Kumin Santosh trophy kha i han thlir kir lawk teh ang, Kan awmna khua a thlengtu an ni bawk a, An khelhna apiangah mahni hna tul kalsanin theihtawp chuahin a kotlang A teamah kan va tang ve a, kan tla chiah chu rilru a na duh ve khawp mai. Age-level-ah kan tha mahse Senior levela kan thlensan theihloh chhan ni-a ka hriat thenkhat te ka rawn tarlang ve mai mai teh ang. Chakloh chhuanlama ngai lovin kum leha kan inbuatsaih leh nan te pawh ka sawiho tlang ang chu:;
Player selection: Player hi tunge select thin? MFA hruaitu thenkhat tawngkam kan hriat thenkhat chu ‘Mizoram chhunga player te hian khel ila hmun dang ami chah chah ngai em maw ni’ tih te, khawthlir a zim em mai, Final selection-ah hian player senior te pawh an rawn ve bawk turah ka ngai. Phai lama khel chu phai lam khel player te bawkin an hre chiang zawk lo maw. Manipur player renedy thu sawi hi ka tawm pui khawp mai ‘international player Rennedy observed that every player whether based in the state or outside must be allowed to take part in the final selection process. This is the only way to develop football in the state.
Kum hmasa lamah PC Lalawmpuia (Tuaitea) leh midang te pawh an khelh loh avangin khati khawp khan MFA chuan a chhuah mualpho a, A dinhmun chhiat ber lai pawhin Bengal chuan an chhawr tangkai. Mahse tunah amah kan mamawh em em laiin engatinge an koh loh, Mizoram team kha Striking line a buai, Tumah finisher an awm lo.
Tuaitea khel hi ka en hnem ve bawk a, a ni anga Striker tha hi mizo zingah an awm lo, First half a khelh pawh hi vai ho chuan an hlau a nia. Kan vannei em a, quarter final kan thleng hram hram a niin ka hria. MFA hian player thu leh hla nei deuh chu a millo tlat, mizoram hmingthatna tur a ngaihtuah pha lo. Kum lehah chuan Game plan hmasain Rilru zau tak pu chungin mimal inngeihlohna leh inhuatna dahthain. player select tawh rawh se
Coach : State pakhat aiawh coach ve meuh chuan sawiselna pawh a dawng ngam turah ngai ila, MFA –in Tun tuma an coach tirh ang kha chu tir tawh lo hram teh se, Phur satliah leh tui vang ringawt tih ngawt chi niin ka hre lo. Age group team te pawh lo champion pui tawh leh Phai lama experience nei tawh leh tawngkam thiam nazawng tih chi a ni lo. Mizoramah Qualified coach, zir chhuak kan awm ve nual tawh. MFA hi fimkhur tawh sela an duh duh a an thunun leh an tlawn deuh ho hi an dah mai em ni?
Football Club tana coach nih leh Ram tana coach nih hi a dang daih tih hi kumin world cup-a France team atang khan kan hre thei main ka ring. Football Game hria leh thiam a tul dan ang zela game thlak danglam thiam coach kan mamawh. chumi piah lamah mahni team te lungrual taka awp khawm thiam an ngai. Club-ah chuan mahni tan an khel a, coach duhsak nih an thlahlel, ram tan a nih chuan Coach te duhsak hi eng atan vak mah Player te hian an ti hran lo. Chuvang tak chuan Coach thing rumrut ringawt hian player an hel a, team spirit a tibuai thin.
Coach nihna hi Contract inpeka in pek ngawt chi a ni lo. Mak deuh mai chu Bengal leh Mizoram inkhelha first half zawh khan Coach kha Dressing room-ah a lut miahlo a, pawn atanga khan mak kan lo ti khawp a, A hnu-ah player te kan zawt ta a, kan va thu ngawi reng a, kan rawn chhuak leh tawp an ti. Very funny!!!
