India hi a ram a zau in sakhaw hrang hrang ringtute kan tam bawk a, khawvela festival ngah ber pawl kan ni awm e. Keini Mizo te pawh India khua leh tui, India rama cheng kan ni a, chuvang chuan heng festivals hrang hrang te hi hre ve ila a tha in ka hria.
Vawiin hi Raksha Bandhan a ni a, Hindu festival a ni a, unau mipa leh hmeichhia inhmangaihna, induhsaktawnna entirna a ni ber ang chu. Hindu hmeichhia te’n an unaupa te banah banbun “Rakhi” an bun tir thin a, tichuan a unaupa chuan thilpek engemaw a lo pe let ve leh thin a. A entir ber chu hmeichhia khan a unaupa kha amah venghim tlat tura a va ngenna a ni a, a unaupa chuan a thilpek pek let hmang chuan a lo intiam ve thin a ni.
Vairama awm te chuan khawlai ah leh dawrah te Rakhi an zawrh chu in hmu ngei ang le. Pianpui unaupa te kher lo pawh “Rakhi” hi a bun tir theih a, cousin te, thiantha te pawh a buntir theih vek. “Eng chhiatna pawh ka chungah lo thleng se min chhan tlat turin ka ring tawk che” tihna ang deuh a ni ber.
Raksha Bandhan hi Hindu calendar a Shraavana thla a thla bial ni ah hman thin a ni. A history leh state hrang hrang a an hman dan te chu a source wikipedia ah hian a en theih e:
https://en.wikipedia.org/wiki/Raksha_Bandhan
Similar Posts:
- Indian Festivals: Diwali
- Indian Festivals: Sankranti
- Anthurium festival neih leh a tul em?
- Melbourne khawpuiah Khuado harvest festival hmanna
- Indian Festivals: Holi
August 24th, 2010 at 9:31 pm
Coconut pawh an sawhkeh tawh a, rakhi pawh hi an la inbun tir lovang tih a sawi theih loh. A inti hre ril deuh khan ‘a pawi chuang lo’ an ti leh ang a. Zungbun pawh hi kutzungtang tam zawkah an bun tuar tawh mai… kan hruaitute ho hian!!!!
Report this comment
August 24th, 2010 at 9:41 pm
he post chu tha in ti bawk a a dang chhuah leh te’ng!!
Report this comment
August 24th, 2010 at 9:49 pm
A tha, rawn ti zel teh. Hrethiam lovin thenkhat kan lo mualpho hlauh dah ang e
Report this comment
August 24th, 2010 at 11:02 pm
Tradition tha tak niin ka hria kei chu,Mizo te hian hetiang ang chi lam hi kan han nei lo em em khawp a, Unau in hmangaihna pawh a zual ngei ang tih ka ring, Raichura orphanage Home pakhatah he “Raksha Bandhan” hi urhsun takin naupang te te in an hmang a, rilru a khawih duh khawp mai. Good post…
Report this comment
August 24th, 2010 at 11:47 pm
Report this comment
August 25th, 2010 at 1:16 am
Mr TSa leh lalmizualpa, in awm em? titi pui tur ka va nei lo ve
Report this comment
August 25th, 2010 at 7:44 am
Tlai khawhnuah post-tu nu zah vangin kan sawi ve mai mai… keini pawh thiante(nula ho) khan min buntir ve nawk nawk thin kha maw?
Report this comment
August 25th, 2010 at 10:28 am
comment tur ka hre lo.
Report this comment
August 25th, 2010 at 10:41 am
Raksha Bandhan hi ni bik awm lovin an hmang thin em ni? 2006 khan Delhi-ah chuan August thla tir lam khan an hmang tlat mai.
Report this comment
August 25th, 2010 at 11:25 am
@bucko, eng sakhua mah an copy lo, chengkhat thir dah khan, a rimchhe har deuh an ti. Aizawla ka awmlai khan an ti hih ka hmu fo mai.
Report this comment