Mihring piang chhuak phat hian mamawh kan nei nghal duah mai a, Nausen i nih lai chuan I Nu hnute tui chu itan damkhawchhuahna tura i innghahna pawimawh tak a ni. Kum leh ni a lo vei a, Puitling (Nula/tlangval) ilo ni ta. Chu hunah chuan I Nu leh Pa chu tar mai ni tawh mahse, harsatna leh manganna i tawh meuh chuan i tan hriat chhuah loh theih a ni thin lo.
Mahse, heng khawvel thil kan innghahte hi an lo ral a, mual min liam san fo thin. Chung hunah chuan innghahna tur dang kan dap a, kan zawng a, hrehawm kan ti thin. Mi thenkhat chuan Sum leh paiah innghahna an zawng a, thenkhat kan eizawnna ah kan in nghat a, thenkhat chu kan fate ah pawh kan innghat a, Mahse, chung zawng zawng chu innghahna tlak an lo ni chiah em tih hi i chhut ve tawh ngai em?
Sum leh pai hi innghahna tlak ni takzet se, ka ngaihtuah thin, mi vannei tak tak an va tam dawn em! Mahse, Sum leh rohlu tak takin a vurh lek luk te zingah he khawvel hi hrehawm ti reng renga hun hmang an va tam si em!! Zoram ringtu intite zingah pawh hian khawvel thila innghat an innghahna ber lakbo a a awm tak avanga Pathian chunga vui vai ta mai engzat tak awm ang maw ka ti thin.
Bible chuan, “Lalpa ringtu a rinchhan Lalpa ni erawh chu a eng a thawl e…” a ti si a. Lalpa ringtu a rinchhan a nupui anih chuan a nupui lak bo a a awm hun chuan Lalpa a rinna chu lak bo ani ve ngei ang.
Lalpa ringtu, Amah a innghat mi, kan rin chhan pawh khawvela kan neih thil, kan fate, emaw, kan Ngaihzawngte emaw a nih chuan chung chuan min kal bo san hun alo la thleng thei, chutih hunah chuan I rinna chu thinurna leh hriatthiam lohna in a khat zo ngei a.
Tichuan, Lalpa ringtu, kan rin chhan pawh khawvel thil nilo, kan rinchhan Lalpa ni se. Chuta innghat tisual ta an awm ngailo a, innghahna tlak, rinawm leh dik a ni. Zu leh ruihhlo a kan rilru hahna hliah tir tum mai lovin, Kan chhas te leh Nu leh Pa te a innghat mai lovin, Kan neih sum hausakna ah te innghat lovin, Lalpa ah in ghat ila, kan buaina leh harsatna tawh engkim chunga thu neitu hi i bel zel ang u.
Similar Posts:
- Post mai mai
- Ringtu Nun
- Hunthar Veng SAY ten Pathian chawimawi dawn
- Mi thil tih sualah I lungngai ngai em?
- Ka dawn sei ngamlo e
August 9th, 2010 at 12:25 am
Aw, hetiang post ngei hi alawm ka nghah char char. Kan chhiar nghal tehphawt ang. Thlarau lamah hlawkpui tham thutak apai angem aw
Report this comment
August 9th, 2010 at 12:27 am
Ziakzawm loh tur tam tak i ziakzawm in ka hria .
Report this comment
August 9th, 2010 at 12:28 am
@Atom: i tidik. Ani ti lo in A NI tih zawk tur.
Report this comment
August 9th, 2010 at 12:41 am
@atom c ziak zawm lovin ziah zawm zawk lo maw?
Report this comment
August 9th, 2010 at 12:41 am
OT : Engle khaw le, zanin zet chu —Kawlhawk, As-khiangte, muantea, chawnghilh te ar-sawhchiar eiin zanlai pelh rawk thlengin Pu mzvision te in nuam takah titi an sepho, mzvision nupui Pi Pari a viak a tha ngei mai, zanlai pelh rak thlengin an titi ho a vil reng! Kerh kerh leh kawlhawk-a ar a chhenfakawm hle. Naktukah Pu muantea Lunglei panin a liam phei ang, titi-hona nuam tak a tling.
Hmuifang kan khaw thar lamah next MI chu aw!
Report this comment
August 9th, 2010 at 12:43 am
In han sawi takah chuan punctuation a diklo nasa em anih hi. Ziahzawmloh tur ziahzawm atam lutuk tlat. Capital letter pawh chuti tho. Mahse ka hlawkpui tho em ang chu maw… :lol:
Report this comment
August 9th, 2010 at 12:51 am
Innghahna tlak chu Lal Krista chauh hi a lo ni e.