Training: Mizoram team te kha an game hmasa ber Orrisa nen an khelh kha team dang nen an vawikhat khelh hona a ni awm e. An hneh ngei tura an ngaih an hneh lo ta reng a nih kha. Aizawl an awm lai khan Club thenkhat te pawh han practise pui ve se. Heta an lo thlen hnuah pawh tih dan a awm. An practise satliah bak training engmah an nei lo. Football chu teamwork a lo ni si a, an buai ta ni awm berin ka hria. Malsawmtluanga (mama) inhliam avangin a khel thei lo, mahse trainingah chuan a tangkai ngawt lo maw, West Bengal player te kha a team mate an tam si a. Han sawm sela chuan a chak zawng tak a nih ka ring tlat.
Facilities and management: Mizoram team hi hemi kawngah hian kumtin kan chhe ber ziah lo maw? As per rules and regulations of the AIFF, accomodations for 20 players for any participating team in the Santosh Trophy will be sponsored and any excess member of the team will be have to borne by the respective state team. Hemi bak piah lam hi chu MFA hian tan han la ve hram hram sela, player te hi sumin vur se kan ti lo, Champion tura an mawmawh phuhruk theihna tur an mamawh.
Tun tum khan Mizoram house Salt lake hall-ah an thleng a, 1990 kum vela khaw pakhat tournament tel tur camp ang vel a ni. Kolkata khawlum zia leh player ten mut that an mawmawh zia leh khawlum kara mut that a har zia chu kan hria ang. An khel kha han en khan a tawp lam pangah chuan tha pawh an nei tawh lo ni berin ka hria. Mizoram house chaw an ring ve tawp a, Taksa tana chakna tha ei tur an dawng hran lo. Tui te pawh an inlei chawp ani awm e. Bathroom leh toilet pakhat mi 20 chuangin an intawm. MFA thiamloh nge? Sum awmlo nge? Coach leh Manager ten an eiru?
Bengal team chu 3 star hotelah an camp a, a tha thei ang berin an thuam a, chak pawh an phu reng alawm. An chak phei chuan player te pawisa an sem thin. Tih phur nan mi pakhat Rs 2000 te Rs3000 te an sem, Quarter finala-a tla ve ta Delhi te pawh kha an chak chuan hna-ah kaisan te Sorkar-in a tiam hlawm nia! Mizoram team kha mi tlawmngai te pawhin sum fai pawh an pe, khang te kha engmah tham nilo mahse han sem ve mai mai se, player te tih phur nan leh, player ten a thlum a al eiza-in an awm ho a ni tih an hriat nan te pawh. Mizoram hian a player te hi khel tha tura a duh chuan an mamawh ralthuam famkimin thuam rawh se.
A tawp bera ka sawi duh chu, MFA hruaitu te hian an politics rilru hi dah tha sela, Chaw eikhawm leh nula tih vela inham buangbar vel mai mai lovin Mizoram Football lo than zel dan tur hi ngaihtuah rawh se, Political carrier siam nan MFA hi an hmang mai mai em ni? tih hi ngaihtuah tham tak a ni. Barcelona Club lo din chhuah leh dan kha kan rilruah i hre reng ang u. Nikum lama player thenkhat ram phatsantu ti-a an chhuah mualpho tak tak te pawh khan sawi tur chu an ngah ve ka ring.
Kan Columnist te pawh hian mipui te hma-a thu chhuah dan hi thiam se, sawi hot thiam ringawt a nilo, kan thatlohna lai leh kan hmasawn zel dan tur te pawh hi tlangaupui ngam ve se. Tournament a zo a, Tu te mahin kan inzirna tur rawn ziak chhuak ngam an awm lo te hi a manganthlak, thiamlo chungchungin ka rawn ti ve ta tawk a nih hi!
Similar Posts:
- Indian Football-ah Thil Thar? (Santosh Trophy-ah senior team-a mi tel phal lo)
- Santosh Trophy 2009 Ah Mizoram Vannei Mai Thei
- Mizoram-ah football a parvul mek e
- Santosh Trophy : Mizoram Vs Tamil Nadu
- Fantasy Premier League
August 9th, 2010 at 4:47 am
Hma kan sawn e! Hmasawn leh zelna tura hriattur pawimawh leh rawtna tha tak a ni e.
I ziak thain, thahnem i ngai hle tih pawh a hriat a, a lawmawm hle. A khawilam ve ve pawh(a selna leh fakna)a chhungril lama hre chiang deuhte’n han sawi zau zel teh u… Mizoram tana hmasawnna tur anih chuan ka’n lo tlawp zel ang e.
