India ram a state leh state football a inelna lian ber leh sang ber Santosh Trophy tia kan hriat lar National Football Championship vawi 63 na chu May ni 24 – 14 June 2009 chhungin Tamil Nadu ah khelh tan a ni leh dawn ta. Preliminary round chu Tamil Nadu state chhung a stadium hrang hrang JN Stadium,Chennai, Nehru Stadium Coimbatore, St Joseph College ,Tiruchirapalli, Thiruvallore ah te khelh a ni ang. Nikum a champion Punjab, Runners up Services, semi finalist West Bengal leh Karnataka te chuan Quarter Final League Round atangin an khel ve tan ang.
Thla hnih kal ta atang khan thenawm state Assam chuan Santosh Trophy atan hian inbuatsaihna an nei tan tawh a. Anni ang bawk Kerala chuan ngawrh takin an inbuatsaih tawh bawk a. State hrang hrang FA te chuan an state pawn a khel player te pawh state team an zawm thuai theih nan chak takin hma an la bawk a. Nikum a semi final a chak zo ta lo, West Bengal pawh in thla khat kal ta atang khan West Bengal aiawh a khel thei tur players thlan chhin (Probables) a tarchhuak tawh a. Assam Football Association (AFA) chuan Santosh Trophy khel tur a inbuatsaihna a nei hma hle a. Kumin kum tir lam khan a thawh khatna ah player 40 a ko a, heng mite hian February 28 – March 10 chhung khan camp an nei a.An inbuatsaih chhung hian foreign coach pathum Robert E. Gray, Henry Carl, leh Carver Gray ten an enkawl a. Assam hian US-based firm FS Sports ten an sponsored vangin ram dang mite coach ten an kaihhruai theih phah a. Kumin ah hian a lo berah quater final khelh phak ngei an tum ruh hle.
Kan thenawm lawk a awm Manipur pawhin March 17 khan Santosh Trophy khel tur player thlan chhin chu a puangin state pawn a khel an player te nen a hma thei ang a an khelh ho theihna turin tan a la nghal a. A thawh khatna a player an thlan chhin te hian camp an nei zui nghal bawk. A thlengtu tur Tamil Nadu pawhin preparatory camp thawh hnihna chu St. Joseph’s College of Engineering ah April 10 atang khan an nei leh tawh a. Tamil Nadu football thuneitu te chuan player 30 a ko phawt a. I-League a khel phak player pariat an neih te chuan hun rei loteah Tamil Nadu camp hi an zawm theih beisei a ni a. AFC Cup khel tur player pahnih an neih te pawhin May thla tirah Tamil Nadu camp hi an zawm theih a beisei thu an coach P. Thulasi chuan a sawi. Heng bakah hian India ram chhunga state hrang hrang leh UT thlengin Santosh Trophy khel tur a inbuatsaih chho mek zel a. Kum 1941 atanga khelh tan Santosh Trophy hi a kum telin Inda mipui ten an hlut chho zel a. club leh club inkhel ai mahin entu pawh a ngah chang a tam mai.
Mizoram hi tarlan fo tawh thin angin, Santosh Trophy ah vawi khat mah quater final pawh a la thleng ngai lo a. Kumin ah hian kan player neih that te hman kim se emaw state chhunga player kan neih te khawn kawmin, khel thei ta se quater final khel thei turin chance tha tak a in hawng a ni. Kumin ah hian Mizoram chu Cluster III ah awmin Jammu & Kashmir, Madhya Pradesh leh Pondicherry te nen an awm tlang a. Mizoram pool a awm te hi Indian football ah keini aia an thlen san kan hre ngai lo. Nikum khan J&K hi a thlengtu an nih vangin quater final ah emaw chuan an inhlangkai ve mai thei. Madhya Pradesh leh Pondicherry hian hriat theih chhinah quater final anla thleng ngai lo bawk. Indian football ah heng state te ai hian India tan player pawh kan thawh hnem zawk ang a. I – League khel phak player pawh kan ngah zawk ngei ang. Mahse Mizoram hian he thu ziah a nih lai hian player tur a la thlang fel lo niin a lang.
Kumin ah hian Mizoram hian Tiruchirappalli ah Preliminary round hi a khel dawn a. Mizoram hi Cluster III ah pakhatna a nih chuan Cluster IV a pakhatna nen Pre Quarter Final knock out ni 31 May ah an khel ang a. An chak a nih chuan quater final league an khel thei ang.
THE CLUSTER
Cluster I: Kerala , Chhattisgarh , Chandigarh & Nagaland.
Cluster II : Maharashtra ,Meghalaya , Uttar Pradesh.
Cluster III : Jammu and Kashmir ,Mizoram, Madhya Pradesh & Pondicherry.
Cluster IV : Goa , Orissa , Jharkhand.
Cluster V : Railways , Delhi , Assam.
Cluster VI : Manipur, Uttarakhand & Sikkim.
Cluster VII : Haryana ,Gujarat , Bihar.
Cluster VIII: Tamilnadu , Tripura ,Himachal Pradesh ,Rajasthan.
MIZORAM FIXTURES
24.05.09 – Mizoram Vs Pondicherry
26.05.09 – Madhya Pradesh Vs Mizoram
28.05.09 – Mizoram Vs Jammu & Kashmir
.
Similar Posts:
- 63rd Santosh Trophy a Mizoram aiawh tur te
- Santosh Trophy: Mizoram through!!!
- Santosh Trophy ah Mizoram engtak ang maw?
- Santosh Trophy 2010 ah beisei a sang
- Indian Football-ah Thil Thar? (Santosh Trophy-ah senior team-a mi tel phal lo)
May 2nd, 2009 at 1:49 pm
In la khawm thra deuhin uluk zawkin in puah chah in mahni tan nilo, Mizoram tan khel ila kan champion theih ngei ka beisei…
Report this comment
May 2nd, 2009 at 3:33 pm
duhsak bik leh thlei bik neilo khan kan hruaitu te khan team selection siam se, chuan kan players te poh kan ram leh hnam tan tiin theihtawp han chuah se, keini mipui ten in hnungah kan theihtawp in kan lo pui don che u nia.
Report this comment
May 3rd, 2009 at 5:36 am
Cluster han tih deuh kher khi,a dangdai ve hle mai.,Group te pawh tih ve mai awm
Report this comment
May 3rd, 2009 at 2:37 pm
en ve a va chakawm ve oooo…
Report this comment
May 3rd, 2009 at 2:53 pm
han inkhawnkhawm tha deuh se la..kan haw lai a ni khanglang a,,ka va en ve chak mai2 m..
Report this comment
May 24th, 2009 at 7:40 am
an vuai cha e mai.. an thleng sang kher lo mai thei….
Report this comment
May 30th, 2009 at 10:22 am
Mizoram gets past J&K ….
TIRUCHI: Mizoram ensured a berth in the pre-quarterfinals of the National football championship for the Santosh Trophy, with a 3-0 win over Jammu & Kashmir in the final Cluster III league match here on Thursday. Mizoram topped the cluster with seven points from three games.
Source: https://www.hindu.com/2009/05/2.....161800.htm
Report this comment
July 26th, 2011 at 10:57 pm
ÄÅÌÎÍÒÀÆ È ÂÛÂÎÇ ÌÓÑÎÐÀ…
minny…
Report this comment