Report this comment
August 9th, 2010 at 12:52 am
Rethei ngawih ngawih reng tan chuan Lalpa hi hriat reng har deuh tur asin. Chutih rualin Hausak leh lutuk pawhin Lalpa chu hawisan a awl ngei ang. A enga pawh chu lo nise, ‘Lalpa a rinna nghah’__ tih leh ringawt thrin hi chu cement chhuat char a Buh chi thlak tum ang vel niin ka hria. Khawvel thil leh Lalpa P-thian hi i rawn kai thren mah mahin ka hria, Kaihthren chi ani lo, thil inzawm tlat ani zawk. Kan chhass te hlutzia leh kan tangka sum pai neih te Ropui zia te hi Lalpa hmel lanna vek zwk ani, thlarau thil leh tisa thil a inbuk tawk chiah a i lak thiam loh chuan tul lovah i rilru leh taksa ten an tawrh phah fo ang tih ka hlauh pui che….. comment ve mai mai….!!!!!
Report this comment
August 9th, 2010 at 12:59 am
Nia..khawpuiri nghing dur dur khawpa trek a’n tlak mai hi chuan mihring dinhmun derthawn zia hi ka hrechhuak uar uar a..Khua alo thrat in kan lo theihnghilh leh mai thrin..Trek hi chunglam chhum a current inchhek leh current insi in a siam ani awm e..(CL VII science..?) van atranga Isua lo kal hun chuan anasa khawp ang..Ringtute nghahfak alo thlen tak tak huna hlim leh lawm taka amah kan hmuah theih nan kan rin hi thlah lovin vuan thar zel thrin ang u..Vanram ah mi(sual).com member duh tak tak te kan enga thawl tawh ang…
Report this comment
August 9th, 2010 at 1:08 am
Post tha tak a va ni tehlul em.. Ka hlawkpui ngei ka beisei.
Report this comment
August 9th, 2010 at 1:19 am
A ni khawp mai, khawvel thila innghah lutuk hi a tha lo. Lalpaah hian innghah bur mai tur. Min puih loh pawn innghah tho tur.
Report this comment
August 9th, 2010 at 1:48 am
lalmisualpa, ‘Min puih loh pawn’ i tih hian, Daniela-te min ti hre chhuak e. ‘Min chhanchhuak dawn lo mahsela’ an tih kha.. Pathian an rinna kha nasa tak a ni!
Report this comment
August 9th, 2010 at 1:58 am
#4, ‘ziak’ leh ‘ziah’ chungchang chu hmanni lawk-ah pawh kan sawi chiam tawh kha ! kei chuan a hmantheih ve ve ah ka ngai a, mahse ,‘ziak’ tih hian kawng tam tak ah ‘ziah’ tih ai hian a nihna (ka’n ti dawn nge?) a sawifiah/felfai zawkin ka hre ve mai mai (keimah bikah ) . Ni e, ‘ziah tih pawh a hman theih tho ang chu .
Report this comment
August 9th, 2010 at 6:01 am
@Atom C: Ka mamawh lai takin thu tha tak i rawn ziah avangin ka lawm e.
Report this comment
August 9th, 2010 at 6:18 am
@chawnghilh, min thlim elaw? Hmuifang MI ka boycott dawn &^#*((%#$@@^&&^
Report this comment
August 9th, 2010 at 6:41 am
@ZerO : Inthlim chu kan ang khawp mai! :lol: A kimte hlimna a ni duh zel si! Kal ve lote kan hlep thin! A pawi tui a ni, a pawi tui!
Report this comment
August 9th, 2010 at 7:40 am
Post tha tak a ni,ka hlawk phah ngei ka beisei,khawvel thil te zawng chuai leh mai tur a ni,innghahna tlau a awm lo.Kan Pathian erawh a ngai reng dawn chatuan thleng in ..
Report this comment
August 9th, 2010 at 9:25 am
@D_auachwgthu: Khawvel thil leh Pathian thilte kan chawm pawlh nasa lutuk hian kan ram Kristian-na hi a pawlh dal tawh em hi maw.
Sum hi a tangkailo ka tihna lam ani hauhlo, mahse, Pathian aia innghahna a kan neih chuan a thalo e tih thu mai ani. Tin, chhas-te tana chu kan tan an tangkai a, thianthate ai pawh a tangkai hun an nei thin. Mahse, chupawh chu Pathian min pek, a duh hun a a lak bo mai theihte an ni si.