(mi(sual) Hmingsanga-te khan rawn sawi zau se..kan va ti ve)
[Report abuse]
August 9th, 2010 at 5:30 am
Player position siamdan velah duhthu a sam lo tlat. Mi tawngka atanga ka hriatdan phei chuan ‘a team te a duhsak lutuk an ti a. Tin,captain tur pawn Ramluaha an ring a,a player puite ngei pawn an ring fur’ tih ri a awm tlat!
[Report abuse]
August 9th, 2010 at 5:35 am
lehpekah ka’n hrual hlawm ange
[Report abuse]
August 9th, 2010 at 5:52 am
A dik khawp mai. I article hi kan columnist ten chhiar ve ngei rawh se.
Nizanah ManU in 3:1 Chelsea an hneh a, Arsenal an khel pha ve lo
[Report abuse]
August 9th, 2010 at 5:53 am
Mizoram House dormitory a an thlen phei chuan zanriah eikham atangin zu an in tan anga dar 9 velah chuan KS lane ah an phei dial mai angah
[Report abuse]
August 9th, 2010 at 6:43 am
@Rinasol
Ti tha hle mai…
Tlem kan belh leh ange.
Selection: Kumin selection a i rawn sawi hi ka pawm khawp mai. A fair tawk lo, chumai bakah selection an nei tlai lutuk niin ka hria. Mahse hma erawh kan sawn ve beuh beuh. Kerela a Santosh Trophy neih tum te khan ARC team deuh tho an tir a, mizo tawnga biak theih tur pawh an awm manglo an ti. Chumi vang chuan ka zin lo phah hial.
Coach: I thusawi hi a dik khawp mai. Mahse tun hi a vawikhatna a nilo. MFA in thuneihna an neih ve na National U-16, U-19, U-21 leh Santosh Trophy ah te hian NIS chhuakin an hruai chu a awm meuh ka ring lo.
Hetah hi chuan kan Journalist te pawh hi an tidik lovin ka hria. An ziak vak a, an thiam emaw an tia. An thu phian bawk sia, thil hi an khawih buai thin ve bawk alawm. MFA hruaitu pawh hi an diklo, phai kalna chance ah an ngai ve leh ringawt thin bawk a.
Facilities & Management: A chhe ber te zinga mi kan ni e. Ber nih erawh hi chu a har phian zel.
MFA hi siamthat a va ngai tak em…
[Report abuse]
August 9th, 2010 at 6:45 am
@Pu Rinasol I ziak tha khawp mai, tu mawh ber nge ni ta ang le??? mahni tui in tur in lei chawp!! hahthlak awm ve le!!
[Report abuse]
August 9th, 2010 at 7:33 am
“Mizoram inkhelha first half zawh khan Coach kha Dressing room-ah a lut miahlo a, pawn atanga khan mak kan lo ti khawp a, A hnu-ah player te kan zawt ta a, kan va thu ngawi reng a, kan rawn chhuak leh tawp an ti. Very funny!!!” … coach hi players te chunga a titauh vanga dressing room-a lut lo a ni em. ?? 1st Half-a beidawng coach kan lo nei reng a nih chu, a mak ka ti thlawt…
Nikum lamah bengal pawhin lone striker-a an hman ngam leh Goa state nena an inkhelh pawha Goa players ten an hlauh em em Tuaite-a chunga MFA an titau rei lutuk hi chu a pawi ka ti.
[Report abuse]
August 9th, 2010 at 7:40 am
I va ziak tha ve! Chanchinbu ahte i thuziak hi chhuah nise ka va ti em! Vanglaini ah thawn teh.
[Report abuse]
August 9th, 2010 at 7:54 am
I thuziak hian rahtha chhuah se ka duh hle mai.
