a nia, Xerox khawl i hman chuan power bawk a lo mamawh leh a! Chu power bill chu i budget tisangtu, power awmloh a hna thawkthei tawh lo a in ngaite kha tunhma kha ngaihtuah chhuak fo teh ang u. Mi hman tangkai zia hria a lei ve ringawt mimal, Pawl, Dept. engzat tak awmang maw?
DTP atan chiah an hmanga, khawl upgrade angai an han tia, Mboard, HDD, etc., Operatorho in engtinge an theh thang hre miah lo Ofisar engzat tak awm maw?
Cell phone pawh chuti hlauh ! Fashion a ngai tlat society kan lo ni ta der mai! Kum 2003 hma a kan bill chawi ngai loh tunlai a kan chawi mek hi post hmasaah khan kan sawi tawh kha!
Sum nen a inhnaih viau laiin sum chu ka sawiri miah lova, SUM ngainat hi sual tinreng bul a ni kan chi ve teh ang.
[Report abuse]
May 3rd, 2010 at 6:56 pm
kan thianpa kan zilh e kan ti a, sum hman hi i thiamlo lutuk ani i llakluh a tlem pawh ani lo i indaihlo reng mai a insiamtha teh te kan ti a. Ani chuan indaihlo hi hman thiamloh vang ani ngawt lo, kan neih tamloh vang alawm, Ambani a te an indaihloh ka hre lo a ti ve tlat.
[Report abuse]
May 3rd, 2010 at 7:48 pm
sum zawng thiam ai hmanthiam a pawimawh zawk an lo tih si! Mizote hian sum neih loh hi kan tuar thiam viau mai a, amarawhchu sum nghah hi chu kan dawl leh thin si lo…!
[Report abuse]
May 3rd, 2010 at 11:39 pm
sum kan neih loh chhan chu kan thawhchhuah loh vang ani ha ha!
sum hi siam tum tur a ni! sum ka nei lem lo!
[Report abuse]
May 3rd, 2010 at 11:50 pm
Sum duh tak ho hi Sumparlawma ti ta ila mizo fate hi kut zungtrenga kawh sen lo hi kan awm mai ang tih a hlauhawm. Mahse mahni neih tawka lungawi hi an va tam em. Rorellai party office a leng lo khawpa pungkhawm hian an tum ber chu SUM bawk anih hmel. Ram nge kan hmangaih SUM tih hi zawt ta ila SUM hian vote a hmu hnem ngawt ang.
Mahse a pawimawh chu Ram-hmangaih hi ani si
[Report abuse]
May 3rd, 2010 at 11:55 pm
ram hmangaih inti zingah pawh hian sumparlawma tihtur ang chi hi chu an awm nual ang… chutiang chu rin miahloh tur.
[Report abuse]
May 3rd, 2010 at 11:59 pm
@funny: i sawi hi ka ring ve mai a…thumps up!
Mizorama kan politician zawng2 te pawh hi ram hmangaihtu hlir a lawm kan neih…Sorkar hnathawk officer te erawh hi chu ka hre lo..mahse ekna ngaiah e tang ve ve an tih theih ang chu!
[Report abuse]