Engkim neitu leh roreltu hnenah hian in nghat tlat ila, kan hnathawhte thulh chuang lo in.
Report this comment
August 9th, 2010 at 10:07 am
Tha ka ti.
Report this comment
August 9th, 2010 at 10:13 am
” Ka mamawh tireng min pek loh reng i neilo, ka tan i rinawmzia a ropui e”
Report this comment
August 9th, 2010 at 10:20 am
Naupang chu a nu leh a paah a innghat a, nu leh pa te hi kan innghahna hi a pawimawh ta em em a ni. Kan fate innghahna tlakin kan khawsa em le… Thalai te pawh, kan fa neih hunah, kan fate innghahna tlak in kan khawsa em?
Report this comment
August 9th, 2010 at 10:25 am
Sam 37:5 “I awm dan tur chu LALPA chungah nghat la; Amah chu ring la, aman a ti vek ang.” tih ziak anih kha maw… Post tha hle mai.
Report this comment
August 9th, 2010 at 10:26 am
Thuziak chhiar nuam tak a ni lo Na a..A chhiar nuam lo lai chu para 1 na a ‘i’ hman teh chawk khi i mamawh ve loh a nih bik chu ka ring lova..Khi khian enge maw riau in min helh deuh trung mai..A zawm chu comment tawh ang in..
Report this comment
August 9th, 2010 at 10:37 am
@Leavi Pcresn: Dik khawp mai ti raw i ka hman fo chhan khi chu a chhiartute hnenah an nihna a chian zawk ka beisei vang ani e.
Kei pawn mamawh tehreng mai, a tello chuan ka awm thei bik nang. :lol:
Report this comment
August 9th, 2010 at 10:42 am
Thra e…Ka dam huai mai…he he…
Report this comment
August 9th, 2010 at 12:49 pm
ka chhiar hma in.. engahnge ka in nghah loh ang???nangpawh i innghat anga, midang pawh an in nghat anga, kei pawh ka in nghat ang chu….he..he..he..
Report this comment
August 9th, 2010 at 4:35 pm
OT lawks: nizan zanlai dawn thleng kan MI hnuah hei dam takin Lunglei ka lut leh ta e.
‘Thenkhatten tawlailirte ringin,.
Ralthuam famkim ring mahsela,
Kei erawh chuan Lalpa hming ka ring a,
Nungin ka tho hnehtu Lal zarah.’
Report this comment
August 9th, 2010 at 4:45 pm
OT chhunzawm zelna… muantea, MI report ‘post’ kan lo chang reng e…
Report this comment
August 9th, 2010 at 5:00 pm
Ku shai, kawlhawka’n a rawn post ang, a ni thu thiam deuhah, a kutah kan dah tawp mai
Report this comment
August 9th, 2010 at 5:12 pm
Nizan MI chu pu MZ leh Chawnghilh ten an expi leh vision te an han threh tak tak mai chu beng a tlai hle, NLUP hi a bang thei mawlh lo
US kal mi ti chak ve zo vek 
Muantea leh kawlhawk leh kei chu a khat tawkin kan inrawlh ve zeuh2. Pi Pari ei siam a tui dan a namai lo hle. Muantea bula thrut meuh chu palian zawk mah ila ka te chem2 
.Kawlhawk thu awihin ar ka vulh ve tawh mai dawn emaw ni ka ti deuh.
Bible chang tar lan chhunzawm zelah khian Lalpa hawi san a mihring rinchhantu chu ‘anchhe dawngin awm rawh se’ tih a ni bur mai, hlauhawm tak a ni. Kawng engkima Pathiana innghat mai tur kan ni e. Khawvel thil hi chu a kumhlun mawlh lo.
Report this comment
August 9th, 2010 at 5:15 pm
He post chu va thra emmmm!! “Khawvel hi bo maseh Isua ka nei” kan ti thei em le? Kan thinlunga khawvel zz -kan nu & pa, unau,ngaihzawng, sum & pai, dinhmun etc zong2 te hi bo vek maseh Isua neitu te tan chuan a thlamuanthlak ani.
Report this comment
August 9th, 2010 at 5:45 pm
@jewel.. a har thin em a ni.
Report this comment
August 9th, 2010 at 6:29 pm
@rotciv mihring chuan har e..maseh Pathian puihna chuan engkim a thei a lom
Report this comment