[Report abuse]
August 9th, 2010 at 8:06 am
I ziak tha ka ti hle mai,, Jammu and Kashmir-a an khel tum pawh khan Delhi atangin Train leh Jammu atangin SUMO TAXI in Kashmir an lo thlengin ka hria, Jammu leh Shrinagar in kar kawng hi darkar18 hahtlak taka tlan a ngai, chawlh hahdamna hun ni2 vel an neia an in khel nghal, state dang ho chu an rawn thlak lut deuh vekin ka hria. Mizoram sport department pawh hian hetianga state aiawha khelte chu hei aihian a duat deuh thei se…. kan lawm tlang hle ang
[Report abuse]
August 9th, 2010 at 8:08 am
Han sawi zel teh u, sawi duhloh tha tha leh sawiduh te pawh sawi ve a chakawm dan tan tlat mai
[Report abuse]
August 9th, 2010 at 8:26 am
I thu ziah atang hian, Mizoram hian rilru thar pu se ka ti khawp mai. India chhung chauh pawh la ni mahse, State dangte nen han in ep chiah chuan, rual-awh leh, tan a na hle a ni.
India pawhin an thlen ve phak ngaih lohna, World Cupa Korean ho leh Japanese te khel a han hmu a, an hmel anpui NE India lam unaute Football skill ah beisei na nei tharin, North East lam chance min pek thar a tum viau niin a lang. Hetih lai hian, Team chhung boruak neuh neuh, rilru te leh mimala in huatna politic te dah bo vekin – Ram tan tan lak a hun ta.
Coachte leh Managerte hian India pawn a khel zui zel turin beiseina leh players tha chher chhuah tum se,anmahni pawh in, a mimal tak pawhin, hmasawn anla ngaihna laiah tanlak na chang hria se, ‘kan chaklohna hi keimah vang a ni e’ tih nachang hria se a tha khawp. Politic leh rilru te pu lovin, Zoram hmasawna tur i ngaihtuah teh ang u.
Hetiang deuh hian thalai te chher chhuah tum ve se…kan la zia awm ang e.
https://www.youtube.com/watch?v=RxOeyJ8EWZY
[Report abuse]
August 9th, 2010 at 8:31 am
@wanttostrokemypuppy
Sawi duhloh tha tha chu han sawi la ka va ti ve…
[Report abuse]
August 9th, 2010 at 8:47 am
Football hi chu..Ka tui ve ngang lo..Ka hul…
[Report abuse]
August 9th, 2010 at 9:03 am
Players ho senso tur kha chu MFA hotuten Bawngkawn sairang road a Uisa ei nan an hmang zo vek tawh, chuvang chuan thlawhna a chuan tihvel kha chu a beisei chi loh ang, state rethei thawhchhuah neilo tan chuan.
Chubakah chu player chu a thiam an thlanglo ti a vui vui kha a sawtlo khawp mai, CM Vaihawla leh Silvera recommend na lovin a tel theih hleih nem.
[Report abuse]
August 9th, 2010 at 9:15 am
Mak deuh mai chu Bengal leh Mizoram inkhelha first half zawh khan Coach kha Dressing room-ah a lut miahlo a, pawn atanga khan mak kan lo ti khawp a, A hnu-ah player te kan zawt ta a, kan va thu ngawi reng a, kan rawn chhuak leh tawp an ti.
Mak khawp mai.
Team dangte nen an practice miahlo pawh kha a mak bawk. Football-ah kherlo pawh mi fate chuan a tam thei ang ber practice an duh kha a ni ngai a.
[Report abuse]
August 9th, 2010 at 9:36 am
Inkhel phai a vawikhat hruaitu te hian,a tlangpuiin 2 wheeler man an hlep thei an ti …..tak tak ni mo??????//
[Report abuse]
August 9th, 2010 at 10:10 am
Han chhiar han chhiar chuan kan va pachhe ve..
Ka sawi ve duh mai mai chu.Leh lam side angin..Player te hi an dik tawk em..Date of birth te an ti dik em..? Threnkhat chuan Birth certificate 2/3 an nei a ni awm e..Undr 14,..20, kumzat dik lo tak a khel ka hre hnem lutuk.. Phaia hruaitu chu khin dan/chawitir dan te a awm lawm ni…Vanduai thil ni lo a tisual lui hi chu hrem mawlh hi ka chak a nia..
[Report abuse]
August 9th, 2010 at 10:14 am
Tui hran lo mahila, beiseina sang tak nen ka va en ve a. Min lo sawp nasa lutuk kha chu rilru na duh khawp mai.
Ka han hriat zui tak mak ka tih chu, ni 3 chhung (w.bengal an tum hma) khan an practice lo/mumal lo.. Sunday pawh khan nula an rim mai mai.. (Zu?). ‘Coach-in practice a ngai lo’ a ti, tih vel a awmin ka hria.. An khingpuite kha vawi engzat tak practice ang maw?
Kan phu tawk kan hmuah ka ngai ta mai!
Engpawhnise, hma chu kan sawn thove, kum dang ai chuan kan thleng sang a ni lawm mi?
Three important things: (D3) Discipline, dedication, determination!
[Report abuse]
August 9th, 2010 at 10:52 am
Para 7 tawp lam a ‘…coach thing rumrut..’ tih ki enge awmzia aw..?
[Report abuse]
August 9th, 2010 at 11:04 am
a bak sawi tur nei chuan han sawi zel teh uu….inhmu chhuak te pawh an lo awm mai thei a sin…
[Report abuse]
August 9th, 2010 at 11:06 am
I thu ziah hian Vanglaini vela chhuah a phuin ka hria. India ram state level football inelna sang bera hmankhawp tur pawisa hi Mizoram sorkar hian a neih ngei ka ring. An eiru a nih ngawt loh chuan. Mizorama chanchinbu lian kan neih ho zinga sport columnist te hian an thian tha te hi an chhuah chhe ngam lo niin a lang a. Hetianga ziak thei leh ziak ngam hi kan mamawh hle a ni!
[Report abuse]
August 9th, 2010 at 11:13 am
Manchester United kan chak tho ti tawh mai ang..he he
[Report abuse]
August 9th, 2010 at 11:19 am
Ziak tha khawp mai. Kam hnih khat lek kan sawi ve teh ang…A tobul atang a fu lo. 1) Selection, 2)Coach leh Manager an fuh rualin an fuh vak lo a ang. 3) Discipline a tha tawk lo..
Players’te ka khawngaih hle. AIFF (All India Football Federation) atang facilities engkim ruahman sak tura ngaih an ni. Mahse Mizoram House (Salt Lake)-ah riak khawmin.. e khai… mi ram leh state dangte ngaihtuah chuan zahthlak tak a ni. MFA ho pawh hian diktak leh fel takin thil ti thin rawh se. Tun Santosh Trophy-ah kahn Kan mizo tlangvalte ka chhuang hle a,mahse hi a awm leh thin. Zuin ngai lo, mi fel leh zahawm, thil chichang hre tak, a sawi aia atih a tih lam thiam kan mamawh tawh e.. National level vela champion tur chuan kan beih fe a la ngai..Chanchin bu vela in ziah chapo vak chi pawh ni lo.. Stadium pakhat pawh nei lo hian ram ropui kan thleng tak tak lovang.. Mi dik leh rinawm, a ngaihna hria, ram hruaitu, coach, manager,kan neih hunah kan champion em em ang..!!!!!!
[Report abuse]
August 9th, 2010 at 11:59 am
A pawi khawp mai quaterfinal a kan tla ta mai kha. Mahse, ka duh ai in misual ho hian he article ah hian comment kan la pe na tawk lo ni in ka hria. Hei, Santosh Trophy chungchanga thu ril zawk hria ten an chhawp chhuak tawh a. Ram leh hnam tan a thil kal sual tur lo in ven lawk dan tur min kawh hmuh tawh bawk a.Theih pa tawp in i theh darh zel ang u.
[Report abuse]
August 9th, 2010 at 12:01 pm
Ni e, kum dang ai chuan hma kan sawn tih chu a lang reng mai a. Rula awhna avang leh duhklhawp lohna avang ah ngaiin rawtna pawmawm tak a ni chek ang
[Report abuse]
August 9th, 2010 at 12:02 pm
@tluangtea Ralte
Kan sawisel ta sa sa… Mawh kan phur vekin ka hria. Players te pawh hi an thiam bik chiah em. An camp laia an discipline a tha ti in awm chuan ka hnial ngam lo che u, mahse kum dang te thlir chuan an discipline a that pawh ka ring lo.
Chubakah champion tur chuan vanneihna kan la mamawh. Kan players te hi an thiam tawk lo, pahnih khat chu han tha ve deuh chu awm mahse..
[Report abuse]
August 9th, 2010 at 12:03 pm
post tha hlemai. MFA ho chu anlo va mak ve a
[Report abuse]
August 9th, 2010 at 12:10 pm
Misual zingah hian Mizoram a club leh club in elna a sang ber MFA Cup en tawh zawng ban han phar te u…
En kan tam pawh ka ring lo, kan football level hniam zia a rawn tilang chiang khawp ang… hahaha
[Report abuse]
August 9th, 2010 at 12:43 pm
Pu Post tupa, i va han post thra ve le…. MFA kan tran viau dawn a tran hleih theih loh in i sawi tlat mai. Engpawh nise a pawng a puiin MFA hruaitute hi dem vak vak tur chu a ni bik chiah lo mai thei.Coach, player selection leh thildang te chu an tidik veklo pawh a ni ange.. mahse maw accomodatiuon management chungchang ahi hi chuan sum hi a pawimawh a, kutdawh pawl ringawt tan chuan 3/5star hotel a in thlen tir chu a har ve viau ang le. Chuvangin sponsor tih lam ah hian Mizoram hi harchhuak leh zual ila, kan Team Santosh Team kalte pawh kha tu emaw tal chuan tam tham deuh in han sponsor se a zia deuh mahna. Engpawh nise, insiam thra duh tan chuan insiamthratna tur atan post thra tak chu a ni e.
[Report abuse]
August 9th, 2010 at 12:45 pm
@Feeder… hrual thei meuh ang maw???
[Report abuse]
August 9th, 2010 at 1:01 pm
A bengvar thlak hle mai. I suggestion ho pawh hi ka pawmpui khawp mai che a. Ka chunga miten an sawi tawh ang khian chanchinbu hawl kim deuha chhuah chhawn atan kava it ve aw.
MFA leh zelah hetiang boruak thalo hi alo awm ani maw!!!!
MZP, YMA, JAC, VDP, blah blah…. Thing rum rut zo ta e
[Report abuse]
August 9th, 2010 at 1:20 pm
A thra riau mai… Vanglaini-a article turin rawn thawn teh a… vanglai@rediffmail.com or zothanpara@yahoo.co.in ah. hetia misuala i post lo lak chhawn ringawt chu ka tih dan a ni si lo a… forwarding mumal takin i rawn ziak tel ang a… hehe
[Report abuse]
August 9th, 2010 at 1:31 pm
MFA-ah hian football ngaina vak lo, an infiam ngai pawh hriat mang loh member an ngah khawp mai!
Hman deuh phei kha chuan an in lungruallo khawp mai. Pu J a pawl leh Pu K a pawl te kha an awm thin kha maw le…..
[Report abuse]
August 9th, 2010 at 2:44 pm
Kan hriat ve mai mai atan a tha cu Mizo player phai lama khel tamtak hi state tana khel tura sawm an nih hian an induh tlat thin a,Club tha a an luh theih nana puitu State FA an theihnghilh tlat thin hi a buaithlak a nih hi… Coach chungchangah kha chuan tuna an coach hman Didina kha Goa lama coach hna zu thawk mek,a team Faria Strikers 1st division league 2009-10 a zuk champion puitu a ni a, ani kha a hun chep tak kara hman leh hman loa tlawmngai zawk ani e….facilities and management chungchangah chuan Bengal leh Delhi Team nena khaikhin chi chu kan ni lo deuh chu i ti ve lo maw, an State FA budget leh Mizoram FA budget han khaikhin chhin la…
[Report abuse]
August 9th, 2010 at 3:27 pm
Koka Says:
Mizo player phai lama khel tamtak hi state tana khel tura sawm an nih hian an induh tlat thin a….. ka lo hriat ve dan chuan leh an mahni players ngei te sawi ka hriat na ah chuan mizoram tana khelh hi an hnial ngai lo. Kan ngei rawn Tuaitea ngei pawn a sawi leh na ah chuan Bengal tana a khelh tum pawh khan Mizoram MFA in min ko lo hrim hrim ati. Theih nise Mizoram tana khelh chu tu nge duh lo awm ang a ti ve tlat. Tin, Mama pawh kha nupui nei tur a a lo haw lai ani a chuti chung chuan practice na a thulh ngai lo. A nupui neih tuk tuk leh zing ah pawh a han practice ngat ania.Mahse nupui nei hlim na na chuan han zin bo san nghal chi ni hek lo.Amaherawhchu, MFA phalna a la thlap a hma tang deih tawh in. Roberta lah a pi a lo thi bok nen.
Koka Says:
facilities and management chungchangah chuan Bengal leh Delhi Team nena khaikhin chi chu kan ni lo deuh chu i ti ve lo maw, an State FA budget leh Mizoram FA budget han khaikhin chhin la….. keipawh hei hi ka lo ngaihdan ve chiah ani. Amaherawhchu, thil kan hriat zau deuh hnu chuan Santosh trophy khel tur a lo kal te chu AIFF in an lo tum sak vek alo nia. Ballboot pawh Nivea company in players zawng zawng te a thlawn in pakhat theuh a pe vek.
[Report abuse]
August 9th, 2010 at 3:32 pm
post tha tak ani. Tuaitea chungah chuan enge maw anla lungawiloh reng le. State dang tana a khelh loh chuan koh ve mai awm ania. Sawi tawh angin sport columnist te hian kan football hi a hmawr atangin an rawn nuai a, hmasawn a har khawp ang le, a bulthut kan tih rinawm that leh angaih hmel, age level a diklo pui pui tirhte hi sim ila.
Selection hnu ah khan team dang la tumlo an nih chuan a huho in mumal pawn anla khel lo tihna ania, an mahni a an practice mai mai bak chu. An thleng sang khawp zawk alawm le
[Report abuse]
August 9th, 2010 at 3:57 pm
Football hi kan uar a, kan lawm a, kan thiam viau tawh pawh hian ka hre thin. Mahse, ‘vai ngal ria’ kan tih ho kan hneh tha hlei thei tlat lo hi chu a mak ka ti, rilru a na vawng vawng thin.
[Report abuse]
August 9th, 2010 at 4:04 pm
kan MFA hian football hi a promote dan a thiam tawklo nge.. a promote tawklo in ka hre ve mai mai thin… MFA football a reh duk laiin YMA, VC tihvel football chu kan lawm em em bawka..
Tetea teho fotball chanchin sawi vel tepawh kan ngaihven em em ang hu hian, kan MFA ho hi an cool ruih ni a hriat chang ka nei thin
[Report abuse]
August 9th, 2010 at 4:25 pm
sawi tur ka ngah lutuk. Ka sawi lehlo mai ang. Tlakchham kan la ngah, MFA leh players te lam hian.
[Report abuse]
August 9th, 2010 at 6:21 pm
Nula, Zu leh pawisa in min tih buai phakloh hunah leh Football hi kan bial-nu duh ber a nih hunah – kan la zia awm ang.
https://www.youtube.com/watch?v=OS5tQvQOB-Y
hetiangt hian han tui ve biah biah phawt mai ila…
[Report abuse]
August 9th, 2010 at 6:52 pm
Duhthusam ram chu thleng rih lo mah ila, hma hi chu kan sawn nasa ve teh bawk e. Tunhma a khaw threnawm Belpui Cup chuhna a si phur thrin kha, kan si 7 phurhna te pawh a thlang ve tawh em mai! Champion nih emaw, a lo berah final thlen te kan beisei tlat anih chuan Sub-Junior/Junior lamah zel hian bei ila… Kan pumruate a te a, engtin tin emaw chance kan nei thei ber ang tih hi ka mimal private personal pawm dan a ni e!
[Report abuse]
August 9th, 2010 at 6:54 pm
[Report abuse]
August 9th, 2010 at 9:38 pm
Nula leh zu ai buai tih vel chu entainment a nihnain a ken tel ve mai a ni lo maw? World class player tam tak pawh an involve ve tho. A management a zir mai a zir mai a ni zawk.
[Report abuse]